زوجي الحبيب واهلي

[بنت الشهارية]

السلام عليكم ورحمة الله وبركاته
اخواتي الحبيبات :icon26: بلقيسيات الخير والعطاء00
احببت هذا المنتدى وهذه اول استشارة لي ياليت ماتردوني ياحبايب00
نبدا:زوجي طيب وحنون وصاحب دين والحمد لله
وهو تقريبا جنوبي غربي00
تمام معاي في كل شي الحمدلله00مشكلتي معاه هي علاقته باهلي مايحبهم مايقدرهم وحدثت مشاكل بداية حياتي والى الان عشانهم حتى يصل الحال الى هجر وزعل بالايام وفي نظره الحل زوجة ثانية حتى يرتاح:tears:00اهلي طيبين ومحترمين وعلى دين واخلاق بس الطبع يختلف هو حساس وهم باردين وعلى نياتهم0 واحس انه احيانا السبب غيرة ومايحبني اطول عندهم واتركه 00يحبني ويحب عياله كثير بس احزن اذا ماقدر اهلي 0 ويدق بالكلام فيهم00اناجنوبية شرقية احب اهله واقدرهم امه واخواته يحبوني اكثر وحدة في سلفاتي وهو عارف ويمدحني دايم واقوله شوف كيف اعامل اهلك ليه انت مو كذا زواجات ومناسبات كثير مااحضرها عشانه مايبغى وانا مابدي مشاكل فاسكت وخلاص 00وانافي بلد وهم في بلد مااشوفهم الابالعطلة ومع كذ احيانا مايوديني يقول ماابغى مشاكل00 نفسي يحب اهلي ويبسط معاهم ويحترمهم 00ياليت من خبرتكم تساعدوني00ودعواتكم ياغاليات00 اسفة طولت 00اسال الله لي وللجميع السعادة في الدنيا والاخرة00

 

[وتين حبيبي]

ادعي ربك...
واعتقد السبب ان اهلك بعيدين يعني مشوااااااااااار ويلقى العياب باهلك حجه عشان ما يوديك

 

[دمعة الغيمه]

حبيبتي طيب حنون ماعلينا عسااها دووم يارب ولا يحرمك منها
لكن كل شي واهلك لايجرح فيهم قدامك..
وخبريه قولي مثل مااعز اهلك واحترمهم انت لازم تعاملهم مثل مااعامل اهلك

 

[ايام الصبا]

نصيحه وجربيها اذا سب في اهلك خليكي ساكته وبعدين روحي عنه واذا لحقك ابكي وهو طبعا بيسئلك عاد قوليله انك تجرحني

تسب اهلي وهم عزيزين على وانت ماترضى بالغلط

وخليكي هاديه لاترفعين صوتك وان شاء الله يتراجع عن سبهم اوتجريحهم

وانتي لاتطولين عند اهلك التلفون موجود كلميهم يوميا بدون مايدري وبس ريحي راسك وراسه

الله يهنيكي ويريح بالك

 

[Ms Uae]

وعليكم السلام ورحمة الله وبركاته

اختي الغالية ( الباب اللي اييك منه ريح سده واستريح )
يعني اذا زوجج ما يرتاح مع أهلج مش لازم يطول معاهم مثلا اذا انتي سايرة المنطقة اللي اهلج موجودين فيها
خليه مثلا يسلم عليهم وما يطول وولا يكثر جيات معاهم او خليه وانتي جالسة مع اهلج ياخذ عيالج يطلعهم شوي

او اذا يرتاح مع احد من اخوانج يطلع معاهم ويتعرف على ناس في هاذيك المنطقة عشان ما يمل
واذا قال شي قوليله انا احب اهلك واحترمهم فلازم تراعي هالشي وتحترم أهلي عشاني
وقولي حق اهلج ما يضايقون زوجج عشانج

بالتوفيق ان شا الله

 

[فداك الجرح]

لاتسكتين ماله حق يسب هلك ..نسيتي افضال هلك عشان زوجج ؟؟؟؟ لاحول ولاقوة الابالله ..انتي اللي استهنتي بكرامة هلك واللي مافيه خير باهله مافيه خير بالناس ..لاتسمحين له يغلط عليهم وتتحجين بالحنان والتدين والاخلاق هذي ماهي اخلاق ..وسكوووتج وتغاضيج هو اللي مخليه مكبر راسه ويجرح فيهم قدامك..الا اهلللللللللللللللك ..نصيحة لاتستهيني بيهم ولاتخلين حد يستهين بيهم ترى هم اللي باقيين لك

 

[ام عبدالرحمن@]

شوفي حبيبتي قوليله اذا بتجيب سيرت اهلي ياتذكرهم بالخير ولا اسكت وانتي غلطانه بشي تنازلتي انك تروحي عند اهلج وتزورينهم بالمناسبات والافراح انتي عودتيه على كذا امدحي اهلج عنده

قوليله ابوي ذاك اليوم قاعد يمدحك امي تقول والله ابو فلان مايقصر يسوي كذا وكذا حببيه باهلج اكثر قوليله اذا روحت بيت هلي اختي تهتم في ولد تشتريه له هدايه امي تهتم في ولدي وذاك اليوم خذتها الملاهي وهي اللي واشترت له ملابس حببيه في اهلج واكثري المدح عندهم ودايم ذكريه فيهم وقوليله هم سبب وجودي بالحياة وقوليه اذا اشتكيت حق امي وابوي عنك يطلعوني انا الغلطانه ويدافعوا عنك وقوليله ينصحوني زوجك طيب زوجك يحبك يعني بينيله انهم يحبوا زوجك خلك شوي ماكره وانتي وشطارتك بس لاتقطعي اهلك هم الباقيين لك في الحياه الرجال مالهم امان بكره اذا زعلتي الله لايقوله وين بتكون رجعتك مردك لاهلك لاتتنازلي على هالشي ابداالله يوفقك حبيبتي ويعدك ويسخر زوجك لك ^_^

 

[LaRosy.net]

السلام عليكم أختي
ان أقترح أنك أنت اللي تحاولين تصلحين العلاقه يعني تقولين ان امي تسلم عليك وتدعيلك بالتوفيق
وإذا رحتي عندهم تشترين له هديه وتقولين له أنها من امي
و أبوي يسأل عنك
ومن هالحكي وإذا ماطاع بكيفه خليه
وخلاص أنت سويتي كل اللي تقدرين عليه وما عليك إلا الدعاء
والله يجمع شملنا وشملك