زوجها رمى السماعات على وجهها

[تيتوه]

اهلا بكم حبييت اسالكم سؤال عن ردودكم على هالقصه صديقتي تقول كان عندي عزيمه لبعض خوياتي فاانا جالسه عند التليفون وزوجي على النت قمت اتصل على خوياتي واعزمهم المهم نزل زوجي السماعات من فوق راسه قال من تكلمين قلت اكلم البنات اعزمهم طبعا يعرفهم وراضي اني اعزم المهم تقول سكت شوي قال من عزمتي قلت فلانه وفلانه ثم قلت بس انا خايفه فلانه ماتجي قال ليش قلت خايفه زوجها يمنعها:27:والله لايوريكم وهو يطربق الدنيا قال خير روحي اطلبيه تعرفين زوجها تمونين عليه عمرها ماجت واخد منديل ورماه على وجهي بعدين تقول قلت انت الظاهر ماانت صاحي انا ايش قلت قال كولي 000 ورمى السماعات اللي على راسه على وجهي ايش رايكم تبي رايكم في زوجها وردة فعلكم وكيف تتعامل مع واحد كدا مستغل تنازلاتها عن مدة اليد عسى يده بالكسر0000:5:

 

[حبيبي دودي]

سلاااااااااااااااااااااااامات شغالة ابوه هي

الله يصلح حالهم يارب بس اذا هو مد يده قبل وهي سكتت عنه فاغلطتها المفروض ماتسمح له يمد يده

لو زوجي يسوي لي كيذا ثاني مره راح اوصلها لابوي بس اذا اول مره بزعل واسوي له سالفه بيني وبينه بس اذا عادها خلاص لهنا وبس

انا احس زوجها غيوووووور عشان كيذا مايبيها تتكلم عن اي رجال قدامه واذا فعلا كيذا خليها تتجنب تتكلم عن احد قدامه

الله يصلح حالهم يااارب

 

[يالوردي]

اذا اول مره خليها تزعل ولاتكلمه اما اذا مو اول مره فلازم توصلها لاهلك لان على شي تافه يسوي كذا مصيبه والله

 

[خلآص...!]

الله يفرجها عليها ​

 

[nosa6-1]

شكله فاضى زوجها ما عنده سالفة هدا بس يبى يسوى مشاكل وخلاص الله يعينها

 

[سري ضاق بصدري]

حبيبتي اذا متاكده انه يحبك وما يستغنا عنك عطيه قرصت اذون روحي ل اهلك

 

[^أختهم^]

قليل ادب لاتتهاون له لو على كلامك ما اشوف اي داعي لتصرفاته الغبيه
خليها تاخذ منه موقف تسفهه لاتكلمه وخليه زيه زي الجدار لاتعبره لحد مايعرف غلطه

 

[ياربي انصرني]

بعض الرجال مايحب تتكلمين عن رجل اخر حتى ولو كان
زوج اختك اللي اقرب من زوج صديقتك وهذي مشكله تعاني منها نساء مع ازواجهن حتى وان كان زوجها مو محافظ ومتحرر

وطبعا هذا طبع فيه تربى عليه من الصغر ---لذلك الشيخ سلمان العوده ذكر ذلك وقال ان بعض الشباب مايحب يذكر اسم امه امام اصدقائه

فلما تحدثت عن زوج صديقتها بأريحيه كانت ردة الفعل عدم تقبل
اريحيتها00

وبالنسبه لمدة اليد انا ضد اي تنازل المفروض تاخذ موقف حازم
لان التنازل يجعله يتمادى اكثر00

 

[غيمت غلا]

الله يعينها ويسخره لها
لازم تأدبه سواء اول مره اوغيرها روحي بيت اهلك بس لاتقولين للاهلك السبب

 

[سوآلف آخر الليل]

والله شين وقوي عين ..!!

كلمتها مافيها شي ..!!

بس شكله يدور عليهآ الزله ؟

اذا كان هذي اول مره المفروض تزعل وتوقفه عند حده عشان يعرف قيمتها

لن الحرمه اذا سكتت المره الاولى خلاص الرجل يتمادى تعود على سكوتها وضعفها عنده لن هي اعطيته مجآل له يتمادى​

 

[زوجة الناظر]

لو اني مكانها

كان حذفت سماعاته على وجهه

عشان يتأدب​

 

[معاداحبك]

اااااخ وليه تسكتله وماقالت شيء يزعله
او انه يغار من زوج فلانه يمكن احسن منه
الله يكون بعونها

 

[s@سوسو@s]

الله يعينها اذا سكتت
بيتعود على ضربها
لاتسكت

 

[شامخه بإبتسامتي]

سبحان الله العظيم وبحمده

 

[همها رضاء ربها]

معليش خذي موقف منه على شان مايعيده الرجال اذ تعود على مدة اليد ماهي زينه واذ رجع قولي اهم شئ بين الازوجين الاحترام الله يهديه ويسخره لك ..

 

[انوثتي فخري]

كلامها عن زوج صديقتها مرة عااادي
بس هوة يبغى يسوي سالف

 

[ref8150]

الله يهديه ويسخره لها

 

[مييسو]

كلنا نقول نفس كلامها لازوجنا معقولة ننضرب ؟؟؟
زوجها يبي له تأديب اتوقع شخصيتها ضعيفه

 

[تيتوه]

شخصيتها ماهي ضعيفه بالعكس مااحد يقدر يدوس لها على شرف بس هو اصلا تقول انسان ماهو راعي عشره يعني تروح تجلس كله واحد وتقول انها متاكده حتى لو انه متزوج غيرها راح يعاملها بالمثل هي يوم سكتت له اصلا عارفه انه مااعنده ضمير ويمكن يطلقها في اي لحظه والضحيه المساكين عيالها تقول لو طلقني بقهره برمي عيالي عليه وهدا شي يقطع قلب الام بس تقول عقاب له لانه دايم يدوس على كرامتها وتعديها له