زوجه الشمالي قررنا التغير فهل انتي معنا

[اللؤلؤه البيضاء]

طيب حبيبتى متى اكلمه يعنى اذا انقطعت عنه فتره .. لاا اخليه هوه يبدا؟​

 

[ام البطه راما]

ههههههههه\لا يالؤلؤه مارح يبداء بعد فتره فاتحيه انتي​

 

[اللؤلؤه البيضاء]

يمكن يام البطه ما فهمتى قصدى يعنى متى ابدا اكلمه فى التلفون بس على الخفيف ولا اخلى نفسى فى نظره مشغوله ​

 

[ام البطه راما]

الشمالي يحب الحرمه المشغوله طنشيه ولا تتصلين الى لضروره بس حتى ارسليله رساله فهمتي
اذا اتصل لاتردين على طول فهمتي​

 

[بدايات]

أم البطه عندي استفسار صغير لو سمحتي
أنا من سلطنة عمان حابه اشتري أغراض من السعوديه {كريم تبيييض وزيت للشعر}

وما حابه أقوله حابه أفاجئه بالبياض والشعر الجميل وأقوله بسبب قيام الليل والقرءان
لأني الحين باديه أتقرب من ربي شوي
شو رايك؟؟​

 

[اللؤلؤه البيضاء]

جزاكى الله الف خير على النصايح الثمينه​

 

[من القطب الشمال]

مشكوره ام البطه ...
لكن للاسف ما فهمتيني ...!:24:
التعب هذا حليناها والعمر يخلص وشغلنا مايخلص بس لما تعيشي تجربه على ارض الواقع يتغير كل شي خالتك عيالها اكيد بسن يقدرو يعتمدو على انفسهم ...ولا تقولي بعد زوجها شمالي اكيد فيه اختلاف بالظروف:20: ...
انا بالنسبه لي صعب اعتمد على شغاله وزوجي من النوع الى يكره وجود الخدامه بالبيت ...ولو حصل وجبت خدامه وانا جربت قبل كذا يقول الخدامه ماقصرت بينما لايمكن يقول انت ما قصرتي !!!
زوجي رغم اني احبه بس الى يسبب لي الالم من ناحيته انه يمتلك كل اساليب التحطيم بطرق عجيبه يحب يمارس الحرب النفسيه ما ني عارفه ليه
يحب يطري كل الى حوله ولا يمكن يطريني بشي حتى لو مجامله هذا الشي يئلمني
انا الحمد لله متميزه باشياء كثيره عن كل الى حولي بس لايمكن يطري هالشي
لي عشر سنين متزوجه ولا مره فرحت بكلمه مدح او ثناء او شكر رغم اني اشوف الرضى بعيونه بس ما يبغى يسمعني ....
انا اتبعت اسلوب الشكر له والثناء والمدح والامتنان واني اعتبر نفسي محظوظه فيه وانه متميز عن ازواج خواتي واخوانه وحنون وطيب من قبل ما اتعرف على البوصله الشخصيه لاني قدرت اعرف طبيعته مع العشره ....ابتعد دائما عن محاولة اثارة غضبه ..وبنفس الوقت ما ارضى انه يضايقني بكلمه تسيىء لي او لاهلى او حتى اطفالي لانه يحول بعض الاحيان يغيضني من خلالهم ...
اطالب بكل ما احتاجه وفي نفس الوقت اراعيه اذا كان يمر بظرف مادي ما يسمح ...احترم اهله واقدس امه وشقيقته الوحيده وهم يبادلوني نفس الشيء بفضل الله ثم بفضل اسلوبي الراقي في معاملتهم الى تليق فيهم كاهل زوج...اما المسجات فاحب ارسل شي من خاطرتي انا واما احب ارسل شي متبادل بين عامة الناس... كل جمعه ارسله دعوات ربي يشهد انها من قلبي مو مجرد مسج وخلاص ... ولايمكن ادق عليه وهو بالخارج ابدا اذا بغيت غرض ارسلت او بغيت استأذنه بشي ...ادق بس لما يكون في سفر عشان اسمع صوته واطمن عليه بس واطمنه علينا...وهذا الشي انا اتبعته من زمان مو بنصيحه من احد او هو طلب مني هالشي!
ما يحب زيارات اهلي اثناء تواجده وهذا الشي فهمه اهلي من غير اي مشاكل وتقبلوه بكل رحابة صدر ... وانحرم انا من زيارتهم لي فترات طويله ...في سبيل ارضائه ...
في نفس الوقت مايمنعني من زيارتهم ابدا...
احيانا يسخر مني قدام اهله او يمزح بطريقه انا انزعج منها واكلمه بيني وبينه ويترك هذي الحركات ويرجع مره ثانيه يعيدها ماني عارفه اش الدافع ...وانا واثقه انه ما فيه شي لافي تصرفاتي او هيئتي او كلامي يخليه يسخر مني لكن ماني عارف اش الداعي لهالمهزله.....انا تنازلت عن اشياء كثيره في شخصيتي وطباعي لانها ما تعجبه او ما تتوافق مع شخصيته ..رغم انها ماهي عيوب ...لكن حرصا على حياتي الزوجيه قدمت تنازلاتي ...
بالنسبه لي انا راضيه عن نفسي جدا... وراضيه كمان بحياتي معه وتقبلت شخصيته :32:
واداريه والبي رغبته..
اما حكاية اللبس والكشخه فأنا طبعا احب اختار الى يعجبني ويليق بانوثتي حتى لما يعلق على شي ماعجبه مثل صبغة الشعر او لون ملابس اجاوبه انه انا مودايما لما البس واكشخ عشان تشوفني كشخه انا بعد احب اشوف نفسي بالشكل الى يعجبني وهذي الالوان عاجبتني وانا مبسوطه بشكلي ...

 

[ام البطه راما]

بدايات حبيبتي انا الي كتبته من زيوت لشعر موجود عندكم موجوده بكل الصدليات بس جد احسن لاتعلمينه بالتغير ايش سببه​

 

[صبوره متفائله]

ابداع ابداع
الله يجعله من في ميزان حسناتك
استفدت كثير
وانا معكم

 

[ام البطه راما]

من القطب الشمالي
حبيبتي كانك تتكلمين عن زوجي بس عانيت مره لاني لسى بدايه حياتي وانا جنوبيه كان التناقض كبير خاصه ببدايه حياتي بس انا اتبعت الطرق الي ذكرتها تغير معي بنسبه كبيره ماقول 180 درجه بس تغير انا كنت ابغى الطلاق بس ربي نورلي طرقي وفهمت انا ماقول تجاهلي نفسك بالعكس دلعيها وهذا المطلوب انشغلي بنفسك وتغيجها وهذا الي يحبه الشمالي
واولادك كل ماكبروا اعتمدي عليهم علميهم تحمل المسؤليه انتي بترتاحين
ولاتتعبين نفسك مع الشمالي هذي طبيعته الشمالي يتغير بس تغيره بطئ عكس الغربي فاهمتني واصلا هو يشوف كل شي بس مايمدح بس تاكدي بداخله مقتنع فيك واذا غلط هو كذا طبعه كذا تجنبي اهم شي اهله كاسبتهم ابن امه يغلط عليك غلط كبير اول من يوقف معك همه
بس غيري شوي من طباعك تماشي معه انا ماقول الغي شخصيتك بس هذا الطريقه الوحيده هو شمالي يحب السيطره خليك قويه تسيطرين عليه يضعف قدامك
والحياه كذا الواحد لازم يتعب انا معي بنت اتعب معها بس بالمقابل احب تعلقها فيه هذا ينسيني واولادك كبار اعطيهم مهام يساعدونك ويشلون عنك شوي وربي يسلك​

 

[من القطب الشمال]

تسلمي ام البطه بوسيها لي ...الله يخليها لك
انا مبسوطه اني لاقيه احد من البلقيسيات متزوجه من شخص نفس شخصية زوجي عشان نقدر نستفيد من بعض في تعاملنا مع سعادة الاستاذ(الشمالي )
عاد تصدقين اول ماتزوجته فكرته انسان مريض نفسيا ..!!!!
وجلست ثلاث سنوات افكر بالطلاق وافتك بس بعد خمس اسنين بدائت موجة حياتنا تستقر والحمد لله لاني قدرت افهمه والفضل لرب العالمين سبحانه ثم بفضل صبري ...
(الله يبارك لك في منزلك الجديد ويكفيك شر حسادك)

 

[ام البطه راما]

من قطب الشمال
الله يسلمك ايش تبغينه انا جاهزه بالي اقدر عليه​

 

[اللؤلؤه البيضاء]

والله احس بقهر يا ام البطه من 3 ايام ما كلمنى شو اسوى ​

 

[دلع271]

الله يعطيك العافيه ام بطة
وانت تتكلمين كانك تعرضين حياتي امام عنوني
اولا الله ييسر امرك
ومنزل مبارك
موضوعك جدا رائع انا عانيت ببدايه حياتي مع الشمالي
من خيانات وحساسيه زايدة وعصبية بحكم اني جنوبية والحمد لله اجتزت هالمراحل بمراحل بفضل الله وحده والدعاء والتطنيش
لي عودة عزيزتي عندي استفسارات
​

 

[ice creeem]

لي عوده الموضوع ممتع

 

[من القطب الشمال]

طنشي يااختى لؤلؤه بيضاء ...
اشغلي نفسك عنه واهتمي باشياء تشغلك عن التفكير بالموضوع .....
احيانا تجيك الفرصه لحدك بدون اي مجهود وتطلبي اي شي تبغيه ولكن بثقه تامه وبهدوء ....على قولة وحده من صديقاتي اذا بغيت اسافر او اقضي مشوار زي السوق وغيره من شغلاتنا الى نحبها اشتغل في تليين راسه بطرق سحريه من شهر او اسبوعين ثلاثه عشان يلبي شغلتي الى انا ابغاها تصير
شوية دلع على شوية اهتمام بدون ما تبدين انك تلاحقيه يصير بيدك
وياعزيزتي لما يصير بعيد عنك اذا صحيت الصبح ارسلي مسج رايق ورومنسي ...
بالليل ارسلي مسج سكسي مثلا ...
يوم دقي واسالي عن احواله ولا تقولي ليه مادقيت بس قولي مفتقدينك والبيت بدونك ما يسوى بنتك اشتاقت لك وتسألأ عنك ...
انا انتظر يوم جيتك بفارغ الصبر ...مع شوية مياعه وآهات بس لاتطولي
انا كنت بنفس وضعك زوجي دوامه بمدينه وانا بمدينه ثانيه .....واشتغلت لك فيه مزبوط:32: !!

 

[احلى الوصايف]

فعلا كلامك رااائع ومفييييييييييد
انشالله في ميزان حسناتك
والله يرزقك اللي في خاطرك

 

[ضحكتي غير@]

الله يكتب أجرك ويرفع قدرك
أفدتي الجميع
خاصة نحن الجنوبيات>>حساسات والدمعة تسابقنا تقولي في روسنا خزان دمع مو غدد!!!


الله يسعدك ويرزقك خير مما تتمنين

ضحكتي غير@
​

 

[قصآيد]

مرررررررررررررره موووووووضووووووووعك شييييييييييييق

الله لايحررررررررررررررررررررمك الجنه ياااااااااااااااااااااااااااااااااااااااااارب

 

[ستيلا جيفنشي]

االله يسعدك ويوفقك ويسخر لك زوجك ياقلبي

الشمالي اللي عندي اذا زعل يبقول كلام يجرحني وانا انهار منه بس ابكي واذا اعتذر وسامحته يظل في قلبي شيء عليه ما ادري ليش مره صارت مشكله بيننا وقال عني كلام جرحني فيه طبعا كان مرسل لي مسج وووبعدها كل ما اتذكر هذا الموقف اجلس ابكي

مع انه هو جاء اعتذر لي ويكلمني وكان يبكي وقال لي اسف ع المسجات اللي ارسلتها
بس الى الان صار ع لمشكله اربع شهور وكل ما اتذكر والله احس بحرقه ف قلبي ما ادري ايش اسوي انا حساااسه جدا