زوجك=تزوج+خائن+مهمل+متبلد+لئيم+حقير+يكرهك+لايحبك+ي ستحقرك...اذاً هنا الحل

[فووفه]

كلامك مره حلو ويدخل القلب ويصحي فيه اشياء كانت نايمه..
جزاك الله خير..والله يرزقك باللي تتمنين

 

[gomar walla]

كلام درر ما شاء الله عليكي
الله يحفظك
بس حابه تشوري علي بقول لك عده نقاط عني وعن زوجي احنا صار لنا 8 سنوات متزوجين
الحمد لله راتبه زين ونحنا ساكنين بيت اهله في شقه فوق بس صغيره مره لدرجه ان بناتي ينامو بالصاله ولا عندي مكان انشر فيه غسيلي الا بداخل الشقه على منشر وتنشفهم المروحه
مصروف في يدي مايعطيني فوق ال250 200 لي و50 للعيال وبطلعه الروح رضى يمشي لي مصروف
قلت له انه مايكفي قال لو يخلص ابعطيكي اللي تحتاجيه قلنا ماعليه لكن كلااام وبس لما يخلص مستحيل يعطيني قبل لا يحقق معاي
ولو اقول له ان هالفلوس ل هذا الغرض وهذا الغرض اوكي خذي ويعطيني زياده مع انه الفلوس موب لي
الشقه مايدفع فيها اجار بس تلفون وهالايام قام يدفع كهرب
لو تشوفين الشقه ماتشتهين تقعدين فيها لاتقولين ابالغ
تزوجنا فيها ماكلف نفسه يغير حمامها ولا عدل مطبخها ياخي ياااع ايش هذا نسكن على شقه مستعمله وماتغير ولا تعدل فيها شي تجيب لي الاثاث وتحطه كذا لو انها جديده ونحنا اول ناس ساكنينها محد بيشتهي يسكن فيها عقبنا الا بترميم ومن كلو
بالايام الاخيره اشوفه يفكر انه نطلع في شقه اجار وانا تشرطت انها تكون جديده
ولكن هالكلام عشان يسكتني لان عللا قولته اني كلا احن عليه
غير رايه وقام يقول هذي فيها عيب وهذي فيها عيب *الشقه *اللي المفروض نطلع لها
عشان مايدفع اجار
وقلت له انه فيه مجال انه نرمم ونصلح بهاي الشقه
قال تكلللللللللللف
لكن لما يحصل له كورس برا البلد وفيها غياب عنا 20 يوم او اكثر وتكلفتها فوق الـ15 الف طبعا مايقول انها غاليه
وياريت هالكورسات تنفع عاد ...مش في مجال العمل ,,,,مكلفه ...وعلى فافوش
تقهرني تصرفاته لكن اقول بيني وبين نفسي خليه بهوااه بجيله يوم
انا من النوع اللي لما اعصب سواء عالعيال او على اي شي خلاص اكره نفسي وملاحظه هالايام انه اسلوبي وكلامي كله عصبيه
ما احس اني احبه ,,,ولا احس انه مهتم فيني كلا ينرفزني وبس
شغله الشاغل في هالحياه انه يعرف انا شنو احب وشنو اكره عشان وقت الهواش والزعل يقوم يسوي الاشيا اللي اكرهها ويتفنن في حرماني من الاشيا اللي احبها
تراها اشياء بسيطه لكن يعز في الخاطر
لهالدرجه انا ما استاهل ,,,,لمتى كذا ,,,,انا موب من النوع اللي والله كل يوم ودني مشيني ولا يلا سفرني ولا يلا اشتري لي جوال جديد
الحمد لله مع اني مش موظفه الا اني شريت اغلب اجهزتي المنزليه من جوالات ولابتوبات وكومبيوتر وجاز للجري بعد وكاميرا
كله من فلوسي
لما اقول له نشتري هالشي بينفعنا يقول لي لا غالي
لكن لما انا اجيب من عندي فلوس واشتريه يصير هالشي حلوه ويرغب باستخدامه لكن انا هنا اقول له ستوب
ممنوع
من 3 سنوات صارت بيننا مشكله بسبب الاكل واني ما اطبخ واحيانا اتاخر في الوجبه
وسواها زعله وخناقه ,,,انا عصبت وطلعت مني كلمه *انا الشرع مايجبرني اني اطبخ *
وليومك مستحيل ياكل من طبخ يديني ..ويتريق عليا لما اقول له ان الاكل موجود ...ومستانس على عمره انه مسوي انجاز يسئلني يقول لي كم صار لي الحين وبخبث
انا خذت هالموضوع في صالحي صار قبل لايفتح فمه بهالكلام ابين له اني مفتكه من الطبيخ وانه انا اللي ما ابغى اطبخ لك
بتغدى فيه قبل لايتعشى بيا
صاير لي عيل ثالث بالبيت ,,,عنيد ويحاااسد ويعاندني كثير صرت اكره اتكلم معاه واتجنب اي موضوع قد يعصبني
افضل اني اتم ساكته وهو يقرق على راسي واتبسم له واستمع له ...لكن ابدا ما اثق اني اتكلم براحتي معاه لانه وبطريقه ما رح يستغل هالشي
طولت عليش
بس بجد اطنش واكبت لكني افجره في يوم وعلى اي سبب تافه وتالي اقعد شهرين 3 ما احب اكلمه ومايجي هو يحاول انه يكلمني حتى حقه الشرعي مايطلبه
وانا بالاخير اجي واصالحه ,,,الظاهر انه تعود على هالشي
لكن خناق اللي الحين صار له شهرين ونص رح اطنش لين يجي لاني بصراحه مرتاحه وبكرا عندي اختبار فاينل واحس اني رح انجح ان شاء الله ,,,بدون ما اسمع مغثاته ..*انتي ماتذاكرين عشان كذا بترسبين *...ا*نتي كلا مجابله النت *
بالله عليك اذا عيالك ينامون بالصاله انا لحبيت ارفه عن نفسي وش اسوي ...مافيه غير هالكومبيوتر اللي صاير زي التي في كل شي متوفر فيه
وازيدج من الشعر بيت التي في مافيه قناة عدله ..انا احب اشوف مسلسلات وافلام والاغلب برامج اجنبيه انتي عارفه القنوات اظن ,,,هالقنوات وفجأه دليييييييييت وبقوه عين ...مالي تحكم بالرسيفر هل هو عدم ثقه مابعرف لكن اللي مايثق في مرته ليش يعطيها انترنت وهو متوفر فيه كل شي اذا ابغى اشوف شي عاطل مارح اتردد
لكن انا ماحب اسوي هالشي ....وماحب نظرته لي ..يبغاني مثل اساحره اقول له كل شي من غير مايحسسني انه مهتم
انا مستعده اعطي وبلا حساب لكن ابغى اشوف ان هالانسان اللي انا اعطيه يستاهل فيه خير يجي منه ابدااا مكانك سر سويتي ولا ماسويتي كله سواااااء عندي *لسان حاله *
ماحس انه يهمه صالحته ولالا ...مسوي فيها مادري وش اقول بس
الله يهدينا جميعا

 

[لمسة شقاوة]

جزاك الله الف خير
هذا نصيب كل وحدة بدنيا
الدنيا تجارب

 

[ღmiss youღ]

ماشاءالله تبارك الله الله يحفظك ويخليك لزوجك يارب وانا احسست انو كل كلامك منطقي وصائب ....
وانا مشكلتي انو حساسه وابكي ع طول والله انو صارت لي مشاكل بسبه عناد زوجي وحتى وصلت للطلاق ولاني عارفه كيف احلها واهلي رافضين ارجع له وانا الضحيه بينهم تكفين ساعديني وانصحيني محتاجه

 

[عزيزة.نفس]

ودعوة صادقة من قلب صادق
بأن يرزقني الله الذريه الصالحه
وان يعينني ربي على ارضاء نفسي اولاً ثم ارضاء زوجي
وان يجعل مني هداية ورشاد للمستضعفات من النساء
وان يوفقني الله في مستقبلي الدراسي
وييسر لي الدراسه الجامعيه بالتخصص الذي اريد
وان يتقبل دعواتي ويحقق امنياتي
ويحفظ لي زوجي
واهلي ويحفظ علي ديني ...!

:c016:​

انا زوجي متزوج عليا ويجلس عندها ثلاث ايام وانا يوم
يفكر يحطنا بيبيت واحد اويطلقني
قالي با جيبها البيت وقلتلوا اللة يحيها
ياخد اولادي ويخرجهم مع مرتوا الثانية وما يرجعوا الا الفجر وانا اجلس بالبيت لحالي
اهلي بيصرفو عليا وبدور على وظيفة
رضيت بيها والصراحة افكر انفصل عنو

من جد
خليه يجيبها عندكي دامكي كذا ^
وراضية بعد ؟ كملت
إنتي من جدكي تقولينه
؟؟؟؟؟؟؟؟؟؟

 

[زوجة شمالي شرقي]

ماشاء الله تبارك الرحمن

الله يرزقك الذريه الصالحه

أختي نوره ممكن تفهميني اوتوضحين لي كيف الكبد والكلى ؟؟؟؟؟؟؟؟؟؟

 

[فيض الحنين]

الله يسعدك موضوع قيم جدا..
اسال الله بمنة وكرمه ان يحقق لك ماتريدين
ويجزاك خير الجزاء

 

[منى السبيعي]

سلمت يمناك وكتب الله لك في كل حرف الف حسنه ورزقك الذرية الصالحه وحقق لك كل مطلب امين امين امين امين

 

[نوره الفايز]

gomar walla

هلابك يالغاليه قرأت موضوعك ..واحب اوضح لك شئ معين
اول شئ مهما كان البيت , المهم سعادة الموجودين فيه ,, حسسيه ان البيت صار مايهمك والمهم سعادته هو .. غير كذا اكبر غلطه سويتيها بحقك انك تشترين اغراضك اللي مايجيبها بفلوسك انتي كذا خليتيه يتعود ومايشيل هم شئ
صار يقول بنفسه اذا ماجبت لها هالشئ اكيد هي بتدبر روحها زي كل مره
لا انتي مهما كان عندك ملك قارون ,, لا تتنازلين عن حقك ,, خليك واثقه من نفسك اطلبي اللي تبينه ,, وبأسلوب حلو
غيري من وضعك من الآن
اضحكي له ابتسمي له , لاحظي انه تغير معك ,, لا تخلينه يشوفك وانتي جالسه على النت دائم حتى مايآخذها عليك,, صدقيني علاج مشكلتك تبدأ منك انتي
صحيح هو غلط وقصّر ,, بس انتي ابدأي مع نفسك ولاحظي التغير اللي يصير
اتركي العصبيه جانباً وانتبهي يشوفك وانتي تعصبين على اولادك ,, روحي لأهلك فتره ريحي نفسك ثم ارجعي له بنفسيه حلووه مره ,, اعينيه على نفسه ,, ساعديه
خلي تجي له فتره يقول فعلاً زوجتي تستحق اني ءاثث لها البيت او اطلعها بيت جديد
اهم شئ نفسك لا تقصرين عليها لا بدلع ولا بإبتسامه ولا مرح ووناسه ,,
انا آسفه تأخرت عليكم لي فتره طويله مادخلت النت
وانا مستعده لأي استفسار منك

 

[نوره الفايز]

للجميع الله يجزاكم الجنه يااارب

 

[ريفان2020]

كلام رائع جدا جزاكــــــــــــــــــ الله خير الجزاء عنا

 

[ذاتي كل كياني]

نورت حياتي بكلامك واسعدني كثير وصدقيني كل ماقريت دعيت لك​

 

[زوجة مقهوره]

الله ما أجمل كلامك بس عندي طلب صغير
حياتي على وشك الانهيار ونفسيتي بعد
ونفسي تساعديني بمشورتك
لانك ماشاءالله قمة في الاخلاق وحسن التفكير ​

 

[عيون مؤمنة]

جزاك الله خير الله يوفقك مع زوجك ويجمعكم فى الدنيا ولاخره على مايحب الله ويرضاه
وان يبارك فيك والله انى احتاج هذه النصائح وكل يوم اقرا مواضيع اخواتى ويهون على ما انى فيه واشكرك من كل قلبى على الموضوع الرائع الذى ابدعتى فيه الله يرزقك بالذريه الصالحه والله يسخرلك زوجك يارب

 

[ام البدررررر]

وفقك الله ورزقكي الذريه الصالحه ولكي جزيل الشكر على هذا الموضوع

 

[×× غلا الروح ××]

اختي نووووره الله يجزاك الجنه يااارب
ويرزقك ويرزقنا الذريه الصالحه يااارب
كلامك عين العقل ودرر ماشاء الله عليك
بس يااختي نوره الزوج الخاين مشكله احسها صعبه اعيش معااه وهو يخونني احس انو كذا اكون مغفله
وهو يلعب من وراي انا مااشكي الاا اللي خلقني بس جد شي يقهر اخت نوره
عوافي وماننحرم هالطله

 

[سماء قلبي]

جزاك الله كل خير

 

[روح لايمسهاعابث]

حبيبتي نوره ربي يحفظك ويحميك
ويكتب لك بكل حرف درجات للجنان
اسعدتينا وجعلتينا نفكر في انفسنا
وكيف نغيرها للافضل ونمسح دموعنا
ونكسب انفسنا ثقه وقوه
بصراحه كلماتي عاجزه جدا جدا جدا
عن شكرك والتعبير عن حبي لك من زنة عقلك
ياليت تكون معي صديقه زيك وتساعدني فعلا
وتواسيني كلماتها التي كالدواء على القلب المجروح
لك مني كل الحب والود
والله يسعدك وين ماتكوني

 

[miss diore]

كلام في قمة الرروووووووووووووعة,دائما اقول لأختي إذا تهاوشت مع زوجها,عيشي حياتك لنفسك وعيالك.

 

[نوره الفايز]

الله ما أجمل كلامك بس عندي طلب صغير
حياتي على وشك الانهيار ونفسيتي بعد
ونفسي تساعديني بمشورتك
لانك ماشاءالله قمة في الاخلاق وحسن التفكير

هلا بك الغاليه
انا كلي لكم
وكلي آذان صاغيه
ماازكي نفسي بقدرتي على حل المشاكل
لكن ممكن اكون قادرة ولو بشئ بسيط
يكتب في ميزان حسناتي
شاكره لك ثقتك

اختي نووووره الله يجزاك الجنه يااارب
ويرزقك ويرزقنا الذريه الصالحه يااارب
كلامك عين العقل ودرر ماشاء الله عليك
بس يااختي نوره الزوج الخاين مشكله احسها صعبه اعيش معااه وهو يخونني احس انو كذا اكون مغفله
وهو يلعب من وراي انا مااشكي الاا اللي خلقني بس جد شي يقهر اخت نوره
عوافي وماننحرم هالطله

آمين يارب
بقولك شئ
99% من الرجال خائنين مااشمل الجميع
ولكن هذا الواقع ,, ولان هذا الواقع
كل ماعليك هو الصبر .. والدعاء له
لاتعيشين وكأنك مغفله
بالعكس حسسيه بذنبه لكن انتبهي تكسرين رجولته ثم تخسرين ثقته
واذا صبرتي على خيانته ربي يعوضك خير وصدقيني ربي
ما يغفل عن عبده الصااابر ,,

الله يكون بعون الكل
ويجازينا على صبرنا خير ياااارب

حبيبتي نوره ربي يحفظك ويحميك
ويكتب لك بكل حرف درجات للجنان
اسعدتينا وجعلتينا نفكر في انفسنا
وكيف نغيرها للافضل ونمسح دموعنا
ونكسب انفسنا ثقه وقوه
بصراحه كلماتي عاجزه جدا جدا جدا
عن شكرك والتعبير عن حبي لك من زنة عقلك
ياليت تكون معي صديقه زيك وتساعدني فعلا
وتواسيني كلماتها التي كالدواء على القلب المجروح
لك مني كل الحب والود
والله يسعدك وين ماتكوني

آمين ياارب
انا اتشررف فيك ,,, يالغاليه
وكلامك عسل على قلبي

كلام في قمة الرروووووووووووووعة,دائما اقول لأختي إذا تهاوشت مع زوجها,عيشي حياتك لنفسك وعيالك

كذا بتعطيه مجال وااسع لأمور هي في غنى عنها

خليها تعيس لها اولا ثم لأولادها ثم له هو ,, تعطيه جزء من حياتها

لاتفريط ولا افراط

والله يوفق الجميع


​