زوجه خاينه ..افيدوني..

[n-flower]

السلام عليكم ..
استاذه ناعمه ..يعطيك الصحه والعافيه علي المجهود الي بتبذليه لمساعدة كل محتاج..
ويجعله ربي في ميزان حسناتك يارب ..
بصراحه انا مو عارفه من فين ابداا ..لاكن افضل ابداا من طفولتي ..لكي تكون الصوره اوضح ..
انا كنت مع ام واب شبه منفصلين ..دايمن بينهم مشاكل ..وكانت ماما تطلب الطلاق دايم ..لاكن ..يتم الصلح وترجع ..رغم انهم دايم مشاكل .وكان زواج غير متكافاا..لدرجة انهم انفصلو عن بعض حتي في النوم وتربيتنا وصرناا احزاب..
احنا كنا 3 ..ولد يكبرني ب3 سنين وانا الوسط عمري 29 الان واختي الصغيره اصغر مني ب 9 سنوات ..
وعشنا واتربينا علي اننا بنات ماما..واخويه ولد بابا ..اوقات مانكلم بعض رغم اننا في بيت واحد..
وهذا كان من عمري 6-7 سنوات ..وكانت ماما صابره علي قسوة بابا وجفاه ..لانها خايفه علينا ..
واستحملت عشاننا ..وربتنا والحمدلله..
ولما صار عمري 15 سنه اتعرفت علي شاب ..وكنت اكلمه تلفون ماما عرفت ..وقررت انها تزوجني..علي اول عريس ..وبالفعل ..خطبني ولد خالتي ..وكان لسه مخلص الثانوي..اول سنه جامعه..وكان من الممتازين والمتميزين والكل يشهد بانه له مستقبل زااهر ..
وكنت في الصف الثاني متوسط ..ورفضت هذه الزوااجه لاكن للاسف ماما صممت ..وماكان في يدي حيله..تمت الملكه وبابا طبعااا ماله رااي..لانه حيستلم نص المهر ..مو مهم كيف اعيش..
وبعد ثلاث سنوات خطوبه ..كان ولد خالتي يسكن في منطقه بعيده مانتقابل الا في الصيف ..فقط
صار الزواج ..وكان زوجي معلق باهله وااقاربه بشكل رهيب ..وكنت كل يوم انصدم في قربه منهم
لاكن كانو يفسرولي ..بانه انا جايه من بيئه انطوائيه ..غريبه ..وهما بيئتهم صح.
مرت الايام والسنين ..وداائماااااااا وابدااااااااااااااااااااااااا (اهله اخوانه وااقاربه )
اهم مني ..كنت احاول اني اصلح الوضع لاكن مافي فايده ..لدرجة انه مره ..قال
(ااقاربي الي مو عاجبينك ..هما الدااخلين وانتي الخارجه ..)انا زعلت ورحت لاهلي لاكن للاسف ماما حكمت عليه ورجعتني ليه ..وعيشت معاه 10 سنوات ..والان عندي 3 اطفال
وساكنه مع اهله في نفس العماره ..لاكن انواع الازعاج ..وعدم الاحساس بالامان والراحه..
وضع جداا مافيه حريه ..وهو دايم مع اخوانه ..وهو دوامه طويل 12 ساعه في النهار
وباقي اليوم مع اخوانه ...وانا ليه وقت النوم ..
بصراحه هو انسان طيب مثقف كريم جداا جداا ..لاكنه بارد لامبالي ..ابدااا
انا ااخر اهتماماته دايماا واابداا حتي اولاده مايحسو بوجوده ..تعبت من بعده مليت من جفاه ..
واذا تكلمت خلاني مريضه نفسيه واني متوهمه البعد والجفاء وانه احنا محسودين لانه حياتنا مميزه..ويقول احمدي ربك انا مع اخواني مو مع اصحاب ولا ليه في البنات والمخدات ..والسهرات
قررت اكمل دراستي ..والان انا سنه ثانيه جامعه ..قسم اداره واقتصاد..لاكن احس بالفراغ
دخلت علي دردشه في النت وكنت ابغي انسان يسمعني ..وبدور للحب..
ولقيت انسان جدااااااا مميز ..ضحكت عليه..في كل معلوملتي .واسمي وكل مايخصني ..
وهو كان صادق ..مدة شهرين واحنا بس علي النت انا اشوفه واسمعه لاكن هو عمره ماطلب مني ابداا ..كان يقول انا ابغاكي حلال ..وبالفعل طلبني..يبغي عنوان بابا عشان يخطبني وهنا الطامه..
حاولت ابعد عنه ماقدرت ..لاني حسيت بحبه الحقيقي..يقول انا حبيت روحك قبل مااعرفك شخصياا
وبعد هروب من الحقيقه ..اضطريت اني اقله موخراا اني متزوجه ..وهو شاب ماعمره اتزوج.انصدم..زعل وبكي ..وطلب مني البعد ..(كل هدا الحب كان علي المسن)
ماقدرت رجعت وكلمته ..تلفون ...وكان اول مره يكلمني زاد حبنا واتعلقنا اكثر
وقلي اذا تبغيني لازم تختاري ..يا اولادك وزوجك وحياتك ..يا انا ..وهو مستعد بانه يربي اولادي معايه ..وقلي انا ماقدر اعيش علي اني عشيق ...وقال لا تختاريني الا.. واولادك معاكي ..
اذا زوجك حياخد الاولاد خليكي معاه وانسيني ..
وانا الان مقرره الانفصال من زوجي ...عشان هداا الانسان المميز ...
امكن الي يقرا يقول جنون ..لاكن والله انه حب صادق شريف ..عمره ماطلب مني شي مخل ..
هو يقول ابغاكي حلال ..ولا برضي بغير كدا ..انسان شريف جدااا
المشكله الان..هل انا علي صواب اني ابعد اولادي عن ابوهم المهمل ..برغم طيبه ..
وراي زوجي في الطلاق يقول
(عمري ماشفت وحده بتطلق عشان زوجها مايجلس معاها**وهو معطيهاا كل نفيس وغالي )
وانا رااي ..
(اني ماقدر اعيش مع انسان مااحبيته ابداا..وهو ماحاول يخليني احبه ..ولا يهتم فيه ..انسان بارد )
وكمان حراام اني اخونه ..انا من يوم ماعرفت الانسان التاني ماعاشرت زوجي ولا جيت جنبه ...
لاني ابغا اكون لانسان واحد فقط..
وانا الان سافرت عند اهلي ومقرره الطلاق ..افيدوني الله يرضاا عليكم

اتمني الاقي الجواب الشافي الكافي عندكم..
وللعلم انا في كل يوم استخير انه ربي يخترلي انا واولادي الخير ...
اتمني من كل من يقراا موضوعي يدعيلي بالفرج والخيره الطيبه..
(لااله الا انت سبحانك اني كنت من الظالمين)
(انا لله وانا اليه لراجعون *اللهم اجرني في مصيبتي واخلف عليه )

 

[بحر الجواهر]

الله يهديك وينور بصيرتك حبيبتي كثير منا يحصل لها ماحصل لك من بعد وهجر لكثير من الحقوق
حبيبتي هذا الشاب ماهو الا في طيش من امره والا كيف بيصبر على ابنائك وابوهم مهملهم هذا كلام فقط نصيحه لوجه الله ابتعدي عن الطريق وعودي لزوجك وبيتك وانتظري للايجابي فيه وحاولي اصلاح ماتفقدينه
ليست الحياة مشاعر فقط
هل فكرتي في الشاب وكيف يكون موقف اهله منك وهل سيقبلونك ام تضيعين بين هذا وذاك والشاب في الاخير يخضع للاهله او يزوج عليك وترين العذاب الحقيقي
وما بدى بغلط ينتهي بغلط وتعوذي من الشيطان وستهدي بالله

 

[راحةالقلوب2]

كلام فاضي

 

[Style_ Female]

مادري ايش اقول لك
بس ببساطه بعيد كل البعد عن النصائح والحلال والحرام
خليك مكان هالشخص الى تبغي تتركي زوجك على شانه
تتوقعي حيتزوجك من جد ..؟
تتوقعي شاب ماعمرة تزوج حيتزوج مطلقة وعندها 3 أطفال
تتوقي أهله بيرضون ... خليك مكان أخت وأم هالشاب حتخطبي لاخوكي مطلقة وبأطفال واخوي شاب ماعمره تزوج
كيف حتكون فرحتهم بولدهم ....
كيف حتكون نظرة اهله لك وله ايش حيقولو عنك اهله
وحتطلقي من ولد خالتك وتخلقي مشاكل بين العائلة علىشان واحد ماتعرفي عنه شي كثير
تتوقعي شهرين كافيه انك تتعرفي على انسان وترتبطي فيه
بكل صراحة .... الى جالس يصير بينكم يصير بيني أي رجل يحتاج امراة والعكس
الى بينكم حب فطري وغريزي مو حب صادق يعيش لسنين ويتوج بالارتباط
الى بينكم اسمية جوع عاطفي وحاجه ماسه من كل لطرف لطرف الأخر صدقيني مو حب

ربي يصلح شانك

 

[كروانة]

تعلقي بزوجك وإنسي الي صارلك من إنسان ماتدرين عنة مجرد كلام فاضي على النت وبعدين راح يذكرك وشلون عرفك وكيف راح تكون عيشتك معة لا يخدعك بكلامة الفاضي مين راح يتحمل اولاد الناس تعوذي من الشيطان وخلك مع زوجك وصوني بيتك لا تخربيها بيدك الله يهديك

 

[f.s]

مابني على باطل فهو باطل استغفري ربك فلاذن تزني وزناها السمع ارجعي لبيتك وعياللك وعيري من روتين حياتك والله يصلح لكي الحال
واذ زوجك وافق على الطلاق فمعناه انة بايعك عيشي حياتك وكملي دراستك وربي عيالك والله يرزقك ولد الحلال الي يدخل من الباب

 

[كروانة]

الله يهديك بعدين كيف راح تعشين معة وانتي تعرفين كيف تعرف عليك ارجوك فكري بلموضوع قبل اي شي

 

[كروانة]

مابني على باطل فهو باطل استغفري ربك فلاذن تزني وزناها السمع ارجعي لبيتك وعياللك وعيري من روتين حياتك والله يصلح لكي الحال
واذ زوجك وافق على الطلاق فمعناه انة بايعك عيشي حياتك وكملي دراستك وربي عيالك والله يرزقك ولد الحلال الي يدخل من الباب

برد على كلام اختي ماتوقع الي مسوية زوجة شي كبير لدرجة ومو
إذا طلقة معناة بايعة لاإذا شافة مصرة على الطلاق على اسباب تافهة مثل كذا مالومة

 

[لارا رفيف]

امان اولادك وسعادتهم مع ابوهم ارجعي لزوجك وحاولي تستفدين من دورات الاستاذه ناعمه

 

[نحو المستقبل]

أختي هالشاب الي تتكلمين عنه
ايش ضمنك انه صادق في وعده
؟
اشلون شاب في عمره ؟
ياخذمطلقه وعندها اطفال ؟
طييييييييييييييش
ويعدي
واذا عدى انتي الخسرانه الاولى والاخيره
مو الشجاعه الي بتسوينه
فكري بالمنطق وانتي كبيرة مو صغيرة
فكري بأطفالك
فهم مهما كان ابوهم مقصر في حقهم
فماراح يعوضهم الشاب ابدا ولا باي شكل من الاشكال
تعوذي بالله من الشيطان الرجيم
هذا الزواج غير متكافئ ابدا
واي علاقة عن طريق النت مهددة دائما بالفشل
انا ما ادري وشلون جبتي هالثقة كلها فيه
الله يكتبلك الي فيه الخير والصلاح

 

[ملكه الجليد]

اذا انتي راضيه بالصراحه لا تزعلي من الي اقوله
يا اختي كلنا مهملات من ازواجنا ويفضلوا الجلوس
مع الاصحاب من الجلوس معنا (يمكن مش الكل لكن الاغلبيه علي ما قرأت هنا في المنتدي)
وانتي الله اعطاكي زوج طيب وكريم وتبغي الانفصال عنه احمدي ربك انه يسهر مع اخوانه
مش مع اصحابه زيما قال وغير الزوج ربنا رزقك بالعيال وانتي تبغي تفرقيهم من ابوهم علشان
تشبعي رغباتك(العاطفيه اقصد)غيرك يتمني الزوج والبعض يتمنا العيال وانتي ربك رزقك الاثنين
وكافره بالنعمه بدل ما تقذي وقتك في البحث عن الحب بالحرام ابحثيه بالحلال من زوجل ابو اولادك
واذا حصلتي علي تبغي دوري حب ورضا الله هذا اهم هو الي بيحبب زوجك فيكي بدال المكالمه مع هذا
الشخص استغفري يكون احسن لك والله انا مستغربه منك ممكن انتي تمري بلحظه ضعف نمر فيها كلنا في
بعض الاحيان لكن نشوف الي اقل مننا تحمد الله علي النعمه الي احنا فيها انا قلت لك رأيي بصراحه السبب
الي طالبه عليه الطلاق ما يستاهل واذا اصرتي علي الطلاق بكره بتاكلي اصابعك ندم شوفي بلاوي البنات هنا
من خيانه زوج واخذ مالها وشقاها وصابره علي عيالها بتعربي انك في نعمه انتي مش مقدراها والله يهديك
ويهدي جميع المسلميين وان شاء الله ما تكوني زعلتي من ردي انا اعطيتك رأيي

 

[Cinderella2010]

اختي كلام المسنجر شي والواقع شي ثاني حكمي عقلك مو قلبك والله يصلح حالكم

 

[عيون عزيز]

شكلج تعودتي على سوالف المغازل,,,,,,قبل بالتلفون والحين تطورتي وصار بالمسن,,,,,,
الحمدلله الذي عافانا ......بدال ماتفكرين تسنعين نفسج وعيالج وريلج رايحة تعيشين قصص حب ....مااااااالت ....
((اذا بليتم فاستتروا ))
مسكين ريلج ,,الله يعوضه بالمرة اللي تستاهله وعيالج بعد الله يعوضهم بام عاقلة مب وحدة سفيهه وتفكيرها سخيف مثلج...

 

[ملك روحـي]

بصرااااااحة وبدون زعل ؟؟

انتي مافهمتي زوجك

انتي بعدتيه عنك

انتي خليتي الماضي شماعة لأخطائك

كلنا نمر بظروف

كلنا بين ازواجنا بعد وجفا

كلنا نعاني

تتوقعي الحياة زيي الافلام ؟؟

24 ساعه عندك !! 24 ساعه حب !! 24 ساعه عشق !!

//


فكري بعقلك

ليش تخليي أطفالك يعانون ؟؟

ليش تهدمي حياتك ؟؟

زوجك مارفض تكملي دراستك .. زوجك على كلامك جاب لك الغالي والرخيص

زوجك رضي فيكي من أول يوم زواج


//


أنا واثقة انه زوجك يحب المثقفة ... الواثقة من نفسها .. المهتمة في ذاتها وبيتها وأطفالها

الانسانة المستقرة .. اللي تقدر تكون سند له في وجهه وفي ظهره

مايبغى واحدة شفقانة حب ورومنسية ,, مايبغى ضعيفة منكسرة ,,, مايبغى متعطشة للحب


قوووومي طوري نفسك .. في الحياة اشياء احلى من الحب ,,

اشتركي بدورات الجامعه .. اتعلمي انجليزي .. ادخلي دورات ..

انتي بنفسك مدحتي زوجك انه مثقف ومتعلم وقدامه مستقبل باهر

خسااااااارة ضيعتي 10 سنين من عمرك على هباء ؟؟؟

لما تتعلمي شئ ارجعي بيتك مبسووطة سعيدة ... سويي عشاء حلو ورايق لزوجك

النت مليان حركات ... السوق مليان اطباق ناعمة ومناديل ملونة اطقم

حركات بسيطة بس تأثيرها كبييييييييييير في قلب زوجك

كلميه عن يومك وريه ايش اتعلمتي.. مرة عن مرة بينبسط ويحس انك اتغيرتي وتشوفي كيف يجري عليكي بعد الدوام يسمع ايش اتعلمني وعلمي عيالك معاكي


//


بالله عليكي وبالعقل

شاب ما اتزوج بيرضى بواحدة مطلقة مع عيالها ؟؟

ترفسي النعمة برجولك عشان حب زائل ؟؟

والله يا اختي الحب في الحياة الزوجية زااااااااااااااااائل وحدها الايام والمواقف والمشاكل وكل ظروف الحياة تقويه

ربنا ماقال حب ... قال مودة ورحمة ...

الانسان هذا ما اشوف فيه مودة ولارحمة

بس لقي انسانة مسكينة مكسورة حب يستغلها فترة

وبعدها بيروح يدور على بكر صغيرة في العمر


//


قومي صلي ركعتين واتعوذي من ابليس

قومي انفضي غبار الذكريات

حددي لنفسك اهداف

افهمي زوجك

خليي السعادة تدخل بيتك مو انتي اللي تدوري عليها

قويي علاقتك بربنا وتشوفي كيف تتغير حياتك


//


لفي بالمنتدى وشوفي مشاكل الناس والبيوت

احمدي ربك احسن من غيرك الف مررررررررررررة



//

اذا كنتي صادقة في كلامك ونفسك تخليي بيتك جنة

جهزي ليلة حلة لزوجك

كلميه بهدوء قوليله

( انا اسفة لاني طلبت الطلاق .. كانت لحظة غضب .. الشيطان دخل بيننا وانا احبك ومقدر اعيش من غيرك ... انا ودي اسعدك بس احس اني خجلانة منك لاني اخاف ضايقك .... الخ )

قوليله انك تبغي تشتركي بدورة والا حاجة,, اشغلي نفسك بالدراسة

يوم عن يوم بتتغير حياتك للاحسن


وتشوفي بنفسك


//

ابعدي عنه ... غيري جوالك ..


حرام والله اللي تسوييه بنفسك .. في اطفالك .. في زوجك اللي ماقصر بشئ

بس عشان مايجلس معاكي

//

الف واحدة تتمنى زوجها مايجلس معاها بس يعاملها باحترام ..

للاسف زوجك نفر منك بسبب الزن


//


القرار الاول والاخير لكي انتي

بتخليين الشيطان يتفوق عليكي ..؟؟ انتي الخسرانة

مافي احد في الدنيا احن على اطفالك في ابووهم

للاسف مسكك في يدك اللي توجعك ( عيالك )


//


الله يهديكي

ياليت كلامنا يؤثر فيكي ​

 

[لمسة ورد]

رايي من راي ملك روحي

 

[sesebombom]

اختي الله يهديك
هل الشاب مضمون؟؟؟؟
ممكن اختي يضحك عليك مثل ما ضحكتي عليه وينتقم بسبب كذبك عليه يخليكي تطلقي وتبعدي عن اولادك بعدين يحكيلك ما اتشرف بالزواج منك وكثيييييييييييييييييييييير بتصير.
هل انت مستعده للتخلي عن الاولاد؟؟؟؟والحبيب ؟؟؟؟والزوج والبيت ؟؟؟؟؟؟في نفس الوقت وتصفي لوحدك تندبي على حظك وتحكي ياريت الي جرا ما كان؟؟؟؟
اختي انت قلتيها انت خاينه انت المرأه الي نخاف على ازواجنا منها.انت المرأه الي ما نتمناها تكون زوجه لاخونا او لابناءنا.
اختي انت بتعرضي الحب على الرجال حتى تغطي نقص عاطفي عندك.
هل راح يحترمك؟؟؟؟ممكن يتزوجك فعلا لكن راح يشك فيك العمر كله انه ممكن من اول مشكله تفتحكي الكمبيوتر وتتعرفي على واحد وتبحثي عن الحب المفقود معه
اختي انت غاليه لاترخصي حالك واتقي الله ولا مفر من عقاب الله عز وجل لانك اذنبتي وخنتي زوجك فتوقعي عقاب الله.
هل تقبليها على نفسك انه زوجك يكون له عشيقه؟؟؟؟؟
شوفي مشاكل الحريم بالمنتدا كيف بعانوا من العشيقات الخائنات الرخيصات النساء كلهم بدعوا عليهم هل تقبلين انك تكوني خائنه؟؟؟؟؟؟
على الدنيا السلام

 

[نعومه كول]

حبيبتي اتقي الله وارجعي الى زوجك
ربي لايبلاكي باللي اخس منه
ايش تعتقدين من هالشاب بيعييششك ملكه ويتجاهل ماضيه معاكي اصلا بيتعامل معاكي على اساس ماضيكي
وبعدين اتقي الله انتي خنتي زجك وتقولي والله انه حب صادق وشريف وين الشرف فيه؟؟
الله لايبلانا بمصيبتك
استغفر الله العلي العظيم

 

[باتشي33]

كلام الاخواااااااااااات كله حكم وعين الصح وSESEBOMBOMأحسها قالت مافي نفسي لا وخيلي لو أخذتيه وكان عندك كمبيوتر ونت والله العظيم حيمرض من الشك هذا إذا ما طلقك .. وعلى قولت الاخت sesebombom يمكن في البدايه صح كان يتكلم معاكي وكان بيخطبك ويوم عرف الحقيقه أنك متزوجه يبغي يكمل المسلسل وينتقم منك على الكذب ألي سويتيه فيه وتتطلقين ويفاجأك ويقولك أنا أنتقم عشان كذبتي عليه وأنا ما حبك ...... وأقولك بصريح العباره حتى لو تزوجك مستحيل تستمر الحياة بيظل يفكر فبنت صغيره فسنه ولا أولاد ولا هم
النصيحه حكمي عقلك وخليكي مع زوجك

 

[باتشي33]

طمنينا أي القرارات أتخذتي

 

[عنقود عنب]

اختي ... n flower

البنات كفوا و وفوا ... كل واحده منهم قالت كلام صحيح

الباقي انت ..ماذا قررتي ؟؟؟

اختي.... اذا تبغين الصراحة ...زوجك انسان طبيعي ...ولكن من خلال كلامك ...انت ما قدرتي تجذبينه لك

لا تضعي اللوم عليه لم تقولي (( هو ما خلاني احبة )) لا تعلقي عدم حب زوجك لك عليه هو

انت ماذا فعلتي لتجذبية لك ؟؟؟ هل سألتي نفسك هذا السؤال ؟؟؟

بعدين يا اختي .... كيف هي صلتك برب العالمين ؟؟؟ هل انت قريبة من الله سبحانه وتعالى ..هل انت قريبة من مقلب القلوب ؟؟ هل جلستي على سجداتك و شكوتي همك له ؟؟

انت للاسف شكوتي همك لانسان قد يكون اذكى منك في الكذب ..شكوتي لشخصية وهمية من خلف شاشة

هذه الشخصية التي من اجلها ضحيتي بحياتك وحياة اولادك ..هل انت واثقة من صدق حبه لك ..؟؟ هل انت واثقة

انه انسان يستحق ان تضحي بحياتك واولادك عشانه؟؟

هل عرفتي شخصيته من جميع الجوانب ؟؟؟ هل هو انسان صادق...شهم ...كريم .. يخاف الله ؟؟

هل وضعيه في مواقف صعبة وشفتي ردود افعالة ؟؟؟ والا هو كلام فقط في الحب والرومنسية التي انت مفتقدتها؟؟؟

لا اظن ان اي انسان ممكن يعرف انسان بكل ما تحملة هذه الكلمة من معنى ...واقصد كلمة ((معرفة ))بدون ما يتقابل معه

ويشوفه ..ويحتك به ..ويضعة في مواقف ..ومن خلال هذه المواقف يقدر يحكم عليه

وانت فقط تكلمتي معه من خلال الكي بورد ...

عزيزتي الله سبحانة وتعالى لم نراه...ولكن عرفانه بالعقل

وانا اتكلم معك بالعقل وليس بالعاطفة ....هل انت فعلا تشوفين ان هذه علاقة سليمة ...تستحق ان تهدمي حياتك وحياة اولادك عشانها ؟؟؟

فكري بعقلك وليس بقلبك ...لان في مثل هذه النوعية من المشاكل ...يجب ان نأخذ الراي من العقل ...وليس بالقلب والعاطفة

وفي الاخير ...القرار قرارك ...وانت تتحملي نيجته

ربي يعينك