زوجي السابق أم الجديد القادم؟؟؟

الحالة
مغلق و غير مفتوح للمزيد من الردود.
نصيحه لله اذا انت تعرفين ان زوجك ماتزوج لسى لاتدقين عليه و استني لاتردين ع الثاني استخيري لهم سواء اذا في الاول خير ونيته انه يرجع لك يدق ثاني واذافي الثاني خير لك ان ربي يسر لك امرك....لانو لو دقيتي عليه بيقول ماصدقت خبر وشاريتني لو اضطريتي انك تدقي وطولت المده مادق خلي احد من اخوانك او ابوك يدق عليه يقول ان البنت تقول انك داق تامر على شي تبي شي نوصله او تسال عنه قولنا نوصل لها بطريق غير مباشر تتعرفين اذا هو يبغاك او لا اذا هو يبغاك بيفرح ويفتح السالفه لاهلك ..واذا ماقال شي استخيري للثاني

لكن الاستخاره سبحان الله مع التوكل ع الله والثقه به وربي انه بيسرلك امورك مو ع اللي انتي تبين وتشتهين لا ع اللي مكتوب لك فيه خير بحياتك ياتردين الثاني او يدق الاول بامر من الله ويطلب يدك ثاني والله يوفقك ويسعدك انتبهي لاتدقين عليه وبس لانه طليقك مو زوجك ولا انت ع ذمته قدري نفسك يقدرك
 
ماعندي فكره
بس ماحبيت ادخل وماادعيلج
الله يكون بعونج ياقلبي ويسهل عليج يارب
 
اختي انصحك بالتريث وعدم اخد اي قرار لأنك مشوشة انتي مرتي بتجربة الزواج وانفصلت واذا تسرعت في الزواج مرة ثانية فمصيرك الطلاق مرة ثانية خاصة وانه متزوج واب عيال كون زوجته لا تهتم فيه ذريعة ليتعدد والا كيف جابو 3 اولاد انصحك لو فكرت شوية ان ترجعي لزوجك السابق على الاقل هو متمسك فيك ومازال يفكر فيك حسب اتصاله لك لكن تثاقلي عليه حتى ما تبينين له انك مشتاقة للرجوع
اتمنى ان افيدك وعيدك مبارك سعيد الله يجيب للي فيه الخير لنا كلنا
 
الله يكتب لج الخير يااارب
بس حبيبتي إنت ما يصير تعشمين نفسج بطليقج
بس من مكالمة
إنت إستخيري الله
وإللي فيه الخير الله يجدمه لج
 
طلاقك فيه غموض لم توضحي اما الثقافه فالكثير من البنات تتزوج وهي لاتعرف بامور المعاشره

مع الايام والشهور يروح الخجل وتفنن باسعاد زوجها

اما رفضك للعلاقه الخاصه لم افهم هل لازلتي بكررررر لم يتمكن زوجك منك فوضحي اكثر لكي نساعدك

اما عن اتصال طليقك لاتردي عليه فافضل شي ارسلي رساله له ماسبب اتصاله
 
طليقك لو يبغى شي ضروري راح يتصل ثاني
انتي استخيري والله يكتبلك اللي فيه الخير
تقبلي مروري :)
 
اختي لواني منك اذا زوجك الاول بيرجعك ترجعي لة وش لك بمشاكل المتزوج
 
مساء الخير .......اولا استخيري ثم الدعاء ثم الصدقة ثم قراءة القران ومشكلتي مع زوج ما يتحمل مسؤلية وكل وحدة عندها مشكلة
 
استخيري اولا,,
ومن ناحية طليقك ..انا مانصحك تردي عليه
لانو ما فيه شي بينكم حاليا ..خلي واحد من اخوانك
يكلمة ..لانو كذا بتكبرين في عين اهلك وطليقك
وبتزيد الثقة فيك..
 
الظاهر انه ماشوش تفكيرك الا لانك حنيتي له ........والا؟

عالعموم استخيرررررررررررررررررري
 
استخيري الله في العوده الى زوجك السابق
عزيزتي الزواج من رجل متزوج
اعتقد انها للاغلبيه تجربه فاااااااااااشله
 
أولا الزواج من رجل متزوج ليس تجربة فاشلة ....يعني نبتعد عن التعميم لأنه خطا
لكن إن كان الزوج السابق يريد إرجاعك فارجعي له .... لا تكلمينه انتظري اتصاله ... ولا تردين على الثاني إلى أن تعرفي نية زوجك السابق ....والله يوفقك للي فيه الخير و لا تنسي الاستخارة قبل اتخاذ أي قرار
 
ما أزيـد على نصايح خواتي

استخيري وتريـثي ولآ ترجعين تدقين على طليقك إلى حين إشعار آخر

والله يكتب لك اللي فيـه الخير ،
 
يقول الله تعالى (وبعولتهن أحق بردهن إن أرادا أصلاحا )
شوفي قلبك وعقلك لا تختارين الا نفسك ماتبيه وتتركين الا نفسك تميل له
وبعدين المتزوج مو من قبيلتكم يعني بتكوني بعيده عن هلك
وصدق الاقال (مجنون تعرفه ولاعاقل تجهله )
 
استخيري والله يكتب لك اللي فيه خير
 
الحالة
مغلق و غير مفتوح للمزيد من الردود.
عودة
أعلى أسفل