مرحبا بنات بغيتكم تعطوني حلول لان احس اني مااقدر افكر
من شهرين تقريبا وانا ارتب الغرفه لقيت فواتير التلفونات تلفون ريلي وتلفوني واحنا عادتا مانحتفظ فيهم يعني ريلي دايما يقطهم المهم وانا انظف قلت خل افتح اشوف نوعا من الفضول ..
لقيت فاتورة ريلي فيها رقم (دولة خليجية)قلت يمكن رفيجه .. بس شفت الفاتورة عدل كل يوم تقريبا الرقم متكررا يوميا وفاليوم مره او مرتين والغالب مره وحده يوميا !!
طنشت ومافتكرت لان ريلي اصلا احسه ثقيل واايد ومو من هالنوع وانا ماشك فيه لان دايما يايكون موجود معاي فالبيت او ميلسهم ومايحب المجمعات وحتى يوم نروح بس عشان خاطري يجي معاي
..
المهم نسيت الموضوع وقلت ماعتقد يسويها وهو مايروح هالدوله وايد اصلا بس راحها جم مره ومع ربعه بس مايروح لها وايد ..
ومن اسبوعين جات فواتير جديده وكانت مقطوطه فالصاله باليوم واليومين والثلاث ويطنش لهم حتى مايفتحهم لين ما الشغاله تقطهم المهم قلت خل اشيك هالفاتورة بعد فتحت الفاتورة لقيت الرقم وبصراحه قلت ماعتقد رفيجه بيكلمه كل يوم ومره انا سالته عندك حد فالدوله الفلانيه ابي اطلب شي من هناك فمحل عندهم وابيه يطرش لي الطلب قالي لا ماعندي حد ان كل يوم اكلمه في ناس يعرفهم بس مو معرفه عدله !! شكيت فالموضوع
اي بنات والرقم كل مره يتصل في وهو راد من الدوام يعني الظهر يتصل وهو راد البيت الظاهر يكلمها لين مايوصل البيت وفي حزات فالليل متصل فالرقم وعرفت هالشي من الاوقات المكالمه ي الفاتورة !!
خذت الرقم وماقدرت اتصل من تلفوني عطيته رفيجتي قلت لها ان وحده اعرفها شاكه فريلها وهالرقم وايد يتصل عليه تبي تشوف واحد ولا وحده طبعا ماقلت لها انا لانها تعرف ريلي وتعرف هلي كلهم المهم اتصلت ووحده ردت عليها تقول وااايد مايعه البنت اللي ردت والظاهر في وحده حذاها وكانو يتضحكون بصوت عالي المهم صكت التلفون قالت سوري غلطانه وصكت ..واتصلت فيني قالت لي وحده ردت علي .. وبعدها بجم يوم اتصلت فرفيجتي قلت لها دقي عالرقم مره ثانيه وتاكدي يمكن رقم واحد يرد عليج اتصلت لقت الرقم مغلق ..
وانا بصراحه مادري شاقول حق ريلي .. من جم يوم قطيت عليه نغزة قلت له حياتي لاتتكلم فالتلفون وايد مضر ترى ..قالي شنو اشقصدج وحسيته تنرفز وزعل قلت له ترى ماقلت شي عادي جبتها غشمره قالي لا اش تقصدين قلت له ولا شي كل تكلم فالتلفون اربع وعشرين ساعه ولاتزعل :surrender:
اي ومن جم يوم قلت له ان وحده اعرفها اطلبت الطلاق لانها صادت ريلها يكلم وحده والحين صايره مشكله بينهم وراحت بيت اهلها وماتبي ترجع له قال مايستحي على ويهه ذي :surrender: خخخخ
والله قمت اشك فنفسي ترى تصرفاته وكلامه كنه برئئ
بس انا متاكده انها وحده شاسوي شالحل مابي اواجهه انا من النوع اللي اذا ازعل وخاصه على هالاشيا عادي اطلع برع البيت ومارد له مره ثانيه انا حزات اذا يلتفت يشوف وحده حتى لو يشوفها ويتطنز على شكلها بعد ازعل اقوله انت بالعماله تتطنز بس عشان تشوف يقولي انتي تدورين المشاكل !!! :schmoll: مابي السالفه تكبر وايد وفنفس الوقت مابيه يكلمها انا مو مقصره معاه وهو يحبني واعرف انه يحبني بس مادري ليش جذي يسوي
شالحل بنات بليز :icon1366:
من شهرين تقريبا وانا ارتب الغرفه لقيت فواتير التلفونات تلفون ريلي وتلفوني واحنا عادتا مانحتفظ فيهم يعني ريلي دايما يقطهم المهم وانا انظف قلت خل افتح اشوف نوعا من الفضول ..
لقيت فاتورة ريلي فيها رقم (دولة خليجية)قلت يمكن رفيجه .. بس شفت الفاتورة عدل كل يوم تقريبا الرقم متكررا يوميا وفاليوم مره او مرتين والغالب مره وحده يوميا !!
طنشت ومافتكرت لان ريلي اصلا احسه ثقيل واايد ومو من هالنوع وانا ماشك فيه لان دايما يايكون موجود معاي فالبيت او ميلسهم ومايحب المجمعات وحتى يوم نروح بس عشان خاطري يجي معاي
..
المهم نسيت الموضوع وقلت ماعتقد يسويها وهو مايروح هالدوله وايد اصلا بس راحها جم مره ومع ربعه بس مايروح لها وايد ..
ومن اسبوعين جات فواتير جديده وكانت مقطوطه فالصاله باليوم واليومين والثلاث ويطنش لهم حتى مايفتحهم لين ما الشغاله تقطهم المهم قلت خل اشيك هالفاتورة بعد فتحت الفاتورة لقيت الرقم وبصراحه قلت ماعتقد رفيجه بيكلمه كل يوم ومره انا سالته عندك حد فالدوله الفلانيه ابي اطلب شي من هناك فمحل عندهم وابيه يطرش لي الطلب قالي لا ماعندي حد ان كل يوم اكلمه في ناس يعرفهم بس مو معرفه عدله !! شكيت فالموضوع
اي بنات والرقم كل مره يتصل في وهو راد من الدوام يعني الظهر يتصل وهو راد البيت الظاهر يكلمها لين مايوصل البيت وفي حزات فالليل متصل فالرقم وعرفت هالشي من الاوقات المكالمه ي الفاتورة !!
خذت الرقم وماقدرت اتصل من تلفوني عطيته رفيجتي قلت لها ان وحده اعرفها شاكه فريلها وهالرقم وايد يتصل عليه تبي تشوف واحد ولا وحده طبعا ماقلت لها انا لانها تعرف ريلي وتعرف هلي كلهم المهم اتصلت ووحده ردت عليها تقول وااايد مايعه البنت اللي ردت والظاهر في وحده حذاها وكانو يتضحكون بصوت عالي المهم صكت التلفون قالت سوري غلطانه وصكت ..واتصلت فيني قالت لي وحده ردت علي .. وبعدها بجم يوم اتصلت فرفيجتي قلت لها دقي عالرقم مره ثانيه وتاكدي يمكن رقم واحد يرد عليج اتصلت لقت الرقم مغلق ..
وانا بصراحه مادري شاقول حق ريلي .. من جم يوم قطيت عليه نغزة قلت له حياتي لاتتكلم فالتلفون وايد مضر ترى ..قالي شنو اشقصدج وحسيته تنرفز وزعل قلت له ترى ماقلت شي عادي جبتها غشمره قالي لا اش تقصدين قلت له ولا شي كل تكلم فالتلفون اربع وعشرين ساعه ولاتزعل :surrender:
اي ومن جم يوم قلت له ان وحده اعرفها اطلبت الطلاق لانها صادت ريلها يكلم وحده والحين صايره مشكله بينهم وراحت بيت اهلها وماتبي ترجع له قال مايستحي على ويهه ذي :surrender: خخخخ
والله قمت اشك فنفسي ترى تصرفاته وكلامه كنه برئئ
بس انا متاكده انها وحده شاسوي شالحل مابي اواجهه انا من النوع اللي اذا ازعل وخاصه على هالاشيا عادي اطلع برع البيت ومارد له مره ثانيه انا حزات اذا يلتفت يشوف وحده حتى لو يشوفها ويتطنز على شكلها بعد ازعل اقوله انت بالعماله تتطنز بس عشان تشوف يقولي انتي تدورين المشاكل !!! :schmoll: مابي السالفه تكبر وايد وفنفس الوقت مابيه يكلمها انا مو مقصره معاه وهو يحبني واعرف انه يحبني بس مادري ليش جذي يسوي
شالحل بنات بليز :icon1366:
