اميره بذوقها
New member
- إنضم
- 2010/03/01
- المشاركات
- 97
بسم الله الرحمن الرحيم
السلام عليكم ورحمة الله وبركاته
حبيباتي البلقيسيات حبيت انقل لكم تجربة من تجاربي الناجحة
والتي اخترت لها هذا الاسم ( زوجة شمالية ترفع راية النصر على زوجها الجنوبي الغربي )
هذا ياحبيبات قلبي بما ان زوجي جنوبي وغربي كمان وهنا تكمن المصيبة فهو رجل رومنسي للغاية وله علاقات كثيرة مع النساء بس عن طريق الجوال والنت فقط يعني باقي ماوصلت للمقابلات الله يستر بس
المهم ماباذكرلكم الاسباب لاني بفرد لها قصة لحالها وانزلها بعد هاالموضوع عشان تنبسطون وتستفيدون
الي بقولكم عليه اني عانيت من هالامر كثير وبكيت كثير وحزنت كثير وحاولت انتقم منه بطرق كثيره وحاولت احل هالمشكله باكثر من طريقة بس مافي فايده
ولنا على هالحال اكثر من 3 سنوات
وفي المرات الاخيره توالت علي مواقف هدت حيلي اولها صار يراسلهم طول الليل والنهار طبعا قدامي ونغمة الرسالة كل ثواني تدق ثانيا كنت افتش جواله كل ما راح الحمام الله يكرمكم اونام والقى التهاويل الرسايل والمكالمات الصادره والواردة كلها بنات
فكنت انقهر مره واحاول ادقه بالهرج زي اخبار فلانه وكلمتك فلانه اليوم زي كذا
فكان يحكيني عنهم على طول كل وحده واش تقوله ومعلومات عنها واش يقولهم
بعدين ازعل منه واقوله علشانهم ويرجع يراضيني ويقول خلاص معد اسويها وهذي ارقامهم شوفي بمسحها وهذي خدمات الدردشة بمسحها وفعلا يمسح بس حده 4او5 ايام ويرجع
ومره اقترح علي ليلة رومنسية فقلت له خلاص انت جهز كل شي واعزمني وفعلا جهز كل شي شموع ورود وعصير وجاتوهات وحركات رومنسيه اوراق مكتوب فيها عبارات حب
وبس بدينا الليله وفي نص الجو الرومنسي والاحضان تهل الرسايل فيقوم ويتركني وياخذ الجوال ويروح لزاوية السرير ويرد عليهم
انا مره زعلت بصراحة بردت مره وكان نفسي انام وخلاص لاني حسيت اني مع انسان غبي مايفهم لان مهما كان المفروض مايعمل هذي الحركة وبعدين يعني الشغلة ماتستاهل كلها دردشة في دردشة ماهي علاقة حب قوية
بعد مارجع لي مابينت له شي وكملت الليلة وفي اليوم الثاني عاتبته مارد علي
اليوم الي بعده سهر على الدردشة يراسلهم وانا جنبه بعدين خرج من عندي وكمل في غرفة ثانية للصبح واجتمعنا على الفطور انا وهو واخوي وزوجته وهو ياكل لقمة ويرسل رساله يعني الجوال في يده طول الجلسه لين افترقنا انا خلاص بموت من تجاهله مشاعري
وفي الليل دخلت الغرفة بنام الا اشوف نور الجوال من تحت المفرش آآآآآآآه خلاص انفعلت وقمت اتكلم عليه بعدين خرجت قعدت يمكن ساعه ورجعت ولما جيت انام سحبني عنده وحضني
شويه كذا حسيت ان في يدينه شي ماسكه من ورا راسي التفت الا الجوال قاعد يراسلهم وقتها انفجرت وقمت اصيح وابكي بحرقه
وقررت اني اهجره في البيت لاني ماقدر اسيبه عشان اولادي
فصرت معد اكلمه ولا اقعد معه وانام مع الاولاد في غرفتهم ولا اسئل عنه ولا انتظره يعني ماكانه في حياتي حتى الاكل ماعطيه ولا اكوي له ملابسه ولا اقابله على السفره
وجلست على هالحال يمكن 4 ايام هو خلاص طقت روحه وطول هالايام مابقى شي ماسواه بس انا قلت له مستحيل اتغير لان الي سواه اهانه لكرامتي وتجاهل لمشاعري وهذا الي اسويه الحين اقل شي ممكن اسويه لاني مااقدر اخليه واروح عشان اولادي اغلى عندي منه ولايمكن احرمهم من ابوهم او اخرجهم من بيتهم عشان انسان غبي مثله
المهم رابع يوم حشرني في غرفة الا ارضى قلت له مستحيل قلي طلباتك قلت له اش الفايده تمسح وبعد كم يوم ترجعها مو معقول خلاص انا ماني زعلانه وخلي كل واحد يعيش بكيفه انت كذا وانا كذا
قال لالالالا انا مااقدر على التعامل هذا هذا الاسلوب جائر
لازم نتفق ونبدا صفحة جديدة يالله طلباتك قلت له اترك خدمات الدردشه ولعد تكلم البنات قال بس
قلت بس قال : ابشري وفعلا مسح الدنيا كلها وبعدها قام يعاتبني وقلي قلبك وين وديتيه طول هالايام ياالله مااقساكي واقسى كلامك قلت له كل شي الا كرامتي
انا ممكن اعيش في الشارع في صندقة ولا اعيش مع انسان يتجاهل مشاعري ويهين كرامتي
وفهمته ان هذا الشي خط احمر لايمكن اسمح له انه يتجاوزه
فقام حلفلي وقتها ونبهني لفضيلة الوقت قال شوفي بحلف لك واحنا بين الاذان والاقامه اني معد اسويها مع اني ماكان نفسي يحلف لي
خلاص هي الايام بتوريني من غير مايحلف لكن هو اختار كذا
وبعد 5 ايام بس يرجع الاستاذ
انا وقتها تعجبت مره وصرت بس اضحك فسألني قلت شر البلية مايضحك
قلي : شوفي الحين ماتدخلين في نهائيا ولا تحسبين انك اذا بكيتي وزعلتي رح ارجع
عندك كم غرفة صيحي فيها لين تشبعين
قلت له : لا من هالناحية تطمن مارح ابكي
بس انت خليني في حالي ولا تحاول تراضيني لان الي بتشوفه ماهو زعل هو رح يكون اسلوبي معاك
بس هالمره يابنات احترت كثيييييييير وماكنت عارفه اش اعمل هو يحبني يموت في وانا عارفه هالشي ومايقدر يستغني عني ابدا يعني انا موزوجته بس انا صديقته المقربه ويحتاجني في كل شي بس فااااضي ويبغ يشغل وقته باي طريقة
بس كمان احسبوها انتم وشوفو اش سوى فيا
يعني رجع بعد مافهمته ان افعاله تجرح كرامتي كأنثى لها كبرياء
يعني بالعربي جاب كرامتي الارض وحسيت بيني وبينكم اني معد اسوى شي عنده ولاعد صرت اهمه طبعا من هالناحيه بس والامعاملته معي تمام
له له له له له يازلمه ما بيصير بنوب
يالله اش اسوي حتى ارد كرامتي واسترجع مكانتي عنده من غير مااذل نفسي واظهر له ضعفي
وصرت افكر اش الطريقة الي اعيش فيها معاه بعد ماصار يعاملني كذا ويكلمهم ويراسلهم قدام عيني وفي اعز اوقاتنا
طبعا كنت رافضه استسلم واخلي الحياه تمشي كذا ونفس الوقت عارفه ان المشاكل مابتجيب فايده
ففكرت في شي وجربته ونجحت الخطه ورجعت عنده اغلى من عيونه ونزلت دموعه فرح اني حبيبته
تبغون تعرفون تابعوني
