ريلي يبا يطلقني لسبب تافه جدا

[umm_omar77]

السلام عليكم، خواتي اول مشاركة لي وللاسف مشاركة مب ساره ابدا كنت حابه ارد وانصح خواتي اللي عندهم مشاكل علشان اخفف عليهم صرت انا اللي ابي حد ينصحني ويساندني وما لقيت غير هالمنتدى الرائع **اللي فادني وايد ، خواتي انا في حاله يرثى لها والسبب ريلي الله يهديه ،ريلي اليوم **قال انا ما اريدج انتي مو بمستوى اني اخذج مع العلم اني متزوجته 9 سنوات والسبب هو اني سالته وين رايح مع العلم اني اسال دوم ويجاوبني بكل صراحة بس ما اعرف شو صارله اليوم وريلي من النوع اللي يحب زوجته تسال ** ( على فكره انا الحمدالله اتمتع بجمال مو فالق بس الحمدالله شكلي مرتب وحلو انيقة وجامعية وموظفة سابقا اهتم بعيالي وايد عندي 3 اطفال )ز
دبروني شو اسوي احسه وايد متغير علي كأنه مو الشخص اللي متزوجته انا **محتاره وبعد كلامه هذا فكرت ارد دوامي مره ثانيه شو رايكم ومادام ما يريدني خلاص كل واحد يروح في طريقه ساعدونييييييييي**

 

[umm_omar77]

no body

 

[سكر اسمر]

الموضوع مبهم مرة وحدة منتي بمستواه يمكن كان مضغوط او فيه مشكلة شاغلة باله وإذا اول مرة عديها وشوفي آخرتها واياه ولاتزعلين نفسك ولايهمك انطري وشوفي شللي في باله يعني بدون مقدمات يفور ويرمي هالكلمتين اللي يوجعوا ممكن نعرف هو اول مره يقط كلام معلفط

لنا عودة مرة اخرى لتفاصيل قد تحل المشكلة

 

[برائة]

حبيبتي لاازم في سبب تقعدون وتشوفين

الشغله مو لعب عيال عشرة 9سنين

انتي راجعي حساباتكم يمكن حياتكم روتينيه ودخل الملل فيها

او حتى كان مضغوط وقال كذا

لازم تعرفي الأسباب عشان تعرفي الحل

الله يوفقك

 

[احلى سمايل]

أكيد باله مشغول في عمل أو موضوع ما وموتر أعصابه وأنتي جيتي في حرتها وجت في وجهك
ولا أتوقع إنه جاد في كلامه وممكن تلاقيه متندم
ناقشيه وقت مايروق وعاتبيه وضعي حد معه حتى لا يعتاد يستخدم هذا الأسلوب معك
الله يفرج همك ويعينك يارب

 

[ريـآنه]

طيب اجلسي معه جلسة مصارحة اذا شفتيه رايق اسأليه اذا فيه شي مضايقه منك دام بينكم عشرة 9سنوات ياختي ليه تقولين كذا كل واحد يروح بطريقه بينكم عيال اذا مو علشانه ضحي علشانهم وان شاء الله فيه خوات استشاريات يمكن يفيدونك اكثر مني

 

[gaaaaaaaya]

ياحبيبتي مو معقوله كذا فجأه !!!!!!!!!!!!!!!! يمكن في تراكمات سابقه.وماكل بينكم ،او تصرفات منك مضايقته وكاتمنها ، والحين انفجر (الله المستعان)او يمكن عنده مشكله ، ومأثره على مزاجه.............................ز خليه ولما بيروق ، خبريه بالصدمه اللي سببها لك لما قالك هالكلام...لازم هو بعد يحاسب في الكلام اللي بيطلعه.............لاتخليه يتعود انه يقط عليك كلام جارح ومافيه اي احترام

 

[انسانه متفائله]

يمكن مضغوط عشان كذا رده قوي >>ولابد ان الرجال ينضغط والله لوندقق مابقت ولاوحده جالسه مع رجلها الا من رحم ربي

 

[ياربي انصرني]

بعد عشرة 9 سنوات يقول انك ماتناسبينه

ابحثي عن الاسباب وعالجيها 000 ويمكن يواجه ضغوط في عمله او مشاكل اخرى لانك تقولين
انه يردعليك اذا سألتيه الا هذه المره كان رده
مزعج بالنسبه لك00

 

[umm_omar77]

شكر لكل من ردت،خواتي انا الاحظ انه ريلي متغير من قبل رمضان **بشهرين اوثلاث صار يطلع برع البيت بالبيجاما ** **علشان يتكلم بالتلفون وطريقة طلوعه غريبة كأنه خايف من شي بس انا بالمرصاد انتظر لحد ما يرد **واساله ليش تطلع برع يقولي اشوف الحديقة اللي برع البيت علشان ارتبها وطبعا هذا مو صحيح ابدا بس شو انقول الريايل دوم عندهم المبررات جاهزة وصار يدخل غرفته ويسكر على نفسه بالمفتاح ويقولي روحي نامي عند العيال بعدهم صغار بس انا ما اسوي اللي يباه وادخل غرفتي وانام واخرب له اللي يريد يسويه .ما اعرف شو اسوي وصار يتكلم عن الزوجة الثانية بس دوم اقوله نحن اتفقنا قبل ما اطلع من الدوام انه ما يذكر او يفكر بسالفة الزوجة الثانية وحلف بعد ،وقال بعد انج دوم بتكونين فوق راسي لانج زوجتي اللي احبها هذا كان قبل سنه ونص اللحين يوم اذكره بكلامه يقولي خلينا من هذا الكلام وخلينا انسوي اتفاق ثاني قلتله حشى نحن وين في مجلس ادارة **والا شو كل يوم قرار شكل**

 

[umm_omar77]

اختي سكر اسمر ريلي يوم يكون زعلان يعق كلام جارح جدا بس على الاقل اعرف شو السبب بس هالمره غير احس بكذا

 

[umm_omar77]

hallaa

خواتي وينكم؟

 

[سكر اسمر]

شوفي الحين مادام تغير انت بعد تغيري شوفي استايلك هواياتك حتى الشغل قولي له شكلي برد شغلي حاولي قد ماتقدرين تعيشين حياة كنك اول مرة تشوفيه ومو تسأليه أبد عن شي وسوي اشوي غموض في حياتك ودوري بدروس البلقيسيات وراح تنحل واياك ان شاء الله هذا يمكن احد معبي راسه وقاعد يشوف بس السيئات من غير الحسنات ادعي الله ليل ونهار انه يجعل بينكم المودة والرحمة ويبعد عنكم شياطين الجن والإنس​

 

[بعد]

^
^
معااااك لاتسالينه وتغلي وتدلعي عليه اذا
قال ليش متغيره لاتعطينه جوااااب راوغي

 

[umm_omar77]

مشكورات خواتي على النصيحة وياريت اللي عندها دروس اومواضيع بتفيدني في المنتدى

 

[هندالغالية]

الله يعينك

 

[quen]

كلامهم صحيح تغيري عشان ينجذب لك ويصير تفكيره لك استعجلي على حالك
قبل لايطيح الفاس بالراس واذا في مجال ترجعي وضيفتك ارجعي
بس انتبهي لاتقولي بنفصل والكلام اللي قاله لك تجاهليه ممكن مضغوط وممكن شكك بمحله
فاالافضل اصبري وشوفي الامور بشكل اوضح بس انتبهي تفاتحيه بشي اما عن المواضيع بقسم الزوج والزواج كل اللي تبينه

 

[قطـــــريه]

من كلامج اختي يبدوا ان في وحدة دخلت حياة ريلج .. أنتي تقدرين تتأكدين من تصرفاته .. بس اختي الهدف من كلامي مو انج تتجسسين عليه .. الهدف انج تغيرين من نفسج شوي .. طنشيه شوي ولا تسألينه خليه على هواه شوي وراقبيه من بعيد لبعيد .. لو طلع برا البيت يتكلم بالجوال لا تسألينه وين كنت وليش طلعت .. بس راقبيه وانتي بعيد .. لو سكر الغرفة عليج طنشيه وشوفي شيسوي من بعيد .. ولو قالج نامي عند اليهال لو أنا مكانج بانام عند اليهال واراقبه شيسوي وانا محد مب معته عطيه الأمان انج ما تراقبينه ساعتها كل شي بيبين ..
اذا تأكدتي ان الموضوع فيه وحدة ثانية وهاي للأسف واضح .. لا تكشفين اوراقج قدامه خلج غامضة ..

 

[المتغيرة للأفضل]

انتبهي على نفسك اختي اذا الموضوع فيه تلفونات ويحب يستفرد بنفسه اكيد وحده من الي ماتخاف ربها تداركي الامر بسرعه ولاتخبريه بشيء لكن حاولي التقرب اليه بشتى الطرق وكوني دائما مرحه متفائله اشغليه بنفسك وباولادك غيري من نفسك ومن شخصيتك واعرفي نمطه ماذا يحب وماذا يكره اقرئي في هذا المنتدى الرائع وتعلمي منه وفقك الله وابعد عن زوجك جميع نساء الارض وجمع بينكم بكل خير

 

[نبراس الهداية]

من واقع الحياة المرصود وواقعي الغير مؤكد أن نسبة 90% من الرجال يتغيرون على زوجاتهم عندما تدخل أمراءه جديدة إلى حياتهم وما اسهل حدوث هذا الأمر في وقتنا الحالي حتى اصبح لدى ضعاف النفوس أسهل من شرب الماء. لا أريد أن أضايقك يا اختي أو أن أدخل الشك في قلبك على زوجك فإن كان هذا صحيحا فسوف تشعرين وتحسين ذلك بنفسك وقد يكون السبب غير ذلك والله أعلم ولكن اياكي والتسرع وكشف أوراقك . أعملي بنصائح الأخوات وعليكي بالدعاء والصدقة بنية تسخير زوجك لك. اصلح الله أزواجنا وردهم إلينا ردا جميلا