زوجـﮝ متــهــــاون فــﮯ ۩ الصـــــــلاة ۩ ؟

الله يهديناااااا يارب

شكراا صاحبة الموضوع​
 
في مرة قريت قصة

واحده كان زوجها مايصلي ,,, عاملته باللين لان اللي كذا يكون الشيطان مسيطر علية فما يسمع ولا يعقل

هذه المرة ايش سوت ...؟؟؟

كانت هادئة ومبتسمة وتستقبلة بحب واحترام وتلبي كل طلباته وتحسسة انه كبير عندنا وما تجي على ذكر موضوع الصلاه ولا تنصحة ابدا لانه عارف الصح من الخطاْ ولما تنصحية ممكن يحس انه خلاص نقص بنظرك وماتحترمية والمفروض تحسسية انك تحترمية وانه قدوة لك ويحتاج تشجيع ..
كانت تقوم بالليل وتصلي وتدعي له ... كان يحترمها ومع الايام حس بانها افضل منه وتدعي له وبنفس الوقت تحطة على راسها
رجع يوم وهي تصلي وتدعي له دمعت عيونة ومن يومها الله هداه واصبح لا يترك فرض ...
الموضوع يحتاج حب وصبر ويقين باستجابة الدعاء من رب العباد ...
 
زوجي اذا كان نشيط ورايق صلى بالمسجد واذا لا صلى بالبيت ..الله يهديه ويصلحه يااارب
موضوع مهمم وقيم وان شاء الله الكل يستفيد
مشكووووره والله يجعله في ميزان حسناتك ياااارب
 
أسأل الله تعالى أن يوفق جهودك موضوع جداً رائع ومهم
لكي تتبادل البلقيسيات الخبرات في موضوع مهم
الصــــــــــــــلاة عماد الدين
و أول مايحاسب عليها العيد يوم القيامة الصلاة
فان صلحت صلاح سائر العمل
وان فسدت فسد العمل كلة​


الحمدلله أن مازال في نساء المسلمين من تحرص على هداية زوجها ، ولا تنجرف معه في تقصيره وتهاونة في مسأل أمور الدين​

حبيبتي ​

حاولي توجية النصيحة لزوجك في وقت يكون فيه هادئاً مستريحاً مسترخياً حتى يقبل النصيحة ويتأثر بها​

غيري في أسلوب النصح من الكلام المباشر إلى أسلوب غير مباشر (لا يصدر منك بل من غيرك، وذلك مثل موعظة مسموعة عبر شريط سمعي، أو رسالة وسائط​

منها :​


aljanh_net-43da20c55b.gif


aljanh_net-07121abb0a.gif


aljanh_net-0f3904b1a1.gif



aljanh_net-363a0d7dff.gif


aljanh_net-cbbec32ee3.gif


aljanh_net-4017868602.gif

وانصحكم أخواتي بشريط الشخ خالد الراشد الصلاة تشتكي جداً رائع يوجد في التسجيلات الاسلامية​


والوعظ بكتب اشرطة فيديو او في مقطع على الايميل ووو​


ومن المقاطع​








احرصي على التنويع بين الموعظة الكلامية المباشرة، وذكر قصص وو عن من مات وهو ساجد للترغيب والعكس للترهيب
و اكتبي فتوى في حكم تأخير الصلاة وهذا مهم جداً، وبخاصة إذا كانت الفتوى قوية وصادرة من عالم يحبه زوجك​



حاولي الاكثار من سماع قولك
بروح اريح واصلي ياه يازين راحة الصلاة والسجود
يالله تقبل مني ​




اكثري من الدعاء وتحري ساعات الاجابة بصلاحة
وقول ربي اجعلني مقيم الصلاة ومن ذريتي
ربي اجعل زوجي مقيم الصلاة
ربنا تقبل دعائي



لي عودة قريبة بمشيئة الله​

واخيراً /​

أسأل الله الكريم أن يصلح زوجك، وأن يجعله من الأتقياء البررة المحافظين على الصلاة وان يسعدكم دنيا وآخرة​
 
التعديل الأخير:
من جد موووضوع على الجرح
الله يجزاك خير
بالنسبه لي مافي طريقه الا وسويتها ومحاولات من كل الطرق حتي تعبت نفسيا
واخيرا وكلت امري( لواحد احد ,,فرد صمد..) واملي بربي كبيير
وبالفعل لو تعتدلت صلاة ازواجنا تعدلت امووووره حياتنا والسعاده مغروسه والمشاكل خفت واطمئنت القلوب

بالنهايه
اسال الله العزيز القادر
ان يهديني و زوجي والمسلمين والمسلمات لطريق الحق ودرب الايمان والصلاح
وان يريهم الحق حقا ويرزقهم اتباعه ويريهم الباطل باطلا ويرزقهم اجتنابه​
 
موضوع قيم الصراحة

زوجي الله يهديه ما يصلي الا بطلوع الروح ,,,
صرت اول ما يأذن أفرش سجادتي قدام التلفزيون أو جنب اللابتوب واقوله بالله قفله حتى اصلي ,,,
المهم استمريت شهر وهو ساكت وأنا ما قلتله قوم صل(يعني يالبيب قوم الصلاة )بس مشكلته ما فهم وهزأني وطردني من عنده بس أقوله أخاف أصلي في الغرفة بعيده <<< كذابه هههههههه
وصرنا كل صلاة بمهاوشه ,, بعدين قلتله طيب اذا شفتني أصلي قوم روح المسجد وريحني من الهاوش اللي ماله داعي وأخيراًً حس على دمه قام وصلى في المجلس <<يصلي عكس القبلة O_O
وانا بكل برود ودهشه وصدمه قلت بصوت هادئ جداً (حبيبي القبلة غلط ) وعلى طول صلى بالاتجاه الصح وخرجت من عنده مصدومه وللحين لي شهرين من هذي الحادثه ما جبت سيرتها معاه خايفه احرجه

والحمدلله صار يصلي على خفيف =)
​
 
يااختي الله يهديك..
ليه تحبي تحطي مواضيعك بهالطريقه..؟؟؟
بليز اذا عندك شي قوليه بسرعه
بصراحه تختاري مواضيع حلوه بس الاسلوب مره مزعج
يعني دخلت عشان استفيد منك مالقيت الا ردود البنات عليك ومااستفدت شي..
ومليت من الموضوع وقفلته..
ارجوك حطي لنا الموضوع على طول حتى نستفيد
وجزاك الله خير

 
والله انا دايما أردد
ربي اجعلني ومن ذريتي مقيما للصلاة ربنا وتقبل دعا

غير كذا لازم ننوع في الاسبوع ...

ممكن بالتصريح وممكن بالتلميح ...

نتحرى الاوقات المناسبة ممكن لنتكلم في الموضوع ...

وممكن الافعال تكون احسن من الاقوال ...

وتختلف طبيعية كل رجل عن الاخر ..

كل منهم ينفع معهم اسلوب عن الاخر ..



 
بصرراحة موضوع مهم
انا اعجبة بزوجي ( طبعا قبل الزواج يعني فترة الملكة - الخطوبه )
بمداومته على الصلاه
لكن بعد الزواج انصدمة بشده
كان لمن يسمع الناس تصلي - يعني فاتته ركعة او ثنتين مايروح للمسجد رغم انه قريب من البيت يقول ماحلحق للجماعة
اقوله في جماعة ثانية صلي معهم او حتى كافي صلاتك في المسجد شوف اجرها
ولمن نكون صايمين طبعا قبل الفجر الواحد يشرب ماء ماشاء الله عليه يقوم وفي صلاة المغرب عادتا الرجال يلحق ياكل بعض التمرات وبعدها يلحق للصلاة هذا لا ياكل وبعدين يقوم يصلي في البيت
بالنسبة لصلاة الفجر والعصر امره عجيب فيها لمن يكون عنده مشوار لازم يروحة بدري يقول بسرعة بدون مااصحية
والله اني تكلمة معاه بالهدواء وبالخصام لكن مافي فايده حتى لدرجة بعض الاحيان من قهري اقوله تبغى شرشف عشان تصلي به زي النسوان في البيت انت ليش مهمل في صلاتك؟
اش تتوقعي رده ؟ انا منى مهمل الله عالم بالنيات
اقوله طيب بما انك تقوم اذا عندك شيء مهم خلي في بالك ان دايم عندك شيء مهم عشان تقوم ماتضيع الصلاة
هذي البردين وشوف اجرها
وجبت ساعة الا تاذن والله مايقوم
ولمن اصحية في بعض الاحيان يخاصمني ويقولي كلام جارح او يقولي انا قولتلك صحيني الساعة كذا
وبعض الاحيان قبل صلاة العصر بربع ساعة او حتى عشر دقايق يروح ينام اقوله لا تنام خليك صاحي مايرضى في النادر اقدر افتح معه مواضيع يعني اثرثر بالكلام عشان ماينام لكن رغم كذا هم في النادر يصلي في المسجد
الله يشهد اني ماتعودة في بيت هلي على هذي الطريقة الوالد الله يحفظة يقوم للصلاة حتى لو نام فتره قليله والحمد الله
تدرون اقوله بدون زعل اتمنى من الله لا يخلي ذريتي من اولاد وبنات زيك مهملين في الصلاة
واكثر الصلوات الا يضيعها الفجر والعصر
صرت مااصحية اسيبه واقول الله يهديه ويصلح حاله
تدري اني لو راحت علينا نومه اصحية مايقوم تدرون متى عادتا يقوم يصلي من الساعة 8 الى 9
اني بعض الاحيان ماحس في بيتي بالراحة بسبب اهماله للصلاة
والله اني خايفة على اطفالي من ناحية الصلاة
وش الحل معة؟
واش اسوي عشان اطفالي مايطلعون مثله في الصلاة؟
في حاجه ثانية ممكن الاقي حل عندكم
زوجي الله يهديه يسمع اغاني في بعض الاحيان وانا مااسمعها ونحن محن متعودين نسمعها مين عندها طريقة تقولي هيا عشان اخليه مايسمع الاغاني نهائيا رغم اني اقوله مايجتمع بيت فيه قران واغاني ابد عشان اطفالي ماابغاهم يسمعوا مزامير الشيطان
اعطوني الحل الله يجزاكم الجنه ؟
​
 
أولاً أقول لكل أخت
الموضوع حله بيدك ويبدأ بكِ إنتِ00!!!!
قبل كل شيء يجب أن تعلمي أن ترك الصلاة من الكبائر المكفرة
(ليس بين العبد وبين الشرك وبين الكفر إلا ترك الصلاة ) 0 رواه مسلم
كثيراً منكم ذكرت أنها عندما تدعو زوجها يقول عندما تتركين المسلسلات والتلفزيون سأصلي 000!!!
شيء طيب قولي له سأترك المسلسلات وأنت ستحافظ على صلاتك في المسجد لكن بشرط عندما تراني أشاهد التلفزيون أو أفعل أي شيء من المنكرات تذكرني وأنت عندما تقصر اُذكرك (إن الذكرى تنفع المؤمنين )
أيضا قولي له وصلاة الفجر كل يوم في واحد يصحي الثاني واللي يصحى متأخر يحسب عليه نقطه وبعد أربعين يوم نجمع نقاط التقصير وعلى كل نقطة تقصير يدفع 5 ريال
إذا ما دفع معناته يخلف بالوعد وهذا منكر يحسب عليه 5 ريال زيادة
إنتي راح يكون دورك إنك يوميا أو اليوم اللي يكون عليك إيقاظ أهل البيت للفجر تشغلين المنبه وتبدأين في إيقاظهم بطرق لطيفة مثل تغسلي يدك بماي باااارد وتحطي عطر بيدك وتصحينهم بإسلوب لبق مثل أن تقولي (ابو فلان الله يجزاك الجنه ويرفع قدرك في الدنيا والأخره أذن الفجر يلا للصلاة )
قولي له الدعاء اللي يحبه يعني مثلا زوجي عنده دائما ضائقه ماليه ( أقول فلان الله يوسع في رزقك ويصلح شأنك قوم صل عسى الله يجعلك في ذمته هذا اليوم )
- طبعا من صلى الفجر في جماعه فهو في ذمة الله حتى يمسي –
زوجي يستانس إذا سمع هذا الدعاء ويقوم
صدق إنه يقوم بعد طلعت الروح ويصلي بالبيت بس على الأقل ما صار يأخر الصلاة للساعه 10 أو إذا قام الظهر
يعني بدأنا وأنا عندي عزم أخليه يحرص على الصلاه أكثر مني وعندي يقين بأن الله سيعينني على ذلك

دائما قولي أعوذ بالله اليوم أخرت الصلاة وأحس وقتي كله متلخبط وما عرفت أسوي شي
بس امس يوم قمت أصلي الصلاة بوقتها الحمد لله أحس نفسيتي مرتاحه وشغلي كله زين والحمد لله رب العالمين اللي أنعم علينا بهذا الدين
قولي مثلا قبل كنت أصلي بعد ما يخلصون الصلاة بالمسجد
وألحين يوم صرت أقوم أوضي وأصلي أول ما يأذن أحس فيه نور على وجهي قبل ما كان كذا
أشتري مره شريط عن الصلاه مثلا شريط الصلاة تشتكي اللي قالت عنه المشرفه لمى الحسناء وخليه هوه يجيبه لكِ قولي ابي أعطيه وحده بالمدرسه ما تحافظ على الصلاة يمكن الله يهديها إذا مو مدرسه قولي جارتي جارة أهلي جارة أختي أي أحد
(لئن يهدي الله بك رجل واحد خير لك من حمر النعم )
وأنسيه بالسياره حقته أن شاء الله الله بهديه ويسمعه بس لو شافه وقالك لا تنسين الشريط وعطاك لاتقولي لا خله عندك وأسمعه لا خذيه وقولي جزاك الله الجنه اللي ذكرتني إن شاء الله ربي ما يحرمك أجر هدايتها
الحوار الفكري
يعني حاوريه بالعقل مثل محاضرة الشيخ لمن قال لو قلنا للناس حجوا برمضان كلهم راح يستغربون ويقولون لا الحج في شهر ذي الحجه
طيب صلاة الظهر اللي تؤدى وقت صلاة العصر والفجر اللي تؤدى في وقت متأخر قد يكون الظهر
من باب أولى الصلاة في وقتها لأنها الركن الثاني ولا أعني بذلك أهمال الأركان الأخرى لأنها لم تكون الأول أو الثاني
الإسلام لا يقوم سوى على هذه الأركان الخمسه لو ترك منه ركن واااااحد لأصبح من غير المسلمين
مثل أعمدة الخيمة أو المنزل لا يكتمل ولا يقوم سوى على هذه الأركان وإلا سقط
للحديث بقية 0000
للعلم يا أخوات أنا ما اماطل بالموضوع ولكني أعرف الكثير تدخل لتقرأ الموضوع وتطلع دون تعليق وهي لديها الكثير من الكلام المفيد اللي ينفع أخواتها المسلمات لإصلاح بيوتهم وأحوالهم مع الله
وأردت أن تأخذوا الفائدة مني وتعطونا مما نفعكم الله به ​
 
أختي لمى الحسناء
لا حرمنا الله من علمك مشاركتك أثلجت صدري وأتمنى البنات يستفيدوا منها
لمعة عين
مشكوره ووالله لا يرد القضاؤ سوى الدعاء
أهواك يا نفسي وجرووح
جزاكم الله خير والدعاااااء الدعااااء في جنح الليل
تخلصي من شيطانك حتى تستطيعي مساعدة زوجك في تخلصه من شيطانه
روعة الغروووب ما شاء الله
أسلوبك جدا راااائع أكملي في المحاولات وستجدين النتيجة المهم أن تملئي قلبك يقين بأن الله سيعينك
سأكتب لكم بعد قليل الأحكام الشرعية للمصر على ترك الصلاة
ستشيب رؤوسكم منه وستسعون بكل ما أوتيتم من قوة لمساعدة أزواجكم في المحافظة على الصلاة
لكن الأن نكمل
الحوار الفكري
بقول لكم حوار دار بيني وبين زوجي (مو شرط تتقيدين بهذا الحوار بل أطلقي العنان لفكرك ستجديه مليئ بأحاديث ثرية جدا تعود عليك وعلى زوجك بالنفع )
المهم مره صحيت زوجي للصلاة وما رضى يصحى واحاول معاه وأناديه بس ما صحي للصلاة غسلت يدي بموية بارده وحطيتها على وجهه وطلعت للدوام
المهم رجعت الغرفة نسيت غرض لقيته يتوضاء وبعدين طلعت ولمن رجعت من الدوام كنت ابي أخذ قيلوله
جلس يسولف معي (فتحت الحوار لمن كان عنده رغبه في الحديث وأسلوبي كان جدا لبق(أنا كاتبه الموضوع أرتجال )
قلت له ليش أنت تحط ساعة جوالك على المنبه وقت الدوام وما تحطها على وقت الصلاة
قال : خلاص اقوم اصلي وأداوم بالمرة
قلت : إنت مقتنع في طريقتك
قال : يعني
قلت : بقولك كلمات وياااريت يكون لها أثر في نفسك
أولا - إذا صليت ما راح تنفعني و إذا ما صليت ما راح تضرني
لكني أتحدث معك لأني حريصه عليك ولاني محتاجه إنسان يدعمني في طريقي بهذه الحياة وأنت الوحيد اللي تقدر تساعدني لأنك معي وتشوفني إذا قصرت وتشوفني إذا أتممت واجبي تجاه الله
وقت التقصير ابيك تنصحني إنت إنسان تعلمت ومنت جاهل تعرف وش اللي ينفعك وش اللي يضرك لكن يمكنك نسيت إن كل نعمة بك الآن هي من الله لو قال الله كلمه واحده من حرفين كن فقط
راح تتغير صحتك إلى سقم
نعمة القوة إلى ضعف
نعمة البصر إلى عمى
نعمة السمع إلى صمم
نعمة المشي إلى إعاقة
نعمة الأهل إلى وحده بدون أهل
نعمة المال إلى فقر
وكله إنتقام من الله منك لانك لم تشكر نعمه وإنتقام الله شديد لا تستطيع أن تأمنه إلا بشيء واحد فقط وهو شكر الله على هذه النعمة ويكون الشكر بطاعة الله
صمت
وأنا متأكدة أن لحديثي معه أثر
حوار أخر
كنت حاطه الجوال على وقت الأذان ولمن دق الفجر ما سمعته وبدون شعور قمت وصحيت زوجي ورجعت نمت وهوه سمعني المهم لمن قمنا نسولف بالعصر قلت له ليش اليوم اصحيك تصلي ما قمت
أنا أقصد لمن قمت وصليت وأنا حاسه بنفسي
قال : أنتي أصلا قمتي صحيتيني ورجعتي نمتي
قلت : أنا ؟؟؟!!!!!!
قال : إيه إنتي
أستغربت لأني ما حسيت على نفسي
قلت: ما أذكر
قال : يمكن كنت دايخة نوم وتصرفك بدون شعور
قلت : طيب ليش ما صحيتني أصلي
قال : 0000000
قلت : يعني ليش ما صحيتني ما دمت سمعت الجوال وسمعتني لمن تكلمت تخليني أاخر الصلاة
حرام عليك نخسر الجنه عشان ساعة نوووم
إنحرج وسكت
مرة ثانية
قلت له إنت فيك خير واااجد وما تحب تأذي أحد بس ينقصك شي
قال : وش هوه
قلت : متهاون في صلاتك وهذي راح تخسرك الجنة تدري وش جزاء من تهاون في الصلاة جزاءه ويل وويل واادي بجهنم الله سبحانة وتعالى قال (ويل للمصلين اللذين هم عن صلاتهم ساهون اللذين هم يراؤون)
تخيل الله حاط واادي خاص في نار جهنم للمصلين مع إن الله أمرنا بالصلاة
لكن هذي الصلاة لا تنفع
الصلاة التي تنفع هي التي تؤدى في وقتها وبالمسجد وبطمأنينه وخشوع فقط
اما غيرها فهي ترمى بوجه صاحبها يوم القيامة كالخرقة البالية
علشان تصير أقوى من الشيطان تتحكم أنت بالشيطان وليس الشيطان من يتحكم بك يجب أن تؤدي الصلاة بوقتها وبخشوع وطمأنينه وفي المسجد مع الجماعه
الحمد لله لهذه الكلمات صدى في نفسه ولكني لا زلت في بداية الطريق ولا يأس مع الله ​
 
قال رسول الله صلى الله وسلم ( لاتترك الصلاة متعمدا ، فإنه من ترك الصلاة متعمدا فقد برئت منه ذمة الله ورسوله ) أي ليس له عهد ولا أمان..

قال رسول الله صلى الله عليه وسلم : (بين الرجل وبين الكفر ترك الصلاة )

قال رسول الله صلى الله عليه وسلم : (أتينا على رجل مضطجع ، وإذا آخر قائم عليه بصخرة ، وإذا هو يهوي بالصخرة لرأسه فيثلغ رأسه - أي يشدخه - فيتدهده الحجر - أي يتدحرج - فيأخذه فلا يرجع إليه حتى يصبح رأسه كماكان ، ثم يعود عليه فيفعل به مثل ما فعل المرة الأولى ، فقلت : سبحان الله ! ماهذان؟ فقال جبريل عليه السلام (إنه الرجل ينام عن الصلاة المكتوبه )

قال رسول الله صلى الله عليه وسلم : ( أول ما يحاسب به العبد يوم القيامة عن الصلاة ، فإن صلحت ، صلح سائر عمله ، وإن فسدت ، فسد سائر عمله )

قال رسول الله صلى الله عليه وسلم : ( من حافظ عليها - أي الصلاة كانت له نورا وبرهانا يوم القيامة ، ومن لم يحافظ عليها لم يكن له نور ولا برهان ، ولا نجاة ، وكان يوم القيامه مع قارون وفرعون وهامان وأبي بن خلف )

قال تعالى( كل نفس بما كسبت رهينة إلا أصحاب اليمين في جنات يتساءلون عن المجرمين ،ما سلككم فيسقر.قالوا لم نك من المصلين )

قال تعالى( حافظوا على الصلوات والصلاة الوسطى وقوموا لله قانتين)

قال رسول الله صلى عليه وسلم وهو يلفظ أنفاسه الأخيرة : (الصلاة ، الصلاة وما ملكت أيمانكم ).

قال ابنالقيم الجوزي رحمه الله : (الصلاة : مجلبة للرزق . حافظة للصحة دافعة للأذى ، طاردة للأدواء ، مقوية للقلب ، مبيضة للوجه ، مفرحة للنفس ،مذهبة للكسل ، منشطة للجوارح ،
ممدة للقوى ،شارحة للصدر، مغذية للروح ، منورة للقلب، حافظة للنعمة ، دافعة للنقمة ، جالبة للبركة, مبعدة من الشيطان, مقربة من الرحمن )..​
​
 
أعدكم بأن يكون للموضوع بقية تنفعكم
لأني والله كتبت جزء طووووووويل وأنمسح للأسف
لكن أعدكم بكتابته ولكن ليس غدا لأن عندي ضرف غدا إن شاء الله ​
 
كلام جميـــل
لـــــــــــــــكن

اخاف افتح موضوع الصلاة مع زوجي مرة ثانية
لأني و لللأسف شددت عليه فترة حتى صار يتنرفز بسررررعة ومايحب اتكلم فهالسالفة!!

لذلك انا اتحاشى انصحه مرة ثانية
بس من ناحية اخرى احاول بطريقه ثانية اني اصلي قدامة و اطول في صلاتي حتى يمدح صلاتي وبعد اخلي ولدي الصغير ( سنه ونص ) يصلي معاي جماعة

و ك رد فعل على زوجي قام يصلي قبلي بس علشان يخلي ولده يصلي معاه !!
بس للأسف في البيت ؟؟

الحمدلله زوجي مقيم للصلاة ومواظب عليها بعد اكثر مني بس في البيت !!

هاذي هي مشكلتي صلاة زوجي في البيت ؟؟


(( اللـــــــهم اجعلني ومن ذريتي مقيما للصـــــلاة ))



طلبتكم طلبة لا تردونــــــــي :::: إذا عندكم هالدعاء على شكل خلفية للاب توب او تلفون بلييييز حطوها فالموضوع ... واللـــــــه هالدعاء رووعة و اذا كان قدام عيوننا 24 ساعة بنقوله طول اليوم لين نتعود..​
 
من زمااان وانا ادور على كيذآ موضوع

زوجي اللله يهديه مايصلي بالمسجد الا نااادر جدا جدا
واذا صار نايم وفاتته الصلاة احيانا يصليها واحيانا لااا

وقبل فتره اكتشفت انو يصلي احيانا بدون وضوء

الله يهديه ياااااااااااااااااااااااااارب ويهدي جميع ازواج المسلمين

ولما اقول له قوم الصلاة يرد علي بنفخه طــيب الله يهديه بس
 
اولا زوجي من هذا النوع هداهم الله واتوقع ان للتربيه دور فلقد وجد ابوه يصلي بالبيت والله اعلم بس هذا مالاحظته بعد الزواج وانا جدا متعوده ان ارى والدي حفظه الله يحافظ ع الصلاه بالمسجد وهو الذي يوقظنا للصلاة فكان هذا الموضوع يتعارض ع ماتربيت عليه فكنت دايم انصحه للذهاب للمسجد واثني عليه اذا سمعته يأم المصلين لاننا كنا بقريه .لكن لاحظت انه يتملل من ذلك ويصلي بالبيت لان طبعه ملول وبعدها انتقلنا الى مدينه وكان اذا طلبت منه الذهاب للمسجد يذهب بعد الحاح ولكن تفاجات في يوم من الايام انه لايذهب للمسجد وانما ينزل يدخن طبعا كنت اراقبه من الدريشه وزعلت واصبحت لااجبره للمسجد وانما يصلي في البيت وديم ادعي له بالهدايه وان يحبب الى قلبه صلاه الجماعه .واذا صلى الفجر في المسجد دايم اقوله والله وجهك منور اليوم عشان الصلاه .طبعا اعذاره ان الامام هذا يطول او صوته مايعجبه او يمل من التكرار ودايما يقول اني وانا صغير كنت ملتحق بحلقه تحفيظ وكنت حريص اصلي في الصف الاول وفي يوم جاءنا رجل كبير وطلب مني الرجوع للخلف بحجه ان الصغار ورى وكرهت من يومها الصلاه بالمسجد وكبار السن:30:
امنيتي يحافظ ع الصلاه بالمسجد ويبطل دخان واسال الله العظيم ان تتحقق لي في القريب العاجل
 
عيدك مبارك و رائع,,
جعلنا الله من المقيمين للصلاة بأوقاتها,,
ومن محبيها,,بكل أحوالنا,,بكل ما لدينا,,
للكل,,
اللهم آمين,,
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل