زوجي السهر واهماله لي ابغى حل امانه لا تطنشوني

اشكوكم جميعا بس لا زم نلاقي حل لازم
لازم
 
الحال من بعضه انا دوام الصباح الفجر من 5 ويجي 6المغرب يتغدى ويطلع مايجي الا10 او11 وينام على طول واذاجيته احيانا ابي ــــــــ اذا كان راغب اوكيه مايبي قال تعبان طيب وحنا والعيال الى متى على هالحال قال يعجبك والابكيفك والله مرات انقر واصيح وعيالي مرات اعصب عليهم وارجع اقول مالهم ذنب
 
وانا مايحس فيني احاول احسسه ماكو فايده سهر جن عايش بروحه
نا مب قادره استحمل
 
هههههههههههههههه والله ضحكتوني وفرحتوني يعني مو بس انا اللي أعاني كثير حريم مثلي
الله يكون بالعون.........انا تعبت من زوجي في حكاية السهر وحاولت بكل الطرق والحين انا استسلمت
وبيني وبينكم الرجال يطلع ولا يجلس على كبدي .......بس الشئ لا زاد عن حده موب زين
انا الحين لما اكلمه عن السهر يقول كل أصحابي سهرانين صاروا ما يشوفون السهر شئ لان المجتمع كله تغير
ياحليل زمن آبائنا الله يرحمهم

المهم حاولي انك تشغلين نفسك وحددي له وقت لك مو طول اليوم ساعه اوساعتين وشدي في الطلب لاتتهاونين
وقولي انا ما قصرت معاك اخليك كل يوم تسهر وماأنكد عليك بس لازم تعطيني وقتي انا بعد

ولكن لابد تتأكدين من طلعاته ولا تسكتين الزمن هذا والله يخوف بس اذا انتي واثقه منه خلاص يطلع مع الشباب ولا يفكر في غيري .............الله يكون في العون........والله اني اكتب مستعجله معليش اذا فيه تخبيص
 
الله يعينك عليه خليك عايديه ولا تكشرين في وجه بس عليكي با التطنيش
 
مومعقول ايش رأسه ؟يروح الدوام مواصل يأختي وتجلسين بروحك طول الليل مومعقول ابد ناقشيه مره ومرتين وعشر
ياحبيبتي قولي له ان لبدنك عليك حق ان الله احياك بتلحق على كل شيء موكل شيء بتحصله مره وحده
وانت استمري بتذكيره بطريقه رومنسيه وهاديه يعني موبصراخ وصياح لانه الرجل مايحب الحرمه النكديه
لما يرسل لك يقول كبري الوساده ونامي لاتسكتين ردي عليه برسايل(كيف يجيني النوم وعيوني مومعي)،(تأخرت تعال اشتقت لك )صوري الفراش وقولي تنتظرك جلسة مساج)(،ومن هالكلام شوي شوي ييتغير
اله يرده لك ويحصنه عن الحرام
 
(( هاذي ثالث مرة تصير ما ودي اشتكي لاهلي ))

غاليتي هذه الجملة ذكرتيها وتوقفت عندها لاستخرج اساس المشكله في الموضوع !!

كثيرات يكتمن اسرار عميقة وخطيرة في العلاقة الزوجية بهدف عدم اقلاق الاهل او ربما عدم الرغبة في فظح الزوج

وتعريضة لمواقف محرجة مع اهل الزوجة ,,,,,,,,

ولكن عزيزتي ....... انتبهي !!

انت بسكوتك وكانك تقولين له .......... (( افعل كل ما يخطر ببالك حبيبي فانا بئر عميق لفظائحك وتقصيرك )) وكل

ذلك بسبب عبارة كم ترددت على اسماعنا منذ الصغر وهي كثيرا ما تنفعنا في الحياة وكثيرا ايظا ما تضرنا اذا لم نتقن وقت استخدامها الا وهي :

(( المراة ستر وغطاء على زوجها )) !!!!!!!!!!!!!!!!!!!

نعم انا معك نحن ستر على همومهم وستر على عيوبهم البسيطة ولكننا لم ولن نكون شياطين خرساء لمصائبهم .....

نصيحتي لك :

اذا كان هناك من هو حكيم من احدى والديك او احدا من اهلك فلا تتردي بطرح مشكلة زوجك ولو انها في بدايتها ...

فسكوتك واهمالك للامر سيجلب لك الهموم العظيمة غدا ولما ؟؟؟

تداركي الامر من بدايته قبل ان يتحول لما لن تستطيعين تلاحقه في النهاية ........


موفقة
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل