زوجي ..؟

ا

الحب كله فيك

New member
إنضم
2009/06/18
المشاركات
38
السلام عليكم..
مبارك عليكم الشهر..
يابلقيسات ابيكم تساعدوني لاني جد جد تعبت..
حبيباتي انا تقريبا لي 10 شهور متزوجه
الحمدلله بدايه زواجي كانت مستقره لا مشاكل ولا وجع راس
بعدين صارت مشاكلي مع زوجي كثيره على اتفه الاسباب اشك فيه كثير احسه يكلم غيري احس مرات يتغير علي مرات نتهاوش على تاخيره مايجي للبيت بدري مرات على اسلوبه معي مرات ينرفزني مثلا يقول طالعلك كرشه ويقول ابيك تكوني بيضاء اكثر انا مشالله لاكرشه وبشرتي حلوه مو سمره بس دايم ينرفزني من الناحيه هاذي ومرات تهاوشنا على الارقام الغريبه اللي تجيه وبعدين صار يتضايق من سؤالي وبعدين صرت ماناظر جواله وصار يسال ليش ماعاد تهتمين في جوالي ولا تناظرينه ولا شي قلتله انت تبي كذا ومع هاذا انا مااقصر معاه بشي مهتمه فيه حيل ..واي شي يبه يكون عنده ..وانا الحين حامل ونفسيتي تعبت اكثر احس اني تسرعت بلحمل مرات افكر انزل اللي ببطني من اللي احسه..ومن كم يوم صارت معاي مشكله قالي اني ابتاخر لبعد االفجر تنرفزه حيل واجي ارسله اذا تاخرت ابنام عند اهلي ..بس مشكلتي اني مو حازمه يعني مو شديده معاه وبسرعه يلعب علي ويكذب علي بكلمتين وارضى ولا يقلب الموضوع علي ويزعل هو فا من الناحيه هاذي ابي اكون قويه واقسي قلبي شوي بس مو قادره اذا شفته ارحمه وارضي وماابي كذا ا..ومن يوم دخل رمضان وكم مره يفطر طبعا من وراي من دون ماادري وساكته مادري كيف اتصرف معاه؟؟ابي حل..
هو طيب وحنون ومايقصر معاي بشي.. ودايم اذا صارت مشكله طبعا يوم حملت يطنش ويقول انتي تعبانه والاشياء اللي تسويها من ورا قلبك ...

يمكن ماتعتبرون هاذا الشي مشكله بس انا عندي انها مشكله وابي حل
وابي اغير نفسي اول وبعدين اغيره بس مو قادره عشان كذا ابي مساعدتكم لي...
وراح ادعيلكم من كل قلبي ..
بس ينتهي المشاكل واعيش مرتاحه..
اسفه على الاطاله بس حدي متضايقه وحبيت ابين لكم وضعي..
ارجوووكم ردوا علي ...
 
شوفي نمطه وتعرفي كيف تتعاملي معاه و يمكن لانك حامل صايرة حساسة زيادة
الله يهدية ويسخرة لك

دعواتك لي بالزوج الصالح
 
حبيبتي عاادي سنه الاولى من الزواج دايما مشاااكل وبعدين انشاءالله راح تستقر حياتكم لكن هوو ليش مايصوم اعوذوا بالله هذا ركن من اركان الاسلام يعني مواللعبه خوفيه من الله وقولي بعدين ربي رااح يبلانا بعيالنا وبرزقنا الله يهديه
 
الله يسعد ايــــــــااااامك ويمليها حــــــــــــــب وأفــــــراح وســــــــــروووووووووور

بالنسبه لزوجك..اول شي لآزم تسوينه انك تعرفي نمط شخصيته لآن هذي أقـــــــــــــــــــوى وأنجح طريـــــقه للتـــعامل معاه""اكتبي بقوقل ((الأنماط بطرقة ناعمتنا))وحــليـلي شخصيته وشخصيتك.. وبعدها مثلآ طلع معاك انه شمالي غربي,,روحي قوقل تاني واكتبي شمالي غربي وراح يعطوك الطريقه الآزمه للتعامل معاه طبيقيها بحذافيرها لآنها مدروسه وانا اول وحده ماحسيت اني فهمت زوجي الآ لما اكتشفتها. الله يجزى ناعمتنا كل خير...
وبعدين موضوع الصيام ماينسكت عنه ابــــــــــــــــــــــــــد..لآاااازم تتخدي موقف قوي انصحيه وغبيه بالجنه ثم خوفيه بالنار واذا مانفع اهجريه حتى لو تروحي عند اهلك عشان مايجي فتره ويترك الصلآه والله يصلح حاله واحوال المسلمين.
دمتي بخير ودعواااتك
 
كونك حامل وبكرية الله يعينك
ما عليك الا الصبر
 
يا اختي ياقلبي
شوفي مشاااااااااااااكل غيرك وبتهون عليك مصيبتك وبتضحكين ع نفسك لاتكبرين المواضيع
اكسبيه بعطفك وحنيتك والكلام العسل يتغيييييير صدقيني
 
السلام عليكم
قوي فلبك يا حبيبتي اذا ذكرتي ان الي يترك الشئ لله يعوضه خيررررررررررر
واسئلي في موضوع الصيام اخاف انه حرام انك تكونين عنده احزم الامر واستخيري وردي علينا وش صار
 
والله ياختي موضوع يفطر برمضان مصيبه اعوذ بالله لا تسكتين عن هذا الموضوع كبريه وخوفيه من عذاب الله وسخطه عليكم وبعدين من فطر برمضان من غير عذر لو صام الدهر كله ما يقبل ،، لكن الامور الثانيه تهون وتنحل ان شالله بالصبر والحكمه والنصح والتعامل الطيب والدعاء والصلاه
والله يوفقك ويقويك بالحق ياااارب​
 
الله يكون في عونك يا قلبي ادعي ربك انو يسخرة لك ويهدية ان شاء الله يارب
 
نوال 20010 قال:
والله ياختي موضوع يفطر برمضان مصيبه اعوذ بالله لا تسكتين عن هذا الموضوع كبريه وخوفيه من عذاب الله وسخطه عليكم وبعدين من فطر برمضان من غير عذر لو صام الدهر كله ما يقبل ،، لكن الامور الثانيه تهون وتنحل ان شالله بالصبر والحكمه والنصح والتعامل الطيب والدعاء والصلاه


والله يوفقك ويقويك بالحق ياااارب​
أنقر للتوسيع...


هذا الكلام المضبوط
 
اصبري عليه .. بعد المولود يتغير ويجلس في البيت

اذكري الله كثير ... واستغفري وادعي له

والله يفرج همك ويسخره لك ​
 
السلام عليكم

بالنسبه للفطور برمضان انا تكلمت معاه وارسلتله على ايميله بس انكر وقال انا ماافطرت وانا اخاف الله ومن هالكلام ..
ومشاكلنا اعوذ بالله عيت تخلص الله يعين بس..
الله يجزاكم خير..
 
حبيبتي اذا انت متأكده وهوقاصد فالله المستعان
من تلاك الصوم عمد دون سبب فهو كااااااااااااااااااااافر
 
نوال 20010 قال:
والله ياختي موضوع يفطر برمضان مصيبه اعوذ بالله لا تسكتين عن هذا الموضوع كبريه وخوفيه من عذاب الله وسخطه عليكم وبعدين من فطر برمضان من غير عذر لو صام الدهر كله ما يقبل ،، لكن الامور الثانيه تهون وتنحل ان شالله بالصبر والحكمه والنصح والتعامل الطيب والدعاء والصلاه
والله يوفقك ويقويك بالحق ياااارب​
أنقر للتوسيع...

هذي الفتوى من موقع سماح الشيخ بن باز رحمه الله​

أسأل سماحتكم عمن أفطر في نهار رمضان عامداً متعمداً، هل يقضي ذلك اليوم، وهل هناك كفارة؟

عليه التوبة إلى الله؛ لأنها جريمة ومنكر عظيم, وكبيرة من الكبائر عليه التوبة إلى الله، وعليه القضاء، وليس عليه كفارة. الكفارة في الجماع خاصة، الجماع في رمضان. أما الفطر بالأكل والشرب ونحو ذلك ليس فيه كفارة بل فيه التوبة إلى الله والندم والعزم أن لا يعود في ذلك، وكثرة الاستغفار, مع القضاء -قضاء اليوم الذي أفطره- أما حديث (من أفطر يوم من رمضان عمداً لم يقضه صيام الدهر وإن صامه) فهذا حديث ضعيف عند أهل العلم ليس بصحيح، حديث مضطرب ليس بصحيح، والصواب أنه يقضي يوماً فقط، مع التوبة إلى الله -عز وجل-.
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل