زوجة أبي ×× وأنـــــــــــــــــــــا ××

[خاله سوسو]

السلام عليكم حبيبااااااااااااتي

الموضوع حابة نتناقش فيه على شوية فصفص وشااهي ولا بأس من الفطااااير .

الله يسلمكم ما هو شعورك عندما تتهمك زوجة أبوك في عرررررررررضك سترنا الله وأياكم طبعا ابوكي راااح وصدقها وأنتي بريئه براءة الذئب من دم يوسف ,, وإلى الآن ابووك حاس انك راعية حركااات .. ماهو رأيكم .. لأني تعبت من نظراااااااااتها لي ..وتعبت من الظلم وهل ما امر فيه إبتلاء من الله .. لاني بريئة وكلما انخطبت جت وعايرتني وتقول واش اعجب الناس فيك وانا تعبت منها .. انقذوووني

 

[ريهاااام]

حسبي الله ونعم الوكيل ...
انتي وضحي لابوك..
واحلفي له بالله
انك مظلومه ...
وهي قولي لها والله لااادعي عليك وترى دعوة المظلوم مجابه ...
وادعي ان الله ينصرك عليها,,الظالمه

 

[خاله سوسو]

أبوي كبير في السن وما تصدقون يابناات كيف علاقتي فيه رسميه جدا محترمه ومؤدبه وعلى نياتي لكن الطيب ماله الا السب والقذف من زمان ودايم تحرش ابوي علي انا بالذات رغم ان عمرها فوق الستين والله الذي لا إله إلا هو انها قالت اني أجر البنات للشباب وابوي يجي ويهزأني ويشك فيني ,, حسبي الله ونعم الوكيل

 

[Ms.RoZa]

حسبي الله ونعم الوكيل .. قذف المحصنات من الموبقات السبع ياغاليه
حرمه رجلها والقبر وين بتروح من عذاب ربي .. لاتخافين يمهل ولايهمل ..
ادعي ربك بس والمظلوم دعواته مستجابه مافيها شك ..

احكي لنا ظروفك .. كم عمرك .. عايشه عندها او وين ..
ماماتك وينها .. لك اخوان .. وكيف علاقتك معاهم
انتي اجتماعيه ولك علاقات او سطحيه ومنعزله ..
تكلمي عن كل شي وان شاءالله بنساعدك واحنا معك

وربك معك ان شاء الله .. لاتيأسين ولاتقنطين

 

[ريهاااام]

شوفي هاذي ظالمه ولاتخاف من احد ...
بالعربي
دام ابوك يصدقها بكل شي ...
لازم هي تخاف منك

هالحين
جاء دور الرجال لازم يتدخل احد اخوانك
الي من امك ...
وينهم ليه ساكتين؟؟
امك..ليه ساكته؟؟

 

[خاله سوسو]

احكي لنا ظروفك .. كم عمرك .. عايشه عندها او وين ..
ماماتك وينها .. لك اخوان .. وكيف علاقتك معاهم
انتي اجتماعيه ولك علاقات او سطحيه ومنعزله ..
تكلمي عن كل شي وان شاءالله بنساعدك واحنا معك

ــــــــــــــــــــــــــــــــــــــــــــــــــــــــــــــ

عمري 20 سنه \\ عاطله عن الدراسة والوظيفه والزواج ..

عايشه مع أمي بس امي فديتها مربيتنا ع الضعف واحترام الكبير والسكوت وعدم اذية احد

زوجة ابوي قويه جدا عايشه الحالها بناتها متزوجاات كلهم بس ابوي يوم عندها ويوم عندنا بس لما ابوي يرجع من

عندها يرجع متغير علينا ويشك فيني بنظراته بكلماته , ويقول لامي انتبهي للبنت لا يكون عندها جوال , ..

علاقتي مع اخواني من ابوي رسميه جدا

أنا بنت الزوجه الثانيه : وهي بصراحه كانت تأذي أختي الكبيره بس الحمد لله اختي تزوجت وانفكت منها واخواتي

الي تحت اختي الكبيره ما قالت لهم شي بس انا وأختي الكبيره ما أدري ليه تصرفت معانا حنا الثنتين بذااااااات ..

 

[خاله سوسو]

اشكر تفاعلكم لكن بالأول والأخير المشتكى لله

 

[همسة حزينة]

الله يفرج لك عاجلآآآ غير أجلآآآ ويرزقك الزوج الصالح الذي يسعدك وترتاحي معه وينصرك على من ظلمك

 

[خاله سوسو]

همسه \\ آمين

 

[ريهاااام]

حبيبتي لايضيق صدرك
((انتي مظلومه ودعوتك مجابه..
ومعك السلاح المعطل الدعاء.....
ادعي ليل نهاربكل وقت اجابه......
ان ربي يفرج لك وتتزوجين ,,وينصرك ع الظالمه وياخذ حقك منها..
انا مدري كيف ظروفك
بس باي وسيله باي طريقه...
لازم تنردع .....
لازم فيه احد يوقفها عند حدها.....
هذي مصيبه كارثه مو ادميه
الحمد لله الذي عافانا مما ابتلاها وفضلنا ع كثير من خلقه تفضيلا..

 

[بشروه اني ابرحل]

حسبي يالله عليها ادعي عليهافي كل وقت
ولازم تكلمين ابوك وتفهمينه

 

[معتوقه]

حسبي الله ونعم الوكيل هذا ماتاخاف الله

 

[::شروق::]

لاحول ولاقوة ألا بالله ..
مرتــ أبوك ماتخاف ربهـا ..!!
حسبي الله ونعم الوكـيل ..
أنتي بريئه وهي قذفتك وظلمتك بكلامهـا
باذن الله ربي راح ينصرك ..ويذلهـا على
الي سوت فيك في الدنيـا أو حسابها في القبر ..
أو ترجع بلوه لبناتها ..وتتذكر الي قالته لك ..
**
ويـآرب ييسر أمورك يرزقك الزوج الصالح
..

 

[صمت الحنينـ]

استغفر الله

وربي شي يقهر والمشكله انك مو قادره تدافعي عن نفسك

الله يصبرك ودعوه المظلوم مستجابه

 

[خشف البدو]

الله يرزقج الزوج الصالح عاجلا غير آجل وينصرك على من ظلمك

هاذي حال مرة الأب تحس انه لازم تسب بنات شريكتها وتطلع شريكتها وبناتها بأسوأ صوووره إلا من رحم الله في بعضهم تنحط ع الجرح يبرى


أنا اللي عندي الحمدلله ما تقدر تتهمني بشكل مباشر بس تشكك أبوي فيني يعني مثلا أكون طالعه مبجرررر أيام ماكنت بالمدرسه تقوول شمطلعها مبجررر كل يوم شعندها وتسوي نفسها خايفه علي بس جدام أبوي مو زين يتعرض لها أحد وليش حاطه كحل وهي رايحه المدرسه ومن هالكلام ....

بس الحمدلله ما تتهم بشكل مباشر والحين أنا بالكليه

 

[الثلجاء البيضاء]

الله يزوجك ويفكك منها ويستر عليكي جالسه ادعيلك في الثلث الاخير من الليل الله يعينك عيها ويصبرك

 

[so*_*sweet]

ادعي (اللهم اكفينيها بما شئت)
وادعي لها بالهدايه واكثري من الاستغفار

 

[صدى صوتكـ]

حسبي الله عليهاااااا

اختي لاتكووني سلبيه والله ماينفع كذاا لأنها شافتك ساكته

وعلى نياتكـ قامت تزوود المشاكل بينك وبين ابوكـ ويمكن اخوانك بعد

وتكبررر المشكله لا تسكتين عن حقكـ وخلكـ قووويه ولا تخافين منهااا

وأدعي ربك وإن شاء الله ربك بينصررركـ عليهاا

 

[*روح القمر*]

حسبي الله عليها ...
والله زوجة ابوك ماينفع معاها الا تكسير راس الله ياخذها بلاء

وياارب يرزقك بزوج صالح ينسيك همومك عاجل غير اجل

 

[Ms.RoZa]

خاله سوسو .. ماوصلك من كلام وتأكدتي منه ,, وعندك عليه اثبات
تكلمي مع والدك بإنك راح تشتكينها لإنها قذفتك بعرضك وهذي فيها سجن + جلد

لاتخافين الحق معك اولا .. ثانيا ً .. انتي ماراح توصلين للشكوى الفعليه ان شاءالله
لكن قولي لأبوك انا قذفت بعرضي وانا بريئه طاهره وهذي فيها محاكمه
واذا انت ياسندي ما اخذت بحقي ووقفتها عند حدودها .. فالقانون بياخذ حقي وانا انسانه راس مالي سمعتـي .. !

وبس .. قولي له هالكلام حرفيـا ًبنبرة حزم وثقه .. وأمشي ..

أتصلي عليها بعد كذا وقولي لها عن كلامها الي وصلك
وبلغيها انك راح تقاضينها وتشتكين ضدها انتي واختك .. وتحسبي الله عليها
هي حرمه رجلها والقبـر اكيد راح تخاف .. اذا مو من التهديد من الدعاء ..
لما تخاف تبدا تحسب لكلامها حساب .. بس المهم يحسون كلهم بجديـتك بالموضوع

وطبعا ً ما أنصحك تكبرينها جد .. لكن مجرد تخويف ..
وعندي قناعه تقول ان لم ينفع الترغيب فأعمل بالترهيب
فـ ضعف واستسلام امك مانفع .. جربي تخويفهم إن شاءالله يخلونك بحالك ..
ولاتنسين انها مجرد كلام بالأخير .. لا أكثر
الغرض هو تخويفهم وردعهم
ورددي دائما ً / اللهم من ارادني بسوء فـ رد كيده بنحره