زوجي اذا يسافر يركبه جني

[القطار السريع]

السلام عليكم ورحمة الله
شلونكم بلقيسيات

عندي مشكلة حيل معقدتني
والموضوع كله يتلخص في ان زوجي الغربي
طول ما هو في الديرة وهو شحليله ويا حلاته
صح يخربها ساعات بس مو وايد

لكنه بس يسافر يركبه جني
لااااااااااااااااااااااااااااازم بكل سفرة يسافرها يختلق مشكلة
وكانه شايل علي في قلبه ويظل من اسبوع
الى عشرة ايام ما يكلمني

وانا تعبت بصراحة من هالاسلوب البايخ
هالمرة زعل علي وما كلمني
عشرة ايام
ولما رجع اتكلم قال انه السبب انا لانه لما كان في الديرة
كنت اجلس عند النت وايد
وتكلمنا بعدها عادي

واول امس زعل مني مرة ثانية
لاني مسجلة في الفيس بوك
ولاني انسانة اعلامية فصفحتي هناك مليانة مداخلات واسئلة وغيرها
وهو بعد انسان معروف
ومن ضمن الاسئلة اللي جتني سؤال عنه

دقيت عليه لانه مسافر
ووصلت له السؤال
اتنرفز وقال اني ما احترم مشاعره
وهو خلاص ما بيرسل لي مسجات
انا هنا تنرفزت وقلت له الاتصالات والمسجات اللي بالمنية ما ابيها
واي كلام جارح منه يحتفظ فيه لنفسه

الحين صار له يومين زعلان وارسل له مسجات ما يرد
مع اني ارسل مسج او اثنين في اليوم
شسوي؟؟؟؟​

 

[ضوء القلب]

اذا اهتمامك بالنت اكثر منه وكنتي تحكيله عن مواضيعك يمكن يحس بالغيره من اهتمامك بالرد على الناس فالافضل لا تخبريه اي شي يتعلق بمواضيعك .
بس ما عرفت هو زعله على اشياء غير اهتمامك بالنت او انك ما تهتمي بالتواصل معه اوقات سفره .ومو شرط يكون مسجات ممكن يحب يسمع منك الكلام الي يحب بصوتك .

 

[القطار السريع]

لا والله يا ضوء القلب هو مشكلته انه يقول الناس اللي يتواصلون معاي وايد وانا اهتم فيهم واخليه
وينزعج اذا اجيب طاري اي احد منهم انه قال شي معين
وما يطلع حرته الا وقت سفره
شسوي؟؟؟​

 

[الروح الذائبة]

اختي زوجك احتمال يسوي معاج مشاكل وهو مسافر حتى ما يتصل وياخذ راحته من غير منغصات ويفتعل المشاكل حتى تظلي تحاتينه والله اعلم

 

[ناصرة المظلوم]

أنا من رأي الأخت الروح الذائبة

 

[Sقلبي كبيرS]

زوجك يسوى كذا عشان ماتتصلي عليه وياخذ راحته هذا اللي اتوقعه اذا كل سفرة كذا

 

[القطار السريع]

اي والله كل سفرة كذا لدرجة اني اقول من وين يجيب المشاكل هذا
زين انا الحين شسوي؟؟؟

 

[رندا كووول]

ربي يسعدك ضحكني العنوان ودخلت
اعتقد يساوي المشكله حتى ماتقولي لا لاتروح اجل سفرتك الشهر الجاي ..او احنا نروح معك ..وانتي ادرى بزوجك ,,مالك الا التطنييييش ..الله يوفقك

 

[القطار السريع]

شسوي رندا هم يضحك وهم يبكي وانا اشوف اضحك على حاله احسن
لاني اذا ما ضحكت ببكي
حسبي الله ونعم الوكيل​

 

[القطار السريع]

احتاج حل يا بلقيسيات​

 

[نقااء الثلج]

انا اقول طنشيه وخليه يزعل انتي اذا ما غلطي عليه ليش يزعل بعد ما عنده سالفه

 

[قطـــــريه]

الحل عديها هالمره وحطي ببالج المره الجايه حكري له وسدي اي باب للخلاف لو مسافر لانه فعلا يبين انه يتهاوش شان ياخذ راحته في سفرته .. لمن يسافر سوي العكس لا تتصلين ولا تسالين عنه وشوفي النتيجه

 

[ms:vip]

حبيبتي لا تخليله مجال
دقي عليه واذا ما رد
إذا كامك عاتبيه بصوت حاد
وجدي
وقوليله أنا أخاف عليك لا سمح الله صار لك شيء
وهو ليه يسافر

 

[القطار السريع]

مالي الا اني اسمع كلامكم وما ادق عليه
لانه فعلا مبين يفتعل المشاكل افتعال
وربي قهر
لا حول ولا قوة الا بالله​

 

[انثى غامضة]

الله يعينك

 

[القطار السريع]

الله يعين الكل اختي انثى​

 

[استعدت نفسي]

انا زوجي مجرد ماتخطر على باله الاجازه والسفر يركبه مليون جني ومليونين عفريت
يعني من اشوف اخلاقه تغيرت وصار عصبي ويختلق المشاكل ادري ان وراه سفر
ولوعندي حل كان حليت مشكلتي اول الله يعيني وياك

 

[الروح الذائبة]

طنشيه واتفقي معاه لما يسافر ما تتصلي فيه حتى تبتعدي عن المشاكل واذا يبيك هو يتصل مو انتي ولا تتصلي فيه وهو مسافر ابدا حتى ترتاحي وتريحي بالك منه خذي راحتك وغيري جو واعتبريها فرصه للاستجمام وراحه البال من غير الزوج واستانسي بدل ما يقلبها هم وغم وهو مستانس برى..

 

[natsomi]

أنا رأيي غير كل البلقيسيات!!!
كلهم ماعرفوا لزوجك!!
لكن أظن أني دريت.....
أختي زوجك يغاااااااااااااااااااااااااااااااار عليك
وإذا سافر يحاتيك و يفكر فيك ويموت من الهم والغيرة
فكري زين....
الفيس بوك....والرسائل....وطاري الناس الآخرين بحياتك....واضح أنه يغار عليك
يبي يجذب إنتباهك......راه يحبك و يذوب فيك
بس وده يكون هو الملك
وإنت له بس هو

فكري زين.....وغيري إستراتيجيتك
رسلي له رسائل شوق و وله.........وقولي له بس أنت بحياتي....والله إشتقت لك
يمكن يرجع لك عسل ورايق من السفر

يمكن لو تنطنشيه.....يزعل و يشوف له زوجه تحبه و تخدمه بكل موده واحترام




​

 

[القطار السريع]

شكرا بلقيسيات هو فعلا ما ينكدها علي الا اذا يبي يسافر
وصدقيني اختي natsomi حاولت معاه بالطريقة اللي قلتيها وايد
صار يرسل مسجات كلها سب وشتايم وطعن بشرفي
وفوق هذا يهددني بالطلاق فصرت اعرف له
اذا تمادى بهالمسجات ارسل له مسج واحد يغنيه عن كل المسجات اللي هو رسلها
وساعتها بس يبلع لسانه ويسكت​