زوجة أخوي ؟؟؟؟؟

الله يعين قلب امج هي المتضرره من الموضوع طول هالسنين تربي وتسهر وتدرس وتعلم واخر شي تجي وحده من اقصى خلق الله وتقلبه على امه الله يهدي اخوج لامج وهي الله يصلح لها نيتها
واذا على خالها سوى سواته ترى مو شرط هي تكون نفسه ترى الظلم ظلمات يوم القيامه استغفري ربج يابنت الحلال
 
الله المستعان
كل اللي بيدك الحين الدعاء له والصدقة عنه فلها مفعول أقوى من السحر بإذن الله​
 
واضحه اكيد مسحور مافيه الا ان ابوك واخوانك يجيبون شيخ ويروحون له فجاة واخوانك يمسكوه والشيخ يقرا عليه لانه هو مسحور مو بوعيه لازم يشوفه شيخ وكل شي يصير فجاه حتى ماتكون مستعده ولااحد يقر يطلعه من البيت لانه بيت ولده بس لازم مع اخوانك رياجيل للاحتياط الحقوا عليه قبل تدهور حالته حسبي الله عليها اللي ماتخاف الله
 
بصراحه الله يعينكم .. بس مالكم الا الصبر ... نفس الوضع كان بيجنا من زوجه اخويه .. بس ايش نسوي عشان اخونا تنازلنا عن حقوقنا شويه عشان الدونيا تمشي والحمدلله مشيت .. انا عارفه انها قاهرتكم بس ما لكم الا الدعاء ..
 
الله يعين على زوجات الاخوان حبي عندنا وعندك خير عليكم بالدعاء والصدقه وانصحكم اخواتي ان تعامل كل زوجه اهل زوجها بالمعروف فوالله ان الدنيا دواره %
 
قولي الله يكفينا شرهم ويكفيهم شر انفسهم انتي وامك وخواتك واتركوهم في حالهم يمكن يجي يوم ويتحسفون ويحسون بغلطهم وربي يمهل ولا يهمل الله يعينكم على ما بلاكم
 

طالما ان اخوكي بيشتكي من بطنه فهو مسحور والله اعلم كم مرة مسحور
إذا كنتم تريدون علاجه أعقدوا النية على علاجه
واجتمعوا كل الاخوات في جلسة في بيتكم لرقيته وهو في بيته
قال صلى الله عليه وسلم "إنما الاعمال بالنيات ...."
واقرأوا الرقية الشرعية بنية علاجه "الجميع وفي وقت واحد ومع بعض يعني مكان واحد"
وتابعوا اخباره دون علم زوجته بنية علاجكم له
لأنها لو علمت ستجدد السحر
إذا تعب ومرض اكثر من الاول فهذا يدل على سحره
وداوموا على الرقية دون علم احد
والله الموفق
 
إختي أخوكي إنسان متزوج، يعني مسؤل عن زوجته وعياله، ومن حق زوجته أنه يسكنها في سكن مستقل ويعطيها حقوقها وحقوق عياله كامله غير منقوصه، الحل في إيده هو وحده بأنه يوازن بين حقوق زوجته وعياله عليه، وبين حقوق صلة الرحم الواجبه أيظا عليه. الإنسان الوحيد اللي ما يكون في وعيه هو الإنسان اللي لابسنه جني. وما يعرف عن تصرفاته إلا لما يطلع الجني ويخبروه الناس باللي كان يسويه.
 
بسم الله الرحمن الرحيم
الله يعينكم ويعين امكم ان شاء الله
والله موضوعكم شراتنا سبحان الله والسبب حرمة اخوي اللعينه حسبي الله عليها حرة قلب امي الله يحر قلبها ان شاء الله في البداية منعت تييب ولد اخوي عندنا بس بعدين اخوي رمس اخوي المتزوج عسب اييب ولده عندنا في البيت الحمد الله الحينه مرات انييبه بيتنا عسب انشوفه
الصراحه نحن نقول بعد ان اخوي مسحور لان من علامات الشخص المسحور انه يتغير على كل اهله سبحان الله الا حرمته واهلها كيف هاجي الله اعلم ليش بالذات نحن خواته واخوانه وامه وابوه الا اهل حرمته من خالاتها لين خوالها ونسايبه لا سبحان الله؟؟؟
الله يرد كيدها في نحرها مرت اخوكم وكذالك مرت اخوي ان شاء الله ويرد لكم اخوكم مثل قبل واحسن
اخر نقطه
مادري ليش زوجات الاخ دوووم يفكرون ان ام الولد ولا خواته يفكرون ولا يبون ان ولدهم يطلقها؟؟
طبعا مب كل زوجات الاخل هااااجي
سبحانك اللهم وبحمدك اشهد ان لا اله الا انت استغفرك واتوب اليك
 
قولي لها تقول لك رجه أذا كانت عمله عمل لخوك عسها بشلل هي والي في بالي عسى ربي يشتتههين هي واهلها ولا يجمعهم في سقف واحد ويوريني فيهم عجايب قدرته بجاه الله
 
خلى الوالدة تدعو له و تلح فى الدعاء لان دعاء الوالدين مستجاب واكثروا الصدقة عنه بنية الشفاء مما اصابه عملا بقول الرسول عليه الصلاة و السلام داوو مرضاكم بالصدقة ولا تنسوا الدعاء له فى الغيب واوقات الدعاء المستجاب وحتى فى صلاتكم فى قيام الليل

اكثر من ذلك لن تستطيعوا لعدم سكنه معكم فى البيت ,اعتقاده انكم سبب مرضه و تغير احواله
 
كلامك باااين

يدل على انه مسحوور ميه بالميه

ادرسوا موضوع علاجه كيف ومتى ستبدـآون​
 
حبيبتي عندنا وعندكم خير

بعايلتنا في نفس حالة اخوك ... ولا هو مسحور ولاشي

الا مسحور بكلام حرمته ... حسبي الله عليهم

ماتدري ان الدنيا تدور عليك يابحور ...يجيها ان شاء الله عيال

ويذوقونها الليي ذوقكم اخوك...

طنشوه ان الله اراد له خير بيرجعلكم

وان الله اراد له شر بيقطعكم على طول...

والله يهدي الجميع​
 
دلع قلبه قال:
اخوك اخطأ لما يمدحكم قدام زوجته حطي نفسك مكانها مو قهر
حتى ممكن يكون يقارن فيكم فيمدحكم ويسبها غبينه والله!!
اتركوهم وادعو الله يرد ولدكم لكم بدون مشاكل وخلي امك تدعي له
دعاء الوالدين مستجاب بإذن الله
اخوك ان كان مسحور الله يشفيه بس مااظن لانها لو بتفكر بالسحر فكرت فيه من زمان مو بعد سنتين!!!
لكن ربما عرفت المدخل الحقيقي لقلبه
خلي امك تتصل عليه تسأل عنه مصيره يحن لها
بس انتم خلاص لا عاد تتواصلون معاه ولا مع زوجته ان رجع لكم بكيفه الله يحييه ولا الشكوى لله..
أنقر للتوسيع...


صحيح هذا الكلام ​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل