زوجة اب زوجي كيف أتعامل معها ؟؟؟

[mis sweet]

السلام عليكم ورحمة الله وبركاته

مشكلتي مع مع زوجة أب زوجي
مشكلتي معها انها تكبر زوجي بكم سنة يعني هي تصير مرأة أبوة المهم أشعر انها تكرهني كلامها بالمرة جاف معايا والله بدون حتى ماأسويلها أي شي >< تطالع فية من فوق لتحت بنظرات والله والله تقتلني ....مو عاجبني فيها انوا كلامها مو لايق قدام زوجي أنا أعرف انها محرمة علية بس مو لهداي الدرجة والمصيبة اني ماني قادرة أبين مضايقتي منها لاني عارفة انو راح يقلي انها مرأة أبوي ومستحيل أفكر فيها بطريقة مو كويسة بس والله تلبس قصير وعريان ><
قبل كم يوم كنت بأتكلم معاها راحت قلتلها فينكم ماتسألي عني ::::أنا قلتها والله من باب المجاملة كلامها بالمرة جارح والله راحت قالت انا ماأطلب رقمك ومستحيل أطلب رقمك انتي تبغي تعطيني أوة اوكي انا أطلبوا سوري لا .........أنا أستصبت من كلامها
وفي مرة أتصال تاني غلطت والله غلطت وقلتها وحشتونا تخيلي قالتي لالا بالله لاحقين ,,,
ترى كلامها مو بهادي البساطة لا والله جاف وقاسي
الموهيم قلت انا لزوجي وندمت مدري هوا صح أقولوا ولة لا وايش رايكم هل أتجنب اني اتعامل معاها ؟؟ولة أعاملها عادي مصيبتي أني انا والله مرة حساسة كيف يمديني أخفف من حساسيتي تجاة الكلامت والنظرات ؟ وكيف يمديني أوصل انها لازم تلبس لبس كويس صح انوا من من أختصاصي بس علشين زوجي ><خاصة انها أكبر منوا بس بكم سنة ؟؟؟ساعدوني

 

[اسرار النساء]

ليش احنا الحريم كل مشكلة بينا وبين اهل زوج ننقلها على طول لزوج المفروض نفس هذه طنشينها والله انا في حياتي مبدا ما اقول لزوجي اي شي اطنش وعيش حياتي

 

[ضياء القمر]

عزيزتي هل انتم ساكنين معها بنفس البيت ؟؟؟


اذا كنتو ساكنين معاها طنشيها واحتسبي اجرك على الله

 

[اخلاص المتفائلة]

أختي الغالية ماتفهم المرأة إلا المرأة

وحركات زوجة حماك فهمتيها صح وهي صحيح محرمة على زوجك من باب رفع الحرج فقط

لكن ماتتركي لها فرصة بالاختلاء بزوجك يعني بالسيارة أو حتى البيت أو الاختلاء به مع وجودكم يعني كلام زائد اهتمام زائد عن الضرورة

ولا تخبري زوجك حتى لا يلتفث إليها كأنثى فالرجل مهما كان يحب أن تهتم به كل النساء ومن هذا الباب وعد الله العفيفين المجاهدين ب 70 من حور العين

من الأفضل أن تخففي الزيارات قدر الامكان ربما نزوة وتزول ان شاء الله

ولا تنسي الدعاااااااااااااااااااء فهو سلاح المؤمن

الله يحفظ لك زوجك وأسرتك من كل مكروه​

 

[mis sweet]

عزيزاتي شكرا لردودكم

أسرار النساء مارعف بس انا لحظتها حسيت بالضعف علشين كدا قلت لزوجي ><
لا انا لسعاني مملكة علية بس بس المرتين الي دقيت فيها على عمي مرة علشين أعيدية بالسنة الجديدة والتانية لمن مرض ودخل المستشفى
انا بيتي مو قريب منها بس لازم بعد الزواج في زيارت أسبوعية يعني راح أشوفها كل أسبوع يالله الله يستر والله انا خايفة انها تخربلي بيتي تراني والله ماني مرتاحه لها بالمرة ><

 

[عبر فرح]

بجد الله يعينك عليها لان الانسان مو ناقص بس نصيحتي لك زي راي اخلاص ل<< لا تقولين ابد لزوجك ولا تلفتين انتباهه وغير كذا لاتبينين ابدا غيرتك منها وحاولي ماتشغلين نفسك في الموضوع ابدا لانه بينكد عليك وبالتالي على زوجك وادعي الله دايم انه يجعلك اجمل النساء في عينه واقرب النساء الى قلبه

 

[نور الندى]

حبيبتي انتي إذا نقلتي الموضوع لزوجك يمكن توعينه على
شيء ماكان بباله وإذا كان مو ملاحظ راح يلاحظ بعدين
وحاولي تطنشينها ولا عليكي منها
الله يسعدك دنيا وأخرة ان شاء الله

 

[mis sweet]

الله يسعدكم كلكم على مروركم
انتم تقولولي لاتقولي لزوجك بس انا قيدني قلتلوا وهوا من أول يوم ملكة هوا الي نبهني على نظراتها وهوا الي قلي ترى انتبهي منها يعني هوا الي فتح عيني على تصرفاتها مو انا الي أفتح عينوا فهمتوا علية
طيب أنا سويت شي مدري لو صح ولة لا ؟
وهوا اني قلت لزوجي لاعاد تركب معاك في السيارة طبعا مو أمر بس قلتلوا حبيبي الله يسعدك خلي أحد تاني من أخوانك يجيبها لا تجيبها انت قلتلوا بس كدا أنا أغار عليك
قلي لو أبوي طلبني شي ماأقدر أرفض ><
لانوا هوا في بعض الاحيان يجيبها من عند أهلها ويرجعا البيت
بس المشكلة الاكبر انها لمن يرجعها تطلب منوا انها تنزل السوق أو يمر على محل ايسكريم ويعني ينزلوا مع بعض وربي راح أموووووووووووووووووت قهر منها ياربي جنبني من مكرها أنا خايفة منها والله

 

[اخلاص المتفائلة]

الله يسعدكم كلكم على مروركم
انتم تقولولي لاتقولي لزوجك بس انا قيدني قلتلوا وهوا من أول يوم ملكة هوا الي نبهني على نظراتها وهوا الي قلي ترى انتبهي منها يعني هوا الي فتح عيني على تصرفاتها مو انا الي أفتح عينوا فهمتوا علية
طيب أنا سويت شي مدري لو صح ولة لا ؟
وهوا اني قلت لزوجي لاعاد تركب معاك في السيارة طبعا مو أمر بس قلتلوا حبيبي الله يسعدك خلي أحد تاني من أخوانك يجيبها لا تجيبها انت قلتلوا بس كدا أنا أغار عليك
قلي لو أبوي طلبني شي ماأقدر أرفض ><
لانوا هوا في بعض الاحيان يجيبها من عند أهلها ويرجعا البيت
بس المشكلة الاكبر انها لمن يرجعها تطلب منوا انها تنزل السوق أو يمر على محل ايسكريم ويعني ينزلوا مع بعض وربي راح أموووووووووووووووووت قهر منها ياربي جنبني من مكرها أنا خايفة منها والله

ياروحي الله يصبرك

بما أن زوجك لاحظ تصرفاتها الخطأ فالأمر يحتاج إلى حكمة وصبر

حاولي جاهدة أن لا تتركيهم لوحدهم في السيارة ممكن تلاقي أي سبب وتدهبي معهم

كمان لازم زوجك يقتنع بضرورة ابتعاده عنها

أختي اقرأي جيدا مقالات أ.ناعمة جيدا واطرحي مشكلتك في منتدى الاستشارات العامة واطلبي من الأخوات الاستشاريات مساعدتك وستجدينها ان شاء الله في الاستشارات الخاصة بعد مايردون عليك

أتمنى لك التوفيق​