حبيباتي بعطيكم ملخص لخبرتي عن شخصية (( الشمالي الغربي )) اللي عانيت منها كثييييير ومازلت اعاني
في البدايه ..
1- شخصيه سريعة الغضب سريعة الرضا .. يزعل ويعصب من اتفه الاسباب ويقوم الدنيا ولايجلسها ثواااني بس وماكانه سوا شي يجي يضحك ويتكلم عادي ويتاسف
ولازم لازم لازم تقبلي الاعتذار لو ماقبلتيه وطولتي الموضوع راح تقوم القيامه ..
2- شخصيه مسيطره لابعد الحدود يحب يمشي الناس اللي حواليه على مزاجه وعلى اللي يعجبه ..
مثلا .. من يوم تزوجته وهو يتريق على الالوان اللي اختارها في لبسي ومكياجي ويجبرني اني اشتري الالوان اللي يحبها هو ..
صاحباتي حاول بكل قوته يتخيرهم لي .. وكلمي فلانه واتركي فلانه ووووو
حتى اهلي يقولي ليش مايسوو كذا وليش مايتغيروا واهله بينهم مشاكل بسبب فرض شخصيته عليهم وهم مو متقبلين فصارت علاقتهم رسميه جدا
اللحين لما جبت ولدي .. الاكلات اللي مايحبها يقول لاتعطينه منها لانها مو حلوه .. والمشروبات اللي تضايقه يقول تضايق ولدي لاتشربينه منها .. ومن هالكلام
3- شخصيه انتقاديه فوق المستوى الطبيعي .. مايمر الشي عليه مرور الكرام .. كل شي يدقق فيه
مثلا وانا اكلم في التلفون .. يقولي ليش ماقلتي كذا انت ماتعرفين تتكلمين ولا تتصرفين
اذا دخل بيت اهلي قال ليش ترتيب الغرفه كذا ليش مو مغيرين الاثاث
بالبيت مع ولدي ليش الولد نايم وراسه مايل عدلي راسه انت مهمله وليش شرب مويه قبل شوي وهو واقف انتي ماتعرفي تربي ووو هلم جرا
4- شخصيه فوضويه ماتعرف الاستقرار ابدا ولايحب الاستقرار..
مثلا في البيت مره ينام في الصاله مره في المجلس مره في غرفة الولد .. مره يتغدا معانا ومره مع اصحابه ومره في مطعم لوحده .. ماعنده نظام معين في حياته يمشي عليه ابدا
5-مزاجي وملول ومتقلب ..
مره مبسووط وطاير فيك اطلبي منه اللي تبين ومره ماله خلق احد ويمل من الشي بسرعه .. من خمس سنوات زواج مافيه صديق معين استمر معاه او كل يوم يطلع معاه
كل فتره يتعرف على شخص ويصير هو شغله الشاغل وكانهم روح وحده بالليل والنهار وبعدين من اي غلطه يسويها يتركه ويدور غيره عاادي عنده .. ماله شله معينه
6-صرررريح لابعد الحدود يحب اخبار الناس والكلام ويحب يتكلم ويقول اي شي يصير معاه ماعنده اسرار بالعربي
7-شهوااااااااااااااااني وجنسي ويحب النساء شي مو طبيعي ... من يوم تزوجته يمكن تعرف على 50 وحده
8-يحب لفت الانظار في اي مكان يروح له لازم لازم كل الموجودين يحسون بوجوده وخصوصا اذا هم اناث ..
مثلا اذا دخلنا محل ووحده معاها طفل يجلس يلعبه ويحاكيه ويضحك معه يعني ياحرمه انتبهي لي انا شخصيه مرحه والاطفال يحبوني
اذا في طياره وشاف بنات مامعاهم احد يروح يساعدهم وينزل شنطهم ويتبسم
اذا في محل وشاف واحد يتحرش في وحده يروح يتدخل علشان كل البنات ينتبهون له ويتكلمون عن شجاعته
9- يحب الاطراء بشكل فظييييييييييييييييييييييع .. يبيكي تتكلمين عنه وعن شخصيته الخرافيه وعن بطولاته وتمدحين فيه طول الوقت مايمل وينبسط لو قلتي للناس عنها وتكلمتي عن شجاعته واي شي يسويه
10-شخصيه حساسه جدا واي شي يجرحه ويضايقه مع انه يجرح كل اللي حوله بدون تفكير بس انتي لازم تحاسبي على كلامك معاه
11- شخصيه متنااااقضه ينصح ويتكلم واللي يسمعه يقول هذا احسن الناس بس الواقع انه هو يمشي على هواه ومزاجه .. يعني مثلا ممكن يهزأك على اغاني تسمعيها ويقولك نصايح ويطلع يركب السياره ويشغل اغنيه كثير تصير بكل امور الحياة ..
12- جريء جدا جدا مع الناس وليس هناك للخجل في شخصيته مكان
13- نسيت اخبركم لايحب المكياج الا الخفيف جدا ويحب الالوان الهاديه (سماوي رمادي ابيض اصفر فاتح) ويحب اللبس الانثوي تيورات ناعمه فساتين ويحب البجايم (شورت واشياء شيفون وحراير وضيقه) وقت النوم .. يحب المراه صاحبة الصوت المنخفض الانثى يعني ويكره القويه المسترجله بطبعها ..لكن في المقابل يمووت في زوجته تكون مثقفه طموحه شخصيتها قويه قياديه مع الناس وابنائها انيقه واجتماعيه لها مكانتها بين الناس يفتخر فيها ومشغوله باشياء ترفعها للاعلى دراسه وغيرها ..
واما حسناته ...
1- كريم لابعد الحدود شخصيه معطااااااائه .. يعطي كل اللي حواليه بدون تفكير ويحب انه بيته زوجته واولاده واهله مايكون ناقصهم شي
2- طيب جداوحنووووون وقلبه ابيض ويقولك لا وفجاه يرجع يقولك سوي اللي تبين لانه مايحب يكون خاطرك في شي ويرفضه
3- يحب يخدم كل الناس بدون مقابل وبحماس ولو اهله او اهلي طلبوا منه شي يبذل قصارى جهده عشان يسويه وهو مبسوط انه خدمهم
4-يحب العمل وشخص مجتهد جدا عنده استعداد يشتغل 24 ساعه مقابل انه يوصل لطموحه
5- شخصيه اجتماعيه جدا ويدخل في الناس على طول ومتحدث لبق يجيد فن الحديث والاقناع بشكل خرافي
6- رومنسي كلامه زي العسل اذا راق ويعرف كيف يرضي الانثى ويحب الهدايا والمفاجااات والحفلات والسفر ..
هذا مايحضرني الان ..
لكن الصراحه تعبت من تناقضه وعصبيته وحبه للنساء وركضه وراهم .. اشياء مالقيت لها حل
