روايتي (سارة والمكنسة)

  • بادئ الموضوع بادئ الموضوع عصيد
  • تاريخ البدء تاريخ البدء
الحالة
مغلق و غير مفتوح للمزيد من الردود.
حياااااك ياعسل
كل عام وانتي بخير
الله يخليك عجلي علينا بالعيديه
:8::8::8:
​
 

الجزء 33

قارئاتي حبيباتي
وفرت لكن هذه الخدمة
1)ملف الـ WORD

ماأريده منكن
A)تعليكاتكم وردودكم اللي ماأستغني عنها
B)أجيبوا على التساؤلات اللي بالجزء

الجزء 33​
فمعرضالدهان
يزيد:لا مو حلو هاللون.
أسيل:إلا حلو.
يزيد:لا مو حلو شكله باهت,ويأشر عاللون الكحلي:شوفي!هاذي الألوان قال بيج!
أسيل:تتريق حضرتك!إنته أصلا معلقلي عالكحلي والأسود مسويلي مدينة أشباح وحيفتح بيت كمان.ياشيخ روح.
يزيد:إش دخلك ذحين؟أنا اللي بنام فيها ولا إنتِ؟
أسيل وتفتح عينها:أنا إش دخلني؟طيب ياأبو ذوق اختار هيا بنفسك ولاتسألني
يزيد:ماراح أسألك.
وتلف ترجع تتفرج فالعينات المعروضة.ويزيد نادى راعي المعرض يتكلم معاه ويوم شاف أسيل راحت السيارة رجع للون اللي اختارته أسيل أول مرة​

واتفقوا على اليوم اللي بيجون فيه ..
يركب يزيد السيارة:اخترت كحلي وعليه نقش
أسيل: طيب.بالعافية عليك
يزيد وبنفس نبرتها:إشبك مكشرة؟
أسيل:ضيعت وقتي !تقولي تعالي خليكِ تتنقي لون لغرفة نومي وأنا ياحياتي رميت كتبي على جنب وهبيت بسرعة وراك..وآخر حاجة تقولي إش دخلك؟
ويزيد يضحك على شكلها:ههههههههه..آسف والله آسف. يعطيكِ العافية ياأختي العسل .يالله قوليلي فين تبغي تتعشي اليوم؟
....................
فبيت أبوعادل
أم سعيد:لاحول ولا قوة إلا بالله .هو وينه ألحين
أم عادل وتبكي:برا مع ناس يعرفهم.يايما صار عصبي وبس أوامر وهالبنت (وتأشر على غرفة عبير لأنهم جالسات فالصالة
اللي فوق)ماعاد يبي يشوفها ولايطيق سيرتها
أم سعيد:هي درت بزواجها..علمتيها؟
أم عادل:إيه ومن يوم ماقلتلها وهي تبكي فغرفتها
أم سعيد وتنادي أمل:أمل..أمل
وتخرج أمل من غرفتها:هلا جدة..بغيتِ شي؟
أم سعيد:روحي عند أختك وهديها ..مايصير يابنيتي إنتم خوات
أمل بحزن:ياجدة ماتبيني ولا حتى تطيقني.شلون تقولين أهديها
أم سعيد:ماعليه يما روحي هديها..هي ودها بأحد تكلمه بس تقول إنها ماتبي أحد
أمل:حاضر ياجدة..وتروح
أم سعيد وتناظر أم عادل:أنا بكلمه وإنتِ لاتعاندينه لايركب راسه
أم عادل وتمسح دموعها:لامابعانده..بس كلميه يما الله يخليك
أم سعيد وتهز راسها:روحي غسلي وجهك روحي وصلي ركعتين وادعي لبنتك
أم عادل قامت:إبشري ألحين أروح
أم سعيد بصوت منخفض:الله يالدنيا صار إبشري والله يخليك ..الله يهديك بس..
^*^بنات ادعوا دايما (اللهم لاتجعل حاجتنا عند أحد من خلقك)
..............
فبيت أبو راشد
سمر:ليش تعلمينها؟والله لو كلمتيني لأرقع السالفة
سارة تبكي:ماعرفت أتصرف..وش تبيني أسوي؟
سمر بقهر:إش اللي ماعرفتِ تتصرفين ..سارة إنتِ مب صغيرة عشان ماتعرفين تتصرفين
وينطق الباب وتدخل سحر وشكلها حزين:سارة ماما تقول هاتي الجوال
سمر وتطالع فسحر معصبة:ليش؟كل مازعلت حضرتها طلبت الجوال؟
سحر بحزن:وش أسوي؟يوم قلتلها حرام !حذفتني بالشبشب.(النعال)
ويدخل سهيل وعبيد :سارونة حبيبتي شصار؟
سارة وتمسح دموعها وتبتسم:مافيني شي..بس
وتقطعها سمر:أمي صفعتها كف على وجهها عشان رسلت غدا لصديقتها
سهيل فتح عيونه:طيب وين المشكلة؟
عبيد يمسح وجهها بالمنديل كان ماسك المنديل ويمسح وجهها وهو خايف لاتدخل أمه وتعلقه فالشباك
بس حزنه وجه أخته والدموع اللي تنزل..
سمر:المشكلة إنها مو مصدقتها ..تقول صرتِ تكلمين رجاجيل؟
عبيد:أنا اللي كلمت السواق..
وسمر فاتحة عيونها:ليش ماقلتيلها؟
سارة صرخت:أقولك ماقدرت خفت يوم شفت أمي تصرخ..
وسهيل ويحضن أخته:سمر خلاص تقولك خافت..سارونة أنا بحاكي أمي لاتخافين طيب؟سارونة
وعبيد:أنا أروح أكلمها..ويروح
سحر:طيب والجوال؟
سمر:قوليلها سمر بتجيبه..
سحر :طيب.
سهيل:تبي تاخذ الجوال؟ويبتسم سهيل:قديمة هالحركات يايما..سارة لاتخافين خلاص أنا بكلمها
سارة:لانكلمها ياسهيل..مابيكم تتضاربون مع أمي بسبتي
سهيل:يالله عاد..ترى أنا مشتاق لأمي ماتضاربت معها لي فترة..قاعد أقولك لاتخافين..يالله سمي بالرحمن وغسلي وجهك..ويناظر فسمر:وإنت يابو صالح ورى ماتهدي اللعب وتخلي العصبية وتروح تحفظلك كلمتين..
سمر:رايحة يابوحمني بجيب دروسي وأجي أدرس هنا عند سارة..
سهيل يمسكها من إيدها:يالله سارة ارتاحي وصل عالنبي..
سارة:عليه الصلاة والسلام..
ويخرجون من غرفة سارة:أقولك روحي ذاكري فغرفتك..وخليها ترتاح يمكن ماتبي أحد.تبي تجلس لحالها.
سمر:أنا بجلس عشان لو جت عندها أمي..
سهيل وهو يدخل سمر غرفتها:ماعليك أنا رايح أكلمها..
سمر:صدق؟
سهيل:إي والله..وليش أكذب؟يالله ادخلي.
وسكر الباب ورايح لأمه ودخل عندها الغرفة يكلمها..
^*^ياسلام عالأخوان؟أخوكِ ياقارئتي يفعل معكِ هكذا؟
....................
غرفة جنى​

أم جنى تدخل الغرفة:جنى صاحية؟
غرفة جنى متفرعة ومبعثرة ودولاب ملابسها مقفول نص قفلة وخارجة منه الملابس والغرفة نص ظلام
لأن الحمام شغالة أنواره..وفي الأرض أوراق وملازم وأقلام وتسريحتها العلب مفتوحة
يعني غرفتها حوسة..وأمها لقيتها منسدحة عالأرض وتقرأ ملزمة..وإيدها الثانية تاكل فيها
أم جنى متقرفة:جنى شهالقرف ؟
جنى وبدون ماتناظر أمها:أي قرف؟الغرفة نظيفة ..حتى فتحت اليوم البلكونة لمدة عشر دقايق
أم جنى وبتستفرغ:عشر دقايق؟أوووووف..وأحد يذاكر في الظلام؟
جنى وجلست والملزمة فإيدها:إيه عادي تراني أشوف زين..شبلاك يما؟تبين الحمام؟
وتأشرلها عالحمام:روحي شوفيه مفتوح..
أم جنى وبدون ماتكلمها:أنا رايحة أجيب أدوات التنظيف
جنى وعصبت:يما لاتخربين مزاجي..تراني بديت أذاكر
أم جنى وترفع شعرها :ماعلي منك يالمقرفة..أنا غرفة بنتي كذا؟...لالا مستحيل تجلس بهالشكل..
وتفتح نور الغرفة وجنى تغطي عينها بالملزمة:يما النور قوي على عيني..
أم جنى:روحي فالصالة وتروح جنى وهي تمشي تقول لأمها:ترى بقفل نور الصالة
أم جنى:عينك لاتتعبينها...
جنى:طيب وتقفل النور وتنسدح عالكنب وتذاكر
وأمها بدت تنظف وفجأة لقيت علب حافظات أكل وخرجت تسأل جنى:ماما من وين هاذي؟من الجيران؟
جنى باستهزاء:من وين؟ من الجيران؟لا طبعا.هاذي من صديقتي يوم درت إنو ما عندي غدا !!
أم جنى وتناظر فيها:حلو أكلها؟
جنى وبدون ماتناظر أمها:فنان أكلها..الله يديمها على راسي
أم جنى دخلت غرفة بنتها وبصوت منخفض:يارب تجعل هداية بنتي جنى على هاذي البنت.يارب تتغير يارب .,.وتكمل تنظيف
^*^حبيباتي قارئات قصتي إش رايكم؟أمي تنظف غرفتي؟يصير؟(موضوع نقاش خلونا نسولف
....................
فسيارة تركي​

سعد وهو يطالع فالمكتبة من شباك السيارة قال:تركي تقدر تنزلني المكتبة اللي فالجامعة؟
طلال يلف على سعد ورى:ليش ؟مو رايح مع صديقك؟
سعد بتعب:ياخي مو فايق.بياخذنا الوقت وإحنا نسولف وأنا عندي دكتور جزائري لئيم مايرحم لو تأخرت دقيقة عن المحاضرة طرد بدون أي نقاش.
تركي:ياالله وش هالنفس فهالدكاترة ماتغيروا؟
طلال:يتغيرون؟إلا يزيدون.الله يعينا ويصبرنا إلين التخرج
سعد:آمين..
تركي:الله يعينكم.سعد أي مكتبة فالجامعة؟
سعد:مكتبة دار.........
سعد يطالع جنبه كان في كيس بس ماحب يفتحه
^*^ها بنات بتفتحون الكيس؟ولابتخلونه؟طيب ولو فتحتوه راح تسألون راعيه وش هذا يافلان؟
.........................
بيت العنود​

أم علي فسجادتها:يارب شسوي؟تعبت وأنا أداري..أنا عندي بنت وولد موصيني فيهم أبوهم وعندي أختي اللي تعبتني وتبكي شسوي ياربي مين أرضي؟وتغطي وجهها بشرشف الصلاة
وعلي كان واقف عند باب غرفته كان توه راجع من الشغل وغير ملابسه وكان نازل وسمع أمه تتكلم وتبكي..ويسند راسه عالجدار وإيدينه على ظهره ويغمض عينه..
بنات وش نسوي لو كنت فحيرة من أمري ومحتارة مرة محتارة وش أسوي؟
............................
فبيت أبوعادل​


أم سعيد:أشهد بالله إنك مب صاحي.
أبوعادل:ليش مب صاحي؟عشان بزوجها وبسترها؟
أم سعيد:إنت تبي تسترها وتودي البنت عند الرجال ماتعرف شي؟
أبوعادل:عادي كل بنت تتعلم فبيت زوجها,يما خلاص وقفي الله يرضى عليك.الرجال وعطيته كلمة وخلاص نقاش مابي ,هالبنت مابي أشوفها هنا دلعتها إلين مابغت توطي اسمي فالتراب.والواحد يتعلم من اللي يصيرله وأنا شبعان مشاكل من هالبيت.ويوم الخميس عازم أخواني عشان بعزمهم على الزواج وتدخل أم عادل:إنته..
ويقطعها أبوعادل:إنتِ بالذات صوتك لاأسمعه!
أم سعيد:إنا لله وإنا إليه راجعون
أبوعادل:تمسين على خير يما ويطلع الدرج
^*^بنات شفتم شلون الأب لما يزعل من بنته وش يسوي؟
.............................
فبيت أبو سعد
ملاك:ماما أبغى أسألك سؤال!
أم سعد وهي تسوي شغلها عالكمبيوتر :ها ياماما اسألي وتوقف طقطقة عالكيبورد وتلف بالكرسي على بنتها
وملاك فإيدها المرسام وجالسة تفركه بإيدها وتطالع فيه:ماما أنا خايفة
أم سعد وبدت تهتم لكلام بنتها:من ايش ؟بسم الله عليك
ملاك وتطالع فأمها:أنا أخاف أسير حامل
وتطالع فنظرات أمها
لكن أم سعد كسرت كل الخوف اللي فنظر ملاك لأنها انفجرت من الضحك وتجر بنتها لحضنها:بسم الله عليك الرحمن الرحيم .ماما ملاك ماتقدرين تصيرين حامل
ملاك وتطالع فأمها:ليش؟
أم سعد:بس ماتقدرين..أول شي لازم تكبرين وتصيرين زي سندريللا حلوة ويجيكِ شارل السعودي وبعدين يجون الأطفال فهمتِ؟
ملاك مبتسمة:إيه فهمت.يعني وأنا كذا صغيرة مايجيني نونو؟
أم سعد مبتسمة:إيه مايجيك نونو.
ملاك وتقوم:ماما بروح أكمل واجبي
أم سعد وتطالع فبنتها مبتسمة:روحي الله يوفقك ويسعدك.
وتناظر فبنتها إلين مااختفى ظلها :الله يصلحك ويكفيك شر كل من فيه شر.
وترفع إيدها:يارب احمي بناتي وسعد من كل سوء وسخرلهم الحياة الطيبة يارب
^*^بنات خلونا صديقات ذا قبٍ حنون لأخواتنا الصغار
............................
فغرفة سارة​

*تستعذبُ عيني الليلة*
*عيني ماأصابك*
*أهي مؤلمة*
*لم أعلم بأن صفعة والدتي قوية*
*أم أنك اشتقتِ للنحيب*
*أتشتاقين للوعاء*
*مابي؟؟*
*أتخبط في لوعتي*
*أبعثر حروفي*
*هل صفعة والدتي أصابت قاموسي بهزة ارتجاجية*
*أعتقد بأن أعصاب حروفي مهلهلة*
*عازفة ألحاني أوتارها مقطوعة*
*ماالذي أصابني*
وتضع يديها على أذنيها
*أسمع أصواتا مخيفة ,,ابتعدوا عني*وأرخت ناظريها لأصبعها وفجأة جف دمعها
وهدأت روحها*وامتلأ فضائها زبرجدا وياقوتا*وانطوى حزنها في الظلام*
فغرفة سهيل
طلال:شفت نور غرفتكم قلت خليني أشوف وش عندكم
سهيل كان جالس عالكرسي الهزاز وعبيد كان يسوي لشعر سهيل مساج:عندي صداع
طلال ويجلس ومعاه الكتب:ليش؟أكيد عصبت
عبيد:شعرفك؟
سهيل ضربه عالخفيف بالورق:اسكت يالبليد
عبيد:ليش تقولي بليد؟حليت واجباتي
سهيل:أقولك لاتطير النوم من راسي وكمل شغلك.
طلال:إشفيكم اليوم؟
سهيل:مافي شي.
طلال:إش اللي مافي شي.ويطالع فعبيد
عبيد يتكلم بدون صوت تحريك شفايف:سهيل تضارب مع أمي
طلال لقطها وسهيل:عبيد إشفيك اليوم؟بنت إنته؟
عبيد:إشفيك؟ضغطنا بقوة صرخت..ضغطنا بشويش بعد مو عاجبك
طلال قام:وخر عبودي أنا بوريه الضغط روح
عبيد وينفض يدينه:والله نملت إيديني.حرام عليكم تستغلوني
طلال يبتسم ويمسك رقبة سهيل: سهيل طالع قدام ولا تحرك رقبتك
سهيل :إنت هيه انتبه لأخوك شلون يسويها.
عبيد كان يغير القميص ويلبس مثل هالقميص بالضبط​

ويلم شعره ويدخله في اللي ورى القميص مدري وش يسمونه (علموني يابنات اسمه)
عبيد:مايخصني فيك .والله مرة تستغل الواحد ياسهيل
سهيل وهو يطالع فعبيد وبيتكلم طلال طق رقبته :آآآآآخ ياطلال
طلال:لحظة لاتتحرك ويطق الجهة الثانية
طلال:قوم السرير خليني اطق إيدينك
عبيد:ياويلك ياسهيل والله تعور ويتلحف بينام
سهيل ويروح السرير ويجلس ويجلس وراه طلال ويمسك إيدينه الثنتين ويلمها ورى ويسند طلال ركبه على ظهر سهيل :عبيد تعال حط المخدة على وجهه
ويضغط على قدام والإيدين على ورى وطق
وسهيل يصرخ:آآآآآخ ياطلال
عبيد يضحك:والله تعور.ههههههههههه
سهيل وماسك رقبته:والله تعور ياطلال.
طلال مبتسم:بس حلوة..صح؟ ويغمز لعبيد
سهيل وينتبهلهم:هااااااااااااااااه تآمرتم علي والله لأوريكم ويقوم يضربهم الاثنين
.................................
غرفة عبير
تركي:خلاص ياعبير
عبير وهي تبكي:بس أنا مابي أتزوج ياتركي
تركي:طيب وش تبيني أسوي؟ والله مو راضي راسه يابس معند
دخلت أمل ومعاها مويه وتجلس جنب أختها:عبير اشربي مويه
عبير وهي تبكي:آآآآآآه ياربي مابي زواج..أنا مو عارفة شلون أعيش بلحالي معاه
تركي عصب :إنتِ بعد ليش تسوين اللي سويتيه؟تدرين إن أبويه مايرحم
وأمل:تركي هدِّي نفسك ..خلاص هي مو ناقصة
تركي ويطالع فأمل:مو ناقصة؟هي سبب اللي هي فيه
ويطلع من الغرفة..
^*^أوف بنات تركي مرة معصب صح؟
.............................
فالكلية​

جنى واقفة قريب من البوابة تحتري سارة وجالسة تطبق عباتها على أقل من مهلها
وتنزل سارة من سيارة طلال:يالله طلال ركز فاختبارك وطمني
طلال مبتسم:دعواتك الله يسعد هالوجه
سارة مبتسمة من تحت الغطوة:إن شاء الله.الله يفتح عليك فتوح العارفين ويبلغك اللي تبيه
مع السلامة
طلال مبتسم:مع السلامة..سارونة لاتمشين تحت الشمس تراك مسمرة
سارة:حاضر
وتدخل الكلية وتشيل الغطوة وهي تمشي وماتحس إلا بأحد يختنق أنفاسها :مو قادرة أتنـ ...
جنى وهي حاضنة سارة:وحشتيــــــــــــــــــــــــــــــــــني ياسوسو
سارة ومو قادرة تتنفس:جنــــــ.......أبي هوا
جنى وتفكها ومبتسمة:سارة ليش ماتردين على اتصالاتي ؟
سارة وتستجمع أنفاسها:متى اتصلتِ؟
جنى فتحت عيونها:البارحة..سارونتي إشفيها عيونك ؟
سارة وفنفسها (ياربي لاتستدرجني وأبكي وصدق اللي بموت ألحين)
جنى وتمسكها من إيدها ويروحون لمكان هادي وجنى تطبق عباة سارة
(ههههههههه وش مشكلتها مع التطبيق شكلها متأثرة من أمها يوم نظفت غرفتها)
سارة وتناظر جنى:جنى هاتي العباية أنا بسويها
جنى وبإصرار:قلت لا..إشفيك؟ بكيتي البارحة؟
سارة:لا مابكيت..
جنى ورافعة حاجبها اليسار:سارة؟
سارة وتبتسم:أقولك مابكيت..هاتي عنك
جنى ودخلت العباية فشنطتها :مافي عباية إلين ماتقولينلي
سارة وموقادرة عليها:جنى الله يخليكِ عطيني عباتي
جنى وجلست جنب سارة:طيب قوليلي ليش بكيتِ البارحة؟
سارة وتناظر فيها:أقولك مافيني شي..جنى حلي عني الله يخليك
جنى:طيب بس راس الموضوع
سارة:مابي أقولك
جنى وبأصبعها:بس شوية
سارة وتبتسم:لا.مو قايلتلك
جنى وترفع حواجبها:أجل مافي عباية
سارة:جنــــــــــــــــــــــى..
جنى:ماأسمــــــــــــــــــــــــــــــــــع
وتضحك سارة
جنى وتمسك خد سارة اليسار:وأخيرا ضحكتِ
سارة:هاتي عباتي طيب
جنى تضحك:ههههههههه فاطرة مع بنغالي اليوم؟
سارة تضحك:هههههههههه ليش؟
وتمر منال من بعيد وتشوف سارة تضحك مع جنى:اللهم لك الحمد..اللهم لاشماتة ..شف الهبلة مع مين جالسة؟لا وطاقين فيها المثل فبيتنا..والله لو تجون تشوفونها الخايسة
وتمشي بكعبها
(صراحة إش رايكم بكعب فالصباح ههههههههه يالله استطلاع مع قارئاتي حبيباتي)
................................
يوم الخميس​

الساعة عشرة الليل
فبيت أبوعادل.الكل متجمع الرجال فمكانهم المجلس والحريم فصالة البيت الداخلية والبنات على جنب والبيت حشرة وإزعاج ومنال تناظر فسارة تبي تنفذ مخططها
بس يوم سمعت إن عبير انخطبت وبتتزوج احترقت البنت وولعت ليش هي تنخطب وأنا لا
ومادرت بسالفة عبير .يعني وشلون جاه العريس.
وعبير ماتعطي منال وجه بالمرة عشان لاتعلمها السالفة هي تدري إن منال تتمسخر فما حبت تقولها عن سرها فاضطرت إنها بتتعامل معاها على هالنمط ومنال طالعة نازلة وتودي وتجيب بأفكارها أنا ماتزوجت وهاذي اللي ماتخرج تزوجت شهالحظ؟
منال تناظر عبير وهي تودي عربية القهوة للرجال:بنات شايفين اللي أشوفه؟
طبعا مين هم البنات​

(سارة,سمر,منار,ملاك,سحر)​

سمرمو مستغربةلأنهم عارفين بس مايبينون لأحد بس مابينت لمنال:عشان بتتزوج
منار:صح .يمكن تبي تجرب حياة الزوجية.بس ماتلاحظون صارت هادية؟
سارة ماتتكلم معاهم سرحانة فالكلام اللي قالتلها جنى
(تعالوا نشوف إش قالت جنى لسارونة)
‘؛‘فقاعة الدروس لقسم سارة‘؛‘
جنى:سارونة عطيني عنوان بيتك؟
سارة باستغراب:ليش؟
جنى تبتسم:بتصور جنبه
سارة تبتسم:طيب..اكتبي عندك عطتها بس الحي واسم الشارع ماعطتها من وين تدخل وأي فيلا..
جنى:أوه حي الــ......حلو هالحي .المهم لاعاد تخلين اتصالاتي ترى والله البارحة ماعرفت أذاكر.
سارة فتحت عينها وجنى مطت خشمها على خفيف:ليش النظرة هاذي؟لايكون حاطة فبالك إني ماأذكر؟لاصراحة مرة أحس إني طايحة من راسك
سارة:ههههههههههه لا عيب عليكِ مب كذا بس صدق تفاجئت أنا دايم أشوفك فالمبنى عندنا.متى يمديك توصلين لمبناكم .الأستاذات اللي عندكم متسامحات يعني قلوبهم سمحة
(قصدها طيبات ..الله يهديك ياسارة عليك ألفاظ تقول عايشة فأقصى الجبل)
جنى مبتسمة:أنا أصلا ماحب هالمبنى..بس عشان إنتِ فيه أقطع هالمسافة .وبعدين محاضراتي حاسبتلها كويس .بعدين أنا عندي لياقة أول ماتبدا المحاضرة طيران على القاعة
سارة وتتذكر يوم شردوا من حارسات الكلية كانت جنى تركض ركض بالنسبة لسارة خخخخخخخخ حتى ألحين ماتقدر تركض ههههههههه آها بس خلينا نكمل
سارة منبهرة:ماشاء الله (خبلة هالبنت)
جنى تبتسم:المهم لاتخلين اتصالي ترى يمكن أجيك هاليومين ...واحشتني والله والوقت مايمديني أجلس أسولف معك.
سارة:إمممممم طيب.
جنى تناظر ساعتها:شوفي باقي دقيقة ونص عالمحاضرة شوفي شلون بركض..تعالي شوفيني من السور
سارة وتطالع فيها وتبتسم وتروح تطالع فيها من السور وهاذيك الخبلة تأشرلها من تحت
(بااااااااااااااي,,,,اللهم يامثبت العقل والدين)
عاد سارة من ايش سرحانة؟خايفة إن جنى تجيها البيت والمشكلة إنها على خلاف مع أمها وسمر ماتحب جنى ولا كان ساعدتها ...
يعني اكتملت السالفة وصارت مندي محروق وش السواة؟(هذا اللي قاعدة تفكر فيه)
منار حاطة إيدها على كتف سارة:سارة ..سارة..سارة
سمر تدوس على رجل سارة بصندلها:هيه يالخبلة
سارة وتألمت:آآآآي..إشفيه؟
سمر مقهورة من غباء أختها وبصوت منخفض:كلمي البنت كلميها
منار مبتسمة:سارة كيفك؟
سارة وانتبهت لمنار وابتسمت:أنا بخير الحمد لله .إنتِ شلونك؟
منار وفرحت إن سارة انتبهتلها:أنا زينة..إنتِ كويسة؟أحسك تعبانة
سارة:لاأنا بخير ياعيني ..المهم إنتِ وينك عنا لاتسألين ولاتكلمين
منار تبتسم:ماأقدر والله.وتهمسلها:منال تذبحني إنتِ تعرفين
سارة وتلم شفايفها:الله يهديها..
منار مبتسمة:ماعليك منها...أقول سارة؟
سارة مبتسمة:هلا عيني
منار مبتسمة:أنا عندي مشكلة صغيروونة
سارة:همم..بسم الله عليك
منار:لاعادية هي..بس ودي اجي عندكم أذاكر لأني ماأعرف أذاكر ويوم سألت صديقتي شلون أصير زي هالشاطرات اللي عندنا فالفصل ضحكت علي .وأنا مابي أسئلها
سارة تبسم:ياروحي يامنار وتمسك إيدين منار :تعالي في أي وقت ياعيني ههههههههه
وسمر تتكلم مع نفسها:وأنا أقول وش هالتحبط فسارة أثاريها تبي تتعلم شلون تدرس يالعلك مب قايلة
وتقوم تروح المطبخ تساعد البنات:خليني أكسب أجر فهاللي فالمطبخ
وترسم ابتسامة فوجهها:هلا بنات وتشوف المطبخ مقربع وتلم شعرها بشباصة كانت فقميص عبير :تراني أخذتها وبساعدكم ولاتناظروني وتحلفون علي اطلع لأن مافي شي أسويه فالصالة مع البنات
عبير تخبي ابتسامتها وتكمل شغلها وأمل تبتسم تموت فسمر:فديت قلبك أنا..وشفيها الصالة حتى حطيت لكم جميع أنواع الموكا
سمر وتمسك المريلة:أنا لو قعدت شوي بس شوي والله ماأضمنلكم الصالة تقعد بخير
وتضحك أمل عرفت إن قصدها بتقتل منال يناغزون بعض
وتدخل سحر:مساء الخير
عبير تناظر بس ماتتكلم وأمل:هلا والله بسحورة ..ها إلا إنتِ عاد لاتساعدين هالرقة والنعومة مرة مايصلحلها شغل
سحر تنحرج:لاأنا بغيت بس مويه لجدتي
ويضحكون كلهم...ويمر الوقت وشوية تتداخل سمر مع عبير ويالله ضحك وسواليف وشويه بعد ماخلصوا العشا خشت سارة معاهم فالجو وصارت السالفة ليفة وماعون مع الصابون وسلك المواعين قاعد فالصالة مو عاجبتها الهرجة اللي تصير فالمطبخ ههههههههههه
^*^ ههههههه,بنات عرفتوا مين سلك المواعين؟الله يخليكم قولولي مين؟خخخخخخخ
....................................
وتمر الأيام وتقرب الليالي الحلوة اللي فيها يتوفق راسين بالحلال (ماحب هالكلام وهالمشاعر) بس يالله عشان خاطرك ياعبورة بسرد السالفة
جهزنا الفستان وبكوا أمل وأمها وكل ماجابوا غرض الله يعين بلاها ماخلصت الدموع
وسارة كل ماحاولت جنى تجي تصرفها (تستاهلين قالتلك أمل بس عييتي إلا مسكينة وحرام يالله كليها يالبطة) ومنار صارت تجي عندهم وأم راشد لايفوتكم زارت أخوها وحب سهيل يلطف الجو بين سارة وأمه بس برضوا أم رويشد مو راضية..هاذي مشكلتهم المدرسات مسوية شخصية قلك (الله يعينا)المهم بس ترحمها وأخذتها بيت خالها ومعاهم سمر ملح الجلسة اللي يوم درت إنهم رايحين عند خالها عصبت بس ماعليكم تتوطن فأي مكان
..............................
فالعصر
فبيت أبوعادل
عادل ويدخل الأغراض وتشوفه أم سعيد (هاذي العجيز فديت الشدوق اللي معها صارت مرابطة فبيت أبوعادل هههههههه حليلها تحب الفساتين والخرابيش والصجة وإذا جا وقت نومها قامت تصارخ إزعاج ..):هلا والله بوليدي عادل حياك يالغالي..وتنادي أمه :تعالي شيلي عن عادل مسيكين انكسرت أكتافه الله يعافيك ويسعدك ويرزقك بالزوجة الصالحة (اسكتي ياجدة)
عادل ويحب راس جدته:ماأعدمك يالغالية
وتجي أمه :هاذي كل الأغراض؟
عادل وهو جالس جنب جدته:همم.
أم عادل وتهز راسها وتروح ويناظر فيها عادل إلين ماراحت وأم سعيد تراقب باقي تروح تعقب عاللي سوته أم عادل فولدها
وشوي يندق الجرس :هيا ياعادل افتح لبنات عمك خلهم يدخلون .
عادل كشر (يحسب إنها منال) وراح يفتح طلعوا 5 بنات ولقي معاهم سهيل وعبيد (ياخي هذيلا دايما مع بعض يبغالي أشوفلهم صرفة مايصير لاصقين ببعض)
عادل ابتسم وفنفسه:يانا فديت هالريحة ...ويرجع لواقعه:هلا والله تفضلوا ويفتحلهم الباب
ويروح يسلم على عبيد وسهيل:فديتكم والله وفديت هالشوف
سهيل وهو يسلم عليه ومبتسم:لالالالالا...أكيد مجهزلي قهوة صح؟والله شكله مجهزلنا ياعبيد (وبعدين ياعصيد إنتِ وعبيد)
عادل وهو ماسك إيد سهيل:أكيد القهوة والدلال والزين عند عادل تعالوا بس والله لتشربون قهوة يالله
سهيل: ورانا مسبح نبي نتحرك وزني زاد أربعة كيلو
عادل يبتسم:يالله عليك ياسهيل تعال اشربلك فنجان ونطلع جميع يالله ..عبيد انزل
عبيد:يالله نازل
ويدخلون المجلس ...
عند البنات
الحرمتين واقفين وأم سعيد تتفحص فيهم وتكلم سارة:مين هذيلا؟
سارة تبتسم:هذيلا جايين لعبير عشان يسوون لها دلكة ومساج
أم سعيد:مايصلح يمسجوني (هيا بالله عليكم شوفوا وش تقول؟يمسجوني !الله يقطع الجهل)
سحر وسارة يضحكون والحرمتين فلبينيات يعني يتكلمون إنجلش
سمر:يمسجونك ها؟خير إن شاء الله على وين العزم؟لازوج ياحسرة ولا باقي فقريتنا شيبة فسنك
وأم عادل كانت نازلة من الدرج وسمعت سمر إش قالت وتعطيها ضحكة
أم سعيد وتمط عصاتها:إنتِ ياراس المخمة ورى ماتدخلين لسانك وسط فمك لأجيك بالهعصا وأدبغك اليوم وتناظر أم عادل:وإنتِ ياخفيفة العقل عدي استقعدي بكلمك كلمتين (يعني تعالي اجلسي,مدري اللي من لهجتنا بيفهمنا)
أم عادل مبتسمة:هلا والله بالبنات وتسلم عليهم
سارة مبتسمة:عاد أمي ياخالة ماجت عشان لاتكلفين على عمرك وتسوين قهوة وأكل فرسلتنا مع ماري وليندا وإحنا بعد ياخالة ترانا مانبي شي جايين نساعد عبير
أم عادل مبتسمة:الله يسعدها أمك ماتقصر ويعطيها العافية وإنتم بعد إن شاء الله أخدمكم فأفراحكم ..ها شوفوا عبير فوق
سارة:الله يسعدك ياخالة تسلمين والله ماتقصرين
ويطلعون الدرج وسارة تنادي ماري وليندا ويطلعون
وتشوفهم أمل:هلاااااااااااااااااااااااا والله وتخرج عبير من الغرفة وتبتسم ماتتكلم (وش فيها ذي طرمة ياعصيد)
,,,,,,,,,,,,,,,,,,,,,,,,,,,,,,,,,,
فالسيارة
تتصل أم راشد على سهيل:يما سهيل بعد ماتخلصون من أشغالكم اشتري عشا لك ولخواتك ولعبيد وبيت عمك عشان أنا بعشي البابا وراشد وطلال
سهيل:إخس يالبابا ..حركات ياسندريلا فديتك أنا طيب وعلى نخرتي
أم راشد تبتسم:تسلم نخرتك يايما يالله فمان الله عندي شغل اليوم
سهيل يضحك:تبين مكتبة؟
أم راشد تضحك:هههههه الله يهديك ..خلاص شرالي طلال من أول الله يسعده
سهيل يبتسم:طيب يالله كويس مع السلامة
عبيد كان يلعب بالPSP​

عبيد:تراها تصحح أوراق اختبار البنات
سهيل:بس عندها تحضير دروس
عبيد:مدري كيف يعجبها تدرس والله لو أموت ماادرس..
سهيل ويطالع فيه:والله ماتدرس..أخاف ميولك تطلع فسن العشرين تبي تدرس وعاد تعال سوي فرقة لشعرك من النص وبلله مويه والبس نظارة بيتها أسود واشرحلهم كيمياء ميثيل وإيثيل ههههههههههه عبيد افرق شعرك الله يخليك
عبيد مبتسم ويلعب:وخر عني يالدب
سهيل:والله أبوية لو درى عن هالشعر ليوريك
عبيد:عاد إنت ناسي شعرك يابرئ
سهيل ويخرب شعر أخوه ويرجع لأنه ناعم (مو زي بعض الناس مطبات حي الورود)
عبيد ويدف إيده:وخر أقولك
سهيل:إخس والله شعرك كثير ..حسرة علي
عبيد:انقلع أنا أسويله مساج وإنت طول الوقت رامي عليه البلسم والكريم يالدب
وقعدوا يتضاربون...
نرجع للبنات
اللي كانوا مع عبير و ساعدوها في تغليف الدبش وسوولها أغراضها وانكسرت ظهورهم حبايبي وتجي الساعة 12 الليل ويدخل سهيل بالعشا ويتعشون وسواليف وضحك..
تركي رجع للبيت وكان طالع فوق وتوقفه أمه:لحظة البنات فوق خليني أقولهم يدخلون جوا
وكان تركي واقف ويسمع اصوات البنات ..ويبتسم إن خواته رجعوا يضحكون ويسمع ضحكة سمر ويضحك ويغطي على فمه
..............................
فبيت يزيد
أسيل يوم شافت لون الغرفة هو نفس اللي اختارته:آآآآآه يالئيم وتتريق عليه :قال إيه قال باهت ..ياعيني ياعيني عاللون
يزيد وهو مبتسم:طيب روحي شوفي غرفتك (مسويلها مفاجئة)
وتروح تفتح الباب وتلاقيها لون كحلي وتصرخ:لاااااااااااااااااااااااا يزيد إشبك؟ لييييييييييييه كحلي
يزيد:ههههههههههههههههه بالله إش رايك؟مو حلو؟
أسيل :لون أثاث الغرفة مو مناسب
يزيد :ولا تزعلين بكرة نروح نشتري أثاث للغرفتين ...
أسيل:بس لون الغرفة مرة يايزيد مكتم
يزيد:مع بشرتك البيضا مناسب
أسيل:ياشيخ روح والله إنك مجنون
يزيد:ههههههههههههههههه ياناس والله حلو الكحلي ولا شرايكم؟
...................................
يوم الزواج​

كانت عبير بأجمل حلة,وكانت الأجواء حزينة بالنسبة لها,طبعا كلمتها أم راشد وسارة وسمر وأمها وأم سعيد ماقصرت مواضيع تعبير ولحد يوم زواجها أبوها مو راضي يتكلم معاها
أم سعيد كلمت تركي إنها تبي عادل وعبير يتصالحون (هاذي العجيز أنا أفدى شعرها أبوجديلتين) وتركي فرح وجاب عادل لغرفة العروسة وأم سعيد كانت عند عبير
وهم ماشين عند الممر عادل مسك تركي:وين رايحين؟
تركي:بناخذ شنطة عبير حقت الفندق ونوديها
عادل:ليش إحنا الاثنين طيب واحد فينا يكفي
تركي ويمسك إيد اخوه:لااااااء!
ويدخلون (بنات ماأعرف أوصف لحظات الصلح بس الله يعيني )
أم (ههههههه بنات بدال ماأكتب أم سعيد ههههههه كتبت أس سعيد تحشيش صدق)
أم سعيد:ياهلا بعادل تعال
ويدفه تركي:روح
عادل يحب راس جدته وتمسكه جدته:يالله بارك لأختك وسلم عليها
عادل ووقف يناظر فجدته وعبير منزله راسها فالأرض ويروح عادل لها وتركي فرحان
(يذكرني تركي برأفت وأخوانه)
عادل ويبوس راس أخته:مبروك ياعبير يالله هاذي بوسة السماح من عادل
وعبير تنزل دموعها وشويه ينطق الباب لقيوه مقفول(ياشينهم اللي يقربون للمعاريس ملاقيف صدق ) المهم إيوه عبير ماتتكلم وراها ذي أخوها جاي يسامحها
المهم إن عادل الحبيب أخذ مناديل من جيبه ومسح الدموع اللب فخدها:خلاص لاتبكين
تركي وعادل يوم عرفوا إن العريس يزيد فرحوا لأنهم يعرفونه من زمان وهو بدا يحبب بعمره (هههههههههه يبي يعيش شحليله)
نروح لجانب آخر فالقاعة (طبعا أسيل قعدت الدنيا ووقفتها قالت ماتسوي زواجك في استراحة لو إيه..أحلى نط عرق مهدي وأخوانه المهم إنهم حجزوا فقاعة وماراح نقول أسماء عشان لاتنضرب عصيد )
المهم..سارة وسمر سووا هدية لعبير مرة حلوة (هههههههههههههه)
ظبطوا لها الملازم والكتب حقت الترم اللي كانت غايبة فيه وغلفوه لها واشترولها كتاب تحفة العروس وشرولها طقم عطور وسجادة وشرشف ومعاهم قرآن وكتيب للأذكار وسبحة (بنات الشيخ) ولزوجها سجادة وعلبة سبحة ومعاها قلم طبعا قدام أمهم عشان إنها تحب العلم وروها هدايا عبير بس هدايا الزوج لاوالله ماوروها وذلك لسلامة أعضائهم من الضياع
وكانوا البنات حلوين طبعا كل وحدة بروحها وبأخلاقها وبشيء قليل من جمالها الرباني وتصبح أميرة زمانها فقط بالأخلاق الحسنة نصنع طريقا واسعا لتبادل الأفكار (بدت تتفلسف)
المهم في طاولة مكانها كان فالنص من جهة اليمين بنية وأمها يناظرون فمين؟
(فسارة)والله البنت تنخطب ..بس كانوا معلقين عليها اسمعوا الحوار الآتي
سعاد:أمي شايفتها مرة حلوة قامتها وفستانها الأبيض مرة شيك (إخس..ناقة هي الله المستعان)
أم سعاد:إي والله يابنتي سعاد ...آآآآآخ يارب تطلع مو مخطوبة هادي تاسع بنت نسأل والله لو طلعت هادي مخطوبة أنا حروح عند الجيران ادور (طيب روحي محد صك عليك خبلة)
وسمر( الله بس هالبنت يرجها)ماوقفت رقص وأمها تناظرها تقول عين التنين اللي أشوفه فالمسلسل الياباني المحترم وهي مطنشة تقول عصفور وأطلقتيه (ياخي خلوها تطلع اللي فراسها هي وفستانها العشبي) المهم أم سعيد بعد ماسوت مخططها خرجت عالناس وجلست فمكانها المخصص لها كنب هتلر ومسوية رزينة وإذا شافت سمر ترقص قامت تهز بعصاتها
وسمر تقولها(وخري لاتاكلين على الجو,ترى مافي شيبة باقي فقريتنا كلهم ماتوا)
وتحين اللحظة
لحظة
دخول يزيد على عبير
أم عادل وأسيل كانوا فيه وأقارب يزيد عالكوشة
دخل يزيد وعبير عشان ماتسوي مشاكل مثل ماوصتها جدتها مابكت ولاشي وكانت ثقيلة ولاسمعت ولاكلمة من أمها هي قالتلها طنشيه ولاتعطينه وجه بس هي بتسوي عكس ماقالتلها جدتها ويوم دخل ماناظر فعبير لأنهم كانوا يناظرون فيه (بسم الله خلوا الرجال مع حرمته)
المهم المصورة تبي تصور فخرجت أم عادل وأسيل بعد وفرولهم اللي يبونه وعبير تبي تناظر فيه بس هو منزل راسه وهو بعد ياعيني مستحي .طيب وش السواة ألحين بتناظرون بعض ولا شلون ؟ المهم المصورة بدت تصورهم ولا يناظرون بعض ههههههههههه الله يخسك ياعبورة صدق مخبل المهم متى ناظروا بعض الصورة الثانية كانت هي تجلس عالأرض وهو يجلس على ركبة وحده ويعطيها باقة ورد اللي هي المسكة المهم عبير فنفسها:إشبها هاذي المصورة ..الله ياخذك إنتِ وأفكارك..ويجي هو مسكين يلبي الأمر وينزل ركبته الله يعينك نزل نزل عشان تمشي الليلة وهو فنفسه:ماشاء الله تبارك الرحمن حلوة والله
عبير وتسحب نفس وقلبها يضرب (الله يعينها حوا على ذا اليوم بس والله يقولون إنها حلوة هاللحظات..يالله الله يرزق فتياتنا وشبابنا إن شاء الله)
عبير وتناظر فإيده وهو يمسك دقنها:تستحين؟(أجل ايش ؟ سؤال مرة مش فمكانه)
عبير تنزل راسها وفنفسها:صوته دافي (ياقليلة الحيا.ترى هي قالت اكتبيها والله إنك غبية ياعبير عاد لاتمسحينها أستاذتنا المشرفة)
المصورة ياحياتي وقفت تصوير وتناظر(اصبري الله يعينك الكناري توهم يشوفون بعض زين )
المهم إنهم تصوروا وخلصوا وهاهم رايحين الفندق وأم عادل بكت بس عبير مابكت والله البنت شبكت مع يزيد (والله صدق من قال رب ضرةٍ نافعة)
والبنات لموا الهدايا عشان بيشيلها تركي عالسيارة
والناس تعشت وراحت بعضها وسعاد وأمها دروا إن سارة مو مخطوبة وأخذوا الرقم من أمها ههههههههههههاي بتشتغل المكنسة ألحين
وأبوعادل مرتاااااااااااااااااح باله وأخوانه يباركونله ومنال مسكينة مقهورة وماخلت أغنية مارقصتها عاد تعالوا شوفوا قهر مع رقص ونعومة ههههههه مايصير والله
...............................
فالفندق
يزيد:عبير ادخلي إنتِ أول (بيتعازمون عالحمام..)
عبير:لاإنته أول ..أنا بشيل اللي على راسي .
يزيد يبتسم:أساعدك
عبير وحمر وجهها :لالا أنا أشيلها
يزيد يبتسم:طيب براحتك..يعني أخش أنا؟(بدري ياالأخو)
عبير تبتسم:همم.
ويوم دخل ..تزفر عبير زفرة من الخوف وتناظر فوق:ياربي ساعدني ..جدة وينك؟(هههههههههه ألحين حبينا أم سعيد؟)
وتسحب نفسها وتشيل فستانها وتلبس الروب وتفك شعرها كانت تسريحة بسيطة
وتعشوا وصلوا ركعتين
وجلس يزيد عالسرير وهي مازالت عالسجادة
يزيد يبتسم ويطالع فيها:عبير
عبير تطالع فالسجادة (شكلها تبي تشوف وين صنعت؟أما أنا ياويلي على هالمسخرة):نعم
يزيد مبتسم:طالعي فيني
عبير وقلبها يضرب وتطالع فيه ويزيد يسألها:إنتِ راضية إنك تسيرين زوجتي؟​

وينتهي البارت هنا
​
 
تسلمي ياعصودةعلى البارت الحلو والحمدلله على عودتك لنا بالسلامة ولا تتاخري علينا لنا سنة ونحن ننتظر شهدك يا عسل
 
هب النسيييم قال:
تسلمي ياعصودةعلى البارت الحلو والحمدلله على عودتك لنا بالسلامة ولا تتاخري علينا لنا سنة ونحن ننتظر شهدك يا عسل
أنقر للتوسيع...
هلا بهب النسيم..ههههههههه
حلوة لنا سنة ونحن ننتظر...طيب طيب أنا أعتذر السنة اللي انتظرتوني فيها كانت
سنة تخرج واختبار لغة ومابغيت أخيب ظن الوالد...ألحين فضيت شويتين قلت اخلص اللي بديته
عشان لما أروح يصير قد خلصت اللي علي
 
انتظروني فالجزء القادم,,مليء بالإثارة
لكنني أسأل الله أن لايتم مسح بعض النصوص
 
يثبت حتي تستطيع عصيد إيجاد موضوعها بسهولــــة
لتكملــــ ولأبداعها فهي تستحق ذلك:msn-wink:​
 
ممتااااااااااااااااازة عصووووووووووووووووووووودة>>كنت ناوية اكتب عبوووووورة >>مندمجة البنت

مبرووووووووووووووووك على التثبيت
وياالا يا بنات جاااااااااااااات المدرسة
ما حااقدر ادخل الا ربوع وخميس وجمعة >>كله بسسببك يالمدرسة اهئ اهئ:8:
 
لاتكفين كملي ماحسبت اشوف اجزاء جديده بليز لاتطولين علينا
ياحلوه عن جد انتي مبدعه روايتك تشد كل فتره اشيك عليها ممتعه عالاخر عليك اسلوب يهبل ماشاءالله
 
لوسمحتوا يابنات وين القى روايه سندريلا الاندونسيه بالله لو تعرفون ارسلو لي على الخاص
 
هلا بنات ..معليش عالتأخير..بس بعيد عنكم سلك الشاحن مو راضي يشتغل..والجهاز كان يبي شحن
وماودولي الأهل إلا البارحة..عاد يومهم بسنة الله لايحرمني منهم...فأعتذر عن هذا العطل..
:8:
الجزء34
فالفندق
عبير بدهشة ولمت عيونها اللي انفتحت بقوة..وسألته:مافهمت!
يزيد يبتسم ويقوم يجلس عالسرير:يعني إنتِ موافقة تتزوجيني؟
عبير وتورطت شلون بتجاوبه ألحين وسكتت شويه وبعدها تكلمت كلمتين:أبوي ماقال مين العريس؟بس قال فيه عريس متقدملك وهو مايتعوض ..
يزيد ويبيها تكمل:............
عبير حست إنه مابيخليها وكملت:وأنا استخرت والحمد لله..
يزيد ارتاح من كلامها وانسدح عالسرير وتنهد تنهيدة إنه مرتاح:الحمد لله.
عبير وزفرة خفيفة ومع نفسها:الحمد لله مشيت يارب عديها على خير.
يزيد وهو يبتسم:عبير أبي أقولك شي..
عبير وتناظر فيه:همممم
يزيد ويبتسملها ابتسامة حلوة:طيب تعالي هنا,,ويأشرلها عالسرير
عبير وتقوم وتشيل طقم الصلاة(سجادة+شرشف) وتروحله ونبضات قلبها مازالت في حالة من الزلزال ويزيد يمسك إيديها:عبير, صح إحنا مانعرف عن بعض شي بس أنا راح أقولك كل شي عني,,وإنتِ بعد لاتخليني,,علميني وتناظر فيه ويغمزلها يزيد.
عبير وتنزل راسها:إن شاء الله.على أمرك
يزيد ويبوس راسها بخفة:مايأمر عليك عدو
فغرفة سهيل وعبيد
لاي ...لالالالالاي...لالالالالاي....لالالالالاي....لالالالالالاي
عبيد حاط السماعات فإذنه وفاك شعره وجالس يرقص قدام المرايا:جالس يدندن,,ماأقدر أكتب اسم الأغنية بس هي للمغني جاستن بيبر ياويلك ياعبيد
وقاعد يستعرض مهاراته.... عند المرايا .
فغرفة طلال
سهيل كان منسدح على سرير طلال اللي كان عالكمبيوتر:مابتقولي؟
سهيل وهو يناظر فالسقف:يوووه ياطلال لاتذكرني.
طلال ويبتسم :ليش؟ قويه هالمرة؟
سهيل يبتسم:والله أمي قويه ياطلال!
طلال ويبتسم:طيب..قول,,
سهيل وهو منسدح يحط إيده على راسه:صار خلاف بينها وبين سارة
طلال فتح عينه ووقف حركة بالكرسي يبي يسمع السالفة يوم طلعت عن سارة
سهيل:عاد يوم إحنا عند سارة .كانت تبكي خايفة من أمي وحالتها حالة مسكينة,,وشوي طلبت أمك جوالها تقول إنها تبيه..عاد إنت تعرف حركات أمك تبي تفتشه ,أنا رحت أكلمها أشوف وش هالسواة مع هالبنت ودخلت أسألها:قلت وشفيك على سارة؟ترى عادي اللي سوته ,,إنتِ مكبرة السالفة يما
وخلونا نقول الحوار..
أم راشد:أنا مكبرة السالفة,,إلا يوم شافتني أرخي الحبل قامت تسوي إنها حرمة وتكلم السواق ؟
سهيل:مين قالك إنها كلمت السواق؟
أم راشد كانت تتكلم بصوت عالي جدا ماتعرف ترخي صوتها(ترى ذاك اليوم أظن باقي دف ونقلبها حفلة صدق والله) :إلا كلمته..
سهيل:ماكلمته..عبيد اللي كلمه ,,وحتى لو هي كلمته وش فيها؟وإنتِ ليش تكلمينه؟
أم راشد:أنا غير..وهي غير
سهيل فتح عينه:ياسلام..ليه ياحبيبتي إنتِ منزه عنك؟يما أقول ترى الحرص الكثير مب زين..ومو كل ماصارت براسك علوم رحتِ تضربينها تراها كبيرة مب صغيرة ,,راعي أخوانها الصغار,,جبتيلها الصرع البنت صارت تتكلم مع نفسها حرام عليك.
أم راشد:أنا حرام علي!وليش مو حرام عليكم؟ليش كل شي ترمونه براسي؟
سهيل عصب:مين رمى على راسك؟إنتِ اشفيك اليوم؟ليش تكبرين السالفة؟تراها ماتسوى.
أم راشد:فيني جني!خلاص؟
سهيل يعصب من أسلوب أمه:يما لا تستخفين بتصرفاتك مع أخواني.إنتِ مربية أجيال وأظن خواتي شايفين المعاملة اللي هنا وهناك (قصده فالمدرسة)
وإذا كان على إن سارة كلمت السايق هذا عادي أنا أشوفه.البنت مؤدبة وماشية ليش إلا تسوين مشاكل معاها وتشككينها بنفسها؟هذا وهي قايمة ببيتك.
أم راشد:إنت ألحين وش جايبك عندي؟من متى إنت تدافع عن أخوانك؟ولا أصلا تتكلم عنهم؟
وتنادي سحر تستعجلها بالجوال وسهيل:جوالها مو ماخذته..ولاتصرخين لأن جنبنا ناس ساكنين ويسمعون..ترى مو مركبين عازل للأصوات..ومن ألحين حطي هالكلام براسك جوال مو ماخذته..وإن ماحسنتِ يما معاملتك لها ترى الكلام بيروح لأبويه..لاترمين أغلاطك عالبنت...مو ذنبها إنها أرملة طيب؟ ويخرج من غرفتها ويقفل الباب بقوة...
طلال فاتح عينه:إنت قلتلها هالكلام؟
سهيل:إي والله..ولايفوتك لحقتني عالغرفة وقعدت تسب ماخلت كلمة مايقولونها فالحواري إلا وسمعتها من امك وقلتلها:بالله عليك يما سم بالرحمن تراه شيطان اللي قاعد يخليك بهالشكل تسوين..ولاتروحين عندها تراني ماخذ جوالها..
ويوم قلتلها كذا أخت علبة البودرة وحذفتها وجت براسي (بودرة أطفال)
طلال وعاض شفايفه:سهيل ترى كلامك قوي! عيب عليك هذا وإنته أكبر منا وتسوي هالحركات
سهيل بقهر:ياخي قهر والله لو مكان سارة لأهج من البيت.تخيل وحدة خانقة عليك حتى لو تأخرت فالحمام ليش تتأخرين فالحمام؟وش تسوين هذا كله؟ أخوانك الصغار يناظرون مب زين لا لأمي ولا لسارة..وفوق هذا كله كارفتها فهالبيت اللي كأنه قلعة بالكبر ومافي حد يساعدهم وحالتها حالة وزيد عليها الدراسة وتحاسبها عالدرجات,,إش هذا والله لأهج أما أنا..حرام عليها ترى والله ربي مايخليها أمك هاذي.
طلال:ولو ياسهيل..طريقتها مع سارة دارين إنها غلط!بس هذا مو يعني إنك تطول لسانك على أمك..
سهيل:عاد هذا اللي صار ومن يوم ماضربتني بالعلبة وراسي يعورني..مدري شصار لراسي.
طلال:تلاقي مكان الضربة مورمة..ماعليك تروح لاتحط فبالك.ولاعاد تطول لسانك على أمي.
سهيل:لاتخاف..أنا عصبتها واليوم الثاني صالحتها.
طلال:الله يهديك بس.
سهيل:آمين يسمع منك.يالله أنا رايح .
طلال: مع السلامة
.....................................................
فغرفة منال
منال محتارة شلون بتفاتح أمها إن عندها دور ثاني ,وقاعدة تفكر بطريقة تكلمها
وشويه يخترق تفكيرها عبير فالزفة كانت حلوة وهاديه بس ماكانت تبتسم..
طبعا يزيد ماانزف معاها ومنال مقهورة ماشافت يزيد وفكرة توديها وتجيبها..
وتدخل عليها منار:ميمي ماما تقول تعالي تقهوي معانا.
منال وهي بين تفكيرها:جايه ألحين
و تجي منار تجلس جنب أخوها سعد:ناديتها..
سعد:يما ليش تحطين بصل فالفطاير؟(سعد مايحب البصل )
أم سعد تبتسم:كيف شفته؟والله مصغرة تقطيعه عشانك!
سعد ويبتسم:هاه,,تضحكين علي!بس أنا كشفتك
ويضحكون
أم سعد:بس صدق ياسعد الأكل كله ببصل...
سعد:أكلكم إنتم ,,أنا ماأحبه وإنتِ عارفة
منار:كيف تعرف إن فيه بصل؟
سعد ويأشرلها عالحشوة اللي داخل الفطيرة:شوفيه داخل مربع صغير قاعد هناك.
ملاك :إنته خايف تطلع ريحة خايسة بفمك؟
سعد ويبتسم:لا مو كذا أنا ماأحب شكله مرة عالأكل ,,
منال نزلت وجلست جنبهم:السلام عليكم
وردوا السلام..ومنال جالسة تتقهوى بدون ماتتكلم معاهم,وأمها ملاحظتها إنها ماتتكلم
فبدورها سألتها:كيف الكلية يامنال؟
منال:زينة.
أم سعد:ترى الاختبارات قربت شدي حيلك.
منال:حاضر.
منار:منال ذوقي هالشوكولاتة مرة حلوة
منال تذوق بدون ماتتكلم..وأمها عرفت إن بنتها فيها شي..
ويرن تيلفون البيت وترد ملاك وتطلع خالتها أم راشد
أم سعد:خلاص قوليلها تسكر وأنا بتصل عليها من غرفتي .
وتطلع أم سعد غرفتها وتكلم أختها:هلا والله بوخيتي ..
أم راشد:هلا والله..
وبعد كيف حالك وكم سالفة ضحكوا عليها..
أم سعد:شفتِ زواج عبير اللي على غفلة؟
أم راشد:إش فيه زواجها؟
أم سعد:حسيتهم بسرعة كل شي..شكله متقدم من أول بس ماقالوا
أم راشد:مدري ..بس تدرين بأبوعادل إذا جاهم عريس زين...هو زي أبوه على طول يوافق بدون ماياخذ راي أحد.
أم سعد:الله يسعدها يارب..بناتك ماشاء الله داقين صحبة مع أم عادل وبناتها
أم راشد تبتسم كانت متوقعة هالسؤال من أختها:جدتهم كانت تناديهم وأم عادل حسيتها متخربطة وأم سعيد طلبتني أعاونها..مع إنك تعرفيني هالحرمة ماأدانيها.
أم سعد:والله فجعتيني يوم شفتك معاها..لاتختلطين فيها لاتسويلك مشاكل
أم راشد:ماعليك أنا قلت بعد زواج بنتها ماعاد بتشوفني أنا وبناتي.
أم سعد:كويس.تعالي ليش اتصلتِ؟
أم راشد وتذكرت:الله يقطع إبليسك نسيت من سواليفك.اسمعيني تراني سرت أزور أخوكِ فبيته
أم سعد فرحت:وأخيرا !الحمد لله بدت تتحسن علاقتكم؟
أم راشد:لا والله لك عليها.الله يحسن الأحوال ,أنا أبي أزوج فيصل
أم سعد وسكتت:...............
أم راشد:ألو وينك؟
أم سعد:أنا هنا بس فاجئني كلامك!
أم راشد:ليش؟عشان قلت أبي أزوجه؟
أم سعد:إيه.ليش يعني؟
أم راشد انقهرت من رد اختها:إش اللي ليش؟خلاص خليه يتزوج وش باقي ماسواه؟
أم سعد:طيب كلمتيه؟
أم راشد:لا.عشان كذا اتصلت عليك..نبي نزوره أنا وإنتِ ونكلمه
أم سعد:طيب دورتيله بنت؟
أم راشد:لاوالله ...أنا قلت إنو راح أساعده فزواجه من وقت مانخطبله لحد مانحط إيد زوجته بإيده.
أم سعد:خلاص صار وخلي علي البنت..
أم راشد:عاد لاأوصيك أبيها متدينة ورزينة وعاقلة,,لاتجيبينها مهفة قد أخوك طاير عقله
أم سعد:الله يهديك يارفيعة ..أصلا قبل ماأتكلم مع أم البنت بوريك شكلها واسألي عنها
أم راشد:خلاص كويس.الله يعطيك العافية..
أم سعد:رفيعة ماقلتيلي متى نروح عند فيصل؟
أم راشد:يوم الخميس إش عندك؟
أم سعد:ماعندي شي.أمر عليك؟ولاتمرين إنتِ؟
أم راشد:أنا أمر عليك..يالله عيني مابي أطول سلميلي عالبنات وعلى سعودي فديته وحشني
أم سعد تبتسم:وحشتك العافية ..الله يسلمك,سلميلي على الأولاد والبنات الله يخليهم لكِي ارب
أم راشد:تسلمين
(خلصونا قفلوا)
أم سعد:يالله مع السلامة.
أم راشد مع السلامة
....................................
فالمسجد
يدخل شاب فعمر راشد ويسلم على راشد وصلوا العشا وبعدها خرجوا..
راشد:هالقيته؟
سند:إيه لقيته ..والصورة عندي شوفها بس السيارة صورها..
راشد ويناظر جوال صديقه:ليش طيب يصورها؟
سند:مدريبه!يقول عاجبته.
راشد ومنقهر من تصرفات الشباب اللي قاعدة تصير:الله يعطيك العافية ياسند.
سند ويبتسم ويحط إيده على كتف راشد:حاضرين للطيبين.يالله الحمد لله ماطلع اللي فبالك.
راشد:الحمد لله.تسلم ماتقصر,,أمانة إذا احتجت شي لاتسكت
سند يبتسم:أعرفك ماتقصر الله لايحرمني منك..
راشد يبتسم ويروح هو وياه يتعشون....
(عرفتم السالفة بنات ولا لا؟
هذا راشد يوم راح يودي سارة تجيب ملابس لملاك وبعدها يوم كان يكلمها فالسيارة صورهم واحد وطلع بس يلعب..صدق أغبياء بعض العيال)
......................................
فبيت أبو عادل
أم سعيد كانت تتقهوى مع أبوعادل بعدها خرج عند الشياب ونادت أم عادل:تعالي اجلسي
أم عادل وتجلس:نعم يما.
أم سعيد:أنا أبي أقولك كلمتين مابعيدهم
أم عادل متفاجئة من أسلوب أم زوجها:خوفتيني يما.
أم سعيد وتناظر فأم عادل:اسمعي يابنيتي كلامي زين.بنتك عبير تزوجت والله ستر عليها ونقول الحمد لله مانعترض على حكمته.اللي أبيه منك لاتقعدين تحرشينها على زوجها ولا تقعدين طول الوقت تتصلين عليها..وتشغلينها عن بيتها وزوجها.عندك كلمة طيبة قوليلها ماعندك لاتخربين حياتها,,الناس عينها بالظاهر مايهمها اللي يصير بالبيوت..
أم عادل:يما يعني عاجبك هذا اللي أخذته؟
أم سعيد:لاعاد تقطعين سالفتي!وبعدين عاجبني زوجها زين مابه شي.إنتِ وخري عنها وهي بتمشي..والشي الثاني ولدك عادل
وكشرت أم عادل وكملت أم سعيد:خافي ربك فيه..تراه ولدك,,الوجبة لما تنحط عالسفرة تنادينهم كلهم لاتسوين حركات الصغار..هو ولدك لاتعاملينه بهالأسلوب ترى الولد مب مثل البنت حليلها تدور وترجع لأمها لكن الولد إذا كره ..كره ولايتمنى شوفتك..وإنتِ حسني أخلاقك مع عيالك وزوجك ترى ماباقي شي من عمرك تلعبين فيه بتصيرين جدة ويصير عندك أحفاد..
أم عادل:يعني إش أسويله؟
أم سعيد عصبت:إش تسوينله؟خليك إنتِ اللي تاخذين منهم لاتخلينهم للي برى ترى الدنيا تغيرت والأحوال ماش والواحد صار يخاف من الفضيحة وإنتِ ماعليك قاصر كل شي متوفر عندك ليش طول الوقت بازة بخشمك؟احمدي ربك على هالنعمة أكلك وضامنته ولبسك عندك وعيالك وزجك حولك..ماتحمدين الله على هذا كله؟امسكي عيالك عندك وخذي اللي فقلوبهم
لاتخلينهم للشارع.عاد أنا كلمتك هالكلام ومابعيده مرة ثانية وخليه فراسك وإذا ضاع واحد من العيال لاتجين عندي تبكين...
أم عادل وسكتت ماتدري وش تقول؟كل الكلام اللي قالته أم سعيد صح.
أم سعيد:اليوم أنا رايحة بيت ولدي قصدها أبو راشد بروح أريح عندهم
أم عادل:ليش يما؟مو مرتاحة هنا؟
أم سعيد:إلا بس أبي أغيير وكلمت سعيد يقول إنه بيرجع الخدامة
وفرحت ام عادل
....................................
صديق سعد عالجوال
ريان:سعد وشفيك إنت؟خبل؟
سعد وهو يلعب:لا مو خبل..ريان وش تبي؟ تراك تضيع وقتي أبي ألعب
ريان:أضيع وقتك؟قاعد تلعب إنت ووجهك..سعدوو ترى الاختبارات قربت وإنته بعدك تلعب؟
ياولد إنت فيك شي؟
سعد وعرف إن ريان مابيخليه وقفل اللعبة:مافيني هذا أنا قفلت اللعبة عشان أسمع وش تقول..
ريان:روح ذاكر..والمحاضرات الأخيرة اللي مالحقت عليها رسلتلك هي عالإيميل..روح شيك عالإيميل..وذاكر
ريان:حاضر.شي ثاني ياصديقي ريان؟
ريان محترق:تتريق حضرتك؟ لاتولع علينا بعدين ياعرق الخواجات وتقول ليش نقصوني؟سلام يالخبل
سعد يضحك بصوت عالي:مع ألف سلامة
ويرد على طلال:هلا طلال تبي شي؟
طلال:أنا بمر عليك آخذك تجهز ويقفل
سعد ويناظر شاشة الجوال:وشفيه ذا المجنون؟ وين بيوديني؟
ويكمل لعب..
.....................................
سارة طبعا مزاجها متعكر لأن أمها شوية عليها..وقاعدة تبخر غرفة جدتها..لأنها بلغتهم إنها جاية..ويدخل أبو راشد ومعاه فواكه وينادي أهل البيت يساعدونه في شيل الأغراض..
نزل عبيد وخرجت سارة من غرفة جدتها وراحو يساعدون أبوهم ...
أبوراشد وهو يحط الأغراض في المطبخ يشوف سحر تسوي كيك ويبتسم :ماشاء الله على بنتي صارت تسوي كيك..لاتنسين تذوقين أبوكِ ..
سحر مستحية:حاضر ماراح أنسى.
ويضحك عبيد على شكل أخته وسارة تبتسم:سحر صارت عروسة أمورة..
عبيد وبصوت منخفض:وحليلها صارت عروسة ..أختي تستحي هههههه ويحط إيده على فمه وأبوه يخبطه على راسه بشويش :ولد لاتتكلم على أختك.
ويدخلون الأغراض وأبو راشد يشوف غرفة أمه مرتبة..وريحتها حلوة
أبو راشد ويناظر فسارة ويدعي فقلبه:يارب تسعدها وتوفقها يارب.
عبيد وهو يدخل كرتون الفاكهة ويفتح عينه على آخرها:سارونتي إلحقي فراولة ياسلااااام
عاد ألحين بتسويلي تارت الفراولة ومحد ياكلها غيري وإنتِ طبعا..
سحر:وأنا؟سارة أنا أحبها بالكيوي..تسويلي؟
سارة وتبتسم:ليش ماتتعلمين طريقتها؟بس مو ألحين يوم الخميس عشان نكون فاضين وعلى راحتنا وتغمز لها.
عبيد ويناظر فيهم مخترع:سارة أنا حجزت قبلها
سارة:إش حجزت؟
عبيد:أنا سويلي بالفراولة
سحر بقهر ومبوزة بفمها:خلاص عارفين إنك تحب الفراولة
عبيد ويغايضها:ترى مو أنا بلحالي أحب الفراولة حتى سارة تحبها.
سحر وتطلعله لسانها وعبيد يطلع لسانه..وتدخل أم راشد عليهم وتشوف الفواكه وتناظر
فسارة شكلها تعبااااااان ومسمرة وإيدينها جافة وطلعتلها بثور سودا على خدودها..
وأم راشد تذكرت كلام أبو راشد وسهيل وعورها قلبها على بنتها.
أم راشد:سارة بعد ماتدخلين الفواكه روحي غرفتك شوفي أغراضك ودروسك وخذيلك حمام بارد.
سارة من داخلها فرحت إن أمها تخاف عليها (مسكينة البنت)
سارة:بس باقي الملابس وانتبه لسحر..
أم راشد:خلاص أنا بسويه كله يالله روحي.
سارة:حاضر.
وتطلع وتشوف راشد داخل البيت ويقفل الباب:هلا راشد.
راشد يبتسم:هلا بسويرة.ها طالعة؟ خلاص إفراج؟
سارة وتبتسم...وأم راشد سمعت ولدها إش قال لسارة وقالت فنفسها
(للدرجة هاذي أنا قاسية عليها)
سمر كانت متروشة ورابطة شعرها ببكلات سحر الملونة مسوية قرنين وقاعدة تذاكر نحو
بصوت عالي..فغرفتها وكل من مر يسمع صوتها ويضحك...ههههههههه رهيبة
سارة دخلت غرفتها وجوالها كان هزاز وكان يرن وراحت ترد:هلا جنى
جنى معصبة:سارة إشفيك ماتردين؟ترى صدق عصبتيبي..
سارة:آسفة والله..خلاص ماأعيدها.
جنى وتزفر زفرة قوية:أوووووووووووه....
سارة مستحية:آسفة جنى,.,
جنى وتسكت:.............
سارة حست إن جنى فيها شي:جنى بلاك ؟تعبانة؟
جنى ماترد:................
سارة وتجلس على الكرسي:جنى؟جنجونتي؟عيني؟
جنى وتقفل عينها :سارة اليوم إش عندك؟
سارة:ماعندي شي.ليش؟
جنى:أهلك متى ينامون؟
سارة:سؤالك غريب جنى..
وقطعتها جنى:جاوبيني.
سارة خافت من أسلوبها:يعني عالساعة 1 البيت كله نايم.
جنى:طيب أنا جاية عندك الساعة 2
سارة وانفجعت:هااااااااااه؟
جنى:إيه جاية مايخصني لاتعطيني أعذار
سارة ومن أسلوبها خايفة :جنى لا الله يخليكِ..والله أمي مو سهلة ياجنى.
جنى:مايخصني قاعدة أقولك..أنا بختنق بموت الليلة إن نمت فبيتنا.
سارة اتفاجئت من جنى:ليه؟وش صايرلك؟أحد مسويلك شي؟
جنى:مابي أقعد فالبيت
سارة:طيب وأمك ماتقول شي؟
جنى:خليها تجي البيت أول..عشان تدري أنا فيه ولا لا..
سارة:ليش هي وينها فيه؟
جنى:لاتسأليني مابي أتكلم فالسالفة.
سارة:طيب طيب عيني سمِّ بالرحمن ..خلاص الساعة 2
جنى:عطيني عنوان البيت ألحين وبالتفصيل.
سارة حست إنها انحشرت:الساعة وحدة اتصل عليكِ..
جنى وبإصرار:لا.ألحين أبيه.
سارة:طيب وتعطيها
وبعد ماخلصت وعطتها ...سكرت جنى..
وسارة بدت أنوار الإسعاف عندها وقاعدة تودي وتجيب وتمسك راسها:ياربي سترك..آآآآآخ يارب توكلت عليك.
.................................
فغرفة سهيل
راشد شاف عبيد عالكمبيوتر:متى بتبشرني ؟
عبيد ويناظر فيه هو يخاف من راشد بس كيف أقول يعني يحترمه بس مثل أبوه:على ايش بالضبط؟
راشد ويمسك راس عبيد:تشيل هالشعر..
عبيد يبتسم بحيا:..............
راشد:وين سهيل؟
عبيد ويعض على شفايفه:فالحمام
راشد ويطالع راشد فالحمام:من متى وهو فالحمام؟
عبيد:مدري.
راشد ويناظره بقوة:عبيد!
عبيد ويطالع فساعته:ساعة ونص.
راشد وفتح عينه:لا هذا زودها..ويروح عنده وينادي:سهيل؟سهيل؟
سهيل كان منسدح فالبانيو الكبير وكان معبيه موية وفيه ورد مجفف وموية ورد (قلة أدب)
والحمام مشغل فيه شموع وحالته صعبة.ويوم سمع صوت راشد دخل راسه جوا..
راشد ويدق الباب:سهيل مب زين تطول فالحمام..ياولد يتلبسونك الجن اخرج الله يهديك سهيل؟
سهيل:خلاص روح..إش هذا إزعاج!
راشد:لا بالله إنك ماتستحي.ولد اخرج يالله
سهيل:طيب.ويكمل استرخائه وطنااااااااااااااااااااش جامد ومايرد على أخوه اللي احترق..
وهو ينادي فيه..
راشد معصب:سهيل تراني قاعد عند الباب ياويلك مني..اليوم!
سهيل انقهر بس مابينله:اجلس حبيبي خذ وقتك وسوي اللي تبي .
....................................
عادل يخرج من السيارة عشان يروح ياخذ جدته من بيتهم:جدة ..جدتي
أم سعيد وهي تمسك عصاتها ومعاها أمل ماسكة أغراضها (شنطة ملابسها صغيرة+أدوية):يالله جاية..
أم عادل تخرج من الصالة وتشوف عادل لحاله:إشفيك؟
عادل ويطالع فالسجاد:انتظر جدتي.
أم عادل وتنادي أم سعيد:يما يالله عادل عند الباب وتمشي تشوف وراها ماطلعت
عصيد:أم سعيد هاذي بلاها ماتطلع ؟اطلعي
المهم سلمت عليهم وراحت وأمل بكت شوي لأن جدتهم ملت البيت عليهم
والمساعدة (خدامة,دادا,شغالة) جابها أبوعادل جديدة استحى يطلبها من يزيد.
.........................................
بيت أبوسعد
طلال يتصل على سعد:سعد خلصت؟
سعد وهو يلعب:وش أخلص؟
طلال عصب:انزل أنا تحت.
سعد وهو يلعب:وين أنزل؟ وليش إنت تحت؟
طلال يسكر:لا هذا يبيله سحب..ويقفل السيارة ويروح بيدخل بيتهم
إلا أبو سعد فتح باب الحوش وشاف طلال وابتسم:هلااااا بالغالي ولد الغالي
طلال ويبتسم بس وجهه محمر من سعد متحلف فيه:هلا والله بعمي ,,شلونك عيني؟
أبوسعد ويصافح طلال ويسلم عليه وقاله إنه يبي سعد
أبوسعد:زين إنك جيت .اللي مايستحي على وجهه طاحلك على موقع ألعاب ماخذه من واحد الله بس... مابي أدعي عليه الله يستر عليه .خرب علينا الولد مايبي يذاكر
طلال يبتسم :لاتخاف ياعمي مو سعد اللي يخلي دروسه عشان ألعاب صح ولا لا؟عاد أنا بوريك فيه.
أبو سعد ويحط إيده على طلال:إي والله عندك إياه.الله يوفقك.تعال خليني أسويلك طريق
طلال فنفسه:هين ياسعد تلعب هاه؟
المهم دخل وخلاه يطلع لغرفة سعد والبنات كانوا فالصالة ودخلوا عند أمهم فالمكتب
منال كانت تناظر خواتها وأمها اللي مشغولة فشغلها اللي فالكمبيوتر وفجأة نادت أمها:يما؟
أم سعد وقفت طقطقة الكيبورد وناظرت فبنتها والبنات يلعبون بازل ليش يناظرون بنت وتبي تكلم أمها:ها يما..
منال:يما ترى علي مادة !
أم سعد تبتسم:مابعد بدت الاختبار وغياب موقاعدة تغيبين..
منال:إحم..نزلوا عندي حرمان
أم سعد وملامحها بدت تصير جد وعصبية:كنتِ تفوتين المحاضرة؟
منال ومنزلة راسها:إيه.
أم سعد:ليه؟
منال:....................
أم سعد بصوت عالي:ليـــــــــــــــــــــــــــه؟
منال انفجعت حتى البنات :..............................
أم سعد وترمي عليها علبة الأقلام..وهي ماتتحرك
أم سعد طبعا سبتها وماخلت شي فيها واسمعوا االعقاب التالي:لاب توب راح آخذه هاذي وحدة وجوال أول ماترجعين الكلية ينحط على تسريحتي ونوم فالعصر مافي تروحين تذاكرين دروسك..اللي سويتيه فالثانوي وواسطات عشان تدخلين الجامعة ماراح أعيده أبدا لماتتوظفين سامعة حضرتك؟
منال منزلة راسها :طيب.
وخواتها يطالعون فيا وأم سعد خرجت من المكتب معصبة وما تبي تشوف وجه منال وراحت تشرب مويه باردة...
طلال يدق الباب بدون مايطلع صوت وسعد يحسب إنها وحدة من خواته.
فرد سعد:ادخلي
طلال فنفسه:هلا والله ادخلي..ويفتح الباب بشويش ويروح يشوفه فعلا كان مهووس باللعبة ويناظر فيه وبصوت قوي:سعـــــــــد!
سعد:!!!!!!!!!!!!!
طلال ويروح عنده ويمسك آذانه ويسحبهم:أنا متصل عليك عشان ايش؟يالغبي؟
سعد ويتألم:آح....آآآآآآآآآآآخ...طلا....يعور
طلال ويحس بالانتصار وهو ماسكك إذنه يناظر فالشاشة:هذا اللي شاغلك عني؟بس لحظة ويجرب يلعبها وسعد يشرح طريقة اللعبة وأذنه الثنتين محمرة وطوبدال مايروحون المشوار اللي كانوا متفقين على يزيد خلوه...
سعد:هاذي اللعبة ودي أدخلها لغتها مافهمتها..
طلال:ندخلها ليش ماندخلها؟أظن هاللغة يابانية حرة لحظة بترجمها عندك برنامج الــــــــ حق الترجمة؟
سعد:لا...طلال سيارتك شغالة؟
طلال:لا بس الباب مو مقفول اللي من جنبي..
سعد:هات أقفلها...
طلال:ماعليك عليها حق الأمان..
سعد ويجلس فالأرض ويفتح دولاب المكتب ويطلع شيبس ليز الكبير وياكل
طلال ويناظر فيه:سعد إنت دمار..
سعد:أدري..
.............................................
سمر خلصت مذاكرة وفكت شعرها ولمته تقول راسها يعورها وتنزل المطبخ تبي تاكل وهي نازلة تشم:أشم ريحة فواكه .من وين جاية؟ماظنتي حد جاب فواكه
أبوراشد قاعد فالصالة ومعاه أم راشد :إلا فيه فواكه
سمر وتطل من الدرج وهي نازلة:فيه ؟بالله عليك؟
أبوراشد:روحي شوفي طيب.
سمر وتبتسم:والله إنته ياأبويه ..
أبوراشد:رهيب! ويقلدها:أدري
وتبتسم أم راشد...وتروح المطبخ وتفتح الثلاجة:ياسللللااااااااااااام...إن الله خير الرازقين
يالله ألحين هالكرز مع الموز فآيس كريم وتروح المخزن اللي داخل المطبخ:ومن هنا نخرج علبة مكرونة وتروح تفتح الثلاجة وتطلع علبة صدور دجاج وكرنب :ألحين كملت الأغراض
وشوية تدخل أمها :سمر لاتاكلين من الصينية اللي هناك..هاذيك الصينية راح يجلسون عليها بابا وأخوانك.
سمر:طيب
أم راشد تناظر فالأكل اللي خرجته سمر:ألحين بتاكلين هذا كله وبالليل ؟
سمر:لالا هذا مو لي ياحسرة هذا لأخواني
أم راشد:آها..وخرجت.
سمر :ههههههه...قال لأخواني قال والله مايذوقونه...هين!
.............................
فغرفة سهيل
سهيل:راشد إنت عند الباب؟
راشد:إيه..طيب ياسهيل هذا كله فالحمام..إن ماجبت عامل وشلت البانيوهات الثنتين وركبتلك أبو مربع مايكون أنا راشد..
سهيل وبيبكي:راشد حرام عليك روح عندي شغل..
راشد:وش شغله وليش طيب قاعد فالحمام هالوقت كله؟هااااه؟
سهيل:عشان أنا أعاني من ضغوطات فحياتي (ويضحك عبيد)ومحتاج لهالحمام..
راشد:لا والله ضغوطات؟طيب اخرج اخرج
عبيد:راشد إنته روح شويه وارجع..يمكن يطلع
راشد:مو متحرك أنا متحلف فيه..
عبيد:ترى مابيخرج...ويأشرله أنا بناديك
راشد يبتسم:لا مو خارج...إنته عاد من عينته ضايع ..
يرن جوال راشد ويلاقيه العنود ومازالت ترن...
سهيل من داخل الحمام فرحان إن راشد بيروح:وينك ياللي تتصل من زمان..
عبيد فرحان:وأخيرا..
راشد:ألحين راجع...ويخرج من الغرفة وعبيد بسرعة يقوم يقفل الباب ويروح لسهيل:راح اطلع
سهيل ويفتح الباب:آآآآآآآآآآآآآآآه.......من جد ثقيل دم هذا راشد
عبيد يبتسم:البس البس محد قالك تسوي حمام ضغوطات ويضحك وهو رايح
سهيل:تضحك حضرتك؟
عبيد:ماضحكت..ههههههههههههههههههه
سهيل ويكوم المنشفة ويرميها فوجهه وعبيد يضحك.
.....................
فغرفة راشد
راشد وبيبدى يعصب:العنود لاتحاولين تقنعيني!أنا قايلك تصوير مابي
العنود مقهورة:ليش طيب؟
راشد:مايجوز التصوير..إشبك إنتِ؟
العنود بتبكي:راشددددددددد الله يخليك حبيبي...
راشد:شوفي عنودة أنا أي شي أسويلك إياه إلا التصوير والزفة مابي..فهمتِ؟
العنود:حرام عليك ...
راشد مايبي يخرج كلمة منه مش حلوة والزواج قرب:تبين شي ياعنودة؟
العنود حست إنه مايبي يكلمها:مابي شي.
راشد:تصبحين على خير..مع السلامة
ويطالع فجواله:الله يهديكِ بس! ويروح غرفته ونسي سالفة سهيل
..........................
فالصالة اللي تحت
أبوراشد:أقولك ترى أنا حجزت فقاعة ليلتي ..
أم راشد فتحت عينها:من جد؟
أبوراشد:إي والله مع العشا والضيافة وكلمت راشد
أم راشد:طيب والسكن؟
أبو راشد:فاليومين هاذي طالع مع راشد أشوف الشقق اللي اختارها
أم راشد:أبوراشد لازم تخلصون بدري عشان يمديني أنسق الأثاث..
أبوراشد:مايضر إذا فيه فلوس كل شي بيمشي إن شاء الله..
أم راشد:الله يعينك ويخليك لنا ماتقصر..
أم راشد:بغيت أقولك إن فيه حرمة كلمتني على سارة
أبوراشد:من جماعتنا؟إذا مو من جماعتنا لاتجي الله يستر عليها
أم راشد سكتت لأنه ماراح يوافق حتى لو أقنعته
.............................
عند باب بيت أبوراشد
عادل:وصلنا ياجدة يالله ننزل
أم سعيد:بسم الله وتفتح الباب وتنزل..
عادل راح يخرج أغراضها ودخلوا ورحب فيهم أبوراشد وأم راشد راحت تنادي أولادها ينزلون وشافت راشد مسرح فغرفته ويوم جت تسأله هو مابينلها إن فيه شي مايحب يزيدها..ونزل ويوم شاف سهيل يسولف مع عادل :هين ياسهيل!
.............................
سمر فالمطبخ أبوها رد الباب عشان مايسير تكشف على عادل ههههههههههههه
وسارة رايحة راجعة وش تسوي حتى وهي خارجة من الحمام في جسمها كان فيه آثار رغوة..ولبست وصلت ركعتين وقاعدة تدعي ..وتدخل أمها وتشهق
أم راشد:للدرجة هاذي أنا أخوف؟
سارة:لا..لا..ماتخوفين بس
قطعتها أمها:بكرة كم محاضرة عندك؟
سارة:محاضرتين..
أم راشد:طيب تجهزي بجي آخذك عشان بشرتك تعبانة وإيدينك رطبيها وشعرك غطيه عن الهوا لايتكسر..
سارة:حاضر.
أم راشد:عندك واجبات؟
سارة:لا
أم راشد:طيب يالله نامي
سارة:طيب
أم راشد:قومي أبي أشوفك,,أطمن
سارة وقلبها طبول وفنفسها:ياويلي لو تدري إن جنى بتطب اليوم
وتنسدح عالسرير وتتلحف...وتبتسم أم راشد وتروح تسكر الباب.
...............................
أبوسعد درى بسالفة منال ومازعل على عكس أم سعد وقعد يهديها وإنو لازم نعطيها فرصة ....
أم سعد بعد مامسحت دموعها :طلال باقي مع سعد؟عشان أروح أسلم عليه..
أبوسعد وياخذ منها المنديل ويرميه:إيه باقي شكله انعدى من سعد..ولدك دمار
وتضحك وهو يضحك معاها...
وتروح وتسلم عليه وطلال حس إنه تأخر فاستأذن منهم وتواعد هو وسعد على بكرة
وهو خارج جواله يرن:ياويلي من أبويه..
ويوم شاف شاشة الجوال فيها سارة:هلا سارة..غريبة تتصلين فهالوقت
سارة وخايفة:طلال عندي مشكلة ومدري شسوي؟مو عارفة شلون أتصرف
طلال:إشفيه عيني؟
سارة:إنته وينك؟
طلال:أنا عند سعد بس ألحين برا فالشارع تقدرين تتكلمين
سارة:خلاص أجل لما تجي البيت.
طلال:طيب على أمرك
.......................................
جنى:ليش مايوافق؟ تحسبيني قاعدة أذاكر وذابحة عمري عشان تقولين أبوكِ يقول لا؟مستحيل أنا أقنعه وبتشوفين
خالتها:إنتِ هيه؟
جنى:إنتِ مايخصك,,مين أمرك تنتفين السماعة من أمي؟رجعيها يالمؤدبة
خالتها:غصبا عنك مؤدبة
جنى وبقرف:ياشيخة حيلك بس..طول الوقت مواعظ مع حبيبك والليل فهالمنتديات تنصبين عالبنات
وخالتها تولع من هالكلام...........
عصيد:أقول تراني واصلة صفحة 30 قولوا ماشاء الله..ترى نفسيتي خايسة مدري..أخاف إنه يبيلي عصيد ومعه حليب ناقة..
نرجع وش كنا نقول...
وجنى تسكر فوجه خالتها المجنونة..وتضرب برجلها فالسرير وتتألم بس تطنش
وشوية تتذكر سارة وتتصل عليها وسارة مسكينة يوم شافت اسم جنى انصرعت مسكينة:هلا..
جنى تبتسم:هلا بسارونة
سارة:...............
جنى عرفت إنها خايفة وحبت تطمنها:سارة لايكون تحتريني؟
سارة:احتريك؟
جنى وتضحك بس باستهزاء:ههههههه...سارة ماأقدر أجي
سارة:ليش طيب؟تلعبين علي؟شوية بجي وأعطيني عنوان البيت وألحين تقولين لا؟
جنى فتحت عينها من رد سارة:تبيني أجي؟
سارة مقهورة بس مرتاحة:إنتِ إش رايك؟
جنى:أنا يوم عطيتك الخبر بس كانت فكرة من راسي أبي أشوف ردة فعلك..
سارة بدت تزعل:تلعبين فيني ياجنى؟
عصيد:أوووووووووووووه سارة بتزعل!
جنى حست إن سارة بتزعل:لاياعمري ماألعب فيك..بس إنتِ بعد من أقولك جاية تتخرعين
ومدري وش يصير فيك؟صراحة تخليني كأني مخلوق غريب.
سارة متفاجئة:أنا؟
جنى مبتسمة:إيه إنتِ..شكلك ماتلاحظين نفسك..طيب بكرة بقولك إني جاية وشوفي نفسك شلون تردين علي...
سارة متفاجئة:أنا أسوي هالأشيا؟
جنى :إيه تسوينها ..عاد أنا أحب عمري وما أرضى عليها وإذا إنتِ ماتبيني أجي خلاص خليك قدعة وقولي أنا ياجنى ماأبيك تزوريني..مو صعبة ترى..صح؟
سارة انحرجت:إمممم..طيب أنا آسفة أدري إني ماأستحي على وجهي بس شسوي؟أمي مو متساهلة معي..ومو أي شي يرضيها..صعبة أمي صعبة
جنى:لا مو صعبة ...
وقطعتها سارة:ماتعرفينها لاتحاولين تنصحيني شلون أتعامل مع أمي
جنى:لا هاذي مو معاملة..إنتِ عودتيها تسمعين كلامها ولا تناقشين..وأي شي تقوله حاضر مافي أي حوار..إنتِ حتى فمستقبلك حياتك تقولين طيب ماكأنك إنتِ اللي بتعيشينها ..
سارة:شسوي ياجنى ماأطيعها؟
جنى:سارة لاتصعبينها ياعمري ..قاعدة أقولك ناقشيها فأمورك مو تسكتين..
سارة:بحاول..
جنى وتبتسم:حاولي ياعمري ولو إني عارفة مافي تقدم..بس مابزعلك وأخليك زعلانة فديتك..أنا من حبي فيك قاعدة أعلمك عشان بتعيشين لحالك وماما مابتكون معاكِ..صح؟
سارة:صح الكلام..
جنى:كويس .سارونتي فهمتني جعلك ماتفارقين حبايبك
سارة تبتسم:شهالكلام؟
جنى:مايخصك لاتعاتبيني بعد الساعة 8هذا كلامي
وتضحك سارة
جنى:دوم هالضحكة
سارة تبي تتطمن:يعني مو جاية؟
جنى وفهمت سارة:لاء .مو جاية.ارتاحي وأحلام سعيدة وهاذي بوسة قبل النوم
يالله بااااااي
سارة:مع السلامة

سارة فنفسها:يعني شسوي؟صدق أمي مو أي شي يرضيها..إش قصدها أناقش أمي؟لوناقشتها بتقول أراددها وأطول لساني ..طيب لحظة!أنا إشفيني اتخصبقت يوم قالتلي جاية..عالأقل كان مابينتلها ..ألحين وش بتاخذ عني فكرة شينة...أوووووووف
وشوية تكتشف إنها تتكلم مع نفسها ..يعني طريقة حوار مع نفسها جالسة ترتب أفكارها..
وتمسك راسها وتقول:سارة إنتِ لازم تتغيرين..يعني صادقة جنى..أنا الخبلة ليش خفت؟يعني أنا خايفة منها ولا من أمي لاتشوفها بشكلها؟؟؟؟وتحرك راسها لليمين وتسأل نفسها:شكلها؟والله حليوة بس!بس أمي بترضى؟بتقول وش هالأشكال؟طيب أقول لجنى تغير شكلها؟وتنفض شعرها من جهة اليمين :هيه وش قاعدة أخبص؟..خليني أنام راسي عورني وأنا أفكر لهالبنت.
...........................
سمر بعد ماأكلت كان باقي أكل قالت بطلعه معاها عشان تنقنق عليه..وهي تمشي تشوف نور غرفة راشد مفتوح وتدخل:راشد؟وراك مانمت؟محتار فبيت شعر تبي تقوله للعنود؟
راشد يناظر فيها ويبتسم على خفيف ...وتروحله سمر وتحط إيدها على كتفه:رشود أخويه الكبير..وراك زعلان؟وشايل هموم الدنيا على راسك؟ خاف عليه لاتقرع تراني مابكنس شعرك أخاف يوصخ المكنسة حقتنا وعاد تعرف سارة بتبتلش مسكينة ..
راشد ضحك من كلامها:الله يهديك ياسمر..ليش ماتنامين؟
سمر:ألحين بروح بس قلت أدور زباين يذوقون أكلي المتواضع القادم من الصين..ذوق وأعطيني رايك
راشد ويذوق:حلوة......بس لو ماتكثرين صويا ياسمر
سمر وتجلس:ألحين إنت ليش ماتنام؟مو عوايدك سهران؟لايكون مشتاق؟ ولا تعبان ؟ولا إيش بالضبط؟
راشد يضحك بخفة على طريقتها ..لما يجيها كلام من الكبار وماتقدر ترد تمشي كلامهم يعني تسوي طاف عالكلام..
سمر:ليش تضحك؟
راشد:مارحتِ عند جدة؟
سمر:لامارحت..جت يوم أنا أطبخ ويوم إني رايحة أسلم قالولي عادل فيه..وخليتها ويوم مريت ألحين عليها لقيتها نايمة وشكلها تعبانة من الهذرة قلت يابنت خليها تاخذ راحتها بنتشاوف بكرة..المهم إنته ماقلتلي وشفيك زعلان رشود؟
راشد :مو زعلان بس متضايق شوي..
سمر:من مين؟عنودة؟
راشد مايرد وسمر تسكر الباب وبصوت منخفض:ها رشودي ...قول أنا بساعدك
راشد ويناظر سمر:أقول سمر وش عندك بكرة؟
سمر:ماعندي شي..وأختك طبعا قالت بنغسل السجاد
راشد:الله يعينكم..وسكت
سمر:قول إشفيك سكت؟
راشد:طيب لايطلع عند أمي..
سمر:مابيطلع..
راشد:العنود تبي تصوير وإنتِ تعرفين التصوير مايجوز..
سمر وتهز راسها:ياحبيبي ومرتك معندة..
راشد:مدري إش عندها فالتصوير ياسمر؟هلكتني وهي تتصل وتقنعني..
سمر:طيب ليش مافهمتها؟
راشد بصوت منخفض:أقولك هلكت وأنا أشرح..
سمر:تبيني أحاكيها وآخذ سارة معي؟عاد هي تحب سارة..
راشد:مدري عنها .أنا مابي توصل السالفة لأمي وتقعد هي وياها يتنازعون..
سمر:لاماعليك مابتوصل بفهمها بطريقتنا ماعليك..يالله ألحين ريح ووراك شغلات موشغلة وحدة.. عاد أنا ماأعرف شلون أقول بس يالله نام ..وخلي الحرمة أنا أضبطها..
راشد يبتسم وفنفسه:ماأظن تقدرين,,
سمر:ليش تناظرني وتضحك؟والله إنت مشكلة ..يالله تصبح على خير..
راشد وهو يضحك:وإنتِ من أهله..ويروح سريره :سمر سكري النور..
سمر:حاضر وسكرت النور وراحت...
طلال كان رايح لسارة واتصل عليها ماترد واستغرب ماترد وراح غرفتها لقيها نايمة وراح ينام..ويعدي اليوم..والكل يروح دواماته كالعادة..وأم راشد ماداومت عشان عندها أشغال
وقعدت تفطر مع أم سعيد ويسولفون وينزل طلال ويجلس معاهم
..........................
فمدرسة عبيد
عبيد كان فالفصل ساكت يسمع لواحد من العيال..المهم عبيد لما يداوم وش يسوي ؟
يفتح شعره ويشيك عمره والأساور وحالته حالة..بس هو كان جميل
في فصل ثالث ثانوي كان فيه شاب دايم يمر من فصل عبيد وهالشاب كان منحرف يعني معروف عنه فالمدرسة من قبل العيال إنه مانقرب من عنده..لأنه منحرف أوكيه بنات!
المهم عبيد ماانتبه إن فيه واحد يلاحقه ...
الشاب هذا كان اسمه خالد:شباب لاتنسون فالصرفة طيب؟
الشباب:طيب طيب..
....................................
جنى كان عندها محاضرات فكانت تبي تشوف سارة فصديقتها تسألها:جنى بلاك ؟
جنى ماسكة أعصابها وكانت تكتب المحاضرة مع الدكتورة:مافيني شي..
البنت:وحشتك البنت اللي مو راضية تقولينلي اسمها؟
جنى وبدون ماتناظر فالبنت وكانت تكتب:إيه وحشتني واجد.
ههههههههه المهم راحت بعد المحاضرة ركض على مبنى سارة ومالقيتها وبغت تنجن وتذكرت الجوال وراحت تطلعه ولقيت ثلاثة مكالمات ورسالة
((جنى حبيبتي صباح الخير ,,كنت أبي أسولف معك,,بس أمي مرت علي عشان بتوديني للمستشفى,,سلام عيني))
جنى ومقهورة:يوه ياسارة لو تدرين كيف فرفرت من المبنى..وكانت بتتصل بس تذكرت أم سارة وراحت تمشي فالساحات ..
..............................
عالصرفة عبيد كان يشيل كتبه من الطاولة ودرج الطاولة يتأكد مافي شي نسيه ولا حاجة..
ويرن جواله لأنه مسموح بس يكون مقفل وقت الدروس ووقت الفراغ يشغلونه فشغله هو واتصل عليه سهيل:هلا عبيد..
عبيد مبتسم:هلا بأخوي سهيل..شلونك؟
سهيل مبتسم:زين والله..أقول عبيد تراني قريب من محل دونات ماجيك ماتبي أشتريلك؟
عبيد يحب الدونات وخاصة اللي عليها سكر :إلا أبي..لاتحط 5 حبات ..
سهيل:أجل كم تبي؟
عبيد:10 حبات ياسهيل..
سهيل يبتسم :حاضر حبيبي..يالله عشر دقايق احسبلي وأنا عندك
عبيد مبتسم:ماشي..يالله سلام
سهيل:سلام
................................
عبيد كان نازل على تحت وخرج من المدرسة وراح عند أول الشارع..وهو واقف لم شعره ولبس الكاب ويجي ولد صغير وجهه محمر من الشمس ويبكي وشكله يحزن ويمسكه عبيد من إيده ويطلع مناديل معطرة من شنطته ويمسح إيدينه وياخذه ويروح يشتري مويه ويغسل وجهه ويخليه يشرب ويمسح وجهه بالمنديل والولد يتكلم:أبي أروح البيت بس نسيت من وين؟
عبيد وينزل لجسمه:ماتعرف محل قريب من البيت؟
الولد:فيه محل استديو تصوير بس مدري من وين أروحله؟ويتذكر:إيه أبويه كتبلي عنوان البيت بس مافهمت خطه..
عبيد:طيب عطني إياه أشوفه وأعطاه الولد وعبيد راح معاه يوريه..وهم داخلين على اللفة اليمين يتصل سهيل ويرد عبيد:هلا سهيل
سهيل:عبيد أنا واقف فالمكان وينك؟
عبيد وتوه بيرد وتجيه ضربة فبطنه ويتألم:آآآآآآآآآآآه ...ويطيح فالأرض وكان الولد الصغير مو موجود بس كان فيه 3 شباب متفاوتين فالطول وواحد منهم هو اللي ضربه فبطنه وجوال عبيد طاح من إيده من قوة الضربة ويوم قام بيدافع عن نفسه ضربه الثاني فصدره وطاح فالأرض وسهيل انجن مو عارف يلاقي عبيد ووقف السيارة وبدا يمشي ويدور على أخوه ويسأل واحد من اللي واقفين شفت واحد لابس كاب كحلي ..دايم يوقف فهالمكان وعلمه على سالفة الولد الصغير ووين راحوا..وسهيل يمشي وجواله شغال يسمع الأصوات.......
عبيد يكح من قوة الضربة اللي على صدره ويجيه الولد المنحرف:ماعرفتني ؟
لأن الشباب اللي ضربوه لافين شماغ على وجيههم يعني متلثمين إلا الولد المنحرف مش متلثم
عبيد ويطلع بنص عين من الألم وعرفه المشهور بالمنحرف وعبيد يدعي إنه ماعرفه:لا
ويمسكه الولد من ثوبه من صدره:ألحين أقولك مين أنا
ويشيل كاب عبيد ويشوف شعره وعبيد يقاوم وتجيه ضربه على ظهره من واحد من الشباب ويمسك خالد ثوبه ويقطعه وعبيد يصرخ ويرفس برجله والشباب كانوا وافقين ومخلين خالد يضربه ويجي عبيد يدفه بركبته فبطن خالد وخالد تألم ويجي واحد من الشباب ويرفسه فصدره وعبيد يسعل ومو قادر يتنفس ويطيح وخالد يكمل تقطيع فملابسه وعبيد صرخ بأعلى صوته:لا..ياحمـــــــــــــــــــــــــــــــــــــااااااااااااااااااااررررررررر
خالد يضحك إنه انتصر عليه:ها عبيد ويلقط أنفاسه..عرفتني ألحين؟باقي ماخلصت...
عصيد :::بس أنا خلصت ...
 
أعتذر كررت المشاركة لو تمسحيها لي ياأم همس ...عشان الخط
 
أم همس المعطائة قال:
يثبت حتي تستطيع عصيد إيجاد موضوعها بسهولــــة


لتكملــــ ولأبداعها فهي تستحق ذلك:msn-wink:​
أنقر للتوسيع...
ثبت الله قلبكِ ياعسل ...شكرا عالتثبيت..
لكِ كل الحب ياعسل..سأجتهد وأنهيها حالا:23:​
 
اسيرة ذكرياتها قال:
ممتااااااااااااااااازة عصووووووووووووووووووووودة>>كنت ناوية اكتب عبوووووورة >>مندمجة البنت

مبرووووووووووووووووك على التثبيت
وياالا يا بنات جاااااااااااااات المدرسة
ما حااقدر ادخل الا ربوع وخميس وجمعة >>كله بسسببك يالمدرسة اهئ اهئ:8:
أنقر للتوسيع...
ياهلا بأسيرة والله,,الله يبارك فيكِ
ويعينكم عالمدرسة..:10:أنا خلصت
 
عطر الليالي قال:
لاتكفين كملي ماحسبت اشوف اجزاء جديده بليز لاتطولين علينا
ياحلوه عن جد انتي مبدعه روايتك تشد كل فتره اشيك عليها ممتعه عالاخر عليك اسلوب يهبل ماشاءالله
أنقر للتوسيع...
هلا بعطر الليالي..
وشكرا عزيزتي على إطرائك لي..إنما هو وسام على صدري..لكِ كل الحب
 
الحالة
مغلق و غير مفتوح للمزيد من الردود.
عودة
أعلى أسفل