زواجي بالسر سبب مأساتي واللي مثلي متزوجة بالسر كيف قدرت تحوله لزواج علني

  • بادئ الموضوع بادئ الموضوع مليار
  • تاريخ البدء تاريخ البدء
الحالة
مغلق و غير مفتوح للمزيد من الردود.
اهااا قريت قصتك بس فيه شغله غريبه ... اخوانك يوم يبون ياخذونك البر ويذبحونك ويدفنونك >>> هههه اسمحي لي ضحكت من قلب قلبي على حركتهم تذكرت قصة يوسف عليه السلام ... بس ابي اعرف اش مستوى علاقتك فيه قبل الزواج ..الي اهلك عرفوها عشان يفكرون يمحونك وينهون حياتك من على الأرض .... هل فقدتي عذريتك ... ولا قابلتيه وشافوك ... والا اسمعو مكالمتك معه والا اييشششششششش وضحي لي عشان اعرف بدايتك مع زوجك كيف ..

وبعدين كيف طبيعة علاقة اهلك بزوجك ؟؟ وعلاقته هو فيهم ....؟؟


لي عوده ؟!
 
بنات احنا ما كان بيننا شرط السرية ابد ابد ابد هو قال لي فترة ونخبرهم بمعرفتي كلها كم يوم او كم شهر واخلف وعده معي وقااااااااال خلاص مستحيل اقو لهم ومن هالكلام
وزوجي رافض اي نقاش في موضوع اهله وهو مهددني انه لو وصل الامر لأهله فانا اعتبر طالق وانا ما بقى لي غير طلقة وحدة واحرم عليه
وللعلم الناس تفكر ان اهله عارفين حتى اخواني نفسهم وما يعرف بهالموضوع الا اختي وبس في البداية علمت امي وضاق صدرها عشاني وتعبت بعدين كذبت عليها وقلت ازور اهله ويزوروني
ولو وصل الكلام لاهله بيعرف انه انا لأنه عارف بكل شي
ولو فكرت ادخل اخواني وهذا مستحيل لأني اعرف وش ردت فعلهم ومستحيل يوقفون بصفي ولا يفكروا يساعدوني
للعلم واحد منهم للحين مقاطعني
وعلاقتي مع زوجي قبل الزواج مكالمات فقط فقط فقط
لكن شكلك يا ملكة ما قريتي القصة زين
انا قلت ان اهلي يكرهون شي اسمه بنت يعني من غير سبب البنت عندهم عاااااااااااااااااااااااار
عاد وشلون وهي على علاقة بواحد غريب
ومافي اي علاقة بين زوجي واخواني كل طرف ما يبي الطرف الثاني ولا احد من اخواني يزورني
 
حبيبتي لا تزنين على شي ماتدرين هو خير لكي او نتايجه عكسيه عليكي
الخيره فيما اختارها الله واكيد زوجك يعرف اهله و عنده سبب بالكتمان على قولهم لحاجه في نفس يعقوب
 
ياقلبي ياملياااااااار الله يعينج على ردود البعض واللي فيج كافيج ومن رجا ربه ماخاب اصبري

واطلبي اللي مايخلي ربج أعلم وله حكمه حبي ربج اكثر ادعيه واكثري الاستغفار وتصدقي

كوني على صله اكبر باللي خلقج هذا ملاذج ياقلبي موقفج صعب على الناس وعليج

لكن على على ربج هين وبيهوووووووووووونن باذنه سبحااانه

شوفي ياقلبي كل مافي حياتج يخالف رب العباااد ويغضبه اتركيييه لله واحسني التبعل لابو

عيالج ولا تفكرين مجرد تفكير بهالموضووع ومصير زوجج بيرتاح بيوصل لحل لو انتي اعنتيه

على العباده وتقوية صلته بالله وعيشي حياتج كل ماشفتي زوجج ومعاناته ذكريه بالله

وصبريه روحوا العمره غيروا جو لا تخلين محور حياتج اهله دروا والا مادروا لو ظليتوا تفكرون

بهالطريقه نفسيتكم راح تأثر على عيالكم وينعكس على حياتكم انسي ياقلبي وريحي بالج

وهذي بوسه عشان تنسين:a194:​
 
مرحبا اختي ..
اولا .. اسأل الله ان ييسر امرك ويجعلك من كل هم فرجا ومن كل ضيق مخرجا..
ثانيا.. انا كنت من فتره راح اوافق على زواج بالسر بس غيرت رأي لان رافض اخلف ومتزوج بنت عمه ..
كنت ابسالك بغض النظر عن انو ما قال لأهله .. هل هو طيب معاكي ..
هل الحياه جميله .. ام هناك احساس بالخوف الدائم من المستقبل؟؟
ياليت تجاوبيني..
وشكرا لك.. الله يسعدك في الدارين.
 
الله يفرج همك

استغفر الله الذي لا اله الا هو الحي القيوم واتوب اليه

كرريه وربي بيفرجها
 
اولا ليش وافقتي على الزواج بالسر
ثانيايمكن يكون خير لك وتندمين إظا قال لهم ويا\ونك
الله يوفقك ويزيل همك
 
انا اقول لا تفكرين وايد في هذا الموضوع و لا تزعلين زوجج عشان هذا الشئ لانه هو لو شايف انه خير انه يعان لاهله كن اعلن لاكنه يجنب مشاكل يمكن توصل للفراق لاسمح الله , و بعد عن الشر و غني له لا تفتحين باب ما تعرفين الي وراه يمكن اهله يصرون انه يطلقج و يوافق تحت ضغطهم احسلج خليج مثل ما انت دام اهلج كلهم يعرفون
 
يا اختي مادام انك مبسوطة ليه تدورين المشاكل لنفسك .....وابكن في وحدة متوعدته قديما انه لو تزوج تسحره ...او مثلا عمته تبغاه لبنتها وهي شرانية وهو مايبي بنتها واهله ضعاف قدامها واذا دريت تخرب عليك وتقلب وتبهذلك والا تكون ساحرة وهو يعرف ويبغى يبعد عن شرها
او وحدة تبيه ومايبيها ولو دريت بزواجه تسحركم


لعلك تقولي مبالغه

انا اعرف واحد كانت تجري وراه وحده وهو مايبيه وتزوج غيرها ..طيب....عملت له سحر وتبهذل وتطلق ويا زوجته وانهدم بيته ...ايش رايك الحين


مادام انك مبسوطة واهلك يدرون ...لاتوجعي راسه وتنفريه منك ويكرهك وانتي الخسرانه ,,,وزي ماتزوجك في السر يبتزوج عشرة غيرك ...اذا ضللت وراه .....يتزوج غيرك ويريح نفسه


فاهمتني ...دراي على عشك ...واحفظي عمرك ...وعليك بالدعاء والاستخارة والقرآن
 
يا اختي انتي حامل ...خلاص يا اختي داري على بيتك وعيالك

الله يرحمنا ويرحم عبادة ويوفقك وييسر لك

ادعي لي ربي يفرج همي رحمتك ربنا
 
ولا سر ولا شي اهلك كلهم عارفين خلاص مو لازم اهله يدرو ياشيخة بلاش مشاكل دامه كويس معاكي خلاص ايش تبغى باهله اهل الزوج ماوراهم الا المشاكل
وبعدين بلله فين السر الي تقولي عليه اهلك كلللللللللهم داريين لا وعندك عيال منه خلاص انتى في العلن يمكن مايبغى اهله يدروو لشي في نفسه يمكن مايبغى مشاكل

بس المشكلة اذا اهله يحسبوه عزابي ويرحو يزوجوه خلي بالك من هذى النقطة اذا انتى ضمنتيه ماراح يتزوج خلاص خليكي كذا

ترا اغلب الطلاقات تكون مشاكل بسبب اهل الزوج

حياتك كدا احسن

 
خلاص مدام مابقيلك الا طلقة خلالالالالالالالالالالاص لاتفكي هذا الموضوع قدامه ابدااااااااااااااا وعيشي حياتك ولا تنغصي حياتك على نفسك وعلى نفسه

وربي عيالك ايش تبغى باهله لاتجي منك وتروحي تقوليلهم انا حرمته مابتسفيدي شي الا انه بيكرهك وبيطلقك

خلاص هوا بكرة بيشوف الوقت المناسب ويعلن زواجكم ولو مايبغى يعلنه كان ماقال لاصحابه انه متزوجك خلاص ياختى لاتخربي حياتك بايدك وبكرة تندمي وتقولي ياريتني سكت ولا اتكلمت

انسي الموضوع هذا تماما ولاتقولي انا مو في العلن بلعلكس انتى زوجة علنيه


وبعدين ياحبيبتي بكرة لما اهله يعرفو مابتلحقي على المشاكل اهل الزوج ماوراهم الا المصايب والمكايد وخصوصا اخوات الزوج و زوجات اخوان الزوج اعوذبلله في مثل يقول مركب الضراير سارت ومركب السلايف مالت


الله يهديكي بس
 
ياختي وش مستعجله عليه عيشي ثم عيشي والرجل اذ كان ماعليه خلاص مافيه اي مشكله وذا ماقال لهله هو حر بتصرفاته انتي زوجته بعقد رسمي يعني ليه النكد مع الزوج عيشي ياختي
 
الغلط مو منج من اهلج

شلون يرضون عليج هل زواج؟؟


الصراحه خل اهلج بتحملون النتيجه ويتفاهمون معاه
 
من خلال قصتك
عرفت انا زوجك مدمن مكلامات :7:
طيب ليش ماتكسبي زوجك وبدل ماتتركيه يكلم بنات خلق الله
وانت عندك خبره
خذي رقم جديد وكلميه على انك مب زوجته وقولي لزوجك حلالك الي تبيه
وعرفي اسراره وعن اهله ووضعه لانه تعود على المكلامات
6 سنوات معاكي و7 سنوات مع غيرك معناتها هوايته مكلمات

ولما تعرفي وضعه زين بعدها يمكن يحبك ومستحيل يستغني عنك
:32:​
 
حبيبتي انا زواجي كان بالسر
بس انا شرطت هل شي حتى ما اخسر حضانة اولادي
وهو كمان شرط السر عشان زوجته
بس عرفني على اخته على اساس انه انا اخت صديقه بس اخته شكت بالموضوع

وانا حاولت اكدلها شكوكها بس من بعد ما اتاكدت انها حبتني وانه مرغوب فيني عندهم
وهلا الكل بيعرفو فيني وعادي
بس انتي بالنسبة لمشكلتك القديمة
قوليله يقول انه اللي كان بينكم مجرد مكالمات وهو السبب وضغط عليكي تكلميه
وخلي يقولهم انه راجل ولو انتي (ق...) مثل ما يقولون ما كان حطك على اسمه وانه زواجه منك كان حتى يكفر عن خطأه معك
وخلي اذا اضطر الامر يقول لهم انه كان يهددك عشان تكلميه
ولازم ياكد انه بس كانت علاقتكم مكالمات
يعني خلي يحط المسؤلية عليه فقط وهم اهله ما راح يكرهوه حتى لو هو الغلطان


 
الحالة
مغلق و غير مفتوح للمزيد من الردود.
عودة
أعلى أسفل