زوجـــــــــج و غرفة الـــــــــولادة ؟؟؟؟؟

  • بادئ الموضوع بادئ الموضوع amoonah28
  • تاريخ البدء تاريخ البدء
انا ماابغاه يدخل بس خليه يكون قريب من المكان اللي انا موجوده فيه
​
 
مره سمعت ان زوج دخل مع زوجته غرفه الولاده ويووووووووووم شاف اللي خرج منهاو و و ماعاد قدرعاد يقرب لها في الفراش مو خوف عليها لا بس يتذكراللي سار في غرفه الولاده وطلقها
 
انا بعد سمعت هالسالفه ؛؛؛)
بس صدقه انا ريلي دخل عندي بس كان عدال راسي ؛؛
رغم ان اللي ولدتني بريطانية مب مسلمة بس كانت مغطتني وكلما ينزل الشرشف عني كانت ترفعه
عشان ريلي ما يشوف :::
الله يهديها ويصلح بالها ؛؛؛
 
انا أؤيد دخووووووووووووله بس مايشوف البيبي وهو يطلع وراح اتفق مع الدكتورة تطلعه اذا بغى يطلع البيبي ...
 
أنا أؤيد يكون قريب منها حتى يسمع المعاناه
بس يدخل لالالالا لانه وقت الولاده شئ مقزز
حنا نقرف من أنفسنا فما بالكـ هوا
أنا قلت لزوجي يدخل معاي بس رفض ومستحيييل يرضى
لانه خواااف يخاف من المواقف هاذي حتى لما ولدت ماكان برا تخيلوا
نزل المسجد حق المستشفى علشان يكون بعيييد بالمررره​
 
انا بصراحه اايد دخول الزوج لغرفة الولاده لانه لازم يحس بالمعاناه اللي تعانيها الزوجه وقت الولاده ويقدر تعبها بعدين انا ولادتي الاولى كان ودي يدخل معاي بس لاني ولدت بمستشفى حكومي فممنوع يدخلواحد معاك وقعد ينتظرني هو وامي برى بس ولادتي الثانيه ان شاالله ربي ييسرلي واولد في خاص ويدخل معايه زوجي وامي.
 
انا صراحه بدخله معاي ونفس كلام وحده من الاخوات اذا بينزل البيبي يطلع بتفق مع الدكتوره ابيه يحس اني ماجبته بسهوله الله يهون علينا يارب
 
انا زوجي مصرر يدخل بس والله ما يدخل !!

حتى امي ماراح اجيبها !!

>>>>>> لاني استحيييي!! بكرررريه لحد ييضحك على تفكيري
اصلا انا مدري وش راح يصير في الولاده بعدين!!

بصرااااحه ماشلت هم الالام والوجع والطلق والخياطه

كثر ما انا شايله هم ...... اني راح اتكشف!!

مدري وشلون الحريم يولدون طبيعي ؟؟احس صعببببببببه جدا اني اكشف هذاك المكان !

اذا فكررت بالموضوع ودي اتراجع ! احس ان ولادتي بتتعسر بسبب اني مابي اتكشف !

لييييه مانقدر نولد في الظلام ؟!!!
​
 
وانا رأيي مثل الأخوات احبذ دخوله معاي غرفة ا( ما قبل الولاده) ويسمع الأهاااات والوناااات وانواع التعب ..

وبصراحه تأثر كثير بأولادي2 لأني كنت بمووووت مو قادره اتنفس ...حسيت نفسي خلاص بودع ..

و الدموع اربع اربع <<< تقطع القلب .

لكن وقت الولاده وخروج الطفل لأ والف لآلآلآلآلآلآلآ.

وسلامتكـــم ،،

الله يهون على جميع الحوااااااااااااااااامل

يآآآآآآآآآرب.

أختكـــ بصمة امرأة ـــم~​
 
والله آنه للحين ماعندي عيال الله يرزقني ان شالله
بس أئيد وجود الزوج مع الزوجه او انه يكون قريب منها عشان يسمع صراخها ويحس ان البيبي مايجي بالساهل ؛)
 
السلام عليكم
بصراحة انا كنت أؤيد دخول الزوج غرفة الولادة وألحين لا.. يعتمد على الزوج والزوجة.. لما كنت في غرفة الملاحظة قبل الولادة كان قاعد معاي بس لما أحس إني برجع أطرده برع بشكل لا إرادي.. ما تحمله.. كيف لو فالولادة.. مادري شو بسوي فيه.. أحس إني عند الدكتورة والنيرسات أكون فأيادي أمينة والله سبحانه وتعالى بجلاله موجود معاي.. بس قبل الولادة غصب عنه أقعده معاي لو يحاول يتهرب.. لأني محتاجه وقفته معاي.. وبالنسبة للتكشف انا مايهمني هالشي أبدا لأن هذا شغل الدكتورة وأكيد أنها شايفة 100 وحدة قبلي ونفس الشي بالنسبة للنيرسات
أما عن أخوي وزوجته فهو كان لآخر لحظة مرتبك و مايعرف شو يسوي وكان عادي يشرد ومايرجع بس لما دخلت زوجته للولادة نادته وراح قعد عندها وشجعها وقص السر وبعدين ارتفعت معنوياته
بصراحة أنا لو دخلت مع وحدة غرفة الولادة بيدور راسي وبتعب ننفسيا لهالشي أنا ما أؤيد دخول الزوج غرفة الولادة.. شي نفسي.. يعتمد على الزوجين
 
موضوع حلو كثير ..

بصراحه فيه ردود خوفتني .. اانا اتمنا يكون زوجي معي بوقت ولادتي لان أمي كانت تقول ان ابوي دخل وياها باخر ولادتين وكان عند راسها ويقرأ ويدعو الله يسهل عليها .. وانا أتمنا هالشي يصير معي..

 
انا الان بالشهر الثالث
الله يتمم لي على خير
وياليت زوجي يدخل معاي
والله نفسي يحس بتعبي
لانه بولادتي الاولى ولدت بحكومي
وممنوع الدخول
 
بتجربتي الاولى وانا بجهض بعد ماحطوا لي الطلق الصناعي
والدم مالي السرير غمضت عيوني لحظه الا اسمعه يناديني
لفيت عليه اشوي بعدين درت براسي يعني وش جابك هناا بس دخوله شجعني
لاني كنت بكريه اول مرره على طول بعد ماطلع
لانه ممنوع يجلس معي شديت حالي واجهضت بدون مايكون احد جنبي
حتى من الممرضات
بس للحين يذكر منظري والدم مغرق السرير
انا مع دخول الزوج غرفة الولاده بس يكون عند راسك افضل

ويعطيك العافيه على موضوعك الحلو​
 
صراحه أنا عندي بنوتين و بالمرتين دخل معي زوجي ...

أنا ولدت بالمرتين ولاده قيصريه , قبل ما تبلش الولاده بالمرتين طلبت من الكاتره انو ما بدي زوجي يقص الحبل السري و ما بدي اياه يشوف شق بطني لأن زوجي كتييييييير كان خايف كأنه هو اللي بدو يولد .... و فعلا رفعو قدامنا ستار طويل و ما شاف شي بس وجوده جمبي كتيييييييير حسسني بالأمان طبعا الأمان بالله وحده .... و على فكره لما ولدت بس خدرلي النص التحتاني كنت فايفه طول العمليه ...

صراحه أنا بشجع انو الزوج يدخل لأن بحس فيكي أكتر و بشوف كم احنا بنعاني و ان شاء الله يكون كله تكفيييييييير ذنوب حبيباتي ...
 
مدري والله انا سمعت قصص انه في بعض الرجال يقرفوا ليش مدري لاني لسه ماجربت
ويسير بعدين مايجامع زوجته ولا يبي ينام معاها وممكن توصل لانه يروح يتزوج او يطلقها
يعني هو اكيد راح يعرف اني حاتعب وحيكون معاي طول الوقت قبل لا ادخل الولاده فاحسمايحتاج الام ستر علا بناتها
بس ماتدري هذا كلو كلااام سمعتو من حريم كبار لصراحه بس احتاج اللي يصححلي المعلومه
ليش ممكن يقرف اش ينزل من الحرمه وقت الولاده ​
 
انا عندي اصعب تجربه بحياتي آآآآآآآآآآآآآآآآآآآآآآآه الحمد لله اللي عدت

تعسرت ولادتي جدا جدا

فكلموا زوجي ودخل وليته ما دخل

لما شفته ضعفت مررررررررررررررره وكاني سلمت له الامر ههههه صدق والله

وبالله لا تقرفون بس لازم نعيش الواقع اغلب العضوات تقول ابغاه يدخل على شان وعلى شان

الواقع يقول لما ضعفت الاخت انا طبعا اقول لزوجي ساعدني انا بموت يعني افكر بنفسي

مش مستوعبه خطورة الموقف على الجنين قامت القابله وبدات تقص في العجان اه زوجي

جالس عند راسي بس عارف وش الخلطه و على شان تشجعني

تاخذ يدي وتحطها على راس الجنين طبعا معصبه خوف على الجنين تقولي المسي شعره

وبعدين انا ارجع اسحب يدي بد ما غرقت دم معليش لا تقرفون طبعا اسحبها منها بقوه والدم

يقطر على الملابس حتى على حلقي قطر وهي تحاول تنبهني وانا ياغافلين لكم الله

وهات يدي رايحه جايه هي تحطها وانا اسحبها ورجعت تقص مره ثانيه وزوجي خلاص حسيته بيرجع علي

منظر صراحه فظيع لحد ما خلاص بديت ارجع بقوه وترجيع كل خمس دقايق لحدما صرت اشوفهم مثل الاشباح

بسم الله حسيت اني بفقد الوعي طبعا كيف المنظر تطريش وحوسه من تحت وحااااااااااله

سمعتهم ينادون زوجي طلعوه بعد ما حسيته بيرجع علي امحق من تشجيع

بسرعه ادفعي دفي ادفعي مامه عروسه ههههههههههه شاطره مامه هههههههه

والاخت مسلمه امورها لزوجها طبعا ويوم انتبهت انه موبجنبي قلت خلاص ماعاد فيها حل قالت

القابله باسحبه بالجفت خفت عليه اخيرا تذكرت الاخت ان جنينها في خطر هههههههه

تشجعت وخرج الحمد لله لكن ارادة الله كانت تقتضي ان يعاني ولدي من شلل دماغي

اغلب الدكاتره مصرين انه ماله علاقه بالولاده والله اعلم

اهم نقطه ابغى انبهكم عليها يا اخوات ان لحظات الولاده اللي تعيشينها هي لحظات الحياه الحقيقيه

لحظت المجد لك لحظت اثبات وجودك في الحياه لحظت تسببك بوجود انسان اخر سبحان الله

يعني هذا دورك انتي ماله داعي زوجك يدخل ماراح ينفعك الا الله سبحانه وتعالى في

هذي اللحظات ثم تركيزك على ان فيه جنين يمر بطريق حياه او موت وبتركيزك ووعيك

باذن الله تجنبين ابنك الخطر

طبعا حرمت اخلي زوجي يدخل معي حتى هو يتذكر هذيك اللحظات لا اله الا الله
 
بصراحة موقفج وااااايد صعب حبيبتي
والله يشفي ولدج ضناج ؛ والله يآجرج ويعينج على تربيته ؛؛؛
 
amoonah28

تسلمين حبيبتي الله يجزاك كل خير

و كذا مره اقرا مواضيع نفس هذا الموضوع وكل اللي يقولون دخلوا معهم ازواجهم

ندمانيين انهم سمحوا لهم

اذا الوحده منا ما تشيل الشعر و تتنظف قدام زوجها فما بالك بالولاده الله ياجرنا بس
 
انا الد قيصرى ومع ذلك لا استطيع دخول غرفة العمليات بدون زوجى معى
​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل