زوجي اتعبني..

[بنت الرياضKSA]

السلام عليكم ورحمه الله وبركاته

مساء_صباح الخير...

خواتي اعضاء المنتدى انا عندي مشكله مع زوجي اناراح اقولكم مختصر عن حياتي

اناتزوجت قبل 7سنوات من ولد جيرانا كان متعلق فيني يعني خذني على حب من تجاهه

لوحده انا كنت اسمع عنه انو ولد عاقل مثقف المهم تزوجنا كانت اول سنه لي احلى ايام

عشتها حملت بسرعه جبت ولد الله يشفيه من جبته وهو مريض صدر.

من هنا بدت المشاكل بيني وبينه ولدي طول الوقت يصيح ماينام الا بالادويه وزجي خلاص

من ادنى كلمه يعصب قلت مو مشكله مايجي من الدوام الا تعبان ويجي ويلقى ولده

مستقبله صياح وعلطول المستشفى المهم اصر علي وحملت وجبت ولد قلت يمكن الولد


يسلى مع اخوه..الا زاد مع اني احاول احسسه اني قريبه منه بس مافيه فايده..

نسيت اذكران زوجي فيه غيره مو طبيعيه وهي مشكله زادت على المشاكل الاولى

بعد الخمس سنوات صاريشك فيني شك مو طبيعي لدرجه انه خلاص احظر زواجات ممنوع الا بالحسره

ماادري وش اللي قلب الرجال كذا فجاءه يمكن علشانه غير اصدقائه وربي صارت حياتي لاتطاق صار

يراقب مكالماتي يدق علي انتي وين اقوله انا في البيت متى بتجي قال يبيلي ساعتين شوي الايدخل

بعد تقريباربع ساعه شوي شوي علشان يشوف انا وش اسوي وربي تعبت منه اذا دق علي وانا اكلم

من تكلمين شوي الا بنهبل ليه رقمك مشغول ..تنازلت عن اشياء كثير لخاطره حاولت اغير فيه ماقدرت

الحين انا من شهر وانا في بيت اهلي ولا فكر يسال عني كلمه اخوي قال مااحد له دخل في حياتنا..

امي شافتني منهاره قالت خلاص تطلقي منه اذا كنت على هالحاله قولولي وش الحل معه ...

فيه اشياء كثيره ماذكرتها لكم بس حبيت اعطيكم مختصر عن اللي جرالي ...


ارجوكم احتاج مساعدتكم...

وشكراااا

 

[نجمة مضيئة]

الله يساعدك يااختي
بس نصيحتي خلي فكرة الطلاق بعيدة كل البعد عنكـ
واسحبيها من قائمة الحلول نهائيا

موبس عشان الطفلين عشانك انتي
يمكن اليوم امك بصفك مااتدرين بعد مالاسمح الله الطلاق
راح يتغير اسلوبها بمعاملتك
لي قريبة زوجها توفى بالرغم انها مصابة بوفاة زوجها باول الاايام اهلها تمام معاها
لكن بعد مدة بدئو يتمللون منها ويعاملون بقسوة واهي بعد ماهي قادرة تتأقلم مع اهلها
بعد عاشت بييت زوجها
صدقني مهما كانت صعوبة الحياة مع الزوج تراها اسهل بكثير من الحياة مع الاهل بعد الطلاق لاسمح الله

 

[hot pepper]

مالك الا حل وآآحد :

افرشي سجادتك وادعي ربك يسخره لك ويحنن قلبه عليك ,, وسهام الليل لاتخطئ

 

[لتوفي]

الله يشفي وليدك يارب اذا هو عصبي عادي مشيها له اذا يشك فيك قولي له اذا انت شاك ليه ما تطلقني و يمكن بكذا يتغير ويخاف تصرين على كلامك وشوفي راي البنات يمكن عندهم حلو احسن الله يكون في عونك

 

[lalla Asma]

الله اعينك وصبرك

 

[زهرة النسرين]

الله يعينك ويساعدك أختي
أختي لا تفكري بالطلاق صدقيني مو في صالح المرأة
حاولي تتكلمي معاه تعرفي منه ليش كده يسوي شاف منك شي زعله
وربنا يشفيلك ابنك يارب

 

[هلا الرياض]

هلا ..........بصراحه ما يبي لها حل انتي للاسف متعرفين كيف تتعاملين معاه:bigsmile: 1.اطفالك لهيهم بحلاو مصاص تلفزيون سوني دفي دي المهم انتي وياه شوفي حل ولاتعرضين المريض للبرد ولا للماء البارد وخاصه كمان المكيفات ولا راح يمرض نهائي لاني عندي نفس الحاله ونوميهم دايم اذا كان في البيت او اشرطي عليه شغال ولهيهم معها زيي:icon30: 2.الشك والغيره كل الحريم يمرون فيها لا تكلمين عنده حطي جوالك على الصامت ولا تهيجين غيرته خاصه اذا كان على جيه لا تشغلين تلفونك لازم:blow: 3.اهتمي بنفسك عشانه اغريه اعطيه كلام حلو لا تلهين عنه مهم هاذا اللى يخليه يشك لانه يحبك يغار عليك احمدي ربك الله لا يضرك تناقشي انتي وياه قولي حط مربيه للعيال عشان افضى لك زين زي الحريم ما تفضى لعيالها وصدقيني بيغير فكرته اذا كان معارض او اذا جيتي تروحين مشوار او مطعم انتي وياه حطيهم عند اهله او اهلك :icon30:اهم شي لا تهيجين غيرته خاصه با العيال والتليفون وكل هاذا طبقيه با الدعاء من قلب ان ربي يهديه ويسخره والله بتدعين لي ...........:bigsmile::bigsmile:.وحطي في بالك انك تطلقين منه حرام عندك طفلين حلي مشاكلك بحكمه والبنات في بيوت اهلهم كثير بيجي يوم ويملون منك خاصه لما تحملين كلمه مطلقه مراح احد يرضى فيك وبعد بعيالك الحين العنوسه واجده عندنا عاد الا زي حالتك بسسسسسسسسس ما اقول الا الله يهديك :icon26:وادعي لي ان ربي يسخر زوجي اللى مو لمي:schmoll::sadwalk:

 

[سواا]

ما ايد طلاقج بس حاولي ان تكسبي وده اكثر لو على حساب نفسج لان في شيء كبيييييييييير يستاهلون منج التضحية ( العياااااااااااااااااااااااااااال )

 

[سمو الأميرة]

يمكن مع انشغالج بالعيال حس انج تغيرتي عليه .. و بعدين كلن يرى الناس بعين طبعه .. لا تنسين الريال يتغير على زوجته و يصير بارد معاها اذا كان عنده حد غيرها .. و هو يمكن فكر انج نفس الشي بارده معاه لأنج تعرفين حد غيره و هذا سبب غيرته ..
لا تزيدين الطين بله .. انتي اذا حسستيه انج عادي ما تحتاجينه و خليتيه كل هالفترة بدون ما تسألين عنه خليتي شكوكه تزيد .. و لااااا تطلبين الطلاق .. بيقول اكيد تطلب الطلاق عشان تريد حد غيري ..
انصحج ارسلي له مسج انج مشتاقه له و ان الحياة ما لها طعم بدونه .. و انه هو الانسان الوحيد في حياتج ولا حد يمكن ياخذ مكانه ..
لا تنتظرين منه شي لأنه يمكن كبريائه ما يسمح له .. و تعرفين الريال ولا شي بدون كبريائه .. لكن ما يصير انتي بعد تكابرين لأن حياتكم مع بعض ما بتستمر بهالشكل ...

كان هذا استنتاجي للموضوع و يمكن اكون غلطانه .. بس اتمنى الامور تتصلح من بينكم

 

[ميسونونو]

الصبر ياأختي ولاتستعجلين بطلب الطلاق00

توكلي على الله وإلجئي إليه 00وارقي نفسك لازم 00 وولدك00

وجيبي شغاله تساعدك على ولدك علشان تتفرغي لزوجك00والله يفرج همك0

 

[انسانه منكم]

الله يفرج همك