زميلتي العشيقه قصتها وطرق بث سمومها في اجساد الرجال

اللهم رد بنيتي سالمة ووفقها هي رزرجها واجمع والف مابينهما
 
*نونه* قال:
و من قال لك انني لا استعين بالدعاء الى الله عليها... هذه الاشكال الخطيرة بحاجة الى صبر و تمتع بحنكة و دهاء للتخلص منها

لا انكر ان زوجي بات يحتقر نفسه اذا ما تذكر تلك الايام... و لو كانت تعني له شيء لما تقدم لي و تزوجني انا :bleh:... هذا ردي دائما على من تحاول هز ثقتي في نفسي و حب زوجي لي... حفظه اللي لي و لابننا اللي في الطريق

شكرا لك مرة اخرة يا سلة:bigsmile:
أنقر للتوسيع...


العفو يا عمري
عسى الله يثبت حملج ويرزقج الطفل السليم المعافى تام الخلق والخلق
وان شاء الله بقرى موضوعج بعدين عشان افصفصه زين ههههههههه
 
السلام عليكم

أختي سلة غبت عن المنتدى كم يوم
وماشاء الله صار موضوعج قاموس من كثر الصفحات

بصراحه ضاع كلامج بينها
ياليت لو يكون طرح الموضوع في مكان
ومناقشته في مكان ثاني

يعطيج الله ألف عافيه
​
 
ما شاء الله عليج يا سلة دائما مواضيعج قمة الروعة
الله يسعدج في الدنيا وفي الآخرة ويبعد عنج الحساد يارب
 
ماشاء الله عليكي وعلى طريقة سردك لقصة هذه العشيقة

مع ان ضغط بعض البلقيسيات دفعوكي لتلخيص أحداث كثيرة وتفاصيل أكثر

إستفدت كثير من موضوعك وزدت الحماس في بعد مابدأ الروتين يتسرب لي من جديد

وزاد الموضوع روعة مداخلة الأخت نونة

فجزاكم الله خيرا على كل ماتقدموه لنا من خبرتكم ونصائحكم


ولدي كتاب عنوانه لغة الجسد
ماسمحت لي الظروف بقرائته
 
سلة فواكه قال:
هلا هدهوووده وينج يالغاليه وحشتيني
لي زمان ما شفت هالاسم الحلو
حبيبتي بالعكس مو شاغله بالي فيها لكن انا قاعده احط الملاحظات الي لاحظتها عليها مع الرجال مع انها في معظم الاحيان غبيه وما تعرف تتعامل وتفتقر للذكاء الاجتماعي والدليل انها وايد بنات من الشركه ما تكلمهم .....
فعلا انا استغربت انها ماكملت مع يعقوب وقالت لي انها ماكانت تبيه من الاول وانا اصلا اشك في سالفه يعقوب شكله ماكو لا يعقوب ولا هم يحزنون هذي دعايه قاعده تروجها لنفسها في الشركه يعني انا حلوه ومرغوبه .....
انا اكثر ما عجبني فيها مزاجها الكول 24 ساعه واهتمامها بنفسها مع انها مو حلوه لكنها مافي حمام مغربي ولا مساج تايلندي ولا صيني ولا يابني ولا هندي ههههه ماتروح تسويه ,, تموت على شي اسمه صالون نسائي ومع الاسف في زوجات ما تروح الصالون الا كل 6 شهور مره وحده ,, يعني معدل ذهابها للصالون يمكن مرتين الى 3 في الاسبوع , تحب التجديد والحياه وهذا شي تفقده وايد زوجات ....
تحب تطلع تروح مطاعم وترفه عن نفسها انا قلت يمكن لانها مو متزوجه واكتشفت ان اخواتها المتزوجات نفس اطباعها يعني يحبون الحياه والتجديد وازواجهم يموتون فيهم بس خواتها عاقلات مو مثلها الله يهديها
وفعلا مثل ما قالوا البنات اي وحده بتطلب من الرجل بينفذ لها لانه يبي مبتغاه منها بينما الطلب من الزوجه بيكون غير لانه ضامنها لكن هني المسؤوليه تقع على الزوجه الي لازم تملك فن الطلب والدلع اللازم .......
هدهوووووووووووووووووود خلينا نجوفج
أنقر للتوسيع...
ايه انا متاكده ان سالفه يعقوب كذبه لانها تبي تبين لكم ان الخطاب يركضون وراها واصلا مافي احد يبيها زوجه وانا متاكده انها تتمنى تتزوج والدليل تغار لما تكلمين زوجك
 
سلة فواكه قال:
مرحبا بنات
نعم اختصرت النهايه مع ان المواقف مع نغم لاتعد ولا تحصى وحتى مواقفها مع زميلاتنا ومكائدها لهن ولكنني ساكون مشغوله جدا غدا وبعد غد واعرف انكن لن تنتظرنني حتى يوم السبت....
على فكره يابنات نغم شخصيتها ابدا مو حلوه ,لكن فيها شغلات ماسمعت عنها الا من المنتدى مع انها موجوده فيها فطره , انا ما اقصد الملابس والمكياج وطريقه الكلام , اقصد الغموض صح مع البنات مكشوفه وتتكلم كثير عن حالها بس مع الشباب غيييير غامضه جدا وما تطيح واحد منهم على شي في قلبها ,, غير هذا انها مو بس تحب نفسها الا تعشقها لحد الجنون , مو مهم عندها كم تصرف او اي شئ المهم انها تدلع نفسها ,, تدلع روحها مو بس بروحات الصالون والملابس والاسواق بل حتى في الاكل مدلعه روحها يعني ماتحب تاكل وتتكلم في التلفون ولا تسولف ويا احد تعيش جو الاكل وتستمتع في كل لقمه تاكلها وتبدي هذرتها وسوالفها الي ما تنتهي بعد ماتاكل وتشبع بطنها , كل لحظه في حياتها تعطيها حقها وتركز فيها وما تحب تفوت لحظه من سعادتها , تدرون مع انها مو رشيقه وجسمها استغفر الله لكنها كانت تروح نادي رياضي عشان تغير جو وترفه عن نفسها في بركه السباحه مع انها ما تعرف تسبح بس تلعب بالماي على قولتها ,, وايد اشياء تنساها الزوجه بعد الزواج والحمل والولاده مع انها ماتكلف اكثر من ساعه يوميا يعني ساعه في اليوم للاهتمام بالنفس وتدليلها مو كثيره ابدا ,,مره من المرات كانت احد البنات الي معانا عندها شغلات تبيعها للاطفال تشتريها من الخارج ومسويه بزنس تبيع على الي تعرفهم تعرفون شنو خذت نغم ؟؟؟ اشترت منها اطواق شعر خاصه بالاطفال الي فيها ورده على جهه او بطه او ارنب او قطه وقالت لنا هذي انا البسهم في البيت وانسقهم مع بجايمي ,, ومن ضمن الاغراض كان في شنط للبنات الصغار خذت لها وحده وقالت هذي بحط فيها كريماتي وخذت خواتم اطفال قالت هذيلين بحطهم في اصابع قدمي بما انهم ضعاف وملونين ..
كانت نغم تحس روحها عروس كله منظفه الوجه واقنعه وسكرابات ومهتمه لاقصى الحدود في بشرتها وتحف اول باول ماتخلي ولا شعره تطلع وشعرها تحب تغير لونه وحتى اللبناني الي يصبغ شعرها ماكله بعقله حلاوه الحمدلله والشكر ومخليته من يشوفها ينسى كل الي بالصالون ,, تموت على شي اسمه حنه مع ان قليلين الي يحطونها تحب الحنه الخليجيه والسودانيه وتحط لها حنه مثل العرايس في كل مناسبه حتى لو كان عرس جاره جارتهم ,,, مع اني اكره الحنه بس كنت اشوف نظرات الرجال الي يختلسونها ليدها ....
تعرفون انها مسويه ثقب في السره مثل الي احنا نسويه في الاذن للحلق والاقراط مع ان كرشتها كبيره يعني بغض النظر ان كان حلال او حرام بس وحده بحجم بطنها مستحيل تسويه لكن ثقتها في نفسها ما تمنعها من شئ ...
تموووت على البخور والعود والعطور وحاطه لنا في المكتب مبخر كل يوم تبخر لنا المكتب ببخور شكل , تقول ما احب اقعد في مكان مافيه ريحه الطيب ....
تدرون كانت تقول لي مره وللعلم قالت لي جدام الشاب الي ويانا بالمكتب انها كل ليله تملي لها البانيو قبل لا تنام وتحط فيه فقاعات والماي ساخن وفي هالوقت تخلي المكيف يشتغل والبخور جدام المكيف عشان ريحه الغرفه تتشبع وتولع الاضاءه الحمره الي بغرفتها وتتسبح ولما تطلع من الحمام تشغل لها التلفزيون وتنسدح عالسرير ليما تنام , حتى لوكان هذا خيال تقوله عشان تغري الصبي الي معانا بس ترا قمه الاسترخاء والوناسه لو نسوي لروحنا هالخطوات الي قالت والله ننسى تعب اليوم والعناء ومشاكل الحياه وننام احلى نومه ....
مره من المرات كانت مصوره وخلتنا نشوف الصور مسويه حركات اغراء منبطحه على بطنها ومخليه نص صدرها مبين ,, او تطالع الكاميرا بنظره شهره واغراء انا ما اقول لكم روحو سوو مثلها بس ليش الوحده تستحي تسوي هالحركات لزوجها او انها تغريه بحركه او نظره وغيرها ما يستحي حتى من المصوره ؟؟؟؟
باختصار نغم غلط في غلط والي مثلها نهايته مع الاسف تعيسه حتى لوكانت بعد وقت طويل لكنها بلقيسيه مع انها عمرها مادخلت بلقيس ,, وانثى بمعنى الكلمه ,, تجمع الغموض وحب الذات وتدلل نفسها وتضع نفسها في اول اولوياتها .......
وهذا الي كنت ابي ابينه بالقصه ,, انج تتدللين وتتغنجين وتتلبسين وتتمكيجين لزوجج وفي نفس الوقت دلعي روحج واهتمي بروحج ورفهي عن نفسج ولا تبخلين على روحج ابدا ابدا لا بالمال ولا بالسعاده , واخيرا بيني روحج امام زوجج انثى رقيقه حساسه حتى لوكنت العكس مثل نغم الي قادره تبين لكل الشباب انها مظلومه ومسكينه وبريئه مع انها العكس ....
أنقر للتوسيع...


شكرا ليكي علي القصه الجميلة :icon26:
كان لي زميلة في الكلية زيها بالضبط
ياتري وصلت لفين ؟؟؟ الله اعلم

فعلا عندك حق انا من ساعات ما دخلت بلقيس اتعلم ادلع نفسي
انا كنت اخر حاجه افكر فيها هي انا كنت بأعطي اكتر مما بأخد
ودا للأسف اتعلمته من امي :thumbdown:

لكن دا اسلوب مش صحيح لازم اعطي قدر ما اخد
واكتر شخص لازم اهتم بيه هو انا
لأن فاقد الشيء لا يعطيه :icon30:
 
قصة رائعه بروعة صاحبتها استفدت من القصة وبالتوفيق
 
لا حول ولا قوة الا بالله
القصه اللي ذكرتيها نسخخخخخخخخخخخه من وحدة اسمع عنها تشتغل في شركه بنفس الطريقه ونفس المواصفات
تكلم شباب ... ترسم على رئيس القسم اللي توه متزوج من سنه تقريبا.. قبل فتره ادعت انها انخطبت لواحد وانفصلت
بس باقي تتزوج رئيس القسم
الله يبعدهم عن ازواجنا ياااااااااااااااااااارب
الله يعميهم عن ازواجنا ياااارب
 
سلة مواضيعك دوم روعة و جذابة مثلك، الله يقطع كل العشيقات.. نار الخيانة نار تحرق و تدمر، انا ذقتها و اعرفها زين، الله يعينا علي هالاشكال، بصراحة في البداية تعاطفت مع نغم لانها مجروحة و ضحية لعلاقة فاشلة و كانت تحتاج من يوعيها من بداية الطريق عشان لاتنصدم ..
بس بعدها كرهتها من اسلوبها الدنيء و الخبيث، هي باين عليها عايشة عالم من التناقضات و عدم استقرار النفسي بسبب الصدمة العنيفة اللي اخذتها من اول ريال واجهته في حياتها، الله يهديها و ينور طريقها بنور الايمان لان القرب من الله هو العلاج الوحيد لكل المشاكل الاخلاقية..
سلمت يداك سلة والله ينولج اللي في بالج ان شاءالله..
 
موضوعج خطير و شيق يا سله ...
بصراحة اشكثر هالأشكال في كل مكان حوالينا !!!!
.
.
واللي يقهر أن الوحده منهم لو حطت ريال في بالها بتسوي المستحيل عشان توصل له و تصيده !!!!!
.
.
و الأدهى لو كان هالريال من النوع اللي ما يعطي ويه بيكون تحدي كبير جدامها و لازم تكسب هالتحدي !!! في هالوقت تكون الزوجة غرقانة في مشاغل حياتها اليومية ، و لو طاح في المصيدة على الدنيا السلام !!!!
.
.
أعوذ بالله من شر كل وحده ما عندها دين و لا ضمير ولا أخلاق وتبي تهدم بيت عمران ​
 
اختنا في الله سله فوائد وفواكه كم افتينا في هذه القصه الرائعه دمتي بحفظ الله ورعايته
 
مشكوووورة سلت فواكة وصلت متاخرة
لاكن القصة من بدايتها تنشف الريق ان شاء الله ساكملها
 
يزاج الله خير سلول
وربي يسخرج لج زوجج
ويحفظ لكم أزواجكم يا بنات
 
تسلمين سلة فواكه على مواضيعك الرائعه من جد حلووووووووه
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل