زوجات الشمالي الغربي ,,, ساعدوني فديتكم

[مزgggن آلشـرق]

السلام عليكم ورحمة الله وبركاته

هذا اول موضوع اكتبه بهذاالمنتدى الرائع <<< متااااابعه ع الصامت وعن بعد ,,,
لكن ماتوقعت اكتب موضوع عن زوجي في يوم من الأيام
نفسي تعطوني حل مع هالنوع الله يعيننا عليه

ادخل في الموضوع:
اليوم الجو خيال , ويهبل ,,, قلت لزوجي بنطلع للمخيم ,, طالع فيني ,, قال: خلنا نكلم اختي تروح معنا

تعرفون الشمالي يحب الجمعات ,,, قلت خلاص اللي تشوفه اهم شيء نطلع
قال : خلاص ,,,
كلم اخته : اعتذرت قالت مقدر اطلع ,,,
سكر ,,, وكلم الحارس تبع المخيم <<< قال الحارس عندي الشباب

قالي المخيم فيه الشباب
قلت اي مكان مو لازم المخيم ,,, الرياض معروف بأماكنه اللي مالها نهايه
سكرت ,, وقعد يقلب بالجريده ,, وما كني قلت شيء ابد

فجأه اللا يقولي ,, بطلع اشيك ع السياره تبين شيء

يووووووووووووووه , وربي انصدمت ,,, من اليوم اقول نبي نطلع ,,, يقول بروح اصلح السياره << هنا انا ع الصامت اكلم نفسي ,, ماكلمته بشيء

قال اجيب شيء معي ,, قلت سلامتك ,,,,

وربي شوفوني طفشانه , والنفسيه مرررره ,, انا من النوع اللي احب اطلع اغير جوووو
وهو ماهمه ابد ,,,

تكفون وش الحل , يعني عشان اخته ماراحت , اجلس انا ,,, وش ذنبي ؟؟؟
او اكون ع الصامت وما كلمه في الموضوع

ع فكره ,,, ارسلت رساله ع الجوال
قلت عازمتك ع القهوه بالصطح ,, <<< الدور العلوي اللي مايعرف الصطح
الجو خيال وماينتفوة ابد ,,,,
فهم ع نفسه وارسل ,,, والله كنت ناوي اطلعك ,, لكن المخيم فيه الشباب
ان شاء الله مره ثانيه



,,,, قاهرني ببروده ,,,,,

 

[أحساس امرأه]

عادي جدا لاتكبيرينها ماراح تقوم القيامة لوماطلعتي اليوم

 

[ستيلا جيفنشي]

ههههههههههههههه كان من قال انه بيشيك ع السياره كان نطيتي وقلتي بروح معك

انا كذا اذا رحنا لمحل ايس كريم او حلويات يقول لي لا ما تنزلين انا اللي اجيب اللي تبينه ما يدري الا نا زله من اتلباب واجلس اضحك واقوله يا اخي دلعني ما عندك احد غيري

 

[دلوعةزوجي]

ههههههههههههههه كان من قال انه بيشيك ع السياره كان نطيتي وقلتي بروح معك

انا كذا اذا رحنا لمحل ايس كريم او حلويات يقول لي لا ما تنزلين انا اللي اجيب اللي تبينه ما يدري الا نا زله من اتلباب واجلس اضحك واقوله يا اخي دلعني ما عندك احد غيري

يووووووووووووووه والله غير ينحرني لألألألأ ما اسويها بس انتي ختيرررررررررررررره

 

[دلوعةزوجي]

نصيحه الشمالي يحب الوحده تزعل بدلع مو تمدين البوز لا بغنج قوليله تراك قهرتني بس لي طلعه خاصه وبتطلعني وبوسيه كأنه خلاص وافق
نصيحه ادللي عليه اول مره ماتجيب نتيجه والثانيه كذالك وووو اللين تجيبين راسه

 

[رازيا]

لو كان عندك كيد نساء ودلع وغنج مثل .......... ومياعة واسلوب حلو كان طلعك

 

[رازيا]

مع دلوعة زوجي هذا قصدي
الزوج يحب الزوجة الذكية الشاطرة اللي تعرف نقاط ضعفه وتشتغل عليها

 

[..ضباب..]

لاتتعاملين بغموض مع الشمالي الغربي خليكي صريحه
شوفي اول مره لما قلتي ابي المخيم وافق
بس ثاني مره لما قال ابي اشيك عالسياره وسكتي خرج..
المفروض انك صارحتيه بدلع انك طفشانه وان اليوم طويل والوقت طفش..
باقولك موقف صارلي اليوم
اليوم زوجي تعبان وماله خلق يطلع والاولاد يبون يطلعون ..قالي لبسي الاولاد حتى اخذهم والعبهم وارجع..
قلتله بدلع ..افاا معقوله تطلع من دوني لاااا هذي كبيره..
قال مالي نفس باخذهم شويات وارجع
قلت طيب وانا بعد ودي اتمشى معاك..
وبالاخير طلعنا لمنتزه والجو خيال وقالي الحمدلله اللي طلعت معاكم..
لاني من البدايه اصريت
ولو رفض ماراح ازعل لاني حاسه فيه ..موكل وقت يكون الرجل رايق ومتفضي للطلعه ..
وانا متأكده انه راح يعوضك بكرى,,بس لاتمدين البوز..اوكي^.*​

 

[حبيبه زووجي]

زيككككككك
انا اليوم زهقانه وابي اطلع وماعطاني وجه إهئ إهئ )":

 

[@@الجوهره@@]

يووه هذا رجلي الثاني
ميرر صرت اكرره اطلع معه بس يفرفر بي بهالسياره انا وولده الين يجينا النووم
لايودينا منتزه لا مول بس يدوور بالسياره وعلى الصامت

 

[مشاعرجياشة]

ههههههههههه نفس حالتي اطلع بقمة نشاطي انا وولدي نرجع مدخدين مليت وربي بس وش السواة معه

 

[ادّلع عليك]

حلو هدوءك وتعاملك معاه بس انتي مررررره تنازلتي

وماكنتي صريحه

هو يوم اعتذرت اخته رجع اتصل وطلع في شباب

معناته كان بيطلعك

كان قلتي له طيب خلنا نروح اي مكان ثاني المهم نطلع نغير جو

مو يوم قال بيصلح السياره سكتي !!!!

بس مو مشكله راح يعوضك مره ثانيه لانه حاس فيك

وماراح يزعلك

ارجعي اطلبي بطريقه حلوه وباصرار ذكي مو بالغصب

ربي يسعدك

 

[قوية بإصراري]

سبحان الله هذا طبع الشمالي الغربي

 

[ضاع الكلام]

عادي ياعمري حاولي كلميه بهدوء وهو رايق

 

[رقة ونعومة]

اللي تقول بيندم ويطلعك بكرى اذا كان نفس اللي عندي والله يرووووووووووح ايام و مايتذكر""ولايحس رضيت او ابتسمتي او مديت البوز عادي يجي يسولف معك ماكانه مسوي شي او مزعلك

 

[رقة ونعومة]

شوفي اليوم انا جربت طريقة ابغى اشوف تناسب معه أو لا:
قلت له اني ابغى ازور صديقتي :2:في نفاسها :11:كالعادة قال:لا
قلت :ليش قال مايصير تروحي بيت الناس
قلت طيب سم انا ماابغى اعصي لك امر حبيبي:14:وطلعت من الغرفة
ومازلت انتظر النتيجة وارد لك