زوجي الحنون وزواجه علي2

الله يصبرك اختي ........
والله يرده لك يارب
 
والله ما ادري وش اقول

هل فيه احد متحدي زوجك بها الزواج وش اللي جابره غريبه صراحه

وانا مع الاخت ترايفل تحليلها منطقي جدا

الله يسخره لك
 
ياحبيبتي أذا صار يومك عيشي ولاكأنو متزوج عليك
وأذا يومها أنسيه نهائي وانصحيه يعدل بينكم
وووووولاتسألين عنها ابد
وتوكلي على ربك وأبد مايضيعك ...
 
تقريبا نفس اللي صار لك صار لامي قبل عشرين سنه تزوج ابوي مطلقه كبيره من اقاربه طلبا للاجر مع انه مع امي سمن على عسل وبينها وبين امي فرق السماء عن الارض وتصرف تقريبا مثل زوجك يصبر نفسه عليها وسكنها جنب اهلها بالضبط عشان يرتاح من همها وطار بامي زياده وعيشها ملكه واستمر على هالحال سنه فقط الى ان حملت ورجع يطير معها مع ان امي كانت حامل في نفس الفتره بس كانت هي تتمسكن وتتميرض وامي من حبها له توصيه عليها وترسلها اكلات وادويه تقهرنا واحنا نشوف التمثيل عيني عينك اذا شافت ابوي صارت تتاوه واذا طلع قضت على كل الاكل اللي في الثلاجه ..وتغير على امي سنين لدرجة وصلت بينهم الى الطلاق وصار يحبها وطاير فيها وبعيالها مع انها جابت اثنين وتوقفت بحكم السن ..نصيحه لاتثقين في الرجال ممكن تستخدم كيد النساء وتقلبه عليك ولاتسوين لي فيها مثاليه وتوصينه يعدل ومايظلم وتحننينه عليها كانه بزر هو رجال وعارف وذنبه على جنبه ...اشتغلي عليه بكيد النساء واجذبيه لك وهذا حق لك اذا ماعدل هو يتحمل مالك شغل فيه ...حلوه ذي كل شي احنا الحريم نتحمله يتزوج بدون سبب ونقول ماعليه اصبر ولي الاجر... مايجبها ويظلمها واتحمل عنه الذنب واطالبه يعدل ويروح لها ..ماباقي الا نقول ياحريم انتبهوا يذنبون ازواجكم والا ادخلوا النار بدالهم ولكم الاجر
 
انا مع كلاام اختي الشتااء الدافي ..........
صراحه القصه اللي قالتها تخلي الواحد يخاااف
الاجر الللي يبي يهدم بيتك ما تبينه وبعنى عنه والله ...
حافظي على زوجك ياااختى وربي يرده لك ....
 
لا معليش شوي بس
على اي أساس أوصيه يعدل بيني وبينها وهو يوم يتزوج أخذ موافقتي أو حتى استشارني أو انه اخذ بخاطري
ومثل ماهو تزوج عشان يرضي غروره وأقدم على هذي الخطوه فهو رجل عاقل قادر انه يميز بين الصح والغلط
أروح أنا أوصيه عشان ماأذنب .......سوري يعني بس هذا الكلام لايعقل
وعلى فكره االلي ايدو بالماي مو مثل اللي ايدو بالنار


أنا الحين أمر بنفس الضروف زوجي مملك ويبي يتزوج وحاله من حال زوجك حبيبتي برتكول
وبصراحه انا الحين ادعي ربي انو ربي يهون طلاقها ويردلي زوجي
مو ذنبي أنا باللي يسويه غيري يعني بالله يوم الثانيه ترضى تتزوج مافكرت غير بنفسها والاستاذ يوم يتزوج مافكر غير بنفسه وبهاللحظات هذي أنا ماراح أفكر غير بنفسي.......​
 
انا مع الاخت.....نفس القصة والسيناريو صار معاي بالضبط.........تفاجأ وماعجبته ابدا ومر عالموضوع سنة كوب الشاي ماتعرف تسويه...!!!!!!
بكا وانهار وركع تحت رجولي بعد الملكة ويوم عرفت وشليت اغراضي بيت اهلي.......وحلفلي اني حبه الاول والاخير!!
كان حنون وكريم وجدا عاطفي معي اول الاياااااااااااااااااااام ومطيح عندي ومسجات غرامية ..وحبيبتي وعيوني رغم اني $ سنين قبل زواجه ماسمعتهم...للعلم نمطه شمالي شرقي...محافظ جدا وروتيني وونااااااااااااااشف ومتسلط وعنيد!!!

الفرق!!!!!!!!!!!!!!

اني عزت علي نفسي اقبل هذا الوضع....وكل كلمة حبيبتي او لمسة حنونة منه تجيبلي غثيان واشمئزاز اكثر منه ..........رغم اني احسه صادق فيها.........بس جت بالوقت الضايع.......ماقصرت عليه بشئ ابدا.....واهتميت بنفسي وحاولت اجدد بحياتي وشكلي بكل طريقة واستعنت بدوات بهالمنتدى ومقصات ومشارط الجراحين ولكن هيهات!!!!!!!!! اللي في راسه سواااااااااااااااااااااااااه عشان يبين للناس انه قد كلمة قالها علنا بالمجالس!!!


خل الل يسوى ومايسوى يشمت فيني ويحلل اش فيها ومافيها ويريدني بكل بساطة اركض وراااااااااااااااااااااااااااه واكون له مثل اول........مستحيل

الله يكملج بعقلج وصبرج بس انا اعلنت انسحابي من حياته ولي اربع شهور يجي ينام بليلتي بغرفته لوحده..........!!!...........وااكد لو كان يحب الثانية وميت عليها كان راح لها بعد تنازلي عن ليلتي.......وعالاقل مايطيرها كل ويكند عند اهلها...........بكل بسااااااطة هالرجاااااااااال انانين ودموعهم وبكاهم دموع تماسيح...........انقلب علي وعلى الثانية...وعايش الحين لنفسه بس وعياله وروحات وخرجات مع اصحابه واهله خروج وهروب من الواقع.......ومااستبعد يتزوج الثالثة!!!!!!!!!!!!!!!

بصراحة يمكن اسلوبج يجدي معاااااااااااااااااااه ماقول اني صح وسوي مثلي وضيعي زوجج لكن انا ماقدرت لانه مايستاهل دمعة وحدة من عيوني خلاني انزلها عشانه وليالي سهرتها وحيدة اناجي مخدته والوحدة والقهر!!!!!!!!
 
ااااااااااااه يقلبي .. لا تقلبين المواجع خلني قد نسيت

الله المستعاااااااااان من هالرجال .. بحر ..صعب نعرف موجته اي اتجاه .. لا جينا شمال لقينا الوج جنوب ..ولا جينا جنوب لقيناها شمال .. يا رب الرحمه بس .. الله يربط على قلبج يا اختي
 
والله اني مسغربه من هاالرجال في البدايه كلهم نفس الكلام نا احبك وانت وانت

كذابين حسبي الله عليهم ماهمهم الا نفسهم قمت الانانيه

والله الواحد مايتزوج الا وفاكر نفسه عنتر زمانه وانه مافي بسطته احد فيهم غرور عجيب

ويحسسون الوحده انها غاليه ومافيه زيها وهو في نفسه طاير من الفرحه بس يعرفون يلعبونها زين

الله يعينك ويربط على قلبك اللهم امين
 
استغفر الله هذى بدل مايكسب اجررررررررررر على قوله يبي يكسب اثم باالمسكينه للي جايبها له وانتبههههههههههههههههههههههههههههههههي ل يغير الموجهه عليها
 
اهلين

اختي طبعا انا مع كلام اختي الشتاء الدافي
ولا تفرحين مرت بي نفس الظروف ونفس هاذا الوضع لدرجة انه بعد زواجه
بكى بكاء الطفل من الضيق وانه ماارتاح بس كله تقريبا شهر وبدا الوضع بالتغير تدريجيا
وها انا بعد كضي سنوات من زواجه والامر لم يكن لصالحي ابداا

واتمنى من العلي القدير ان يسخر ازواجنا لنا ويجعلنا قرة اعينهم يارب العالمين





​
 
الله يسعدكم ويرده لك لوحدك قريب يارب وخليكي على وضعك ماشاء الله تبارك الله اسم الله عليكي لو انا قلبت عليه وتغيرت بس انتي من جد ماشاء الله عليكي عرفت تحافضين عليه وتردينه لك @
 
ع اي اساس تزوجها ؟؟؟ عشان يظلمها يعني
بمختصر الهرج اتوقع انه كذاااااااااااااااب يبي يضمن وجودك ف حياته وبعدين يمشي الامور عادي
استني بس لما تحمل وشوفي
 
هلا

كلام ترايفل صحيح ميه فالميه

صار معي نفس اللي قالت
لما ضمن وجودي معاه وحبي بدا يحبها ويحزن عليها ويميل لها وحتى يمكن لو يجيب لي علك يجيب لها
وانا مثل بروتكول هي اكبر مني ومن زوجي

اسمحي لي ترايفل اصفق لك

وكلامك يا الشتا الدافي في محله

ابي اقول لاختي بروتكول دايم ادعي ) اللهم اجعله اطوع من يميني لي واحوج من جنبي لي (
 
الله يزيد المحبة ويوفقكم في حياتكم والله يسهل عليج ويعينج الغالية
 
احتوي زوجك بالعاطفه ودا الموضوع لا تتكلمي فيه معاه وحلو ردك لمن استشارك وقلك مو مرتاح وقلتيله انت ما استشرتني
ادعي دايما انه ربي يسخره لك ماشاء الله عليكم الله يحميكم من كل عين زوجك يحبك ويموت فيكي وباين من تصرفاته​
 
لايمشي المسلسل عليك ياخويتي وانه مو مرتاح معاها وانه وانه صدقيني والله اعلم انه تمثيل بتمثيل
والله ان زوجي مابقى شي ولاخلى شي اول زواجه وانا الكل بالكل وانا الحلوه وانا وانا طلع كذب بكذب وجواله كل غزل بغزل الا مهبول فيهاا جععله يصحى من هباله
للدرجة انه يقول ما قربت منها ولاجيتهاا ولامسيتهاا يع منها ومن هالحكي وهي الحين حامل واشوف فواتير انواع المستوصفات والمستشفيات باسمها يراجع بهاا وانا يوم كنت حامل راح وتزوج علي ولاراجع بي ولا فكر فيني الا بعد إلحاح مني وتدهور صحتي الشكوى لله

يعني الرجاجيل كذابين الا من رحم ربي وغشاشين ومالهم آماان
الي يحب مايجرح حبيبه ولايفكر يأذيه بشي بس راح الحب وزمن الحب عسى ربي يعوضنا خير

ما اقول غير حسبنا الله ونعم الوكيل وإن الله مع الصابرين ربي يفرجها علي وعليك وعلى كل المسلمين ياحي ياقيوم ​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل