زوجي الخاين

اهو ماشي على هالطريق من قبل زواجنا يعني اشوف انا سواء كنت مقصرة ولا مو مقصرة مو هذالسبب لان من ايام الملكة حسيته يشك ويتكلم معي عن البلاوي الي تصير من النت باستمرار ومايبيني اتصفح فيه
 
حبيبتى حبيبت اقولك انك بنت اصول و بنت ناس و رغم كل اللى سواه فيكى فانه فعلا يحبك رغم كل شئ و هو خايف عليكى و خايف على حياته معكى تتهدم و لكن ما اكثرها الفتن و ناس الحرام
ربى يكفننا جميعا شر الفتن
 
والله مادري اذا يحبني ولا يريد زوجة مضمونة وبيت واعيال مستقرين في حياته ويروح يلعب ويخون على راحته البارح حلمت حلم اني ذهبت معاه الى شقتي القديمة في منز ل اهله ورايت مزهرية سكرية اللون متساقطة اغصانها وبدات اعيد تركيبها واقول لزوجي سناخذ هذه الطاولة الى مجلسنا في شقتنا الحالية اذا احد يعرف يفسر لي هالحلم بحثت بالنت مالقيت تفسير
 
الحلم لاتتطرقين الى تفسيره يمكن أن يكون أضغاث أحلام
أن الله لايغير مآبقوم حتى يغيروآ مآ بأنفسهم
المرأه لاتتنفق على زوجهآ حتى لو كان لهآ رآتب وفي الدين يحق للزوج أن ينفق على زوجته وبناته
تابعي هالمقطع للشيخ عبدالعزيز الفوزان عن راتب الزوجه هل تعطيه زوجها او لا

https://www.youtube.com/watch?v=ga3BuovXONM

وأتمنى أن تخبرينآ فصيلة دم زوجك وانتي ماهي فصيلة دمك
ولاتحزني للكُل شيء وله حل


​
 
ويفرج هم كل مهمومة يارب والله اختي ماعرف فصيلة دمنا اليوم طلعت مع اهلي انفس عن نفسي والحين رجعت احس مكتومة ودي اصرخ استغفر الله وجيت افضفض لكم لان كلامكم يريحني واقرا في مشاكل العضوات عشان تهون علي مشكلتي الله يفرج علينا
 
https://www.youtube.com/watch?v=_LAQSlIxbFs

تابعي ايضاً هذا المقطع للشيخ وسيم يوسف يتحدث عن أمرأه خآنهآ زوجهآ

https://www.youtube.com/watch?v=il6o4u9QaI0

علاقة الزوجه بزوجهآ العاصي للشيخ محمد حسين يعقوب

https://www.youtube.com/watch?v=TfjASThRebo

امرأه تقول للشيخ وسيم يوسف زوجي خائن هل أترك له المنزل ؟

https://www.youtube.com/watch?v=8ROh4LNa4ug

زوجها خائن للشيخ محمد العريفي



ونصيحه يا أختي يجب عليكِ أن تنظري الى مآبينك وبين الله
فأذا صلحت صلح مآفي حياتك كلهآ بأذن الله ​
 
المستجدات ابوه كلم خاله يكلم ابوي يبون يجتمعون ويتفاهمون مايبون طلاق ابوي رفض قال ضغطنا عليها 10سنوات لعل وعسى يتعدل مانبي نجتمع بس ابوي ماعلمة بسبب الطلاق قال له مابي اصرح بالسبب وانا طبعا مابي السبب يطلع مع ان الناس تفهم وتخمن طلب الطلاق من الزوجة وباصرار اكيد فيها ان
اخاف على بناتي مابي ينتشر بين الناس عن ابوهم شي
 
يارب الله يسمع منك ويقضي حوايجك وحوايج كل من دعا لي ورد علي يارب
 
زوجي للحين ناكر انا مالمسها بس تحاور على قولته هههه معاه اه بس ويرسل ويترشاني وبسسويلك الي تبين وبكتب الارض باسمك واسم بناتك وبكون خادم لك انتي وبناتك وانا للحين خايفة مو عارفة اي طريق اسلك استخير ومادري محتارة لاني اعرفه انا كلام في الهوا ماخوذ خيره من شره لورجعت هل بقدر انسى الكلام الي قالت لي عن الي سواه. معاها ولا كلام الحب معاها وكلامه عني معاها لوبيدي تطلقت وفكيت نفسي من تجربة ياناجحة يافاشلة بس للحين يحلف مايطلقني لو يشيلونه على تابوت وحتى الجلسة بالمحكمة ماحضرها عادي عنده يعلقني لين يموت
 
سلام عليكم حبيبتي انا انصحك انك ماتطلقي ابدا و ترجعي بيتك لاكن تغيري معاملتك و من نفسك خليه يندم و مايرتاح ابد فحياته عيشي معاه فبرود ولايهمك هو الحين طاح من عينيك خليه يتربى و يندم على كل لي فات اما البنت لي عرفها ترى مالها دنب و مو هيا لي هدمت بيتك العيب منه هو هو لي راح دور عليها انتي ماعليكي منها انسيها وخدمي عقلك ورجعي كرامتك و عامليه معاملة كلاب لانه رجال كدة طبعهم مايحبو الا لي يدلهم و يتكبر عليهم و مو كلهم طبعا بس النوع الخاين كدة انتي عيشي لبناتك وفكري فيهم و لاتحطي نفسك فخانة المطلقات وانتي عارفة مجتمعنا كيف ينظر للمطلقات أتمنى اني فدتك لاكن دوسي على قلبك و عيشي بعقلك و لبناتك
 
مشكورة اختي ريم هذا الي مخوفني ومخليني اتردد ماتحمل ولا اتخيل نفسي اكون مطلقة ولاعارفة اشلون اتحمل ارجع له وانام معاه بفراش واهو بيرجع ايدلل فترة وبعدين ياخوفي يرجع نفس قبل كيف اتعامل معاه كل ماشوفه ماسك جواله بموت كل ماطلع بحترق وبتخيله مع كلبة شوارع علميني كيف اتعامل ببرود كيف ادبه واهو انسان عصبي لو تقرون الرسايل والاهانات الي ارسل له مافيه رجال يتحملها ابي يطلقي يرد انا احبك ورسايل حب ولا كاني اهينه طلعت كل الي بقلبي واهو بس يوعد بتشوفين حياة غير وبسفرك وووو وانا لاحين اقوله طلقي او اظل معلقة
 
قلبي يحترق قال:
* قلبي يحترق مو قادرة أتحمل صار لي متزوجة 10 سنوات وعندي بنتين 9 و 7سنوات
زوجي من أول زواجنا مرة شفت بجهازه سكايبي كله بنات قال محدثة على جهاز صديقة وكذب ومرة مرة ومرة بعد سنة دخل الغرفة وسكر الباب قمت وراه وسمعته يقول لها بالصالة مع بنتها حسيت بموت مايكلم أهو خواته عادته ابدا يعني ودخلت سكره بسرعه وبحملي بنتي الثانية شفت رسايل بجواله دقيت كلمتيي وحدة وقفلت بوجهي من هذي قال الرسايل من قبل تلفون الشركةوالرقم قبل لغيري كنت اعديها وانا مو مصدقته
وصارت مشكلة ورحت بيت أهلي وكذب ورجعت ودايما يحلف كذب بالله والقرآن ويدعي على نفسه بالموت واستمرت الحياه بعدها جوال مقفل واتس متصل على طول لجيت جنبه طلع منه دايما يتكلم عن الحلال والحرام والدين وينقد على برامج السناب والاستقرار
مايمر أسبوع إلا خالق مشكلة من غير سبب غيور لدرجة مقدر امشي معه بالشارع من مراقبته لايطلع صوتك لاتاشرين بصبعك
مابطول عليكم الاسبوع قبل الي فات تهاوش معي بالواتس وخلق مشكلة بعدها ماجى البيت دقت علي الصباح زوجة صديقه تقول ماتصل زوجك اذا وصلوا ولا لا قلت ليش وين أهم قالت دبي أنهرت واتصلت هاوشته بعد ماجى مافتحت له الباب ويوم ثاني قدر يدخل بعد4 أيام جى يرأضيني لأول مرة بذهب لأن كان ذكرى زواجنا عديتها قلت يمكن ندم ويتغيرمع أن قلبي قرصني هالجمعه فاتح الواتس وسبحان الله كيف صارت السالفة من غير ماكنت أراقب ولا هدفي أشك كان فاتح صورة غدا قلت وين ذي قال ربعي قلت اشوف اختبص قال أكلم الشركة الحين وأرسلها لجوالك قلت ليش يعني هذي تشوف جوالي عادي تغير وجهي راح الغرفة رحت الطف الجو قال اخذي الجوال شيكي بعد ماحذف الواتس والانستقرام أخذته وانا اضحك قلت شبعده فتحته وياليتني مافتحت فتحت الرسايل النصيه رسالة له انا طلعت من العمل وتعاملك معاي زفت وانا آسفة تغير وجهه وهويشوفني منصدمة و أسجل رقمها بجوالي وانصر ملامحه قلبت ألوان دقيت عليها من انتي ليش تراسلين زوجي قفلت بوجهي وفي هالوقت كان يبي يمنعني اكلمها ويترجاني ورسلت لي خلينا نتفاهم مين زوجك سنو اسمه قلت تعرفين اسمه قالت زوجك فلان وبناتك فلانه زوجك متزوجني متعة وانا بنت ساعتين وين أتزوجك قالت بمزرعة قلت كذابه شلون بنت تزوجين متعه قالت مالمسني بس مداعبات الحقيرة بس اهو خلص بيدي قالت مو انتي فيك الغدة وجاكي منها ضعف تبويض وووو عملك بالمكان وووو التفاصيل ماحد يعرفها إلا أنا وياه اعترف قال اكلمها بس مالمستها ولا شفتها وحلف حلف مايوصف في البداية مايعرفها بعدين جبرته يكلمها ومايبين لها اني جنبه طبعا حاول يبين قال لها شهالكلام الي قلتي لزوجتي مزرعه ولمستك قال ايه بتنكر قال لاماصار وحلفت بعصبية انه صار وقالت ياجاني زهايمر ياانت وقفله بوجهها سحب جوالي من يدي والورقة الي سجلت فيها رقمها مايدري اني حفظته ومانعني اطلع من البيت لايعرفون أهلي وأهله ظل يبكي ويترجاني وحلف كذب ويصيح منذهلة جبروته ويصبح بس كان تمثيل اول مارسلت لي متزوجني متعه صفعته وانا منهارة وضربته بعدين جات امي وطلع وعلمتها مادخلته البيت ويوم ثاني جى ابوي أخذني وقلت بتوقف معاي ولا بتظلمي قال لا مابظلمك تواصلت معاها من جوال امي يوم ثاني وقالت زوجك خدعني انه بيتزوجني دايم وقال عنك مريضة بالأمراض النفسية وووو انك مقصرة معاه بحقوقه وكله كذب وماتجيبين عيال وسواسيه وعندي رسايل أرسلها لك ارسلت لي مراسلها من رقم غير بس أسلوبه وكلماته أهو ويقول لها معلومات انه بالسوق مع بنتي وصحيح ويدلعها بالرسائل ورسالة كاتب جالس مكانك بالإستراحه ردت مجنون وضحك يقصد مكان مالتقوا كاتب انتي تأثرين علي تأثير جنوني ارسلت صورته ووصفته
قالت قال لي أجلخ لها شنو يعني قالت بيدي لين ي خ لص والله منحرجة وانا اكتب سكاكين تقطع بكل شي فيني .. وبعدها رسلت انا جاب أمه وأبوه لعمة أخوها يهددونها ماتكلمني وانا صدقتها وطلعت كذابة وكلمتها وكانت منهارة تصيح وتترجاني استر عليها خايفه يفضحهالأنها سبب في طلاقنا بتكون المهم انا الحين بيت أهلي طالبة الطلاق ورفض يحلف كذب انه تتبلى عليه وأنها بس سوف معاها والشيطان لعب عليه بس مالمسها وانا حسيت فيه ليلة الي كان معاها سبحان الله أهو شهواني ومو مقصرة معاه لليوم يترجاني ارجع وانا الموت ارحم لي ومارجع له وهورافض يقول لو يحملوني بتابوت ماطلقك أحبك كنت زوجة فراش وبس مافيه جلسة عائلية ولا سوالف كرهته وخايفة أظل معلقة نفسيتي تعبانه ومنهارة بين نيران نار رجعتي له والجحيم الي بعيشه ونار أظل معلقة وقصة بلسان الناس ونار طلاقي والله أتمنى يموت أهون علي رسالتي طويلة بس تكفون ساعدوني وأدعو لي ربي يفرج همي وظيفتي طلبت إجازة بدون راتب رفضوها ماقدر اداوم تعبت
أنقر للتوسيع...

هدي من روعك حبيبتي واكثر الرجال الحين خونه
سوي نفسك انك مصدقته وانها لعابه وتبي تفرقكم
وارجعي عشان بناتك
صدقيني بيتوب عقب هالعلقه
وقبل ترجعين اشرطي عليه رضوه والا ذهب ومايسافر الا معك والجوال بدون رمز
 
الجوال بدون رمز !عنده اكثر من رقم ومراسلها من رقم ثاني انا ماعرفه واذا عالسفر شنو بيغير كنا نسافر وشاغل نفسه بالجوال معاهم اذا عالرضوة اهو يرسل اي شي ابيه بيسويه بس هل بيتغير شي مو اول مرة صارت هالسالفة قبل 6سنوات وزعلت وطلبت الطلاق ورجع زي ماكان مدمن بنات الحرام اشلون يتغير ويتوب اختي سحابة شيضمني انا اعرفه كذاب فوق ماتصورين ويعرف يلفق اكاذيب ويحلف ويدعي على نفسه بالموت احس اني كرهتتته اتخيله معاها يسوي كل شي يسويه معاي وتولع النار بقلبي استغفر ربي واصلي هذا الي مصبري
 
اخباركم اخواني
كنت ادعي ربي واستخيره اذا في رجعتي لزوجي خير يكتب لي الحمل اشارة وخيرة لرجعتي
حللت يوم الدورة وتفاجات حامل فرحت كثير وبكيت
لكن فرحتي ماكتملت وهذي التفاصيل
 
سلام عليكم خواتي صارمعاي شي غريب يوم الجمعه الي فات موعد الدورة وانا نايمة حلمت بعجوز كانت تبي تسرق مني شي وانا خايفة سجدت وعلى طول صعدت على ظهري جلست الانازل دم اشوي برحمي هذي تابعه ؟؟؟؟وانا سبق اجهضت مرتين بعد بناتي 2 المهم وقف الدم ورحت السبت سويت تحليل دم طلع حامللل والهرمون عالي بعدها ب4ايام الي اهو اليوم نزل دم خفيف ورحت المستشفى سوولي تحليل دم وبول وسونار تفاجأت تقول مافيه حمل ماكتمل نزل وين نزل مانزل علي شي نقطتين بس قالت هذا حنل كيمياىي لان التحليل اليوم نسبة الهرمون مدري قالت 25 او اقل ماركزت معاها من الصدمة وانا ابكي جيت الحين البيت سويت منزلي طلع خطين غامق وفاتح قالت لي لاتاخذين المثبت قلت لها واذا طلع حمل ارجعت لي قالت خلاص اخذيه مافيه ضرر وبعد كم يوم نعيد التحاليل الله يجزاكم خير مين سمعت بنفس قصتي
 
ربى يكتبلك الخير كله حبيبتى
و لا تبكى و لا شئ اللى تحكيه صل عى مرتين و لله الامر من قبل من بعد
و اذا رضيتى بقضاء الله دون سخط حتى لو بداخلك صدقى ان الله سيعوضك خيرا منه
 
الله يعينك قصتك قريبة مني بس انا ما زلت في بيتي فقط مشان اولادي ما النا الا الصبر والدعاء
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل