زوجى يريد منى ان اساعدة فى البنا ء اشييرو ا على

[دلع بلقيس]

وجهة نظري واتمنى اني اكون افدتك..

السلام عليكم حبيبتي..
انا والله حاسة فيك وترى مالك الا الدعاء..
شوفي اول شي بقول لك عن اختي المسكينه راتبها مايزيد عن 10000ريال.. شاركت زوجها ببناء البيت واشترت هي أرض كانت تقسط لها من سنيييين.. ولا شهدت أحد لأنها على نياتها وهو نيتة سيئة جدا واهم شي عنده في حياته الفلوس وهي سخية .. نصب عليها وحتى كرفها كرف يروع في تصميم البيت وحتى انا كانت تطلبني اروح للبيت عشان تشاورني في ديكور او مغاسل او ... او..
بعدها انقلب عليها قلبة تخوف واللي بدا السالفة حركة قذرة من الخدامة قام هو وقف معها وترك اختي بعدها طلعت من بيته والى الآن هي جالسة تطالبة في المحاكم وتلاحق وراه عشان يرجع لها حلالها اللي مايقارب المليون ريال..!!!
واضيف لك ان اول شي سواه راح وسكن البيت وهو معاه زوجة عمرها نص عمر اختي ..!!!
والحين اختي متلحطة ياعمري في آجار لأن صعب تسكنن مع زوجة ابوي بنفس البيت.. وازيدك من الشعر بيت .. ان راتبها مايبقى منه الا تقريبا 500ريال ..
والسبب انه هو حسبي الله عليه هاللي يعبد المال.. آخذ قرض عن طريق راتبها وهي ماعندها فلوس تسدد القرض ولاعندها قدرة انها ترجع الفلوس بس الحمد لله قبل فترة حكم عليه القاضي انه يرجع لها حلالها والحين جالسين بيخلعونها منه خلع ..
وهذي كل القصة ياقلبي..
وانا الحين لما خلصت كل الصة احب اقول لك انها هي الغلطانة مو زوجها الحرامي..لأنها هي لا شهدت أحد ولاكتبت ولاشي وانا مااقول لك روحي وشهدي او روحي وقولي له يكتبه باسمك او نصه اومن هالكلام..
لأ .. ياقلبي.. انا انصحك نصيحة لوجه الله انك تختصرين على نفسك وترفضين من الحين حتى لو صار اي مشكلة ..صدقيني المشكلة بتكون بسيطة جدا اذا قارنتيها بمشاكل راح تصير بعدين.. واذا انت عارف زوجك انه ماينقرب في المادة من الأصل تختصرين على نفسك وتسكرين الموضوع بالرفض.. ولازم تقتنعين وتؤمنين وهو كذلك بأن الزوج هو اللي عليه نفقة السكن والأكل واللبس وترى الزوج على ماتعودينه عليه..واللي يثبت صحة كلامي المشكلة اللي صارت بينكم..
فأنت حتى لو كنت اغنى غنية هو اللي ينفق عليك ومو انت اللي تنفقين عليه واذا كان هو يطلب منك من باب المساعدة فصدقيني تراها بتصير ادهى وأمر..
فأنت قومي واكتبي له ورقة وقولي له كل اللي بخاطرك وحطي له سبب يقنعه وانت اعرف بشخصية زوجك.. يعني مثل انك تقولين ابغى حياتنا وعلاقتنا مع بعض تخلو منها سالفة المادة وتفهمينه انك ماهمك الريال قد ماتهمك العلاقة .. وانت اذا عندك فلوس قومي اكتبيه له شيك بمبلغ وقدرة (اللي تقدرين عليه ) وقولي له هذا مساعدة مني ولا ابي منك شي.. بس اهم شي خليها شيك عشان اذا بغيتيها دليل لك بتلاقينها (لأن اختي قد عطت زوجها شيك واستفادت منها كدليل)..
وان شالله اكون افدتك ومارح وقتي وانا اكتب هباء منثورا وحتى ظهري انقص من انحنائتي على الكمبيوتر. بس كله لخالص وجهه الكريم ..سبحانه.

 

[زهرة البوادي2006]

بالكلااااااام الحلو واخذالموقف لصالحج
تقدرين اتخليييييينه يكتب البيت باسمج او حتى الارض بس او نص البيت
بس لاااااااازم تضمنين حقج
وبعد بالكلام الحلو وتنفيذج لكل رغباااته تقدرين اتعودييييييينه انه المسؤؤؤؤل الاول والاخير عنج
والله يوفقج

كلام الاخت في نظري الصواب

 

[شمعة تضى الدرب]

دلع بلقيس ...........زهرة البوادى .......... اثلج الله قلوبكم بالاطلاع على موضوعى صراحة انى فرحت من كل قلبى لما القى احد عندة راى يشاركنى .
الاخت دلع الله يسدد خطاك وينور دربك تقولين ظهرى انكسر من الكتابه وانا ادعيلك بالتوفيق لانك افدتينى كثير من تجربت اختك لان التجربه خير برهان ما احزننى فى الامر انها حصلت لانسانه بريئه اختك الله يعينها ويعوضها خيرا منه ويجبر قلبها وانا بصراحة مقتنعه برائيك لانه هو الاسلم فى الحاضر والمستقبل وشكرا

 

[زهرة الظلام]

الازواج مو واحد
لو طلب زوجي اساعده ساعتده لان سعادة زوجي وابنائي هي الاهم

واذا ماسعدت زوجي راح يزعل مني وراح يضيق علي حياتي

ليه اخرب حياتي بنفسي

اذا خدعني راح احصل قيمة خيانته بالاخره واذا ساعدته راح احصل سعادته وسعادتي بالدنيا وباذن الله بالاخره

 

[فيافي الشوق]

عشان ما تنحرجين منه لازم مالكايكون مشغول ،، اقصد ما يكون مجمعته بس بالبنك لا تفهميه ان فالفلوس الي تمي لك تسددين بها القرض الي عليك أو تحطينها وديعه تقولين عشان نستفيد منها بعدين
اهم شي فلوسك تكون مشغوله تدخلين فيها جمعية كبيره حتى لو مو صدق عشان ما يقول وحين مسويتها
حاولي كل شهر تاخذين خاتم او طقم ذهب مال محفوظ لج

اتمنى فهمتيني

 

[فيافي الشوق]

--------------------------------------------------------------------------------
عشان ما تنحرجين منه لازم مالك يكون مشغول ،، اقصد ما يكون مجمعته بس بالبنك الفلوس الي تمي لك تسددين بها القرض الي عليك أو تحطينها وديعه تقولين عشان نستفيد منها بعدين
اهم شي فلوسك تكون مشغوله تدخلين فيها جمعية كبيره حتى لو مو صدق عشان ما يقول وحين مسويتها
حاولي كل شهر تاخذين خاتم او طقم ذهب مال محفوظ لج
اتمنى فهمتيني

 

[خيالة الشرق]

نصيحه يا اختى لاتعطينه شى ابد الا ان تكونى ضامنه حقك وقولىله باسلوب راقى وحلو انك تبين تضمنين حقك خصوصا انك مديونه للبنك وقولى ان الدنيا حياة او موت وانا ابي حقى محفوظ حيه او ميته واقرى عليه ايه الدين
الله سبحانه امرنا بكتابه الاموال في الدين وما فرق بين اخو واخوةو لولا ابو وابنه ولا زوج وزوجته والله ما شرعه الا لحفظ الحقوق وعشان تكون العلاقه ممتازة لان بكتابه الدين يحفظ حق الدائن والمدين وتكون النفوس صافيه
الله يوفقك ويسعدك

 

[امل الحياة]

اختي كافي عليج الدين اللي عندج ...
ليش تحملين نفسج اكثر من طاقتها...!!!!
فهميه باسلوب ودي انج ماتقدرين عليج ديون ولين الله فرجها عليج بتساااعدينه ...
والله هالرجاجيل يرفعووون الضغط ...

 

[إشراقة*أمل]

غاليتي نصيحتي لك على عجالة ..

كفاك إنفاقا عليه .. كنت اظن مثلك أن من دواعي الحبوالتفاهم ومساعدةالزوج و رفع الكلفة ............الخ أن أقوم بمساعدته و تقديم العون له في كل شيء حتى في المصاريف لأنه زوجي وحبيبي

حتى الان هو زوجي وحبيبي ولكن ليس قبل أن أقرأ في منتدانا الرائع لا زلت أحبه و لكن بحذر .. تعلمت أن أنني انا من يأخذ لا هو .. وسابقا كنت مقتنعة على رغم حبي الشديد له إلا أنني لابد من أثبت حقوقي ,,

من قبل اشترينا سيارة فقال لي سأكتبها باسمي حتى إذا قدر الله و حدث حادث أو جاء موعد تجديد ملكية السيارة لا تتبهديلين .. أجبته و بكل قوة .. لا و ألف لا ,, لن أتبهدل ولن تكون السيارة إلا باسمي ..حين رأى غضبي .. رضخ و سجلها باسمي .. قلت له لا أضمن المستقبل لا أشك في نواياك ولكن هذا حقي !

ومازلت على رأي أن أردنا البناء وأعلمته مسبقا أنني سأسجل حقي ..طبعا بعد سلسلة من الحكايات التي أقصها عليه عن رجال سلبوا زوجاتهم أموالهم ..

و القصص كثر ,,

قولي له أن لا أخونك لكن حتى يطمئن قلبي .. وحتى لا أظلم إن قدر الله و مات واحد منا ..


كوني قوية و دافعي عن حقك..

أنصحك بدراسة نمط شخصية زوجك و استخدام الأسلوب المناسب لشخصيته و ستحققين مرادك بإذن الله تعالى

موفقة

 

[شموخ الجنوب]

لا ياحواء الا المادة اغرقوهم بالحب والعطف والحنان وضحي وابكي الا المادة

 

[الملكة المتألقة]

سمحيلي إختي بس أحس زوجك من الوع المادي والإستغلالي والإتكالي
لأن يحب ياخذ حق حرمته إلي ما قصرت معاه طول هالفترة ........
غاليتي أن من رايي إنك ما تساعدينه وما تتديين ........ لأنه هو ريال
من حقه إنه يوفرلك المسكن ...... وإذا شاركتيه سجلي نصف البيت
بإسمك عشان تضمنين حقك ........ لا تقولين ريلي حبيبي ما أقدر إختاري
الأحس لك (((((((((((( إما المشاركة ونصف البيت أأأأأأوووووووووو
الأفضل عدم المساهمة ............. هذا رأيييييييي الشخصي