زوجات الجنوبي الشرقي هل ازواجكم يطلعون اسراركم برا او يسبونكم عند اهلهم :(

[واثقة]

عزيزتي انتي شكلك تعاملينه بفوقيه بحكم انك شماليه وهو جنوبي,,

اقرأي كثير عن التعامل مع الجنوبي وكيف تكسبينه

واقرأي موضوع شغف كيف كنت وكيف اصبحت,, مثبت في هذا القسم..

استفيدي من تجربتها في التعامل مع الجنوبي .. هي شماليه مثلك

 

[واثقة]

عفوا موضوع شغف في قسم الزوج والزواج

 

[سنااافية]

والله انا اتوقع ان زوجي جنوبي غربي مو شرقي 000 بس مدري تحليلي صح او خطأ 000
0000 الله يكون بالعووون 000 ولو نافخ فيك قدامهم قولي لي قدامهم ياعمري تهبل وانت معصب 000
عشان يعرفون انك طيبه وحبوبه وانه اقشر

 

[ورود الرياض]

هلااا بكل من شررف الموووضوع
كلامك صحييح ياسماااايل ودي احترمه بس هو مايخلي احد يحترمه تصرفاته تفقع الكبد
اختي وزيره روحي اقري موضوع انماط الشخصيات اول شمالي او جنوبي بتعرفين على طووول ثم شرقي او غربي
واثقه ان شاء الله بروح اقرا الموضووع
سنافيه الف شكرر لك ماقصرتي يابعدي والله
وبانتظاار

 

[ورود الرياض]

upppppppppp

 

[ورود الرياض]

اب يالييييت تثرون الموضوع

 

[مسك القلوب]

حبيبتي لا تهاجمينه بطريقه مباشره صدقيني راح ينفر منك
وماراح يغير طبعه يعني ماراح تستفيدين شي
احسن شي وانتم هادين وجالسين تسلفون
جيبيله سالفه ان في وحده وزوجها............بعدين الاهل صارو يكرهون زوجته
ولا يحترمونه............... وكملي بطريقه غير مباشره
وقليله انا مستحيل احد يدري عن مشاكلنا خاصه اهلي عشان احافظ على قيمتك عندهم

صدقيني انا الطريقه مره تنفع مع زوجي وهو جنوبي شرقي

 

[شوقي متملك قلبه]

وش أقول أنا
زوجي ينقل أسرار بيتنا لأهله مع مبالغة في كثير من الأحيان
وان جات على أهله ما ينطق بحرف وامه هي بنفسها اللي تقول لي هالأخبار اللي مخبيها زوجي وتعتقد اني أسوي نفسي ما اعرف

 

[بريئه25]

انا بعد زوجي جنوبي شرقي في بداية زواجنا كان ينقل اخبارنا لاهله وعن الاغراض اللي اشتريناها
حتى اذا رحت السوق يقول لي روحي وديها لاهلي علشان يشوفون اغراضك وغير الاسعار اللي يعلمهم
طبعا انا خلاص انفجرت ماتحملت هالشي كل صغيره وكبيره بيعلم امه واخواته ووين رحنا وين جينا
تفاهمت معه وانوا هذا الشي يضايقني وتشاورنا بالحديث مع اشوية جدال بس الحمدلله مع الوقت خف بكثير من قبل والله يهديهم ويصبرنا عليهم

 

[نقطة تحول]

طيب انا زوجي جنوبي غربى كتوم ويحافظ على البرستيج حقه مارأيكن يازوجات الجنوبى الغربي ؟

 

[مون لايت]

الله يعينا ......

 

[هديل001]

حبيباتي انا زوجي جنوبي شرقي لكن ماشاء الله عليه بحر مايطلع سره لأحد ومايعلم فيه الا رب العباد

ودمتم سالمين
هديل001

 

[m.g]

صراحه .. ذكرتوني بالذي مضى,, ومازاااال..

أول الزواااج كان حاله صعبه,, كل شي يقوله وخاصه أمه غير أنها فضووووووليه.. وتحب توريك أنها عارفه

فأتمشل معاه على شغله,, يطلع ,, يرجع المسا متراضين..
يومبن وأطلع عند أهله تجلس أمه تسولف معي ومع الجماعه" يووووه جاني معصب يقوووول ...."
؟؟؟
عن نفسي أعطي أمه إبتسااامه عريضه وأقول يوووه عاارفه هذا شي عادي بس هو مايتحمل..,عشان ما أنزل قدري,,
ومن أركب السياره وبضحك وسواالف مع نغزه " تصدق تدري وش قالت أمك اليوم,, جالسه تتكلم عن اللى صاار غريبه وشلون عرفت إنت قايل لأحد..وأغير الموضوع..



وأحسه خف شوي..
وغير المشاكل اللى يبغالها تفكير .. يعقد إجتمااع مع أصدقائه ويعشيهم ويطرح القضيه.. وبعدين يجي ويعطيني الحلول..
بس يازين ربعه.. في الغالب يبيضون وجهي..

أتمنى أكون أفدتك..
بس أنتي لا توسوسين ولا يهمك كلامه مع أمه أو غيرها.. يعني أيش بيقدرون يسون..
ومرده يمل ويملون..

معليش طولت عليك..

 

[sa7era]

ياربي
كأنكم تتكلمون عن زوجي
زوجي جنوبي شرقي وانا شمالية غربية
هو ماعنده شي يخبيه عكسي تماما كتومة متحفظه على خصوصياتي
عرفت طبعه من اول يوم زواجنا وانصدمت
وهذاني للحين قاعده اغير فيه شوي شوي لعل وعسى
بس تصدقين سويت حركة نفعت معه من يومها وهو صاير اركد شوي

يارب تهديهم وتسخرهم لنا

 

[flora]

انا زوجي جنوبي شرقي بس ما يطلع الا الزين بس كده يجبلنا العين وانا كمان فضاحه اطلع كل شي ادعولي والدعولزوجي

 

[نبع الحنين]

الله يهديه .. ماعندي خلفيه .