صح يحب البخور وايييييييييييييييييييييييييييييييييييييييييييييييد ويحب ريحه البيت تكون حلوه وايد
بس بالنسبه لمسأله الريحه يعني انا احيانا اكون متضايقه من ريحتي وابي البس بسرعه بس ما يمديني الوقت من العيال والشغل وتلاقينه لازق فيني بس اكون متضايقه وما استانس
اما اذا كان ما يبيني فيسمعني كلام جارح مثل ريحتك مو حلوه ومن هالكلام عاد مو تكون خايسه بس من الطباخ وهالكلام يعني ما تاخدي فكره اني وسخه او ريحتي طول اليوم عرق خخخخخخخخخخخخخخ
المهم انا صرت اكره الانتقاد واكره تعليقاته فصرت اسكت فاكتشفت انه يزيد واذا تكلمه كمان يزيد احترت معاه
لا ويحب سوالف رفيجاتي ويا ويلي ان تكلمت عن اهله يطلعني انا الغلطانه وانا اللي ما استحي وانا اللي يتهيء لي اشياء مو موجوده يعني يطلعني مجنونه في النهايه مع انه ما يحب اهله وما صدق طلع من عندهم من البيت ولما نروح لهم يظل مخيس النفس ولا يكلمهم الا بالعافيه مو دايما بس اغلب الاحيان يعني عجزت افهمه
بس اللي قاهرني الحين تعليقاته والله مليت يعني احيانا يعلق وانا في قمه التعب والارهاق ولا يراعي مشاعري ابدا ويعتبرها اما غشمره او صراحه
ويذلني على الاشياء يعني مثلا جاب لي سياره مستعمله ولاني تعلقت فيها وسقتها وما طالبته بسياره جديده يظل كل ما يشوفني فرحانه بها يذلني ويهددني بغشمره انه راح يبيعها ما ادري شو الهدف من هالشي
وخاطري يطلع من البيت بس يجي من الدوام الساعه 3 العصر خلاص يظل قاعد واوامر هاتي وخدي ومن هالكلام وان قعدت معاه وكنت مخلصه شغلي يقوللي بدل ما تقعدين وتكونين كسوله روحي شوفي لك شي تعمليه !
المهم اسفه للاطاله والسموحه ويعطيكي الف عافيه
