روايتي (سارة والمكنسة)

[كاسرت الحواجز]

بليييييييييييييييييييييييييييييييييز عصيد كمليها قبل رمضااااااااان والله ماراح اقدر ادخل بعدين بليييز

 

[عصيد]

ياهلا بحبايبي حياكم الله أجمعين..أعتذر عن تأخري بس كنت مشغولة
لكن بعوض عليكم ..أما بالنسبة أختم الرواية إن شاء الله ماطلبتم غالي بلبي الطلب إذا ماواجهت ظروف!أنا مقدرة وحتى أنا عصيد ماأقدر أدخل فرمضان..فلهذا السبب راح أنزلها على دفعات
وأشكركن جميعا ..أحبتي

 

[عصيد]

أهلا بأحبتي القارئات لي أهلا بكن!مرحى

 

[عصيد]

الجزء 26
تركي محمر وجهه ويالع فالأرض:ماشربت..أقولك تركته!
أبوعادل ومعصب:لاتكذب أقولك!رجال إش كبرك والشعر مالي وجهك وتكذب؟وش خليت للصغار؟
تركي ويعصب:يعني وش تبيني اسوي ماأقدر أخليه..ماأقدر
أبوعادل ويفتح عينه فولده:ليه؟وش اللي مضايقك؟وش اللي يخليك تشرب سجاير؟
تركي:ولاشي كذا.أرتاح إذا شربته.خلاص؟أنا مو صغير تحاسبني
أبوعادل:أحاسبك؟طيب لاتسويلي حساب!أنا مو مهم!ماخفت من الله يقبض روحك وإنت تسحب فهالسجاير؟ماتفكر بدينك إنت؟وبهدوء أبوعادل يكمل:اسمع لسانك لايجي على لساني وإذا بغيت مني شي فالشغل عندك يزيد ولاكأنك تعرفني!إنسى إني أبوك!لما تترك السجاير تعال كلمني.عشان إنت تعرف مصلحتك خلاص أنا ماربيت ولاكبرت ...طيب الله يعينك على نفسك..ويروح ويتعدى أم عادل وأمل..
وتركي كل عيونه دموع...وخرج من البيت...
أمل بحزن:ليش ياتركي ليش؟
أم عادل وتنزل دموعها وتجلس عالكنب..
...........................
الساعة 11 فالليل.
سمر:وهاذي كل السالفة
سارة مبتسمة بذهول:الله وأكبر...والله مومصدقة..سمر؟إنتِ وش سويتِ؟
سمر بحرج وتنفض شعرها من قدام:عاد شسوي؟والله إحراج يوم شاف فمي مليان..ألحين ياسارة وش بيقول فنفسه؟هاذي مفجوعة؟أهلها حابسين عنها الأكل؟
سارة :وأخيرا اعترفت؟وفعلا أمي لوماكانت تشيل الأكل الزايد وتصرفه كان صرتِ زي البرميل..بس ماعليكِ عادل عاقل مايسوي الحركات حقت الحريم..إنه يروح يقول اللي شافه إنتِ عرضه؟؟
سمر:مايهمني يتكلم ولالا؟أنا همني هو!وش بيقول عني؟والله صدري يعورني لماأتذكر..
سارة وتبتسم:لاماعليك لاتهتمين بتعدي الأيام وينسى..وتغمزلها:وش دراك بعد يمكن يحبك ويجي يتزوجك
سمر وتفرها بالدفتر:أقول عطيتك وجه والله!كملي كوي كملي قال زواج قال..أتزوج مطلق لاوالله ماباقي إلا هي ولله..
وتضحك سارة بصوت عالي...وسمر تطالع فيها:تضحكين هاه؟والله لأوريك احتري سمر ألحين بقوم عليك وتروح تطيحها ويتضاربون..
سهيل فالصالة:أبويه شرايك نروح أبحر؟هالخميس
أبوراشد:لا فيه محاضرة فمسجد عمر بن الخطاب بحضرها ..
سهيل:طيب إحنا رايحين فالصباح الله يحفظك
أبوراشد:مدري أفكر..
سهيل:كم بتقعد تفكر؟
أبوراشد يبتسم:ماعليك مابطول..
تجي أم راشد تجلس:غريبة جالس فالصالة!العادة عند الكمبيوتر
أبوراشد:طفشت قلت أريح شويه..طمنيني..أخبار السوق معاكم
أم راشد:تقريبا خلصنا الأساسيات..يالله هانت باقي كم غرض لاتهتم
سهيل:في أي قاعة بتحجزون؟
أبوراشد :والله أنا حايس بين ليلتي وقاعة فرح
أم راشد:ليش ماتحجز فالمملكة؟
أبوراشد:والله مدري...بشوف
أم راشد:لازم تحجز بدري عشان القاعات ماشية بالحجز
سهيل:إش رايكم فنسايم ليل؟
أبوراشد:لامو زينة..بشوف ألف ليلة وليلة وفرح وليلتي وأختار اللي متوفرة منهم..

 

[عـــــــلا]

يا هلا والله بعصوده
مقدرين ان عندك ظروف يا قلبي
واخر جزء مره قصير
بس يالله عاد لا تطولين علينا اكثر

 

[حصاد الالم]

حيالك الله عصود

الله يوفقك يالغلا

ننتظرك

 

[شوقيه]

اهلييين عصوود

وينك يا بنت ما بغينا نشووفك ..

المهم بلييز هذا الجزء قصيير نزلي جزء كمااان

 

[عصيد]

ويشوفون راشد نازل من الدرج
سهيل مبتسم:ياهلا بعريسنا والله..
راشد ويبتسم:عقبالك.
سهيل كان بيرد بس أم راشد:لالاسهيل مايتزوج!
سهيل بذهول:شفت أبويه..
أبوراشد ويبتسم:اسمع كلام أمك..
سهيل ويطالع فأخوه راشد:شف!والله ماأعنس عندكم!إيوه فزواج راشد تدورين عروسة لسهيل والله مايخصني
أم راشد:نعم؟!فزواج راشد؟لاياعيني ماجبتها أنا بعد زواج راشد يبيلي راحة سنتين بعدين أفكر أزوجك
أبوراشد وراشد يضحكون وسهيل محترق:مالي شغل حبيبتي إذا مازوجتيني بروح للمسيار
وتعصب أم راشد: لامافي مسيار ماتقدر تصبر سنتين؟
سهيل:لاماأقدر أصبر
أم راشد:تبي الناس يعطونك عين؟
سهيل باستغراب:ليش يعطوني عين؟
أم راشد:بيقولون تزوج ولدها الكبير وألحين أخوه وش هذيلا ؟وأنا أخاف عليك
ويضحكون راشد وأبوه
سهيل بمكر:ههههههه أقول؟
أمه وتبتسم:نعم
سهيل:إنتِ ماتبيني أروح للمسيار صح؟
أمه:إيه
سهيل:أجل شوفي أنا بنتظر سنة بس وبعدها أتزوج لاتقولين ماقلت؟ولا بروح المسيار تراهم يمدحونه
أبوراشد:ويقولون رخيص
أم راشد وتفتح عيونها:هاأبو راشد؟لايكون؟
أبوراشد:لالاوحليلي ..أنا يالله فيكم
ويضحكون العيال..
سهيل:هههههه والله إنك جبان..المهم يما سنة وبعدها تزوجيني..
أم راشد مبتسمة:حاضر من عيوني..يارب تسعد سهيل يارب قولوا آمين
كلهم:آمين..
...................
بيت جنى
الجدة:الله يهديك يابنيتي شهالمنكر اللي مسويته؟
جنى باستغراب:وش مسوية ياجدة؟
الجدة وتمسك شعر جنى:وين شعرك؟تذكرين ياجنى طوله؟وهاللبس اللي لابسته!ماتستحين تلبسينه قدام أخوانك؟
جنى:بنطلون ياجدة مافيه عرى
الجدة:البلى فالبنطلون علامك يابنيتي؟تستخفين بعقلي؟
جنى تبتسم غصبا عنها:ولاتزعلين ياجدة اللي تبينه بيصير..أوكيه؟
الجدة:الله يرضى عليك يابنيتي ..وأشوفك عروسة يارب
جنى وتقوم بدون ماتقول آمين..وتطلع فوق وتقفل الباب
أم جنى:شفتِ يما كيف تغيرت؟
الجدة:ادعيلها يما ادعيلها..
أم جنى:والله يما ادعيلها
الجدة وتخفض صوتها:طيب فتشتِ غرفتها؟
أم جنى:طفشت وأنا أفتش فيها ..مافيها ولاشي يخليك تشكين فيها..
الجدة وتمسك إيد أم جنى:أجل لاتخافين يابنيتي.يمكن إنها متأثرة بهالمجانين وإن شاء الله ..الله بيهديها ماعليك..
.........................
سمر تنسدح وتشوف سحر نايمة وشكلها تعبانة وتضحك على شكل أختها وهي تسحب الأكياس فالسوق...وتلف عالجهة اليمين عشان بتنام
وتقول أذكارها ويوم عينها غفت مر شريط اللي صارلها..وفتحت عينها وفخاطرها:ياالله ليش؟هو وش جابه فبيت جدتي؟ياربييييييييييي
ألحين وش بيقول عني؟ياويلي لايكون بيعلم أبويه وأخواني؟وانتبهت لكلامها..لالاسمر لاتخافين مو لذي الدرجة عاد؟يالله بس خليني أنام لو قعدت أفكر بتعب..
سحر بتعب:ماما خلاااص
سمر وتلتفت وتشوف أختها تتكلم وهي نايمة:الله يسامحها أمك ..خلتك تخرفين صدق..
...........................
طلال وهو راجع البيت كان مع مؤيد ويتصل على سعد:هلا سعد
سعد يبتسم:ياهلا والله..شلونك؟شخبارك؟
طلال:الحمدلله بخير والله إنت شلونك؟سرت زين ألحين؟
سعد:إي والله الحمد لله بخير..
طلال:عشان أوريك بس إن شوفتي تريح البال...
سعد يضحك:ههههههههه مغرور إنت ياطلال
طلال ويلف يمين :ليش ماتقول واثق من نفسه؟
سعد:واثق من نفسه؟والله إنت تفسر الكلام على كيفك..
طلال:أكيد على كيفي..مو الكلام ببلاش...المهم أنا عند الباب تعال افتحلي..
سعد مبتسم:من جدك إنت عند الباب ؟
طلال:ترى فيه باكستاني قاعد يمشي وحاس إنه جوعان وتعبان يبيلي ....ألو ألو
سعد قفل الخط رايح يفتح لطلال..
................
سارة راحت الحوش وشافها راشد:على وين؟
سارة تبتسم:على الحوش...ليش؟
راشد يبتسم:وأهون عليك أجلس لحالي؟
سارة :لايالغالي ولا تزعل أنا أجلس معاك..
ويرن موبايله ويرد:هلا بالشيخة..لحظة لحظة..ويطالع فسارة:شكرا سارة خلاص لاتجلسين روحي الحوش..
وتضحك العنود:حرام عليك..
سارة وتناظر فأخوها بنظرة:والله حالة...توه كان فقير أههه والله ماعرفنالك..
أخذت معاها الممسحة والمكنسة عشان تسوي المسبح...
......................
تركي جالس فالحوش ويجي عادل ومعاه هولستن

ويعطيه ويشربون الاثنين:تركي لاتزعل نفسك عادي..أنا قايلك من أول إنه بيكشفك سواء كان بواسطة يزيد أو غيره
تركي يشرب مايتكلم ..وشويه رن جواله..
عادل ياخذ جوال أخوه ويشوف الشاشة (فيصل):وينه هذا غاط؟ توه يطلع!خذ رد عليه
ويرد تركي:هلا فيصل..
فيصل وصوته يالله يطلع:تـــركي...تركي
تركي خاف عليه:فيصل؟وينك؟فيصل؟ألو..ألو..
فيصل:أنا فشاليه ...... رجلي ماأحس فيها..
.....................
​

 

[The secret88]

متااابعه
الله يعطيك العافيه

 

[حصاد الالم]

يووووووه على حاجه تخليني افكر طول اليوم

من زود الحماس

ههههههههههه

ننتظرك يالغلا

 

[شمس الاصايل]

تسلم ايدينك
بس كان الاجزاء خفت حراراتها

 

[كاسرت الحواجز]

أختي عصيد يسلموووووووووووووووو على الجزء اللي نزلتيه وياليت تنزلي كم جزء دسم
ويسلموا


لاتنسونا من دعائكم في رمضااااااان

 

[عصيد]

عادل:إشفيه فيصل؟
تركي وهو يقوم:صوته مايطمن ..شكله مضروب يالله أنا رايح بتجي معايا؟
عادل:أكيد جاي يالله​

...........​

منال تصحي منار:منار اصحي ..منار بسرعة قبل لايجي..
منار وتحك شعرها:طيب ألحين جاية
منال:أوووووووه قد راح ألحين ...وتهز برجلينها وتمسك فملابس منار:منااااااااار
وتقوم منار معاها ويوقفون عند الزاوية حقت الصالة عشان إذا نزل يروحون للدرج ويشوفونه وهو نازل
طلال كان يلعب بالقلم ويطالع فأوراق سعد..ويخرج سعد من الحمام
ويوم طاحت نظراتهم على بعض ضحكوا الاثنين
طلال:شكلك والله تحفة
سعد يضحك:شسوي؟قلتلك ماأحب العدس إلا تحشرني فيه...
طلال:ههههههههه بإمكانك تقول مابي وتنتهي المشكلة
سعد:هاذي جزاتي محترمك..والله غلطان أنا يوم اخترت الطيبة
طلال:ياحبيبي ماتقدر تختارها..هي طايحة على كبدك..
سعد:إي والله الطيبة مورطتني فكل مكان..ويطالع فطلال:هيييييييه شقاعد تسوي؟هاذي ملازمي اللي اختصرتها لاتخربها..
طلال:أحد يختصر كذا؟عز الله ماخليت شي فالكتاب إلا وكتبته
سعد:ياخي كل ماشفت معلومة قلت أكيد مهمة..
طلال:بكرة عندك شي؟
سعد باستغراب:لاماعندي..ليش؟
طلال:تعال عندي البيت..وجيب هالمجلدات وأعلمك شلون تختصر..
سعد:مافي تعب عليك؟
طلال:لاوالله ..لو فيه ماقلتلك تعال..
سعد:جزاك الله خير..​

....................​

منار نايمة على كتف أختها وشويه ينفتح الباب ومنال تدف أختها بكتفها وبهمس:ماأثقل راسها..
سعد خرج..ووراه طلال وتتجنن منال وتهز منار وجاية منار بتصرخ عليها
إلا منال تحط إيدها على فم أختها اللي انصدمت يوم شافت طلال
منال وتطالع فيه إلين ماخرج من البيت..
منار وتضرب منال على كتفها:بالله ماعرفتيه؟
منال:لا..
منار:غبية إنتِ؟
منال:ليش؟شبلاك؟
منار:هذا طلال ولد عمك ماشفتيه فالاستراحة؟كان يلعب بالكورة
منال مستغربة:لاماشفته!غريب ؟شلون ماعرفته؟
منار وتتثاوب:عمياء تشوفين على كيفك...يالله أنا رايحة أنام ولاعاد تصحيني..
منال:روحي روحي كيس نوم...
منال فخاطرها:ياعيني رزة ياناس رزة..بس مشكلة ليش أخته سارة ليش؟أفففف قهر
,,,,,,,,,,,,,
دخلوا الشاليه وراحوا للمكان اللي فيه خالهم ولقيوه طايح وأنفه ينزف ووجهه فيه كدمات بسيطة
ركضوا عنده...تركي:مين اللي ضربك؟
عادل ينزل عنده ويمسكه من أكتافه وفيصل يوم شافهم:شيلوني من هنا..شيلوني
تركي ومعصب:مين اللي ضربك؟ميييين؟
عادل ويعض على شفايفه:تركي خلاص!
تركي معصب:لاموخلاص ..مين اللي ضربك؟تكلم..
عادل وهو يشيله يحذفه:فيصل..الله يهديك شارب بعد؟مجنون إنت؟وشعندك تشرب؟الله يهديك..
فيصل:شيلوني أقولكم..شيلوني..
تركي ويسحب نفس ويشيله ويوديه السيارة..
عادل يشيل الحزام والجزمة الله يكرمكم...وشويه ينفتح باب وحدة من الكباين وينرمي محفظة ومفتاح
ويروح عادل وياخذهم حقت فيصل ..ويدق الباب اللي رمى الأغراض بس مايفتحون..
عادل:هين راجعلكم..
تركي ويشغل السيارة ويركب عادل:أنا كم مرة أقولك لاتشرب؟ماتفهم إنت؟غبي ولاتستهبل ؟
فيصل :أوووووووووفففففف
عادل:تركي لاتعصب نفسك..ألحين هو يالله يلقط كلمتين لما يفوق زين حاكيه..
تركي:قاهرني ياعادل قاهرني والله مب صغير هو؟والله لو درى واحد من عيال خواته ليقلبون عليه الدنيا ..وخاصة أخته الكبيرة عاد هي خلقة تكرهه
عادل ويلتفت على فيصل ورى:الله يصلحك تعبتنا معاك..
فيصل:أنا زين مافيني شي..إشفيكم؟
عادل بحسرة:نام..نام
تركي:وين أوديه هذا ألحين؟
عادل:شقته...
تركي:شف معاه المفتاح؟ولاضايع زي عادته؟
عادل:لاياخي ريحته تجيب البلى..وديه شقته وبنخلي الحارس يفتحها...يالله
..................
أبو راشد يروح يدور على غرف عياله ويلاقيهم كلهم إلا طلال وراح الصالة اللي تحت واتصل عليه
يرجع....وينزل تحت ينتظره فالحوش وسمع صوت...
ويمشي بشويش...ويسمع صوت أحد يجرف أوراق الشجر ويشوف من طرف الباب ويلاقيها سارة..
سارة وهي تكنس كانت تتكلم بهمس:آآآآآآآآآآه ياليت أقدر أخرج قلبي وأمسح كل اللي فيه
ياليت اللي شافته عيني انمحى..ليش طول الوقت أذكره؟
ليش؟آآآآآآآآآآآآه ودي أشارك أحد همي ..
طول اليوم وأنا بين فلان وفلانة
وفآخر السهرة معاك ياحظي
كل يوم إيدك فإيدي ..
دايما أنا اللي أركض وراكِ!
دايما أنا اللي معاكِ!
دايما أنا اللي أتكلم!
وإنتِ ليش ماتحاكيني؟
جماد؟
مو سبب؟!
لازم تبادليني الحكي..مو إحنا دايم ويا بعض؟
خلاص حاكيني وأحاكيك..
وتبتسم سارة:آآآآآآآآآه أنا عرفت ألحين ليش ماتتكلمين..لأن مافيه أحد يجرحك ولاحتى يكلمك كلمة وحدة أنا عرفت ألحين
عشان كذا دايم تسمعين سواليفي..
وأبوها يطالع فيها مذهول من حركتها بس ماحب يكلمها وشويه دخل طلال وشافته سارة وابتسملها..
أبوراشد يوم شاف طلال راح الغرفة...وهو يقفل الباب
أم راشد:هارجع البيت؟
أبوراشد:إيه رجع...أقول أم راشد
أم راشد:لبيه
أبوراشد:خفي على البنات شوي..تراهم مساكين خفي عليهم..أنا هالكلام أقوله لكِ آخر مرة بعدها ماراح أكلمك!وإنتِ تعرفين وش قصدي..ولف وجهه ونام..​

>>>>>>>>>>​

طلال يبتسم:شتسوين؟
سارة تزم شفايفها:أكنس..
طلال يبتسم:لايكون تحتريني؟
سارة وبنظرة:وشفيها ويازينه هاللي احتريه..
طلال وبهمس:لايكون أنا زوجك؟
ويضحكون الاثنين..
لأن أم راشد إذا قالت لسارة تغدي تقولها انتظر طلال..تصرخ عليها تقولها:ليش هو زوجك؟فعشان كذا ضحكوا...
سارة:تعشيت؟
طلال:إيه تعشيت..وإنتِ؟
سارة:الحمدلله
طلال:ليش ماتنامين؟بكرة عندك دوام؟
سارة:النوم عيا يجي..قلت أنزل الحوش..
طلال:إنتِ متعاقدة مع المكانس حضرتك؟تعالي بس تعالي وحكيني عن سمر..
سارة:سمر آآآآآآآآآخ من سمر
طلال:ههههههه ويدخلون ويقفل الباب
هو مايبي يسمع السالفة بس عشان تدخل سارة
.........................
فالكلية اليوم الثاني..
سارة تدور على أمل وتلاقيها تمشي ...وتروحلها سارة مبتسمة:هلا أمل
أمل وزعلانة​

:نعم؟
سارة:ياويلي عليك ليش زعلت؟
أمل:ياسلام عليكِ ياسارة تشوفينها أمس تصرفني وإنتِ تضحكين حضرتك؟حتى ماتقولين بنت عمي ..وفوق هذا كله مفوتة محاضرة بسبتك..
سارة:آسفة والله آسفة وها هاذي بوسة وتبوسها :سامحيني والله ماأحب أحد يزعل مني..
أمل وتبتسم:إيه كذا أنا راضية بس ياويلك تخلينها تتكلم علي فغيابي ترى والله لأكرهك..
سارة:لاوش اللي يخليها تسبك؟هي تدري إني أحبك وأعزك..خبلة إنتِ؟بندخل الغريب بينا؟
أمل:فديتك والله هاذي بنت عمي اللي أعرفها..
سارة:كويس دام رضيتِ يالله أجل نروح نفطر؟
أمل:يالله..
ويروحون..
جنى كانت فالقاعة ماتقدر تغيب غياباتها استنفذت..وشويه تجيها رسالة وتفتحها
كانت من صديقتها وتشوف سارة تبوس أمل فخدها وجنى تعصب وتعصر أزرار الجوال بإيدها
وتنتظر متى تخلص المحاضرة..
...................
سمر دخلت المدرسة كالعادة وفحصة الانجليزي:سمر ياليتك زي سارة فهدوئها وأدبها
سمر ماترد عليها ..كل وحدة تدخل من المعلمات تعطي سمر كم كلمة تحرقها...
وفطوم كاتبة ورقة من أول حصة:طولي بالك!وراسمة وجه سمايل
........................​

وبكذا ينتهي البارت جايتكم بأحداث جديدة انتظروني

 

[The secret88]

ننتظر بشووووووووق

 

[ام شيومة]

واخيييرا وصلت للصفحة الاخيرة تسلمين ياقمر القصة تاخذ العقل ان شاء الله ما تطولين​

 

[شوقيه]

مشكووورة عصيد عالبارت الحلوو

وشكل القصة بدت تحلوو اكثر واكثر

بس عاد لاعاد تطوليين علينا كثيير

ننتظرك

 

[حصاد الالم]

الله يكون بعونك عصود

تعبناك معنا

بس لاتتاخرين اكيد تعبنا راحه

هههههههههههههه (واثقه الاخت )

 

[عـــــــلا]

يسلمووووووو يا عسل
بس اذا ما عليك كلافه لا تطولين علينا
لاني اذا قريتها حبه حبه يقل الحماس

 

[الأمنية]

متابعه عصيد

 

[ام شيومة]

عجبتني القصة فديتج لا تطولين يا عسوووووولة:icon26::icon26::icon26: