زملا العمل من اكبر المحرضين على الزواج الثاني

[اروى بنتي]

السلام عليكم ورحمة الله وبركاته

هذا اول موضوع لي واتمنى انكم تستفيدون منه مثل ماانا استفدت كثير من مواضيعكم

ياهلابكم في موضوعي وانتم راعين الاوله:32:

شوفو معي هالمشهد واواكد لكم جميع الشخصيات خياليه وليس لها وجود على ارض الواقع

يعني الي ينطبق على زوجها كلامي ترا صدفه لاترفعون علي قضيه خخخخخخخخخ:22:

ابو محمد معدد

عبدالله مازال مع الحبيب الاول ...............ياعسى دوم

خالد كمان وحده


نجي لشباب الطيبين في الشغل خالد راح للعمل وهو متهاوش مع المدام

عبدالله راح لدوام عادي يعني لاجديد

ابو محمد المدامات الثنتين اليوم شابه نار الحماس للاخر وكل وحده تقول والله لاخليه ينسى سحيله ام الخلاقين:31: ............المشكله كل وحده فيهم تشوف اثانيه اسحيله ام الخلاقين

المهم الهوانم مشتغلات شغل صح ومطيرات ابو الشباب لسماء على غير العاده نكد ومغاير


المهم وفي العمل خالد اليوم ماش مزاجه زفت وكل اشوي والثانيه ينافخ ويعصب على الي عنده


فدار الحوار التالي

عبد الله عسى ماشر ياخوي اشوفك متضايق اليوم عسى المدام ميب ناتفتن ريشك

خالد يرد عليه تخسي ماتنتف ريشي هالعنز الجربى بس الشرهه على الي تزوجت مطيوره مثلها

ابو محمد هههههههههههه هاذاانتم يلخوافين مخلين الحرمه تفشح على روسكم

والله لو اتصكها بوحده ثانيه انها لتمشي على العجين ماتلخبطه واسئل مجرب

خالد اقول ياشيخ فكنا وحده وفاقعتن مرارتي تبيني احط ثنتين علشان استخف


ابو محمد بلعكس الثانيه اتعدل الاوله ويصيرن الثنتين يدارنك مدارا ويازبيده لاتنكتين من الخوف لاتميل الوحده وتخلي الثانيه على الرصيف كل وحده تقول انا الي بسكن قلبه واملك حياته ويصيرن يتسابقن عليك امسابق

خالد تقوله صادق يعني حريمك مريحاتك ولايتهاوشن


ابو امحمد صادق ونص اقولك الحريم صارن كنهن الخدم تحت رجليني كل وحده خايفه الثانيه تاخذني منها والهواشات الي بينهم بطقاق الي يطق الثنتين كل وحده تحل مشاكلها بنفسها انا قايلهم من الاول مشاكلكم مالي فيها دخل ولاوحده تجي تشكيلي من الثانيه


عبدالله ........اخيرا تكلم الاخ .......الله يستر

اقول خالد تبي العرس والله لاجيبلك عروس تقل حوريه ماهي حرمه

ابومحمد ايه وش تنتظر اعرس وونس عمرك اقول عبدالله منهي العروس يصير اخذها انا

عبدالله مايخسي الاانت هالعروس تفصيل الخالد وماتلوق لحد غيره

خالد انتفخ راسه

يدي على كتفك ياعبدالله الحقني بلعروس

عبدالله اخت زوجتي جمال وعلم واخلاق وكلن يتمناها اختها عندي كل جماعتي حاسديني عليها




ها الحين وش رايكن ترا ماقلته الا بعد ماعرفت ان زميل زوجي يحرضه على الزواج

طيب والحل

اقول ياحلوات اليوم الي زوجك عنده دوام طيريه لسماء وشيليه على ارموشك شيل خليه يروح شبعان من كله عشان تظمنين انه يدخل هرج اخوياه من اذن ويطلعه من الاذن الثانيه

دايما استودعيه الله سمعه وبصره وجميع جوارحه ودايما وابدا ادعيله برفقه الصالحه المصلحه وتعوذي بالله من كيد الكايدين

هذا الي عندي

هاتو خططكم الحربيه في مواجهة زملا العمل المخربين لعش الزوجيه ...........هههههههههه اتحاول تصير شاعره وماعرفت




وسلامتكم:3:

 

[الحياهـ ماشيه]

أسسسسسئلي مجرب ولا تسسأل طبيب
ما يخرب الرجاال الا الرجاال
ومايخرب الريم الا الحررريم
وانا اعرف واااحد ما تزووج الثانيه لان الاولى تششششكو من ششششيء
لا
لان اشششلته كلهم معددين
وزنوا عليه
والزن امر من السسسحر
اووما كييف ممكن تواجهي ه المششكله قلتيها بنفسسسك
دلعععععععععععيه قبل روحة الدواااااااااام
وحاوولي تخلينه يششتاق لك
يعني اعملي له كم حركه تخليه طول دوااامه يفكر متىى يررجع لك،،
ودي

 

[ما لقيت لي نك]

ههههههههههههههههه
سحيلة ام الخلاقين
اقول انا حذفت ربيع زوجي من البي بي كل شوي يطرش رقم خطابات
من غير لا يدري وزوجي عادي ما يتفقد
خخخخخخخخخخخخخ
​

 

[اروى بنتي]

الحياه ياهلابك في موضوعي نورتيني بتواجدك صادقه الريجيل يخربون بعض

 

[ضحكات الزمان]

صادقه والله
انا زوجي كذا اغلب اصحابه معددين ولا راعين حريم وخرابيط

اثروا عليه

وباول فرصه اتزوج

بس على فكره انا كنت مدلعته دلع

بس فتره مرضت 3 شهور نط واتزوج
وحده دله عليها واحد من زملاء العمل

بس طاحت على راسه
والحين هما نفسهم يتشمتون فيه يقولون زوجتك الثانيه مش حلوه وكبيره وتعبت نفسك عالفاضي

ويقول بااخذ الثالثه حتى اسكتهم

شفتي عقول الرجال

 

[اروى بنتي]

مالقيت لي نك ياهلا وغلا يامرحبا فيك اسعدني تواجدك

وزين ماسويتي الي مثله ماينفع معه الى كذا

 

[مرمريسا]

الصاحب سااااحب
الله يسخر لنا ازواجنا ولايشوفون غيرناااااا

 

[اروى بنتي]

ظحكات الزمان هلابك نورتي موضوعي

الرجال اغلبهم ينكرون المعروف يطيح عليك اشهور واتشيلينه في عيونك ولاطحتي اسبوع قال وش هالعله ماعاد منها فود خلوني ادلع عمري

زوجك قوليله لاتشقي عمرك علشان اقوال اخوياك ترا مانهم بنافعينه

 

[اروى بنتي]

مرمرسا ياهلا وغلا يامرحبا نورتي الموظوع

وكلامك سليم الصاحب ساحب عشان كذا قلت ادعو لزواجكم بصحبه الطيبه

 

[ضحكات الزمان]

زوجك خلاص طاح في الوحل

ومصر عالثالثه

بس بكيفه

انا ما عاد يهمني اخذت التطعيمه حقتي وصار عندي مناعه هههههههههه

 

[اروى بنتي]

ظحكات الزمان هو صحيح الي زوجها يتزوج عليها تتمنى ياخذ الثالثه علشان تذوق ظرتها نفس الكاس الي ذاقته بسببها

الزوجات الاولات في قرايبنا يقولون نتمنى يتزوج ثالثه بس انا ماني مصدقتهم

 

[الزهر الجوري]

الله يثبت ازواجنا ويبعد عنهم اصحاب الهم وما يشوفون غيرنا

 

[اروى بنتي]

الزهره هلابك يامرحبا نورتي موضوعي والله يحفظ ازواجنا من كل ردي

 

[انثى تحت المطر]

الله يعننا على رجالنا بس
اجل انا زوجي يمهدلي لزواج المسيار

اصدقاءه اغلبهم متزوجين مسيار

الله يعمي عينه عنهم ومايشوف غيري

 

[حزن يغمرني]

لا حول ولا قوة الا بالله

 

[الحب ثقة]

الله يعين

 

[ظبي الشمال]

الله يسخر لناااااااااا أزواجنااااااااا...

 

[عزف الوجود]

المقدر مكتوب على الانسان اجتهدي وقومي بواجبه وبما يجعل حياتكم سعيده سويه
والمحبه في القلب والي في راسه زواج بيتزوج
والي تزوج عن زن خفيف عقل وراعي نزوه وماراح يستقر بزواجه الا اذا كان يعاني مع زوجته الاولى

 

[اروى بنتي]

يامرحبا فيكم جميع ياهلا بكل من دخل موضوعي وارائكم تشرفني وتسعدني

انثى تحيه خاصه لك وياهلابك ومرحبا

 

[هناك سنلتقي]

والله كلامك صدق مو بس يحرضونهم على الزواج وكمان على بلاوي اليوتوب والسفر ..... الخ
والله انا فيهواحد من زملاء زوجي نفسي اشوووووووته واطيره لسماء