زوجــــــي من كوكب نبتون؟؟ كيف اوصل له

[غدير الحب]

السلام عليكم

كيف الحال؟

انا يا دكتورة ....واخواتي اعاني من رجل لا اعرف كيف ابدء...شخص لا يعرف الواجبات والاصووول ....ولايراعي حد اناني بشكل...انا متزوجة من تسعة سنوات وعندي 5 اطفال ... زوجي ببدايةارتباطنا كان يحس بالاسرة وكنت مااتعب وايدوياااه...وعقب يوم سرت الجامعة تغيربشكل كبير وخلصت الجامعة الحين من سنتين وحالة غير .. يسهر ويشرب وطبعاهوما يبين انه شارب.. يرقد اوينام بغرفة غير وعقبها طبعا كشف المستور وقام يطعني بشرفي كحجة ليش انه شرب....بدأيسافر من دون علمي.. الرمضان الي فات سافر من اخر عشر ايام رمضان الى بانكوك وتعرفون الي يسافرهناك شويسوي ورجع بعدالعيد بثلاث ايام.. ولاترك لنا شئ بس طرش ملابسنا مع ربيعه..؟؟ ولاسلم ولا شئ.. والحين هالرمضاااان من يوم السبت اخريوم رمضان لين يومكم هذا الجمعة ماردمن التخيييم ولااتصل اوشئ .. انامااعرف ليش جي يسوي..يمكن بتقولوا اسلوبي بالعكس بالبدايةكنت اكلمه عادي وبطيبة بس اكتشفت انه يطنش ويستغل طيبتي واسلوبي انه يطنش اويسهرومايحسب حساب حد.... ومليت وعقب بديت اعصب وفعلا قمت اخذ حقي بالاعصاااااب وهذي الطبيعةفي اهله امه جي اتسوي ويا ابوه .ز بس انا انثى خاطري يومارمسه بطيبة انه يتجاوبمبلازمبالقوة اخذ حقي ولعيالي ..... وانا ماابدء بالاعصااب اكلمه بهدوءومبتسبة ...يقول اوكي ويطنش ...حتى مرة اقوله بهدوءووناسةيلاطلعنا تراملينا وعيالك ملوا ومن هالكلام...قال اوكي..اتصدقوون انه طلع من الساعة 6 لين 12 بليل وطنش اتصالاتنا .... وعيالي متىبنسير حرام ع ابوي يسوي كذا... ورجع 12وخليتهم نايمين بالصالة وبجواتيهم وانا بعباتي وواجهته وقلت له الحين بتطلعنا وعصبت وهوبارد انزين انشغلت عادي باجر..ماعنده احساس مشاعره متبلدة .. خاني .. ويرمس منوراي وكلشئ واخذته بالعقل ونصحته دخلت الاهل يوم يومين ويرد.. اناما اقول لازم يكون مثالي بس ليش مايحس؟ ليش مايعرف انه له واجبات وحقوق علينا..انا لعمري ما اقدراشتري لانه ما يبي ولااروح. الصالوون لانه مب متواجد حتى لوتعدلت بيرجع ويه الفجر ما احس اني انثى وعندي زوج ... يهتم فيني.. تخيل وامرة كانت عندي بيزات ويترجى انه يبى وانا اعاند حتى من باب اغايضه قلت له بوس رجلي عادي قام وباسها انصعقت وعصبت ...حسيت فعلا انه ما يستحي ومن نوع الي ينقال عنهم ناس تخاف ما تختشيش.. ويوم رفضت اعطيه البيزات لانها حقي ضربني وبهدلني ... احس بقلبي كره ...الناس تسلم الناس تساعدتقول كلمةطيبة تقدر زوجاتهم لو يسووون مشاكل برا بس هذا غير وانا الحمدالله ماسويت غلط فيحقه بسهو غيررررررررهوبس يقعد جدام التلفزيون ولاحياة لمن تنادي وانااعاني لروحي ماعندي شغالة بسبته طبعا... خذت بيزات الخاصة بالخدامة من وراي وقال بنخليهم للعيد ......وهذا اناوحظي فشواسوي بهالانسااان؟مايحس ....ابدا ... كل عيد تحس كآبة اوعندنا عزاء بسبة كل يقول شو يبون وليش؟ ولايستانس شرات الناس يوم تفرح بفرحة عيالهم بس يهتم بنفسه ويستانس ع حسابنا تعودت اعيييش من دوونه لانه يختفي دائماولا يحسب حساب لنا فليش اكمل ويااه؟
واسمحوني مااقدراكمل فيني غصة ..... وعيالي يهموني اكثرقمت اعصب وايدعليهم..

ساعدوني

 

[نسائيات]

رد : زوجــــــي من كوكب نبتون؟؟ كيف اوصل له

اختي الله يعيننج ويفرج همج اخت يعليك بالدعاء فالدعاء يغير القدر
عورتي قلبي والله بس لازم تعرفين شيء مهم اذا عصبتي على عيالج ما راح تخسرين غير عيالج وعلاقتج وياهم ونفسيتهم ابوهم ما راح يتاثر
ومشكلتج صعبة وانشاء الله بتلاقين حل عند الاستشارية ناعمه الهاشمي

 

[بيسه]

اختي اقعدي مع نفسك وحاولي تفكري شو الشي اللي زوجك بلاقيه عند اصحابه وباسفاره وما بلاقيه عندك بالبيت
بتصور رح يكون جوابك ان مع اصحابه حر طليق بلاقي معاهم المرح واللهو يعني باختصار ماعنده مسؤوليه
بينما اذا اجا عالبيت طالعنا مشوار- لازملي مصاري- بدي انزل عالسوق - الاولاد محتاجين - طالعنا مشوار ....................الخ

زوجك من النوع اللي بيتهرب من المسؤوليه
والاولاد لازم يكون الهم دور بجذب والدهم للمنزل يعني يعملو جو ضحك وفرفشه بالبيت
انت لاتهملي بحالك ابدا دائما كوني مرتبه والضحكه ما تفارق وجهك
ورايي الاخت ناعمه لا غنى عنها
والله يسعدك دنيا واخره

 

[غدير الحب]

هلا اخواتــــــي

شكرا ع الردود الطيبة

وصدقوني دائماادعي ربي والحمدالله راضيةوصابرة بس بعد افكر بلحل ....واكلمه عن الدين وغيره بس هواذن من طين واذن من عجين بيقول ان شاء الله وعقبها وينه محد..(كان ايام يقول برجع بعدنص ساعة ويروح المرقص ومايردالا خمس الفجر ...وطبعا سويت معه حرب لين بطل يروووح والشرب قطع عنه..والله العالم الحين شويسوي)

بالنسبة للطلبات ..انا انسانةارتب كل شئ يعني ايام المدارس ما في طلعات الا يومي الخميس والجمعة والسبت ومب دوووم ومخصصة يوم حتى اشتري اغراض للبيت ويوم للاطفال ويوم لزيارة اهلي... يعني طول الاسبوع بالبيت عسب شغل البيت ومذاكرة اليهال وراحة زوجي يوم يرجع من الدوام.....

والحمدالله مخليتنه مرتاح بس يوم يقصر ونحتاج شئ اكلمه ..يعني تخيلوا كل الوقت مااغثه بشئ مب مهم ويوم اطلب المهم يتلعث ويطلع اعذار اويطنش؟؟؟؟

هو الي ما يقدر ولا يوجب وحتى عياله وان كنت اعصب عليهم عقب ارجع واكلمهم واعتذر ...والحمدالله مرحين وحبوبين ويعاونوني وهومايهمه امرهم ولولعب وياهم كله تهديد ووعيد ويضرب ... وهو يلعب بعد قاسي؟؟؟


استغرب انه في رجاال مايحسون انه لهم واجبات وهم رجااال وتبقى المرأة مرأة ..مب يخليها رجل البيت ويشرد ومحديعرف له مكان ولا يهتم اني بيت لروحي وعيالي بس.. والدنيا ما فيها امان؟؟

والله المستعااان

 

[أ.ناعمة الهاشمي]

رد : زوجــــــي من كوكب نبتون؟؟ كيف اوصل له

نحن نعيش في زمن أنقلبت فيه الموازين، وأصبحت المرأة في هذا الوقت تداس تحت وطأة عجلات المسؤولية بلا رحمة، وزوجك سكير، وهذه في حد ذاتها معضلة أخرى، فالسكر له عواقب وخيمة على كيان الرجل ونفسيته وطريقة تفكيره ، فالسكر إدمان والمدمن تقريبا فاقد الوعي لهذا لا تجوز صلاته في وقت سكره،

تقولين أنه قبل قدميك من اجل المال، وفي الحقيقة قبلهما من اجل السكر، ومستعد لبيع قطعة من لحمه ودمه من أجل كأس شراب واحد.

أنت مبتلاه، والسكير هم في كل بيت، ............... كيف تتصرفين معه، إنه فقير جدا فكل سكير فقير لأنه يفني أمواله في سكره،

ربما استطعت مساعدتك، لكني لا أعدك فبعض الحالات للأسف الشديد تكون خارج نطاق السيطرة،

إن كنت تعملين فهذا سيسهل علينا العلاج أكثر، .. يبقى انك ذكرت دخولك الجامعة ثم قلت أنه يشك بك، هذه علامات تحتاج إلى إعادة نظر،

في حكايتك بعض الغموض، وقد يكون علينا الحديث معا إن كان بإمكانك دفع تكاليف الإستشارة فأهلا بك، وإن لم يمكنك فأنصحك بقراءة بعض الكتب الخاصة بفن التعامل مع السكير، وكيفية الإقلاع عن الكحول لعلها تفيدك، كما أنصحك بعقد جلسات يومية للمصارحة الذاتية وتصرفي بهدوء وتعقل ولا تتسرعي وتذكري أنه كان جيدا معك في السابق.​

 

[ونات حزينة]

اختي الغالية
صدقيني ماشي احسن من قراءة سورة البقرة عن تجربة شخصية
جربي وبتلاحظين الفرق من ناحية نفسيتج
وعن ريلج ادعي في سجودج ان الله يبعد عن رفقاء السوء
لنه سمعت انه الدعاء وقت السجود من افضل الطرق للستجابةحيث يكون العبد المؤمن بين يدي ربه
ادعي بهاي الادعية:
اللهم اجعلني اجمل امرأه في عيني زوجي
اللهم احفظ زوجي من رفقاء السوء ....ياسميع الدعاء يارب
اللهم اجعلني حورية من حوريات الجنة في عيني زوجي يارب
وحالي تستغفرين وايييييد طول الوقت والله يفرج همج
:bye1: :bye1: :bye1:

 

[اشراقات]

ياسر زوجها يسكر تعرف وش يعني وش تطيع من جدك انت الله يعينها على بلواها

والي يسكر مايستحق لازوجه ولااولاد

اسال الله العظيم ان يفرج همك ويسعدك ويصلح زوجك اللهم امين
​

 

[ذكريات امراءه]

على مااعتقد هالمنتدى نسائي

اتمنى من الاخوات الاداريات النظر في الامر