روِّحي عن نفسك مع سوالف (خليط)

[قلب وعقل]

السلام عليكمـ ورحمة الله وبركاتهـ ..


اليوم نبي نوسع صدوركن شوي ونروح عن نفوسكن ​

مع سوالف ولدي ( خليط) على قولة أخوه الصغير... :bleh:


السالفه الأولى/


في يومـ بنات أختي موجودات عندنا بالبيت و جالسات يسولفن مع البنات راح خليط لوحدهـ منهن


قال لها: تبيني ؟؟..:blow:


قالت له : إيهـ !!!! <<بتشوف وش آخرتها معهـ ^_^


قال لها: خذيــنـــي..:tongue:(تمثلا بقول الشاعر/


(أخذيني اليا عجبتك بس رديني***وأن ماعجبتك خلاص أخذيني مابيني) ​

<<على حسب ما سمعت.


قالت: يا ربي وش هالرومنسيهـ اللي نازلهـ على ولد خالتي وهـ فديتهـ..:in_love:


قالت لها بنتي :أنت متأكدهـ أنه قال خذيني تأكدي اسأليه مرهـ ثانيهـ


قالت له : تعال وش قلت؟


قال لها : تبيني


قالت له : إيهـ


قال لها : تخثــــــين


(أخوه مطيحن له واحد من ثناياه بحصاة هذا كبرها:a043: لما كان عمره سنتين خرب له حرف السين والصاد)​

والمحصلة (تخسين)

قالت له : تقلع واللي يرحمـ والديكـ ..^_^:icon28:​

@@@@@@ــــــــــــــــــــــــــــــــــــــــــــــــــــــــــــ@@@@@@@ـ


والثانيه/


مرهـ كان خليط منسدح جنبي وحاط يدينه تحت خده الأيمن(يقال مستعد للنوم) فجأهـ


قال:هـــــــــــــــــــــــــــــــه ((يتنهد))ويقول أمممممي ناظرته والا الحزن كله في ملامح وجهه:strongsad:(كسر خاطري وخفت::busted_red: إيش عنده وليدي)


قلت :نعم حبيبي


قال: بتنهيدة أطول من الأولى :يــــاااااااالـــــــــــــــــــــــــــتني ثور:sad_1:


(ابتدت الدلاخه الحمد لله سلامات:schmoll:)


قلت له : أفاا وش ذا الكلام وانت تعرف وش الثور؟!!!!


قال :لااااااااااااا


قلت: زوج البقره:smoke1:


هالحين تبي تصير ثور؟؟


قال لااااااا


طلعت أختهـ قاصةٍ عليه تقوول له: أنت ثور ولا إنسان؟


قال لها: إنسان


قالت له : ليهـ الثور حلوو وأبيض


عاد أنا سألته: وش يتزوج الرجال؟


تعرفون وش كان الرد؟!!


قال بعد تفكير عمييييييييق وهو رافعٍ سبابته فوووووق: صخخخخخخخخخله.


!!!!!!!


للعلم/الصخلة بنت الماعز​

على فكرة عمر خليط أربع سنوات ونص ومن يومه صاحب سوالف وهذا أقرب شبه له:a227:
@@@@@@@@@@@@@@@@

# الثالثه#


مرهـ كنا طالعين وفي السيارة أنا جالسهـ اسولف مع ولدي الكبير


وخليط ينادي علي : أمي ماما أمي (على فكره هو أول من نطق كلمة أمي وصارت سنةٍ عند البزران ماينادون الا أمي وافتكينا من ماما)


وأنا ماني منتبهةٍ له ومندمجة في المجادل


وجلس ربع ساعة:harhar1:إلا نص دقيقه:e076: ينادي علي ماما أمي


وما رديت عليهـ


:c018:فجأهـ قال: ماما وثمخ:c016:(( أي صمخ ))


الكل سكت وجلس يناظر


والكل سمع واستوعب !!!!


لا تعليق<< فتره من الزمن ثم انفجر كل من في السياره كاهككههكه


( طبعاً إلا أنا لأن التربيه تلزمني أزعل:msn-wink:)​

وبإذن الله كل ما يحصل موقف بسدحه في هذي الصفحة .

 

[سنابل خير]

ما أجمل سوالف الصغار ..
بريئة .. ببراءة قلوبهم ..
ربي يخليه لك ويحفظه ..
ويجعل خليطه الخير والبركة ..

 

[Queen***]

الله يخليه لك يا رب ,,,,

يااااااااا حبي لهم الأطفال وسوالفهم ...

خليط ذكرني بولد اختي كلهم نفس الاستايل خخخخخخخخخخ

 

[فنيسا]

الله يخليه لج والله ذكرني بولدي وااااااايد

 

[قلب وعقل]

من كم شهرمروا قررت أحفظ حزبي المقرر وكان ما عندي وقت ألا ساعهـ لأني أبروح عند المدرسه عشان أسمع المهم طلعت بالحوش وكان فيهـ عج ورمل يشبه الطعوس بس مصغره يعني ماله داعي تطلعين للبر هذا البر جا لعندك^_^ طلعت عشان عيالي ما يشوفوني طلعت ولمحني خليط ورحت بسرعه للمجلس وفقلت الباب وصار ينادي/ أمي ويطلطل من النوافذ بس غطست في الكنب(مغامره) ^_^ عشان ما يشوفني زهق وراح قال لأخوانه ما شفت أمي مادري وين راحت المهم جلست أحفظ ألا سمعت كأن صوت غطا الخزان الأرضي قلت يمكن فتحوه وتسحبت بشويش وطلعت أستطلع وش يسوون ما لقيت أحد عند الخزان ألا شوي أسمع صوتهم من وراي وحطيت رجلي بسرعة ودخلت للمجلس وجلست أحفظ مرهـ ثانيهـ وأسمع أصواتهمـ يلعبون بالماء والرمل(الطعيس) وجلست أناظرهم من النافذهـ ودي أطلع وأعلمهم شغلهم منقهرهـ بس قلت لا يابنت الحلال أحفظي أحسن لكـ وتذكري وصايا مؤلفة كتاب (التعاون بين الأطفال) تقول :لابأس بقليل من الفوضى.... حفظت وطلعت ألا بوجهي الشغاله تركض تقوول ماما هذا كلاد و نواب <<اسماء عيالي اتحداكم تجيبونها:c028: ..يلعبون بالرمل والمويه وكله وسخ أشرت لها بيدي عليهم وبكل برود قلت لها أدري ...أدري إذا خلصوا قولي لهم يتروشون وطلعي لهم مناشف وملابس ،ورحت أجهز نفسي عشان السواق :smoke1:باقي له ربع ساعة ويكون عند الباب ..​

العيال دخلوا يتروشون يوم أني تجهزت وخلصت رحت لهم أستكشف ما أشووف أحد بس أشووف رغاوي وفقاعات في البانيوا واصلة قريب السقف(أمزح:sly:)وأسمع صوتهم والصغير:1eye: يكحكح .. العيال مسوين فيها أنهم بيسوون رغوهـ:a122:طلعوا لاعبين بالشامبو علبة دوف عبوة عائلية ونص علبة هيربل وناظرت علبة الرغوهـ هي ماكان فيها الا ربع ومازال فيها ربع​

تذكرت كتاب تعاون الأطفال خلاص بفرقع:e076: طلعت وأنا ماسكة بطني وفرغت شحنة القهر ورجعت وقلت بكل هدوووء ياعيال ليهـ حاطين شامبو ​

قال الخطير :a227: خفنا تخلص الرغوه وحطينا بدلها شامبو:idea::idea::idea::e136:مااقدر أنا ع الذكاء العبقري..​

​

طيب/ خليط:a227: صرَّف الماء وحط ماء جديد واترك الرغوه علي أنا أجيب لك غيرها إذا خلصت
....... والا طاط طيط ورحت مشواري :showoff:

لكن تعرفون انه أحلى يوم مر علينا!!!!!

 

[قلب وعقل]

سنابل خير
آميييييييييييين ولك بالمثل وأكثر

كوين
والله يخليك ويبارك فيك وياليت تسدحي لنا من سوالف ولد أختك الله يحفظه

فينيسيا
ويخلي لك ولدك وسواليفه وتسدحينها لنا

 

[ms-reem]

ايام ممتعة

 

[احب الحياة]

مرحبا قلب وعقل...
عرفت اسمائهم>>>>>خالد ونواف <<<<< انا ولدي اسمه نواف والشغالات ما ينادونه الاكذا !!!!!
الله يخليهم لك ويخليك لهم ...
عندي ولد نفس شخصية ولدك (الله يحفظهم لنا )...,,,خفيف دم وخفيف طينه اسم الله عليه ,,,,
وكل اهلي يموتون عليه حتى اللي عندهم عيال .....خصوصا امي ما تسمع فيه .

 

[الأمنية]

الله يخليهم لك يارب
يمكن أسمائهم خلاد ونواف
جميــــــــــــــــلة يــــــــــــومياتك فتـــــــــــابعي

 

[قلب وعقل]

بنوته دلع:icon26:
دامت أيامك ممتعه وحياك الله وزوجك ووهبك البنين والبنات

أحب الحياة
جعل الله ولدك من السعداء في الدنيا والآخرة وإياك
أما عن الأسماء فنص وربع>>:harhar1:يعني صح إلا شويه:sly:

الأمنيه
صح فزت بالتحدي:cupidarrow: لكن التحدي من بنتي علشان كذا خذي منها الجائزه :evil_lol:
الله يهديها كشفت التنكر عند العائله:santa_1::msn-wink:
وجزاك الله خير على الإطراء:clap:

 

[غروب الجسد]

قال الخطير :a227: خفنا تخلص الرغوه وحطينا بدلها شامبو:idea::idea::idea::e136:مااقدر أنا ع الذكاء العبقري



ماتحمل فكرت بس عيالي اللي يلعبون في شامبو

تعرفي اذا بقو يسبحو يعيشو جوهم غير شكل

صراخ وانواعالهبال عندي ولد عمره سنتين ونصف مزاجه مو مثل اخوانهاذا بقا يلعب دخل كل العابه معه ولازم احط له رغوه وينادي على اخوه كبير وتعالي شوفي كيف يصير الوضع مايخلون شامبو ولارغو الا في البانيو حتي صابون الجسم ياخذونه

الله يحفظ هم ويهديهم وةنشوف عيالهم

تحياتي الك خيتووووو