زوجي الجنوبي وامة والسفر ..شوروا علي

[الليدي ديانا]

شوفي حبيبتي ..
انا بصراحه مارا حاسه فيك لان كثير يصير لي هالموقف
بعد انتي رايحه عمره انا تخيلي ساكنه بعيد عن اهلي
مع زوجي واهله وكل ماجيت اروح لاهلي اسلم عليهم
واقعد عندهم سواء عندي اختبارات او اي شي لازم معاي
احد بالسياره ياعمي يااخوه ياخواته حتى آخر مره جت
معاي اخته الصغيره طبعا اكبر مني المهم انا ساكته وماقلت
شي يوم رجع ياخذني قال اختي المتزوجه بتجي معي
وهالسالفه ذابحتني يعني انا توي عروس وكل مشاويري مااخذ
راحتي فيهم واساسا هو شي يضايق اتحدى وحده من هالامهات
ولا هالخوات بيصير لها هاالموقف مع حمولتها وبتمشي ماادري
ليش مايحبون لنا اللي يحبون لانفسهم وابشرك انا مارحت شهر
عسل خير شرواتوقع ان هالاشياء السبب الله يعيينا ويأجرنا بس
المهم احس اني قلت قصة حياتي بس والله لانك جبتيها علـ الجرح
انتي حاولي تفهمي زوجك و تقول له ولو هالمره صار وراحت معكم
مشي لانه خلاص هو قال لها مستحيل يرجع بكلمته بس على شان
المرات الجايه واهم ام زوجك لاتحس بشي احسن تتفاهمين معه هو ..

الله يوفقنا ويسخر لنا يارب ..

 

[شهد شهودي]

الغلطة غلطة زوجك المفروض ما قالها الا قبل السفر بيوم او يومين وهذا ضعف شخصية منه ان امه تفرض عليه انها تسافر معاه هو وزوجته بس انتي ادعي ربي انه يلهيها ويشغلها بامور قوية واذا سافرت معكم ورجعتوا سافري انتي وزوجك اي بلد بدونها ولا يقولها الا لما تجون تسافرون .​

 

[**حياة حالية**]

اللهم اهدنا واهدي ازواجنا وذرياتنا
واغفر لنا ولوالدينا واجعلنا باريييين بهم يا رب العالمين آآآآآآآآآآميييييين

 

[جنة أمل]

والله عيب عليها، زوجين يبون يكونون مع بعض، لازم تحشر نفسها؟ خذت نصيبها من الدنيا كزوجه، خل الثانيين ياخذون نصيبهم هم أيظا كأزواج. لازم يعني حشر النفس بين الزوجين؟ والله عيب. وصراحه من حقك تاخذين شموع وغيره، العمره كلها ساعتين، مب اسبوعين، وبعد الساعتين من حقك أنك تتمتعين إنتي زوجك وتسوون لكم جو. يعني إلين يوم القيامه بتم كل ما رحتي مع زوجك تنط بينكم؟ الله يعينك صدق.