ريحوني بليز

[Nonaya]

السلام عليكم
بصراحه ماني عارفه من وين ابتدي
بس نفسي تنصحوني ايش اعمل
انا زوجي متدين وخلوق ومثقف بشهادة الجميع
ونحنا عايلتنا لها موقع خااص يعني منتدى
المهم صاار في مشترك جديد ومن خلال مشاركاته ومواضيعه
شكيت انه وحده من اللي اعرفهم وهي من اهله طبعا بس متخفيه بنك رجل
لغرض في نفسها الله اعلم
واثارت موضوع في الدين وقامت قائمه الاعضاء وكان ممن رد عليها انا وزوجي

المشكله مو هنا
المشكله ان هي انسحبت وانا ويا زوجي من كلامي شااكين انها اللي اعرفها

من فتره عاودت الدخول لكن بدون مشاركه وارسلت لزوجي تقول له انها تبغى تناقشه في
البالتوك عن امور دين وهي حيرانه وتبغى المساعده

للاسف ماقدرت اضبط اعصابي وثرت وقلت له انت عارف ان المحادثه بين الجنسين حرام
وخاصه اذا كانت برايفت وهي كاتبه له في الرساله ان ماتبي احد يعرف

وزوجي قال لي وخبرني وقال لي لو في شي ماكان قلت لك
المشكله انا واثقه من زوجي بس ماوثق من الفتنه والشيطان شاطر

انا ايش سويت قلت له حرام ومايصح وشنو هذا ورد علي ان احنا مو متاكدين انها بنت
ولو متاكدين انه واجب عليه يساعدها وانا المفروض اساعده بهالشي

بصراحه عمري ماتوقعت ان زوجي يطنش الفتوى اللي تقول حرام وانا خايفه عليه
من الفتنه والاعجااب حتى لو هي متزوجه الشيطان شاطر


انصحوني شسوي


قال لي انتي مالك دخل انا ايش اسوي وانا اتحمل المسئوليه
بس نااااااااااااااااار حارقه قلبي وموعارفه شسوي هجرني النوم
حسبي الله ونعم الوكيل


انا قلت له بجلس يمك قال لي عادي جلسي مابقول شي غلط والحديث كله عن دين وغيره ووووو

بيس ماني مرتاحه


ريجوني بليييز

 

[نافله]

والله أنا معاج ما يكلمها ....... واذا اصر قولي له بس خمس دقايق ....... وحاولي اتأكدين اذا اهي دزي لها اي شي أنك ما تسمحين لها ولغيرها تكلم زوجك

 

[عزيز الروح]

اني من رآي ان زوجك يعطيها بصريح العبارهـ انه مايحب المحادثات الخاصة ..
وانها اتحط مشكلتها او مشاكلها على العام احسن الها من انها تتكلم على الخاص ويذكر الها الحديث والفتاوي اللي تحرم كلام المراءة مع رجل اجنبي .. وبكذا عجبها الوضع اهلاً وسهلاً ماعجبها الله يستر عليها ..

 

[أبرار سالم]

أختي لا تكبرين الموضوع وتعطينه أكبر من حجمه ، سواء هي ولا غيرها
الرجل اذا ما كان ملتزم راح يضحكون على عقله الحريم ،فالشيطان أكبر
عون له في هالمساءل ، وهذا مجرد نت شلون اذا كان بالعمل يختلط بالنساء
أو كان معيد بالجامعه أو دكتور ،
ولا تنبهينه على غيرتج راح يصد وماراح يكون صريح معاج ، اذا هو يصلي
ويخاف ربه ماراح تأثر عليه مكائد النساء...
(( فالصلاة تمنع عن الفحشاء والمنكر )) والله يهديكم ويبعد عنكم شرور الدنيا

 

[روح الوفى]

بصراحة بنات هذة الايام ينخاف منهم وحطي بالك على زوجك

 

[Nonaya]

مشكوره كل وحده ردت علي
لكن المشكله انه حاسب نفسه يسوي عمل لله
وهدف سامي انه يقوم افكارها الانحرافيه في الدين
وايضا بينت له غيرتي مع اني تندمت بعدها
بس ماقدرت امسك نفسي
وفعلا اكبر غلط اني بينت له لانه قال لي انا قلت لك انها ارسلت لي عادي
لاني مو معطي المساله اكبر من حجمها بس انتي غيرتك مرض
وشكلي بفكر قبل كل مرره اخبرك فيها
كلامه خلاني اندم اني ثرت وانا فعلا مابغى ابين له بس
على العكس ماقدرت امسك نفسي وخاااصه اني اعرفها واعرف افكارها
ونواياها انها تثبت له انها على حق وانها مفكره ومثقفه ومحد قدها
لانها تصرح بهذا علانيه قدامنا
لكن اتفقت معاه اني خلاص راح افكر قبل مااتكلم
وقلت له ابغاك ماتخبي عني شي وهو قال لي انا ماراح اخبي
المشكله اني اثق فيه بس مااثق فيها

واللي سويته خلاه يفكر اني انا اشك فيه ومااثق فيه
الله يستر عليها
وبحاول اتحكم بانفعالاتي المره الجايه عشان مااخسره

ادعوووووووووووووولي تكفون

 

[mesk-nader]

اختي واجهيها بكل واقعيه , وقولي لها وش قصدك لو كان ماوده حد يعرف , حتى توقفينها عن حدها, ولو تبي مساعده تكتب بشكل عام في قسم عام , لازم تكون هناك قوانين تحد من هذه التصرفات الا اخلاقية ​

 

[وردة الحجاز]

الله يحفظ لك زوجك يا غالية ويبعده عن الفتن

 

[مجـ حنونه ـروحه]

غاليتي

مالمانع إذا كان يتناقش معها في أمور الدين وبحضورك لو قال ما أسمح لك تجلسين بجانبي لك الحق تزعلين وتشكين لكن بما إنه ما راح يخبي عنك شيء وكل شي بحضورك مالمانع من ذلك

وإذا كنت معاه وهو يكلمها لا تبيني غيرتك منها وإنما بيني له أنها عل خطأ وأن كلامها يعارض الدين وكأنك تساعدينه على مجابهتها ومن فترة لفترة أذكري له قصص بعض المثقفات ولكن أفكارهن منحرفة

أما إذا تعدت الحدود وتكلمت في كلام لا يليق فقولي لزوجك حبيبي أنا عارفه إنك إنسان فاهم وعاقل ومو أي أحد يأثر عليك بدينك وأخلاقك بس والله خايفه تأثر عليك وأنت ماتحس لأن كيد النساء عظيم

وإذا ما أخذ بكلامك صارحيها لان اللي مايستحي لا يستحى منه


وأسأل الله أن يسخر لك زوجك ويبعدها عنه

وعليك أختي بالثلث الأخير من الليل أدعي الله أن يصده عنها

دمتي بود

 

[حلا بدون سكر]

أول شي حسسيه بالثقة وشاركيه في محادثاته وأعرضي رأيك وقولي أنا برد عليها فهالنقطة وحسسيها إنك معاه عشان تيأس إذا كانت تفكر بشي ولا تنسي الدعاء والإستغفار فمفعولها أكيد

 

[ريموني]

عزيزتي

اولا من الجميل ان يعطيك زوجك كل تلك الثقة ..... وياخذ رايك في مثل تلك الامور ....

لذا تصرفي بحكمة ....... ولا تجعلي من غيرتك سبب لفقدان ثقة زوجك بك ........ وابعادك عن خصوصياته ..

هو على حق انتم لم تتاكدوا مية بالمية انها هي نفسها (( المراة )) المشبوهة لذا ما حدث قد وعليك الان بالتالي :

1_ وافقيه على المحادثة وقولي له بانك يشغلك الفضول لتعرفي ما هو سؤال ذلك الشخص المجهول ولا تشعريه بشكك

ابدا .....

2_ بذكائك ستلمحين طريقة (( المجهول )) اذا كانت امراة ونفس المراة التي في بالك ام لا ...... لذا اذا اكتشفت ذلك

الشيء الفتي نظر زوجك فورا ....

3_ اذا تاكدتي تماما بانها هي (( قريبتك )) قدمي الادلة الشرعية التي تثبت تحريم المحادثات الخاصة بين الرجل والمراة

وكذلك الفتوى الشرعية وليس فقط بلسانك بل على ورق يثبت (( لها مفعول اقوى )) لكي يرجع لها بين كل حين وحين

4_ اذا كان دليلك قوي بانها هي نفس المراة (( قريبتك )) كوني حازمة في توجيه تهديد لها بعدم التعرض لزوجك

(( بينك وبينها وليس امام احد ,, الستر زين )) ..

همسة في اذنك :

قومي بتسجيل المحادثة وحفظها في الجهاز .. ستستفيدين عند مواجهتها خاصة اذا انكرت ..


موفقة

 

[Nonaya]

تسلموووووووووون
اشكر كل وحده ساندتني
انا واثقه من نفسي وبكل تصرفاتي اكون حكيمه
بس عندي الغيره الشديده على زوجي واللي احاول اتحكم فيها
وان شاء الله اعمل بنصايحكم
وربي يوفقكم ويسخر ازواجكم ويعطيكم اللي تتمنوه

آآآآآآمين يارب

 

[المنقبة]

انتي ليش ما تقعدين جنبه و هو يناقشها ارضاء للطرفين لج و له يعني في حضورج

 

[Nonaya]

عزيزتي انا بصراحه نفسي يصرف نظر عن الموضوع
ومن كيفه مو عشاني انا لانه بصراحه انسان خلوق ومتدين
وانا شايفته فوق السما ولا ودي احس انه بيجي يوم
انظر له نظره غير وانا عارفه كيد النساء واعرف نوعيتها
انا الان ملتزمه الصمت لاني اتفقت معااه اني ماراح اجيب سيرة الموضوع نهائي
الا اذا كان هو حاب يطلعني عليه

وماسكه قلبي وساكته لاني احس زعلي وثورتي خلته يعرف مواطن ضعفي وغيرتي
ومو عارف ان كلامي صح ومنطقي انه مايجوز يكلمها

حسبي الله ونعم الوكيل ارجو من كل وحده تقرا موضوعي تدعيلي

 

[أم صلوح]

الله يحفظكم لبعض بس الدنيا مالها اماااااااااااااااان