الجزء 28
الساعة 3ونص البيت كان هادي وطلال وصل البيت وهو يدخل كان يتأفف:ياالله حر بالحيل..
ويمشي ويدخل المطبخ ويشوف سمر تغسل الصحون وماحست فيه ويبتسم ويمشي بشويش لعندها ويقرب فمه من إذنها:سمر...
وسمر تخترع وتصيح:يمااااااااااااااااا..ومن الخوف أخذت القدر وضربت طلال
وطلال يضحك ويمسكها:بس بس خيستِ ملابسي!
سمر:أحسن..مهبول ماتعرف تسلم؟تكح؟تستهبل بصوتك؟ولافالح تروعني؟
طلال ويسوي شعره:سمر؟ويمشي إلين ماوصل عندها :سمورة..فوجهك فيه حبة..لايكون مكثرة دهون؟
سمر اخترعت:بالله عليك؟حبة فوجهي؟وتدفه:روح حجرتك..دام النفس طيبة روح أزينلك
طلال:يوه ماتخافين تتشوه بشرتك؟
سمر:لاوالله ولافكرت.يكفي إنك إنت وأخوانك حلوين وتهتمون بأشكالكم أحسن منا ياالبنات..
طلال:هههههههه هاذي هي أختك سحر تهتم فبشرتها..
سمر:هاذي المدلعة ماعليها كلام...أقول طلال ..تراني تعباااااااااااااااانة وأمك ألحين مابتقصر فينا بتفرفر فالأسواق عشان أخوك راشد ..فلاتجلس تعورني بكلام أنا نسيته ومابي أرجعله..وخر عني ولاتخرب أفكاري..
طلال:آآآآآخ منك...طيب مابتغديني؟
سمر:عيوني لك روح غير ملابسك تلاقيه جاهز..يالله
طلال ويبتسم لأخته بحنية ويروح.
سمر وفخاطرها:الله ياطلال إنت تقولي بشرة وأمك تقول رقة ونعومة وش باقي بعد؟
؟؟؟؟؟؟؟؟؟؟؟؟؟؟
طلال وهو طالع يسمع راشد فغرفة سهيل ويدخل عندهم:السلام عليكم ..هاأشوفكم مانمتم؟
عبيد:ياخي هذيلا رجوني..مدري شلون بنام ألحين؟
طلال ويبتسم:وشفيك ياراشد؟روح غرفتك نام..
راشد وجالس فسرير سهيل:اليوم فيه زواج صديقنا فالعمل وأقول لسهيل تعال..يقول مابي وقاعد أسأله ليش؟
طلال:سهيل ليش ماتبي تروح؟
سهيل ويبتسم:مابي أروح حر..
راشد:ها؟شفلك ..ألحين وش السواة ؟
طلال:أنا أروح معاك..إذا تبيني
راشد وراح لطلال:والله تروح معايا؟
طلال:إيه أروح معاك..
عبيد:حتى أنا جاي بس اخرجوا خلوني أنام..
راشد وفرح :ياسلاااااااااااااااام عليكم ياأخواني فديت روحكم والله..
سهيل:أجل أنا بروح معاكم..
راشد:لاتجي..مابيك..ويروح
طلال:ليش ماتبي تروح؟
سهيل ويقوم من عالسرير:طلال قفل الباب ويقفله طلال :إشفيك؟
سهيل وبصوت منخفض:ترى شفت اليوم مصيبة ..ويقوم عبيد:صل عالنبي
ويصلون عليه..
طلال ويجلس جنب عبيد:وش مصيبته؟
سهيل:اليوم فالمكتب وصل للشباب بلوتوث وشفت خالكم المحترم سكران !
طلال وعبيد:؟؟؟؟؟؟؟؟؟؟
طلال:لايكون معاه حرمة؟
سهيل بصوت منخفض:هو فيه بنات بس خالكم كان منتهي وطايح فالأرض...الشباب كانوا يعلقون عالبنت والي معاها يرقص ماطالعوا فخالك..بس يوم قالولي شوف والله انصعقت من خالكم وهم استغربوا:قلتلهم هالمناظر ماأحبها..والله فار دمي حسيت راسي بينفجر..حتى البنت يعرفون اسم جدها تخيلوا ويعرفون بعد وين ساكنة.أنا خلااااااااااص كرهت البنات حسيت إنهم وصخات والله حتى خايف أتزوج وخايف أحب...
عبيد:ألحين خالكم شلون نلاقيه؟
طلال:لحظة ألحين فيه أحد غيرنا يعرف؟
سهيل:لا..
طلال:أجل اسمعوني خواتي مايسلمون عليه لما يجي بيتنا...طالما إنه يجلس مع فاصخات مايجلسون خواتي معاه..وإحنا لازم نطب عليه فالشقة..لازم والله لأكسره بإيديني..أمي لودرت بتنجلط...
سهيل:والله يوم شفت البلوتوث أمي جت فبالي على طووووووول..بس متى نروح؟وحضراتكم مواعدين راشد؟؟
طلال:إحنا نودي أمي وخواتي السوق وبعدها نروحله..والله هزيت بدني ياسهيل..
عبيد:إي والله النوم طار..هذا مايخاف الله؟
سهيل:الله يهديه
طلال وعبيد:آمين..
.............
ملاك دخلت تتوضا وخرجت راحت الصالة وفرشت سجادة ولبست شرشف الصلاة وبدت تصلي وبإيدينها الصغيرة:الله أكبر
ويخرجت منار وتطالع فأختها وتعجبت:يوه ملاك تصلي؟!وأنا ماأصلي؟فشلة وربي!
منار تروح تمشي فالصالة وتتكلم مع نفسها:ياالله أختي الصغيرة تصلي وأنا ماأصلي..ليش طيب؟للدرجة هاذي سارة غيرتها؟مايخصني والله لأروح..بلامنال بلا كلام فاضي..
سعد كان جالس على مكتبه ويخرج الورقة ويفتحها ويطالع فالملامح اللي رسمها ..وتذكر طلال يوم كان يقرا أوراقه..وابتسم:الله ياسارة خليتيني زي المجنون..وياخذ المرسام ويكمل
...............................
تركي يوم تأكد إن أبوه خرج من العمل خرج هو بعد وراح بيت جدته وتغدى وانسدح جنب أخوه:آآآآآآآآآآآه الأكل لذيذ بالحيل..
عادل:أقولك أكل جدتي مايتفوت..
تركي:ياليته سبني من أول..
عادل:لاصدق والله ليش تشرب؟
تركي:وإنت ليش تشرب؟
عادل:مدري..
تركي:بس أنا مقهور وأحس ودي أضرب أبوي..خلاني أفصل من المدرسة اللي أحبها ورماني فالشغل المكتبي اللي ماأحبه..أنا واحد يحب يطلع وينزل ويتمشى ويراقب..أما كرف 8 ساعات على ورق هذا الجنان..ماأحب الحكرة صدق والله..ماأحبها لاتضحك!كنت مدرس وش حلاتي أشرح بكل إخلاص والطلاب وش حلوهم ..أياااااااام بس شسوي بحظي العاثر ؟
عادل:إنسى ياتركي انسى..آهم شي تفهم شغل أبوك حتى تتعلمه...محد صار يعطي شي ببلاش..
تركي:إي والله الناس نسيت البلاش..إلا تعال بسألك!
أبوعادل رجع البيت وتغدى وأم عادل خايفة لايسأل وراح بدل ملابسه وتغدى وبعد ماخلص راح للخدامة:أقول حليمة..مين نظف الدور اللي فوق؟وقولي الصدق ولا ماعاد فيه شغل..
خافت الخدامة:أنا في يسوي..عشان مدام يقول هي تعبان وأنا في طبخ....
أبوعادل وبدى يحمر وجهه:عبير مانظفت اليوم؟
حليمة:لابابا مافي نظف!
أبوعادل:روحي روحي..
ويروح أبوعادل فوق ويفتح غرفة عبير ويلاقي معاها أمها وبهدوء:بنت إنتِ نظفتِ هالدور؟
عبير تطالع فأمها:إيه..
أبوعادل ويهز راسه بأسف ويرفع نظره بعصبية ووقفة مشدودة:اسمعي بيجيني رجال بعد المغرب روحي سوي قهوة سامعة؟
أم عادل:طيب كلم الخدامة..
أبوعادل مايرد عليها..ويروح يتصل على عادل ويرد عادل:هلا أبويه
أبوعادل:شلونك؟
عادل:زين والله إنت شلونك؟
أبوعادل:أنا زين بخير..أقول عادل إنته مابترجع البيت؟والله البيت موحش
عادل:أرجع ياأبويه بس بجلس في بيتي..
أبوعادل:ماعليه اجلس .المهم تجي البيت..
عادل:خلاص بعد المغرب أنا عندك إن شاء الله
أبوعادل:إن شاء الله..يالله مع السلامة.
تركي:يبيك ترجع البيت؟
عادل:إيه..إنت بترجع معايا..
تركي:بجلس معاك ..مو رايح البيت..البيت كارهه
عادل:أنا ماتوقعت إن عبير تسوي هالشي..ليش طيب؟
تركي:من الفراغ ومافي مراقبة ..هذيلا بنات عمك عمري ماسمعت حس وحدة فيهم...ومايمشون فالشارع إلا وهم منزلين روسهم..إش معنى يعني إختك؟إلا تستاهل ونص!كل شب متوفر لها..هاذي أمل ماسوت مثلها ..إلا قلة أدب ودين مافي..أمك الله بالخير..محد خرب حرمتك إلا أمك بسهراتها.
عادل:أمي ويتنهد:أمي خربت حياتي..كل اللي فعمري خلفوا وأنا مطلق!
تركي ويربت على كتفه:ماعليه بتلاقي وحدة أحسن منها!وإن شاء الله ربي يرزقك الذرية اللي ينورون حياتك..
عادل ويبتسم..وتركي يطالع فيه بتفحص:هاه؟أشوفك تبتسم؟لايكون عجبتك الدعوة..تكفى لاتتزوج ألحين أنا..علاقتي خربانة مع أبوي..
عادل ويطالع فتركي:تكتم سري ياتركي؟لوقلتلك؟
تركي:أكيد..إحنا أخوان
عادل:مابي حد يعرف ولاجنس مخلوق..
تركي:لاماأقول سرك فبير ..
وأم سعيد كانت حزينة على سلنتي بتروح وتخليها..وهي ماشية بتنزل تسمع عادل يقول هالكلام:أنا أحب سمر بنت عمي سعيد..(أبوراشد)
وتوقف أم سعيد مشي..وتجلس تسمع
تركي ومتفاجئ:وين شفتها عشان تحبها؟
عادل وهو يتكلم عنها كان فرحان:شفتها صدفة وماأحلاها من صدفة ياتركي..والله ياتركي يوم شفتها دخلت قلبي وتربعت فيه..باين عليها طيبة وفرفوشة وأنا أحب وحدة تونسني..لأني انسان فاقد هالأشياء..
تركي:بس هي مو كبيرة..سارة الكبيرة..
عادل:أدري وهذا اللي يخليني أوقف عن التفكير..لما أتخيل سمر
تركي:طيب تعتقد إن عمي بيوافق يعطيك بنته؟يعني إنت مطلق ياعادل؟ومدري بعد يمكن يقولك بنتي بتكمل تعليمها..مافكرت في هذا؟
عادل وراحت نظرة الفرح:لاتقولها ياتركي..يرفض عشان أنا مطلق؟لا لاتقولها..
تركي:أنا مابي أكدر خاطرك !بس إنت لازم تفكر زين..أمي وأبوي وعمك وزوجته اللي ماتحب أمي وأنا معاها..لأن أخلاق أمي زفت..فكر فهذا كله..
عادل:خوفتني ياتركي..أنا ماأخذت الموضوع كذا!
تركي:أدري.إنت فكرت فيه من ناحية الحب والسعادة بس مافكرت من جهة ثانية معليش بس الزواج فيه سلبيات وإيجابيات ,,
عادل ويتنهد..
أم سعيد وتقوم وتروح غرفتها...
.................................
سعد يخرج من غرفته ويشوف ملاك جالسة ويسألها:ملاك أمي ماخلصت؟
ملاك:إلا بس هي جالسة بغرفتها تقول إذا خرج سعد نادوني
سعد:أجل أنا نازل السيارة قوليلها تنزل..
ملاك:حاضر..
وتروح تكلم أمها وهم نازلين..تجي منار وبصوت منخفض:ماما ماما..لحظة بلبس صندلي
أم سعد متفاجئة:إنتِ جاية معانا؟
منار:ماتبوني أجي؟
أم سعد:لاياعيني تعالي..والله فرحتيني.
منار تبتسم:كويس..يالله طيب لانتأخر
......................
سارة كانت منسدحة وتطالع فالباب وتتكلم مع نفسها:جنى ليش ضربت حمدة؟طيب حمدة وش كانت بتقول؟وليش أمل وابتسام وحتى أختي سمر مايبوني أمشي معها؟ليش؟
سوير وش رايك تعزمينها فالبيت وأتكلم معها وأشوف هي وش تبي؟خليني أعزمها يوم كذا فاضية أنا فيه...إيه لازم مايصير كذا..لازم أحسم الأمر
وتدخل سحر:سوسو خالة جت هي وملاك ومنار وسعد..تغمزلها
سارة وتفتح عينها:يالله تحييهم..لحظة لحظة هاذي ليش تغمزلي؟
وتكتئب سارة:سوير اليوم لازم أكلم ملاك..لازم
وتقوم من على السرير..
................
أبوعادل يتصل على يزيد :يزيد تقدر تمرني البيت؟
يزيد:ليش ياعمي؟
أبوعادل:أبيك تاخذ الخدامة عندكم كم يوم؟
يزيد:ليش؟
أبوعادل:بجيب شركة تبخ البيت والأهل بيكونون في فندق وهي مالها مكان..
يزيد:حاضر ياعمي على أمرك..
ويقفل أبوعادل وفخاطره:هين والله لأوريك إنت وأمك..وأشوف شلون بتنظفين ياعبير!تكذبين على أبوكِ ...والله لأبكيكِ اصبري علي بس!
ويروح يشوف أمل وش تسوي ويلاقيها نايمة..ويخرج ويروح للخدامة ويقولها لمي أغراضك ..
.........................
أم راشد:هلا والله ..يوم قلتلك تعالي جيتِ..ولاإنتِ ولامفنكرة إن عندك أخت تسألين عنها..
أم سعد وتروح تحضن أختها:وفديت أختي الزعولة..وهاذي بوسة وتبوسها على خدها..بس والله مشغولة ياوخيتي..لاتواخذيني..
أم راشد وتبتسم:تدرين إني بزوج أول ولد من اولادي ومتخربطة بس دام جيتِ والله ماأخليك..ويضحكون..
أم سعد:وأنا كلي لك.كم اخت عندي أنا؟
أم راشد :تسلمين والله ..وتشوف منار خارجة من غرفة العبايات وماتصدق:منار؟
منار مبتسمة:متفاجئة ها؟
أم راشد:إي والله..لايكون بس أمك ضغطت عليج؟
أم سعد:لاوالله هي بروحها قالت بتجي
أم راشد:والله ياتوه نور البيت..فديتك أنا..
منار:ياهلا فيك ياخالة..وراحت تجلس
سمر طلعت فوق وفتحت الباب على سارة:سوير روحي وديلهم الجوس أنا رايحة اتروش...
سارة لبست جلابية بيضا ولمت شعرها ببكلة:شف كيف تفتح الباب؟والله يبيلها دروس في الاستئذان..
وتروح تعطيهم العصير ومعاه عربية القهوة وتفاجئت بمنار وسلمت عليها طبعا بعد خالتها:منار نور بيتنا..
ملاك تدخل مع سحر اللي صحتها:سارة..وتروح تسلم عليها
سارة وتحضنها وتجلسها جنبها:هاحبيبي شخبارك؟ليش ماتتصلين ؟ماوحشتك؟
ملاك:إلا وحشتيني بس أنا اتصلت وإنتم ماتردون
سارة:أوه أنا سفة..أجل أنا المقصرة..
محد منتبه لمحادثتهم إلا منار وسحر وأمها وخالتها مشغولين بسالفة زواج راشد..
ملاك وتمسك ذراع سارة:سارة جمعتِ الفلوس؟ترى أنا قاعدة أصلي الصلوات فوقتها..بعطيني؟
سارة:هههههههههه..أكيد بعطيكِ أنا وعدتك صح؟
ملاك:صح..
منار:وأنا أقول البنت مجتهدة...بس الصلاة لله مو عشان فلوس؟
ملاك وتطل بوجهها:أدري..وتبتسم:سارة لاتنسين تعطيني
سارة مبتسمة:حاضر ياعيني..طيب شرايك نطلع فوق أعطيك إياها..
ملاك:إيه..يالله
منار:ملاك عيب أنا أعطيكِ
سارة:لالامنار عادي وتمسك راس ملاك:هالحلوة أميرتي تطلب اللي تبيه..أقول منار ماعليه بس أعطيها وأرجع..
منار:خذي راحتك..أنا بس مستحية أختي ماخلتك تجلسين
سارة:لالاعادي لاتقولين هالكلام..
وتطلع هي وملاك ويدخلون الغرفة وسارة تروح تفتح محفظتها وتعطيها:خلاص كذا؟
ملاك وتعدهم:ههههههههه ياسلاااام ياسارة...
سارة وتجلس عالسرير وبهدوء:ملاك سكري الباب وتعالي..
ملاك:أخرج؟
سارة:لا أنا أبيك لاتخرجين..
ملاك:طيب وتروح تسكر الباب
سارة وتطالع فيها وفخاطرها:ياربي شلون ببدا معاها؟
طيب شقولها؟
ملاك وتهز إيد سارة:سارة ليش ماتتكلمين؟
سارة وبنظرة حنونة وقيها خوف:ميمي إنتِ تحبيني صح؟
ملاك وتهز راسها :إيه أحبك مرة..
سارة وتضحك بخوف:ياحبيبتي..طيب أنا بقولك شي وأبيك تسمعين كلامي زين طيب؟
ملاك:طيب..
سارة وتمسك إيدها:تعالي معايا
ويروحون غرفة الملابس عشان لاأحد يسمعهم:ملاك إنتِ تبين تروحين الجنة صح؟
ملاك:إيه أبي أروح
سارة وتمسكها من إيدينها وتهمس:إن شاء الله كلنا نروح..مــ..ملاك
إنتِ تحبين خالي فيصل صح؟
ملاك:إيه..بس هو ماجانا من زمان
سارة:طيب إش رايك لما يجي لاتجلسين معاه..
ملاك:ولاأسلم عليه؟
سارة:إلا سلمي بس إذا قالك تعالي جنبي لاتسمعين كلامه طيب؟
ملاك وتطالع فسارة وبتبكي:إنتِ شفتيني؟
سارة وبحنية:إيه شفتكم..
ملاك وتتكلم ودموعها تنزل:سارة لاتعلمين ماما..
سارة وعينها دموع وتسحب نفس عشان لاتبكي:هو من متى يمسكك؟
ملاك:من زمان وأنا سنة خامس..
سارة وخافت:ضربك طيب؟
ملاك:أول مرة صرخ عليَّ..بس بعدين صار عادي
سارة:هو يناديكِ ولاإنتِ تروحينله؟
ملاك:لاأنا أكون جالسة هو يسحبني..
سارة:طيب ليش ماقلتِ لماما؟ترى هو يخاف منها..
ملاك وسكتت وتطالع فسارة:أنا ماقلت لأحد بس كتبت كل شي سواه فيني..
سارة وشهقت:ياعمري..ملاك خبي الورق لاحد يشوفها
ملاك:أجيبه لكِ تقرينه؟بس لاتعلمين امي..
سارة :لاهذا سر بينا ولاتعلمين أحد ياملاك ..طيب؟
ملاك تهز راسها
سارة:ملاك لاعاد تخلينه يمسكك طيب بعدين تمرضين..وتتنومين فالمستشفى
لاعاد تروحين..إذا شفتيه جاكم لاتطلعين بالمرة طيب؟تذكري بعدين تمرضين..
ملاك:بس هو ماشال ملابسي..
سارة وتعصب على خفيف:حتى لو ماشال ملابسك تمرضين ويطيح شعرك..سامعتني؟
ملاك:حاضر..
سارة:أنا بكرة جاية عندكم وإنتِ تطلعين الورق وتعطيني إياه ولاعاد تكتبين طيب؟
ملاك:طيب..
وتبوسها سارة فجبهتها:ميمي إذا تعبتِ ولاعورك أحد ولازعلانة على طول كلميني طيب؟وإذا ماقدرتِ اكتبيه فرسالة وكلميني أنا أجي آخذها ماشي؟
ملاك:حاضر..
سارة:يالله خلينا ننزل وهم يفتحون الباب يشوفون سمر داخلة وفعيونها دموع..
سارة:إشفيك ياسمر؟
سمر:الصابون دخل فعيني..هاشتسوون؟
سارة وتطالع فملاك:سر!
