ههههههههههههههههههههههههههههه أدري والله إن فيساتكم ألحين :a049::a043: عاد قلت أنا يوم الخميس معليش..لازم تحترين..عشان أنا بعد إذا فيه سطور مناك ولا مناك مايسير تنقرى..وأتورط بعدين ويقولون عصيد خربت أفكارنا..فعشان كذا جالسة أرتبها وأمسح اللي ينمسح
الجزء 35 فالشارع سهيل كان يمشي زي المجنون مايدري من وين يروح!ويوقف عند شجرة والمكان كان فعلا هادي ومافي أحد ويتصل على جوال عبيد كان معلق وشويه مغلق وتزيد عصبيته:ياربي وين أدوره؟ وشويه ويحط إيدينه الثنتين على فمه وينادي بأعلى صوته:عبيــــــــــــــــــــــــــــــــــــــــــــــــــــــــــــــــــــــــــــــــــــــــــــــــد عبيد كان منسدح عالأرض وخالد كان فوقه ومكتف إيدينه وواحد من الشباب خاف يوم شاف عبيد ينزف من خشمه ويكح:خالد وخر عن الولد بيموت خالد كان مثل الشي اللي كان يدوره ومحتار شلون يحصل عليه ويوم لقيه يجي هالولد ويقوله وخر عنه ..المهم خالد قطع ثوب عبيد وقطع فلينته وعبيد عيونه مليانة دموع بس مانزلت وخالد يبتسم بنصر:ها عبيد عرفتني ألحين؟عرفت مين هو خالد؟ عبيد وهو متألم:قوم عني خالد ويمسك وجهه بقوة :مب قايم! إنت بتجي معايا ألحين عبيد حاس إنه فيه شي يبيه منه: وش تبي مني؟ خالد ويناظر الشباب:شباب خلاص روحوا بينا ألو. ويروحون..وخالد يلف عبيد: ألحين باخذك معي وصوتك لاأسمع صراخ! عبيد ويمسح خشمه بثوبه وماسك دموعه وكان بيروح ويمسكه خالد:على وين؟ عبيد:بجيب شنطتي.. خالد ويمسك إيده:تعال أنا أعطيك شنطتك..ويمسكه بإيد ويلم أغراض عبيد بإيده الثانية وعبيد يجر رجلينه من التعب والشمس وهو يشوف خالد يشيل أغراضه عبيد يبي يشوف جواله ويلتفت ويلاقي فعلا فالأرض جوال ويبتسم بسخرية وفخاطره يقول:أخاف الضرب أثر على راسي..شلون جوالي هنا؟ ويراقب خالد لاينتبهله ويسحب الجوال برجله ويوم خالد حس إن عبيد يتلفت ناظر فيه عبيد على طول طيح نفسه فالأرض ويتنفس بصعوبة:ماأقدر أوقف خالد:باقي شويه..قم! يالله قم! عبيد ويناظر فيه وهو عالأرض:إش تبي مني؟ خالد ويناظر فيه:أبيك إنت! عبيد وينزل راسه وشعره يغطي على وجهه ودموعه تنزل وبدون مايبين لخالد إنه يبكي:وش تبي فيني؟ خالد ويشد على إيده:قلتلك أبيك..ماتفهم؟ قم يالله وعبيد يمسح دموعه بثوبه ويقوم يجر نفسه...وهو قايم يطلع جواله وبدون مايحس خالد عبيد يناظر فرقبة خالد وياخذ نفس وبالقوة اللي باقية فجسمه ضرب خالد فرقبته من ورى وخالد يفك عبيد ويجلس عالأرض يتألم وعبيد يوم تأكد إن إيده صارت حرة.شد حيله وقام يركض بيروح للمكان اللي ياخذه عبيد دايم منه.وهو يمشي سمع صوت خالد:عبيد ..عبيــــــــــــــــــــــــــــــــــــــــــــــــدد ارجعععععععععع سهيل كان فاللفة المقابلة وسمع واحد ينادي اسم أخوه عبيد..وراح يمشي لمصدر الصوت ويلاقي فبداية اللفة جوال أخوه عبيد ويشيله ويلاقيه مكسور ويرفع عيونه ويلاقي خالد جالس على ركبه وإيده اليسار على رقبته يتألم وسهيل يناظر فيه مستغرب منه ويروح عنده ويسأله بهدوء:ليش تنادي على عبيد؟ خالد ويرفع راسه:وإنته وش دخلك؟ سهيل ويرفع حاجبه اليمين:وش دخلني؟ طبعا مستمر سهيل بهدوئه ويكمل يسأل خالد:وينه عبيد؟ خالد يدف إيد سهيل:مالك دخل!وخر عني يالله ويقوم خالد ويمشي وسهيل وراه وهو يمشي وراه ..عبيد كان جالس ومسند ظهره عالجدار لأنه حس بدوخة فقال بيريح شوية عشان يركز. كل شي يشوفه مزدوج من الضرب وجا بيقوم شاف خالد يمشي رايح قدام ..اخترع عبيد وخبى نفسه ... سهيل:إنته؟عبيد وينه؟ عبيد ويسمع صوت سهيل ويمسك راسه :شكلي أتخيل سهيل مالقي رد من خالد ويرفع صوته:إنته ليش تنادي على عبيد؟قاعد أسألك؟ عبيد ويلف يبي يتأكد ويشوف ظهر شاب يمشي ورى خالد بس اللي خلاه يتأكد شاف جواله فإيد هالشاب وقال عبيد:هذا سهيل؟ ويشوف وش لابس جزمة :إلا هذا سهيل وتنزل دموعه وينادي أخوه:سهيل؟ سهيل ويلف ورى ويشوف واحد ثوبه مقطوع ودم على أكمام ثيابه وفلينته وشعره مليان تراب ووجهه حالته حالة سهيل يفتح عينه ويروح لعبيد بس خالد ركض لعبيد لأنه مايعرف إن سهيل أخو عبيد وعبيد يشرد وسهيل يستغرب من أخوه ليش يشرد منه:عبيد وقف! وخالد راح لعبيد وسهيل مو فاهم ويناظر فخالد ليش يركض ورى أخوه ويروح وراهم ويشوف خالد يمسك عبيد ويطيحه .. عبيد ويصرخ:وخر عنـــــــــــــــــــــــي! وسهيل ويمسك خالد من ثوبه:إنته هيه؟ وش تبي؟ خالد معصب:فكني أقولك..وكان بيضرب سهيل فوجهه بس سهيل وخر وجهه وجت فالهوا ويضربه سهيل فبطنه بركبته وخالد كان يناظر عبيد وعبيد خايف وراح يتخبى وسهيل يضرب خالد ويرفسه وشافه اللي يبيع فالدكان(حلوة الدكان..بس طلع العرق هناهههههه) وواحد من السواقين مسكوا سهيل وسهيل لما يعصب يصير كأنه شيطان يخوف..يوه ياسهيل وراح سهيل يدور على عبيد ولقيه لام رجلينه لصدره ومخبي راسه وينزل سهيل لعبيد ويمسك راسه وعبيد يخترع ويرفع راسه :مين؟ سهيل:أنا سهيل ياعبيد.. عبيد وبعيونه اللي مليانة خوف:وينه؟ سهيل ونظرة عينه قوية فأخوه:مرمي هناك.. عبيد ويناظر فركبته وحيله مهدود:سهيل أبي أروح البيت سهيل كان يبي عبيد يتكلم بس ماحب يضغط عليه وقام وينتظر عبيد يقوم وعبيد ما يناظر أخوه لأنه داري إن سهيل يدور عشرين ألف سؤال فراسه وسهيل يسأله:أشيلك؟ عبيد:لالا أقدر أمشي ويمسكه سهيل من إيده ويروحون السيارة وعبيد يسند راسه ويغمض عينه وسهيل يناظر فيه ويروح سهيل بالسيارة لمكان خالد ويمسك كتف سهيل ويأشر سهيل بعينه لمكان خالد عشان عبيد يشوفه ! عبيد يفتح عينه ويطالع من طاقة السيارة ويشوف خالد طايح على بطنه يتألم والرجال يساعدونه عشان يقوم بس باين من شكله مايبي أحد يساعده وعبيد يغمض عينه ويرجع يسند راسه وسهيل يناظر فأخوه ويسحب نفس ويمشي بالسيارة ................................ فالمستشفى أعطتها الدكتورة موعد لتقشير بشرتها وكتبتلها على كريمات نظارة وكريم واقي من أشعة الSUN..طبعا قد رجعوا البيت من أول وأم راشد جابت غدا من برا وسارة قالتلها إنها مسوية الغدا بس فالثلاجة يبيله تسخين فقالتلها أمها تسويه عشا لأنها عازمة أم سعد وفيصل .. أم راشد كانت فصالة الطعام واقفة وأبو راشد صار يخرج بدري من شغله عشان زواج راشد قرب فكان يتغدى وسارة كانت تغرف لسمر وراشد وسحر كانت تصب مويه لجدتها اللي كانت تناظر رفيعة:تعالي تغدي يمكن زحمة فالطريق أم راشد قلقانة:مو عادتهم يتأخرون ,,الله يستر أبو راشد:اتصلي عليهم..مااتصلتِ؟ أم راشد:مايردون كلهم.. سارة وكانت بتجلس:يما اتصل أنا. أم راشد:شوفي يمكن يردون عليكِ. سارة تروح تتصل ويرد عليها سهيل:سلام سهيل سهيل:هلا سارة سارة:تأخرتم؟بكم شي؟ سهيل:شوية زحمة ..أقول سارة ذا مابتعبك حطي غدانا فوق سارة بصوت منخفض:فغرفتكم؟ سهيل:إيه.. سارة:شي ثاني تبيني أحضره؟ سهيل:لا بس لما أمي وجدة يروحون غرفهم كلميني سارة:حاضر .. سهيل:تسلمين مع السلامة ويسكر ويناظر فعبيد كان نايم.. سارة رجعت صالة الطعام:يما يتغدون برا..يقول سهيل اعذريه الجوال فالسيارة.. راشد شبع وقام .. سمر وحاطة راسها عالطاولة مافيها حيل تشاغب جدتها .. أم راشد:سمر روحي نامي فغرفتك.. أم سعيد:تعبتِ من المدرسة؟ سمر وتتنهد:والله ياجدة تعب..طلعوا عيونَّا المدرسات..يحسبون إن ماورانا مسؤليات إلا هما..وجع يوجعهم أبو راشد يضحك:وش وراك من مسؤوليات؟ سمر:ورانا مسؤوليات الله يقدرني أقوم أسويها ..يالله خليني أروح أنام ويضحكون عليها وسحر تقوم تروح تنام مع سمر وشويه وتفضى الصالة وسارة تطالع فوق وتسمع غرفة أمها وأبوها وتتصل على سهيل:سهيل يالله دخلوا غرفهم سهيل يسكر ويطفي السيارة ويطالع فعبيد:عبيد يالله وصلنا..عبيد؟ عبيد غايب عن الوعي ماكان نايم وسهيل يضرب ضربات خفيفة على وجهه ويناديه وعبيد مايرد عليه أقولكم غاب عن الوعي ويشيله سهيل وكان بيقفل الباب بس طلال وصل من الكلية ويوم شاف عبيد فحضن سهيل ركض عندهم :سهيل إشفيه عبيد؟ سهيل:واحد نذل كان بيقتله اليوم..طلال شيل أغراض عبيد وسكر السيارة طلال:حاضر ويدخلون البيت وسارة شافت عبيد وحطت إيدها على فمها وطلعوا فوق وسارة راحت وراهم.. سهيل يحطه عالسرير ويكلم سارة:سارة زبدية وثلج وشنطة الإسعافات الله يخليك.. طلال يشيل جزمة عبيد وجواربه :سهيل كم له غايب عن الوعي؟ سهيل وهو ياخذ العطر :مدري المهم يصحى..ويبخ العطر فإيده ويشممه ومانفعت معاه..وجربوا كل شي ومانفع..طلال يفتح خشم عبيد فيه دم (معليش عالوصف بس حبيت أفصل أكثر) طلال:داخل خشمه دم..واقف فالمجرى سارة تمسح وجهه بالمنشفة وتجيب اسكينول وتشممه وشويه تجلسه وطلال ماسكه من الجنب الثاني وشوية ويفوق عبيد يكح:آآآآآه..عندي دوخة خليني أنسدح آآآآه سهيل:عبودي قم خلني أروشك قوم.. عبيد:ماأقدر.. طلال:سارة روحي ارتاحي إحنا معاه .. سارة:شلون أروح ؟ طلال وبصوت منخفض:ماعليه وأنا أخوك بس عشان لايشوفون حركتنا.. سارة:طيب إذا بغيتم شي اتصلوا وتخرج سهيل يمسك عبيد بيشيله الحمام وعبيد يتألم مايبي وصوته بيطلع.. طلال:بسرعة عالحمام.. سهيل:قاعد يبكي.. طلال:ماعليك منه بنسكر الباب ويشيله سهيل ويحطه فالبانيو طلال وسهيل يشيلون ملابسه وطلال يسأله:عبيد أحد سوالك شي؟ سهيل يشوف عبيد وش بيرد وعبيد يتألم:ماسوالي شي طلال:كم عددهم ؟ عبيد ويتذكر:خمسة ..لا لا أربعة طلال:عبيد ألحين بشغل المويه لاتصرخ طيب؟ويناظرون الضرب اللي فصدره طلال:وش كانوا يبون منك؟ عبيد:أنا دايخ..آآآآآآآآه سهيل:ماعليه ألحين بيخف طلال:عبيد هم في فصلك؟ عبيد ويطالع فجسمه:لا..بس هم فنفس المدرسة سهيل:اللي ضربته أنا فمدرستكم؟ عبيد:إممممممم... سهيل:طيب هو اللي كان يضربك؟ عبيد:إيه.. طلال وسهيل فوقت واحد:ليش؟ عبيد:مدريبه..ويمسك راسه ويكمل:يقول يبيني أروح معاه ويوم سألته......وش ..تبي....فيني؟ قال أبيك إنته ماتفهم؟ عبيد ويبكي: ضربوني ضرب..وقعد يبكي..يقولي أنا أعلمك مين هو خالد..أنا مو رايح المدرسة وهالشي اللي توقعه سهيل من عبيد..
طلال:لاتبكي إنت رجال!وبعدين مين هذا اللي يتجرأ ويمد إيده على عبيد ؟وبعدين مافي شي مو رايح المدرسة..لاتصير ضعيف زي البنات..خلك رجال ومد إيدك عليه.. عبيد: ماأقدر له يجيب معاه عيال ..عيونه تخوف طلال:ماعليك منه..كل هاذي حركات عشان يزعزعك ويخليك تخاف وتسمع اللي يقوله. سهيل ويطالع فعبيد:خلاص لاتتكلمون فالحمام .. .............................. يزيد ينزل من السيارة ومعاه أسيل.عبير قالت ليزيد خليها تجي حرام عندها دراسة وتغير مكانها عشان إحنا عرسان (والله صارت ذربة هالبنية). أسيل مبتسمة:أقولك أنا خجلانة يزيد وهو شايل شنطتها:يحق لك تخجلين جاية عند عرسان إنتِ ووجهك أسيل:والله من ناحية أنا راح أرتاح لأني راح أرجع غرفتي ومن ناحية خجلانة كيف حجلس فالبيت معاكم .. يزيد ويقلدها:والله ياحبيبتي حتستحملي لحد ماتشوفيلك صرفة.. أسيل وتوقف عند باب المصعد وتشهق:يزيد نسيت أمين (ترى مسمية هيكلها العظمي اللي اشترته للطب أمين ويزيد يخاف منه في الليل) يزيد يسحبها من عباتها:ادخلي فضحتينا من الجيران.. أسيل وتمسك كتفها:آآآآآآآآآي ...إشبك؟ يزيد:إشبني؟غبية؟لاوفرحانة كمان بأمين حقك؟الله ياخذه أمين..والله لو أبونا حي! الطب هذا ماتخشيه... أسيل وتفتح عينها:سألتك بالله؟ يزيد:والله من جد.. أسيل ومع نفسها:أجل كويس إنو مات.. يزيد وسمعها وضربها على راسها:احترمي نفسك يابنت..لاتخليني أرميكِ فالشارع أسيل:عادي ارميني عندك دار العجزة وعندك كمان دار الأيتام وعندك كمان السجن وخير ربنا موجود ..يعني مافي حكومة أخليهم يجيبوك غصبا عنك وتديني تعويض والله بان معدنك واحد أناني..يالئيم.. يزيد ويوصل للشقة:تعالي بس تعالي إنت والنظارة اللي ماخذه كل وجهك.. أسيل وتنزل نظارتها لأنفها وترفعها:نظري ضعيف ياعيني تسوي نفسك مو داري يزيد:عين خربانة ورجل مكسورة مافي عظم يرمها وأنا ياحرام جالس أشتري فوق اللحمة وحب الرشاد..وآخرتها يقول عظمة مكسورة .. أسيل:إش دخلني؟وبعدين لاتلومني ..لوم ماما اللي راحت وماأدتني حليب كفاية وعبير كانت تنتظرهم وتسمع أصواتهم يزيد:ياسلام وأنا ماكنت أعطيك حليب؟اشتريتلك أغلى أنواع الحليب.. وتبتسم عبير وتفتح الباب:ماراح تدخلون؟ (ههههههه ماراح تدخلون قلبت البنت معاهم) أسيل تصلح نظارتها وتبتسم فوجه عبير ويزيد يستحي:هلا والله.. ويناظرون بعض وأسيل تدف أخوها وتخش:زيح خليني أدخل وتضحك عبير ويزيد:أزيح؟خير؟مع مين جالسة كنتِ؟مع عباس؟ (عباس ولد جارتهم السودانية اللي عند بيت خالته) عبير تضحك..ويزيد يروح يودي شنطة أخته غرفتها وأسيل تسلم على عبير أسيل:عجبتك غرفة النوم؟ عبير:مرة عجبتني.. أسيل تبتسم:إيوه أنا عارفة.ترى أنا اللي تنقيته بالله مو ذوقي أحلى؟ عبير تبتسم:إلا والله حلو..تسلمين حبيبتي يزيد كان خارج من غرفة أخته.. أسيل وتكمل كان ظهرها معطيته لأخوها:ماشفتِ غرفتي؟بالله ماتشبهك بحمام ولا بصالة ألعاب؟ عبير تطالع فيزيد وتبتسم:لونها مكتم عالغرفة.. وتضرب أسيل على إيدها:إيوه أنا قلت..والله أنا عايشة مع واحد مايعرف حتى يكتب كلمة ذوق..بس كويس إن ذوقي عجبك ..هذا دليل إنو راح ننقذ البيت من يزيد ويجي يزيد ويمسكها من رقبتها:مابتتأدبين؟ أسيل وتتألم:آآآآآآآآآآآآآه...زوجة أخويه انقذيني.. عبير وتمسك يزيد بخفة:يزيد خلاص آخر مرة.. يزيد ويفكها:ترى بس عشان عبورة ..أنا ماعندي ذوق ياعبير؟ عبير تبتسم:إلا عندك ذوق يزيد:شفتِ كيف؟غيرانة وحدة أسيل:مو غيرانة ..عمى لاتقهرنييييييييييي عبير تقطع عليهم:أنا رايحة أحضر الغدا... أسيل وتصلح نظارتها:شيليني معاكِ.. يزيد:ليش تشيلك؟نونو إنتِ؟؟ (أوووووووووووووووه علينا متى بيخلصون مناقرة) ................................ بيت لافي اللي لعب مع سمر الكورة فبيتهم بيتهم كيف أقولكم؟كان كبييييييييييييييييييييير جدا جدا جدا مابي أقول قصر ماأحبها هالكلمة..من كبر بيتهم مسوين دور كامل للأولاد..ودور للبنات مع إنه مافي بنات إلا وحدة ولوحدها تسرح فهالدور.لله العزة المهم ياللي تقرون قصتي هالبنت اللي تصير أخت لافي فبيت أهلها عشان زوجها مسافر..وهي كانت عند أهلها..وهي تحب أخوها الكبير رائد ..بس كانت متعلقة باللي بعد أخوها الكبير بس مات فحادث واسمه مشاري وهي اسمها لين وعندها ولد اسمه وليد وعمره 8 سنوات ولافي طبعا ماننساه هو الصغير ..المهم نجي عند الأهم رائد هذا الولد عمره 27 ويجلس دايما لحاله.فمن كثر مابيتهم هادي لو طاح قلم فالأرض كل البيت بيسمعونه..يعني مو متعودين عالجمعات والكشتات والسواليف وإذا سمعوا صراخ يدخلون فغرفهم زي الفيران..وبالأخص ولدهم الكبير رائد هذا الولد طباعه هاديه وطيب وش حليله بس لما يزعل يزعل ولما يحب يحب..هذا الرائد هو كذا .......المهم عندهم جدهم فالبيت وأبوهم والأم هادية وماتخرج كثير من البيت تحب تشتغل على نفسها ومسالمة ماتحب المشاكل..وهي صادقة وش لها بوجع الراس.. وش قصة رائد؟ مرة يوم كان عمره 19 جده كان بيزوجه بس هو رفض ويوم شافهم يصارخون وأبوه يتضارب مع جده والأم تبكي يعني البيت متكهرب .يزيد ماحب هالجو وهالمشاحنات بين جده وولده اللي هو أبوه حتى مايجلسون عالوجبة ولا فالصالة العائلية حقتهم,,راح يزيد وقال لجده إنه موافق وفرح جده وأبوه قعد يترجاه لايوافق إلا إذا هو فعلا راضي وفعلا يزيد كان مصر إنه يتزوج والأم زاد بكاها فسكتهم الشيبة !يزيد تزوج بنت عمرها 17 سنة واستمر زواجهم 6 شهور لأن البنت ماتتحمل المسؤولية ولاتحسن التصرف (كويس عصيد لاتحسن بعد).يزيد والجد يوم شاف الولد قاعد ينزل مستواه فالجامعة ماعاد صار يروح ..ويوم جا بيتكلم إنه لازم تشد حيلك البنت قدها راحت عند أهلها وقالت طلقوني منه مابيه أعصابه باردة ولا يجيبلي هدايا ولا يقولي كلام حلو..(بالله هذا كلام ينقال؟والله إن يبيلها تتلزق فالجدار شرات الـ...) والجد زعل من تصرف البنت وقال خلينا يايزيد نحاول والأب ماحاول يتحرك خطوة ..عشان ولده يتحمل نتيجة قراره ويزيد باقي ما انهار بس مستواه الجامعي وغيره أعصابه اللي قاعدة تسوي مضاربة مو داري وش يتصرف حتى اشترى كتاب المتزوجون وحالته صعبة ماندري هل نقول حال يضحك ولا يبكي ولا الثنتين يوم طلقها أمه كانت تساعده عشان يرجع مثل أول وسافر أمريكا مع أمه يدرس ويوم حست إنه بخير رجعت جدة .ويوم سألوه ماتبي تتزوج خلاص عمرك 26 قال لا ..أنا مابي أتزوج ألحين وخلوني أنا اختارها ..مش انتم. وبكذا ننتهي من قصة يزيد... لافي كان قاعد فالصالة يتفرج فسقف البيت ومسرح ويضربه يزيد بالجريدة على راسه:ليش مسرح؟ لافي يفكر:تتذكر اللي قلتلك عليه؟ يزيد وهو جالس بيفتح الجريدة:إنت تقول أشيا كثيرة!حدد لافي محترق من أخوه:البيت اللي رحت ألعب معاهم كورة يزيد وتنرفع حواجبه دهشة:آها..تذكرته وش فيه؟ لافي وينزل عينه فقميصه:أبي أروح ألعب معاها يزيد يبتسم وبمكر:مع سمر؟ لافي ويحرك راسه بنعم يزيد مازال مبتسم:هي حلوة؟ لافي مبتسم وخجلان:إممممم.بس جريئة مرة يزيد ويضحك:هههههههههههه.طيب كويس عشان إنته كمان تستحي وهي جريئة كويس لافي:طيب إش أسوي؟ يزيد:هي ماأدتك رقمها؟ لافي ويشهق على خفيف:كيف تعطيني رقمها؟خبل إنته؟هي بنت كبيرة يزيد يضحك:ههههههههههههه.طب أقولك رأيي؟ لافي:قول لافي:إش رايك أتزوجها والعب هنا معاها كورة على راحتكم لافي وفتح عينه وأخذ الوسادة اللي جنبه:إنت هيه؟ ويضربه بالوسادة:لاتقعد تتريق..أنا جاد فمشاعري ويزيد يضحك بصوت عالي:هههههههههههههههههه ويمسكه يزيد:طيب ههههههههه خلاص خلاص اسمع أنا أقولك حل.. لافي بحقد:لاتضحك..لاتضحك أقولك يزيد يبتسم:اسمع إنتم ارموا الكورة على حوشهم وشف إذا بتفتحلك الباب ولا لا؟ولما تشوفها اتفق معاها على وسيلة تتواصلون فيها.. لافي وعجبته الفكرة ويبوس أخوه :إنت حبيب الشعب يزيد يضحك :هههههههههههههه ............................. سحر على سريرها منسدحة فرحانة إنها انمدحت اليوم فحصة التدبير.كان طبقهم التارت وخلتها المعلمة تفردها وابتسمت يوم حيوها الطالبات وهي فحلمها السعيد..سمر وهي تنقلب دفت العلبة حقت الأقلام من فوق الطاولة وانفجعت سحر وحطت إيدها على صدرها وتطالع سمر بحقد:غبية!هذا منظر بنت؟أشك في أحد بيتزوجها..شف رجلها وين رايحة بس؟ وتقوم مفجوعة من أختها اللي ماخلتها تكمل وتنزل المطبخ وتلاقي سارة تسوي لقيمات لجدتها لأنها تحبها والقهوة عالنار.. سحر بحيا:سارة اليوم البنات حيوني عشان فردت التارت بشكل ممتاز. سارة بغت تضحك فوجه أختها بس مسكت نفسها:من جد؟ياسلام عليكِ !تربية سارة ..طيب وش رايك ؟وتمسك خدود أختها بخفة:تسوين لسارة تارت؟ سحر تستحي:حاضر ألحين أبدأ .. ويرن تيلفون سارة وتطلع صديقتها ابتسام:هلا والله ابتسام ابتسام مبتسمة:هلا والله ..شلونك سارة؟ سارة:زينة ياعيني..هابغيتِ شي؟ ابتسام مستحية:إي والله محد يعرفني إلا إنتِ الله يسعدك.بغيتك تشرحينلي مادة أسس سارة مبتسمة:حاضر ياعيني .بس متى؟ ابتسام:تسلم عينك,أي وقت. سارة:الساعة 10 ونص عشان عندنا فراغ ابتسام:خلاص صار..الساعة 10 إن شاء الله.مشكورة ياسارة ماتقصرين الله يفرج همك. سارة مبتسمة:آمين ومين قالها ماخاب..تامرين على شي ثاني؟ ابتسام:لا ياسارة تسلمين يالله خليني أسكر لاأشغلك..مع السلامة سارة:مع السلامة وتحط جوالها وهي مبتسمة وتكمل شغلها.. طلال كان نازل ومعاه ملابس عبيد وسمع صوت باب من الجهة اللي فيها غرفة أمه وأبوه وغرفة راشد...وأقرب شي بالنسبة له غرفة سمر وسحر فتح الباب ورمى الملابس وقفل الباب وسوى نفسه إنه يضبط قميصه وإنه مشغول وشافته أمه:طلال وش تسوي؟ طلال ويسوي إنه مشغول:قميصي مدري وش فيه كل شوية يخترب.ويرفع راسه مبتسم:ها يما ليش مانمتِ؟مو من عادتك؟ أم راشد وتلف شعرها:قلقانة على سهيل وعبيد رجعوا البيت؟ طلال ولا حسسها بشي:رجعوا؟ليش هم قالولك إنهم بيتأخرون؟ أم راشد:إيه قال إنهم بيتغدون برا.. طلال:أوووه!أجل شكلهم بيتأخرون دام الغدا برا..سهيل لازم يشرب شاي ويحلي.. أم راشد:وإنت صادق.إنته نازل تحت؟ طلال:إيه نازل أم راشد:أجل تعال عند جدتك خلينا نسولف معها.. طلال وهو يمشي وراها:الحمد لله أم راشد ومو دارية عن ولدها:إي والله الحمدلله.. أم راشد ماتدري على ايش ولدها قال الحمد لله.. طبعا إحنا لازم نقول الحمدلله على كل حال وفي جميع الأحوال وراعوا عصيد ................................. عبيد بعد ماتغدى وحطله أخوه المرهم فخده اليسار تحت عينه وإيده اليمين حطله لاصق فإيده..بس.وغطى شعر أخوه لايجي أبوهم تكلم شوي مع طلال وسهيل ونام..سهيل راح يتسبح وخرج يشوف أخوه ويمس راسه لايكون تسخن.ويروح يجلس ينشف شعره وهو يشوف أخوه من المرايا شاف كرتون الدونات :حليلك ياعبيد.طلب فالدونات وماأكلها يالله مصيره ينسى اللي صارله.. الساعة 6 المغرب سارة وسحر وطلال وأم سعيد وأم راشد وراشد مجتمعين وجالسين فالصالة ويسولوفون..يعني يتجاذبون أو يتبادلون أطراف الحديث .. أبوراشد كان نازل بس راح غرفة سهيل وعبيد:ها رجعتم؟ سهيل كان منسدح وقام رفع نص جسمه :إي والله الحمد لله.. أبوراشد شاف عبيد متعور ويروح يمسكه:سهيل ليش وجه عبيد كذا؟ويلتفت لولده سهيل:هاه؟ سهيل:مافيه شي بس تضارب مع عيال فالمدرسة.. أبوراشد ويجلس جنب سعد ويتكلم بصوت منخفض:ماتدري ليش تضاربوا معاه؟ سهيل:والله مدري عنه .وأنا سألته مو راضي يتكلم. أبوراشد:أنا خايف لايكون يهددونه..أنا رايح بكرة المدرسة وأشوف.. سهيل مارد وأبو راشد يسأل سهيل:تغديتم طيب؟ سهيل:تغدينا تغدينا ماعليك.. أبوراشد:طب تعال تقهوى معانا تحت.. سهيل ويطالع فعبيد:أخاف يصحى عبيد أبوراشد:طيب وش يعني؟خليه يصحى,,لاتقعد تقلق كثير مب زين تخوف اللي قدامك. سهيل ويقوم مع أبوه وينزل ويشوفهم جالسين يسولفون ويضحكون ويجلس معاهم وتفاجئت أم راشد وناظرت طلال وأشرلها بماأدري بإيده.سهيل يجلس جنب سارة ويكلمها بهمس:غرفتنا ياسارة الله يسعدك سارة فهمت وطلعت معاها الجمر فالمبخرة ومعاها عودة وبخاخ جو وسحر معاها أدوات الحمام.. وراحت تنظف غرفتهم وسحر تساعدها..أم راشد بدت تحقق مع سهيل ....متى رجعتم؟ووين رحتم؟ووين عبيد؟ ......................... الساعة كانت تطرب آذان سمر وصحتها من النوم لأنها عيرتها ..ونزلت من السرير وشافت عالأرض ملابس فيها دم وغمضت عيونها وفتحتها :لهالدرجة عندي إرهاق؟وراحت تغسل وجت بتصلي شافت برضوا الثياب على الأرض وشهقت:يما!ليش هالدم؟ سمر وترخي صوتها:لايكون في حرامي؟وقتل واحد من أهلي..طب سحر وينها؟ليش ماحسيت يوم اختطفها؟ وفجأة تضرب راسها بإيدها:إشفيني أنا المجنونة؟بس ليش هذا عندي؟وتروح تفتح الباب بشويش وتمشي على رووس أصابعها وشمت ريحة عود وراحت لمصدر الريحة ودخلت غرفة عبيد وسهيل:عبيد نايم؟وتدخل الغرفة الداخلية وتلاقي سارة تنظف الحمام (أعزكن الله) وتسألها:سارة إنتم بخير؟ (شف السؤال).. سارة مبتسمة:إنتِ وش شايفة؟ سمر:أنا عندي شي خطير فغرفتي وسارة تطالع فأختها:خطير؟ سمر وبهمس:إيه خطير.ترى فغرفتي ملابس فيها دم. سارة وتفتح عينها:نعم؟ماشفتيها ملابس مين؟ سمر:مدري عنها .أصلا مدري هو ثوب ولا جريدة بقع.. سارة:طيب انتظري أخلص الحمام ونروح سمر:طيب فيه شي أساعدك فيه؟ سارة:لاخلاص سحر خلصت كل شي.. سمر:طيب ريحة البخور مب زين على عبيد.. سارة:أنا مخليته برا ...عشان ريحة الدور تتغير..هلكني الرخام وأنا أمسح فيه. سمر وهي رايحة:أنا اللي أعرفه إن الناس تجيب رخام فخمة وسهلة التنظيف لبيوتهم!أما أبوكِ هذا راح يجيبلي رخام كأنه داري إنه اللي بيمسحه سارة وسمر. سارة ضحكت... سمر وقفت:أقول قبل لاأنسى أخوكِ راشد متضارب مع العنود ويبينا نروح نقنعها ومايبي أمنا تدري أنا رايحة ألبس ..وأروح أجلس مع كهلتي..لاتتأخرين عشان عندي واجبات وكويز كيمياء سارة تبتسم:حاضر. سمر دخلت غرفتها ومالقيت الملابس واستغربت بس فنفس الوقت ارتاحت من شكلها وراحت تاخذ عباتها فإيدها وتدعي:يارب تعقل العنود ياربي أنا عندي اختبار سهل عليَّ واهدي العنود.وتعصب سمر:بعد هاذي ماتستحي!خلاص قالها مافي إلا وتصور؟من زين وجهك ولا من زين وقفتك.ياناس حتى ماتعرف وين تطالع فالكاميرا ....................................... بيت العنود علي طفش من أخته:بنت لاتقعدين تصعبين على راشد مسكين..خلاص قالك مافي يعني مافي.والمصيبة إنه قايلك حرام!ماتخافين من الله؟تبين ذنوب من أول ليلة فزواجك؟خافي ربك يمكن وإنتِ فأول ليلة يقبض روحك! أمهم تخترع:بسم الله على بنتي!إشفيك تتفاول عليها؟ علي:يما ماحد يشرد من الموت!وراشد قالها مايبي خلاص تسمع الكلمة وتقول طيب. العنود برطمت وتناظر أمها (يعني كلميه..أنا هالحركة أكرهها والله أشوفها فأخوي الصغير والثاني اللي فالكلية وأمطهم من خدودهم.قلة عقل صدق) أمهم:علي طيب حاول معاه. (إشفيهم هذيلا مايفهمون؟حرام إش هذا؟) علي عصب (معاه حق عطهم):إنتم ماتفهمون؟ (أحسن خخخخخخ) علي يكمل:أقولكم حرام..حراااااااااااااااام ماتسمعون ويأشر على إذنه. (أنا أقول لو تخليهم..لاترد عليهم) علي يكمل:ماراح أكلمه وحتى لو كلمته بقوله إن العنود موافقة وماعتدها أي مشكلة.صدق عاد مافي حيا..خافي ربك وادعي إن زواجك يتيسر وتصوير مافي روحي تصوري مع زوجك اللي فالجنة إن شاء الله (ههههههههههههههههههههههههههه..رد مرة حلو.والله لو سمعك راشد!بيقول لا ياعلي أنا وهي ندخل الجنة مع بعض إن شاء الله..) الأم وتمسك بنتها من ظهرها وتمشي عليه:عنودتي خلاص يما وسعي عينك شوي ولا تخلين هالأشيا تأثر عليك إنتِ وزجك..طيب؟وتناظر فبنتها العنود وتحضن أمها وتبكي بدلع......... (والله حق من أخذ عصاة جدة وتنضربين بها.صدق!) ............................................. أبو راشد وولده رايحين يشوفون الشقق وهم خارجين ههههههه لافي كان مجمع أصحابه بس ماقالهم إنه يبي يشوف سمر .قال ايش قال يبي يلعب فحوشهم لأنه كبير حازم:بس حوشنا أكبر وحوشكم بعد وحوش طارق لافي ويفكر بشي موجود فحوش بيت سمر مو موجود عنده ولاعند العيال وفجأة قال:البنت فازت علينا وأنا أبي أفوز عليها.. طارق:صح كسر راسها لافي التفت بسرعة لطارق:هيه!إش نكسر راسها إحنا بنروح نتضارب ولابنلعب؟ طارق:ماتقول خسرت؟والله إنك! (صادق طارق عذبونا هذيلا اللي يحبون وإحنا نتعذب..جامل جامل بس) المهم لافي بيسوي نفس ماقال يزيد ورمى لافي الكورة وراحت بالفعل الحوش وراحت بين الأشجار وخرج أبو راشد وولده وماانتبهولها..ويوم شافوا الباب ينفتح لافي بقلبه:ياحيها أثاريها تنتظرني كل يوم. (مسكين) وتقدموا خمس خطوات قدام ويوم شافوا طلعوا ناس غير اللي فتحتلهم أول تراجعوا عشر خطوات ورى.. حازم:ياسلام على فكرتك..يالله ألحين شلون نلعب؟المربية قايلتلي الساعة 9 تكون فالبيت طارق:تعالوا عندي البيت نسبح لافي:لاتروحون يمكن عشان أبوها .ماتشوفون عنده لحية!اصبروا حازم:إنت هيه والله لو درى إنه قد دخلنا نلعب فبيته,بيودينا حق المعروف والمنكر لافي يطالع فحازم:إنته متى بتعدل لسانك؟إش حق المعروف والمنكر؟وطالعلي من الأوائل بعد! (هههههههههههه...) طارق:هذا مادرسته ولا والله لأحفظه. وانشغلوا بالسواليف قبال بيت سمر... ......................................... علي اتصل على راشد وقاله إنه أقنعها وراشد المسكين كان حامل هم متى بيرجع هو وأبوه ويودي خواته يكلمون حرمته وحمد ربي كان فرحان بس هو قال مع نفسه ماراح يبينلها إنه درى إنها موافقة..ههههه حركات ..المهم إنه أرسل رسالة لسارة إنه مابيروحون عند حرمه المصون..ففرحت سارة لأن خروج أختها وهي بعد مو سهل مثل البيوت اللي نعرفها وبشرت أختها وكبرت الجلسة وقعدت تسولف مع جدتها ....................................... طلال يتصل على سعد ويرد عليه:هلا طلال أنا جاي فالطريق.. طلال:وأخيرا..تحركت رجلك؟ سعد:إيه شربت حليب وسرت أمشي بعد ماكنت أحبي أم سعد فالسيارة مع ولدها:إش هالكلام الأهبل اللي جالس تهرج فيه ..تكلم زين. طلال مبتسم:لاترد انتبه!هاذي ماما ..المهم لاتتأخر وأعطيني خالة أروقها ويعطي سعد الجوال لأمه وتسولف أمه مع طلال اللي بدى يسرع عشان ماما لاتهزئه. ........................................ أم راشد تبخر الدور اللي تحت عشان أختها وأخوها جايين يسلمون على أم سعيد سمر:أقول ورى ماتوقفين من اللقيمات لاتنعمي عيونك أم سعيد وتمص أصبعها من العسل:العسل هذا يرد الروح!يارب لاتحرمني منه سمر:إي والله لاتحرمها منه..وزطي ياأم سعيد وياوزارة الصحة لاتبخلون بالإنسولين دمرتم المستشفيات مساكين توه الدكتور بيزحلق بيته..تجيه حالة طارئة من هالعجايز اللي يزطون هالحلى والمقالي.... أم سعيد وترفع عصاتها:إنتِ ماعندك دروس؟روحي عن وجهي يالله لاأكسر هالسيقان سمر:أتحداك تكسرينها! أم سعيد وتمد العصا وبتضربها وكان فيصل داخل ويشوفهم ويضحك:السلام عليكم أم سعيد تستحي وتلم شعرها وتسحب الطرحة عليه وسمر بصوت منخفض:الله ويالشعر جديلتين وبتنقضي.. أم سعيد تقرصها..وسمر تتألم وتجي أم راشد وتشوفهم وتسلم على أخوها وسمر تقوم تروح المطبخ وتشوف فيه شوية صحون وتروح تنظف المطبخ كله وسارة كانت مع طلال فوق عند عبيد لأنه صحي من النوم وتدخل سحر معاها التارت بتذوقهم إياه .أمها قالت لاتشوفه جدة لأن فيه زبدة وبيجبلها حرقان فمعدتها .. سحر معاها الصينية مستحية:إممم..أقدر أدخل؟ سهيل يبتسم على شكل أخته:تعالي ..فديت هالوجه تعالي خدودها كانت محمرة..وعبيد يوم شاف التارت تذكر الدونات..ونزل راسه.. سهيل فهم أخوه:ماتبي الدونات؟ عبيد ويفتح عينه:فيه؟ طلال ويناظر الكرتون:الله دونـــــــــــــــــــــات ياسلام ويفتحها عبيد ويناظر فطلال:لاتاكلها هاذي مو لك. سهيل:سحر مابتذوقينا؟ سحر تطالع فعبيد والجرح اللي فوجهه وتنتبه لأخوها سهيل:إلا بغرف.. سارة:طلال لاتاكلها أعطيه.. طلال وكانت وحدة بيدخلها وعبيد كان فسريره وياخذها من طلال كان جالس معاه فنفس السرير ويحطها طلال في فمه ويتنازع هو وأخوه ويدغدغه طلال وعبيد وهو يضحك تجيه دوخة:طلال وقف ..ويغمض عينه سهيل يحط الصحن ويروح عند عبيد:وش تحس؟دوخة؟ سارة وسحر خايفين على أخوهم.. عبيد وانسدح وغمض عينه وسهيل يحط إيده على راسه:تحس بألم؟ولا دوخة؟ عبيد وهو مغمض عينه:دوخة..ألحين تروح بس لاتاكلون دوناتي.. طلال أشرلهم لاتتحسسون قدامه .................................... سمر راحت الحوش وقعدت تلعب كرة سلة بس قبلها راحت تلبس سروال طويل مافي بناطيل.وشكلها والله شي لايوصف تذكرني يوم كنا فالمتوسطة أنا وخواتي ههههههه وشوي تشوف كورة العيال:وش جابها هنا؟ وكانت تبي تفتح الباب بس خايفة وقالت بتكتب ورقة وتلزقها عالكورة وفعلا مسكينة راحت مكتب أبوها وأخذت ورق ولصق وكتبت أنا ماأقدر أفتح الباب أولا لأن حوشنا نظيف وثانيا أخواني الأولاد فالبيت وعيب مايصلح تدخلون..وحطت الكورة فمكان ورجعت ورى وراحت تركض وتشوت الكورة برا سور البيت... من الجهة الثانية العيال ياحياتي خاسوا من الحر وهم ينتظرون وشوي شافوا كورة تنطلق عبر الأفق حازم:والله لتعلم أبويه المربية ألحين.. لافي وينط:عيال الكورة ويشوفونها ويقرون اللي فيها ولافي يحس بخيبة وانهزام وانكسار. ويروح كل واحد لبيته ............................... عبير كانت فغرفة النوم ومنسدحة تفكر طالعوا تفكيرها هههههههههه (اليوم عدى على خير..بكرة وش أطبخ؟ياربي..صينية لحم فالفرن؟ولا مكرونة؟ خليني أكلم أمل وتكلم أختها أمل وتقولها تسوي رز أصفر وصينية سبانخ بالبطاطس لأنها علمتها يزيد وش يحب من الخضار عبير:آسفة أمل أشغلتك عن دراستك المفروض تذاكرين عشان اختباراتك أمل:والله أشغلتيني.بس لازم أساعدك فالبداية حتى طبعتلك الأطباق الرئيسية من موقع سارة دايم تاخذ من عندهم..ورتبتلك إياه والسلطات والحلى والصواني المسبكة والمشروبات زي ماطلبتي عبير:تسلمين والله إنتِ وسارة أمل:بس تدرين يوم كلمتني سارة قالت إنها مع كثر الطبخ بعدين تسير هي تخترع طبخات من عندها,,يبيلك وقت..وانتبهي لاينحرق القدر.. عبير تضحك :لاباقي ماسويتها..بس لو سويتها بصورها عشان أوريكم.. ويخلصون اتصالهم وترجع عبير تفكر طيب وش ألبس بكرة لما يجي من العمل؟ وهي فتفكيرها ,...........,,,)يدخل يزيد ويجلس عندها وهي ماحست عليه ولا ظهرها قد وقف وقعدت بكل هدوء بس كانت منسدحة..ويزيد حط إيده على راسها:الحلو وش يفكر فيه؟ عبير وتنتبه ليزيد وتستحي وتقوم تجلس:إحم..وتشرق بريقها (الله أكبر..إش الحيا هذا؟) يزيد ويبتسم ويسمي عليها:كل هذا خوف مني؟ عبير وتطالع فيه:لاوالله..بس خجلانة شوي.. يزيد ويمسكها من أكتافها:بيروح الخجل ويسير أنا اللي أخجل..وبعدين ليش تفكرين لوحدك؟إنتِ أنانية؟ عبير وتفتح عينها:أنانية؟لاوالله أنا بس كنت أفكر شوية.. يزيد:طيب لو تحبيني صدق قوليلي وش كنتِ تفكرين فيه؟ عبير:مصر تعرف؟ يزيد ويوخر إيده عن أكتافها ويتربع مقابلها:إيه مصر! عبير وهي مستحية تحط الشعر ورى إذنها:كنت أفكر إش أسوي غدا وإش ألبس بكرة.. يزيد يضحك:احلفي إن هالكلام صدق؟ عبير وتحلف:والله العظيم. يزيد يضحك شكلها بريء ويحضنها وبعدين يوخرها (ترى أنا تعبت وأنا أوصف..خلصونا) عن حضنه :طيب أنا أبي غدا رز وشوربة سادة وسلطة خضرا..وتونة والحلى أبي مهلبية فالمغرب أول ماأصحى..وفالليل عشايا كاس عصير فواكه أو خضار..مو حلو صح؟ عبير وبالمرة مستحية:لالا حلو..بس كأنه حمية.. يزيد:لامو حمية..هذا الأكل اللي يريحني مقالي ماأحبها بالمرة أحب الأشياء المسلوقة والمشوية والأكل نطبخه أنا والأخ اللي هناك(قصده أخته)بزيت الزيتون عبير:عشان كذا .. يزيد:غش هو اللي عشان كذا؟ عبير:جسمك مرة قوي ماشاء الله يزيد:هههههه طبعا إنتِ حتتبعين معانا هالنظام..بس أنا مخليكِ أبي أدلعك..وفي بعد شي..أنا أمشي يوميا ساعتين فالنادي..إحم وراح تجين معايا..إذا تبغي يعني ماراح أغصبك.. عبير فرحت بالنظام بس الأكل مو متقبلة إنه بينطبخ بزيت الزيتون يعني أوراق أمل اللي انطبعت مافيها الفايدة.. يزيد يبتسم:ألحين تحبين نخرج؟ عبير:إنت تبي تخرج؟ يزيد يبتسم:أنا على كيفك اليوم نخرج خرجنا.. عبير شافته من الصباح صاحي وقالت مابتعبه:لاأنا مابي أخرج.خلينا هنا أحسن يزيد:نجلس هنا ؟ عبير تهز راسها بنعم.. يزيد:بس مو جالس فالصالة أنا مابي أتنازع مع أسيل أبي ويبتسم:آخذ راحتي مع مرتي ويحضنها وبينما هم في الانسجام يسمعون شي كبير طاح وينفجعون الاثنين ويقومون يشوفون وش صار إلا أسيل الحلوة طاحت مكتبتها وفدولاب المكتبة كان فيه علبة الأنابيب انكسرت أظن 12 أنبوب (خسرتنا هالبنت) عبير تروح تشوفها:عورك شي؟ أسيل وتسوي نفسها تطيح على عبير:آآآآآآآآه أحس جمجمتي فمكان وأنا فمكان يزيد يروح يجيب المكنسة ويكنس أسيل بخوف لعبير:بالله ألحين شلون بطلب منه يوديني المعمل أشتري أنابيب؟ عبير:ماعليكِ يزيد مابيقول شي...المهم في شي يعورك؟ أسيل:لا لا كويسة .................................. فالكلية الساعة 10 بدت من ربع ساعة وهي تشرح لابتسام وجنى ماالتقت معاها ..وجنى عندها أزمة فملازم المحاضرات تبي تصورها..ولقيت جوالها فيه مكالمة من سارة وهي فالمكتبة جنى تتصل على سارة ماترد.واستغربت ليش ماترد ؟ وسارة تحس بإن هالأشياء عادي يعني مافي حساسية زي جنى أنا اتصلت ماتردين ليش وكيف كذا؟ماتدقق بس جنى مب صاحية صايبها هوجاس عقلها حرب تفكير.. المهم إن سارة خلصت ومابقي شي تسويه وبدت تكتب.. أأبناء الدروبِ إن المنى فيكم تنادي بلادي لبوا النداء فإنا سنذهبُ إلى جزرِ فؤادي كم من رياضٍ ومروج إلى قفار وصحاري كم من زروعٍ خلفتها أيديكم بسمائي ارتوت العيونُ بفيضِ حزني فأصبح ركني يعادي ألا تعلمون بأن الدماء تحتدمُ بأرضي وتلونُ سمائي؟ ................................. عبيد طبعا راح المدرسة وأبوه معاه والمدير عرف من عبيد واتفقوا الأب والولد والمدير مايطلع هاللي صار فالمدرسة..وخالد ماداوم وعبيد مرتاحة نفسيته نص راحة وصار مايجلس لحاله صار يروح ويجي مع أصحابه حتى هم استغربوا العادة مايحضر الأنشطة الجماعية هو كسلان فيها الأنشطة الجماعية بس اللي صارله اضطر إنه يواجه.. وسهيل صار يمر عليه بدري عشان يراعونه شوية بس هو لازم كمان يسير شوية قوي أقصد قلبه.. ...................................... مرت الأيام ومر شهر بالضبط بدت اختبارات الكليات وبعد هالشهر بدت المدارس واقترب موعد راشد والعنود جنى معصبة حدها..وسارة تراعي وتجامل كعادتها ..سمر يساعدها طلال اللي اتضارب مع صديقه عشان البحث كان معاه سعد فكان خلاف بسيط مايحتاج إني أذكره..أم سعيد اللي فرحانة بجلستها مع البنات وخاصة سمر وسحر وسهيل بالمرة مستانسة معاهم وسارة الكفة اليمين وحتى الجدة تساعدهم..وأم راشد تحس بإنها مخربطة وفيه أشياء ناقصتها..بس أم سعيد معاها وأم عادل تبي ترد الجميل وقاعدة تكلمها وأم سعد معاها ماخلتها والشباب اجتمعوا وكلموا أبوراشد يجيبون فرقة وبعد عناء وافق....كل هالأشياء حوادث يومية تصير في أي بيت... ......................... يوم الأربعاء أم فارس أخذت موعد من أم راشد إنها بتزورهم وفعلا جت الساعة 5ونص ورن جرس المنزل ودخلت وسلموا عليها أم سعيد وأم راشد...وسارة كانت فالسوبر ماركت مع سحر وعبيد وسهيل..سارة كانت عند ممر الممكانس طيب وسهيل كان مع العيال فممر الآيس كريم ...وسارة تختار مكنسة ودخل واحد مستعجل ويوم شاف سارة راح على طول معصب ويمسكها من إيدها: وش تسوين هنا؟ سارة وتوخر إيدها منه وتبعد على ورى...... ياترى مين هذا اللي جالس ماسك إيدها؟ .................................... لكل اللي كتبوا وتسائلوا عن تأخيري..أنا لستُ بفتاة عند كلمتها ..أتاني ظرف استنزف قواي حتى جهد ماعاد فيه..وخرب تخطيطي ..فأنا لستُ بوحيدة أعيش في منزل مهجور ..أنا تحت إمرة من الرجال الخارقين والنساء الصارخات والأطفال ذو الطلبات التي لاتكاد تنتهي..فأنا مع ظرفي جاء على هواي ألصقت الجزء بعد إعادة صياغته إن لم يأتي على هواي فهو قد سحبني ليستنزف قواي فأخاف أن أرد ردا يغضب الجميع مني..فأنا أحبكم ولا أرض بكن فتقبلوا عذري..حينما تبلغون عمر ال26 ستدركون ماأقول...
لكل اللي كتبوا وتسائلوا عن تأخيري..أنا لستُ بفتاة عند كلمتها ..أتاني ظرف استنزف قواي حتى جهد ماعاد فيه..وخرب تخطيطي ..فأنا لستُ بوحيدة أعيش في منزل مهجور ..أنا تحت إمرة من الرجال الخارقين والنساء الصارخات والأطفال ذو الطلبات التي لاتكاد تنتهي..فأنا مع ظرفي جاء على هواي ألصقت الجزء بعد إعادة صياغته إن لم يأتي على هواي فهو قد سحبني ليستنزف قواي فأخاف أن أرد ردا يغضب الجميع مني..فأنا أحبكم ولا أرض بكن فتقبلوا عذري..حينما تبلغون عمر ال26 ستدركون ماأقول...
:24:
ههههههههههه الله يسامحك وكلامك جدا رائع
عاد لاتلومينا فيك
اما العمر احنا تعديناااااااااك بكثير (لاتصدقين عاد) يعني ها تصيرين اختنا الصغيره
