زوجي اذا سافر ما يكلمني ابدددد

[أسيرة حزن]

السلام عليكم حبيباتي

انا عندي سؤال محيرني ....
انا متزوجه من اربع سنوات
وعندي طفلين
وكل هالسنوات وانا عايشه مع اهله وهو يدرس بديره ثانيه يغيب ثلاث ايام بالاسبوع

طلبته كثير انه ياخذني حتى وصلتها للطلاق لكن لا حياة لمن تنادي يقول لا اقعدي عند امي وخواتي وانا ابدرس واخلص ونستقر ان شاء الله


والمشكله
انه ما يتصل علي
انا اللي اتصل واسأل عنه
ليش ما يتصل
وش يمنعه ؟؟؟؟
كثير عاتبته لكن ماكو فايده
احس اني مصختها وانا اتصل
ودي هو اللي يتصل مو انا



وش الحل معااااه
زوجي شمالي شرقي
..
..





​

 

[فيونكا فوشيه]

طيب حبيبتي حولي تطنشيه لو اسبووع وشوفي ردة فعله


يمكن تعوود انتي اللي تتصلين عليه لذلك مريح عمره ولا يتصل

انا اقوووول طنشيه لو لفترره طويله مصيره يدق والله اعلم ​

 

[RedRose]

لا تتصلي عليه ابداااااااااااااااااااااا

تحاملي على نفسك وطنشيه ,, واذا اتصل عليك ردي عليه بعد كم دقة وانهي المكالمة بسرعة لا تطولين معاه ,, قوليله انا مشغولة بعدين اكلمك

ولا تكلمينه ورح تشوفين كيف يصير هو اللي يتصل ويمكن ياخذك معاه بعدين

بالتوفيق​

 

[دمعتي ماركه]

طنشيه وشوفي وش بيسوي

 

[أسيرة حزن]

حبيباتي فيونكا فوشيه وredrose
اشكركم على التواصل ....
لكن دايما امي تقول لا تخلينه يتعود على بعدك بعدين يسلى عنك
حسسيه انج دايما قريبه منه هل كلامها ينطبق على الشرقي الشمالي ام لااااا محتاره اي الطريقين اختار
الثقل والتطنيش
او الاتصال والتودد


وين باقي الاخوات ابي اراءكم

 

[أن حكينا ندمنا]

جربتي التودد جربي التطنيش واذا دق حسسيه انك مبسوطه مع اهلك واهله ومشغوله عنه
مره واثنين وثلاثه ..وتعمدي قفل جوالك اذا دق ولقاه قفل بيتسال وبتلفتي انتباهه...
جربت وحده من صديقاتي مع زوجها كذا وجن جنونه ورجع من سفرته بس يبغي يعرف وش مشغلها وهي اللي كانت اربع وعشرين ساعة تدقدق عليه..
والراي الأخير للأخوات الاستشاريات هنا....
حبيت افيدك بتجربتها وان شاء الله مايشو بالدنيا غيرك

 

[أن حكينا ندمنا]

ان شاء الله مايشوف بالدنيا غيرك...سقط حرف الفاء لأنه ثقيل عندي فيه مشكله..

 

[مس دلوعه]

أتوقع التطنيش بيجي معى زووجك
موووووفقه
​

 

[RedRose]

حبيبتي انت اساسا بعيدة عن زوجك وهذا اكبر غلط ,, يعني هذا الموضوع المفروض تجتهدين فيه اللين تنقلين عنده ,, بس حاليا خليك في موضوع المكالمات

بما انك مجربه بنفسك وملاحظة انك انت اللي تتصلي عليه دائما ,, اتركيه الحين لا تتصلين وجربي شوفي اش بيصير

انت بما انك تدقي عليه دائما اصلا ما اعطتيه فرصة انه هو اللي يتصل

​

 

[دلوعه ولودي]

اه جيتي على الجرح انا مثلك زوجي حبيب وحليو يحبني وبروح في سنه 4 اشهور بس وهويتصل علي بس اقلب الوقت انا اتصل اقوله ليش ماتتصل يقول مشغول اويعتذر يعني معرفت وش غيره ماكان كذ بس شنسوي

 

[بنت الظهران]

حسسيه انك مشغوله فتره بسيطه عشان
يحس انك عندك اشغال مو بس هو
مشغول
وان شاءالله تنفع معه

 

[wa7da co0ol]

السلام عليكم ورحمة الله وبركاته

اختي الغالية ماراح ازيد على اللي قالوه الاخوات ماقصروا اثقلي وطنشي

الله يسخر لك زوجك ويجعله قرة عين لك ويسكن المحبه في قلبه لك ويريك اياه​