روايتي (سارة والمكنسة)

[عصيد]

part9
سهيل ويتحسس ظهره:الله يهديكِ يابنت الحلال.ويروح
وفي نفسه والله قوية إيدها ههههههههه
أمل ركضت داخل وهي متفشلة حدها مسكييييينة ....
رفيعة:سارة إشفيه ؟
سارة مخترعة:ماما انفضي الجلابية انفضيها
رفيعة وتنفضها وتنفض وتحس بشي ينزل بسرعة
وكان قاسي صلب وهي متخرعة:إش هذااااااا؟يما بسم الله علي
سمر وتروح عندهم وكانت رافعة شعرها مع الشغل:هاإشفيكم؟؟
وتشوف اللي نزل على أصابع رجل أمها
ويصيحون الثنتين :وااااااااااااااااااااااااااااااااااااااااااااااااااااااااه
أم سعيد:صه فضحتونا الناس اللي قربنا يسمعونكم ...
وتروح عندهم وتشوف الحشرة الرهيبة اللي اجتاحت أم راشد
وقاعدة تسب فيهم وتهدي أم راشد
سحر عند أمها:ماما روحي تسبحي لاتمرضي يالله تعالي
أم راشد:يالله رايحة
أم سعيد:بسم الله عليج لاتتخرعين مايجي طول أصبعك سمي بالرحمن
أم راشد خلاص متقرفة ولاتبي تسمع حس أحد
بس هذي أم سعيد..أم عادل تبتسم باستهزاء عليها
وتروح أم راشد مع سحر وسارة...
أم سعيد:تعالي يابنت ..
سمر:وين أجي؟؟
أم سعيد:قولي سمي إنشاالله..حاضر يايما...
وش اللي وين أجي؟ماتستحين على وجهك؟؟قليلة الأدب
سمر:وش قليلة الأدب عشان قلت وين أجي؟؟إشفيك الله يخليك..انتبهي قبل لاتدعسين ..
أم سعيد:وش قلتي؟؟
سمر:ماقلت. وين بنروح؟؟
أم سعيد:الحجرة حقتي بسير أنام تعالي همزيلي...
سمر:حاضر يالله ..أمري لله
أم سعيد:أقول تعدلي في رمستج لاوالله بهالعصا ..
سمر تبتسم:طيب طيب مايسير خاطرك إلا طيب
وتروح سمر وياها....
سعد مسرح فسارة..فعالم سارة مو عارف
كيف اقتحم هالعالم
بس خلاص دخل
ياترى بيعرف وين بيوديه هالباب؟
ياترى هالباب بيوديه لبر الأمان ؟؟
بيوصله للي فباله؟؟
للأسف سعد مافكر زين
سعد عجبته الطبقة الأولى من سارة..
اللي كلنا نعرفها جمالها..
تواسيمها الحلوة..
وشعرها اللي سحره كان مع الليل يدندن...
ويتخيلها بفستان أسود وشعرها مفتوح
وقاعد يسأل ياترى بعرف أميز
شعرها من فستانها ويبتسم...
وهو فحلمه الجميل اللي ماوده حد يقطعه
يسمع منال تدفه من كتفه
سعد ويبعد إيدينه من ورى راسه :نعم؟!
فجعته وقطعت عليه
إش تتوقعون تهزيب ومنازع :أقول ورى ماتضفين وجهك؟؟أزينلك ها؟؟روحي مناك يالله..
منال وتحط إيدها على خواصرها:لاوالله؟؟قم كلم أبويه...وتروح.
سعد ويطالع فيها وهي رايحة:لاحووووووول ألحين هذي أختي ياناس؟؟
هذي أخت؟أنا أربيكِ خلينا نرجع البيت..
وترجع منال:أبويه يناديك.
سعد:ماسمعت.
منال وترفع صوتها:أقولك يناديك ماتسمع مصنج أذانك حضرتك؟؟
سعد ويفتح عينه:لاترفعين صوتك..كم مرة أنبهك يا***** ؟؟
وبعدين ليش سايبة أختك الصغيرة عند خلق الله
يغيرونلها ملابسها ويسبحونها
وإنتي وين مكانك من الاعراب؟؟مب أختها؟؟ولا ماتعرفينها؟؟الله يفشلك
منال:أصلا أختي نظيفة .هم اللي يبون ينظفونها..ولا هي مابها شي
سعد:مابها شي ها؟؟
والله إنه يبيلك طراق على وجهك يردك لعقلك روحي بس من وجهي روحي..
ويقوم يشوف أبوه وش يبي.....
راح فيصل بعد ماسلم على خواته ..
سارة تلم أغراضها ..
وتدخل أمها عليها :وأخييييييرا خلصنا..والله حاسة إني قرفانة من نفسي..من هالصرصور
سارة تخبي ضحكتها:راح بشره ..
أم راشد:إي والله راح بشره أقول سارة أول ماتخلصين من أغراضك روحي سوي أغراض أخوانك
سارة:كيف أسويها وفيه الشباب جالسين هناك..
أم راشد:لا محد فيه. جالسين بره وخالك راح ..عجلي عشان نرجع اليوم
سارة:مو راجعين بكرة؟
أم راشد:لاإحنا راجعين اليوم بس بابا وجدتك وأخوانك بكرة
سارة:طيب مين اللي بيرجعنا ؟؟
أم راشد:أخوكِ سعد..يالله لاتتأخرين
سارة:حاضر...
(ياربي ليش هو يودينا؟أنا ماأبيه ..خليني أشوف سهيل..)
أم سعيد عند عيالها راحت:يالله أمسي عليكم بروح أنام ..
طلال:جدة ماتبيني أهمز رجلك؟
أم سعيد:لامابي الله يغنيني عنك.
طلال:هههههههه جدة تراني آسف..
أم سعيد:شو أسويلك؟
طلال ويقوم ويبوسها على راسها وإيدها ويراضيها ..
أم سعيد:بشكارتي ماتيي صوبها ولاتسبها.
طلال ويطالع فأخوانه ويبتسم:حاااااااااضر
أم سعيد وتفك منه:أحينه فكني بسير أرقد
طلال ويفكها:تصبحين على خير..ماتبيني أوصلك؟؟
أم سعيد:لاتوصلني..بسير بروحي
طلال:جدتي ترى أنا ماأوزع طلباتي ببلاش؟؟وأنا مب رخيص تراني مطلوب
سهيل:يدوه أشيلج ..
عبيد:لاأخاف تطيح ..ومحد ياخذك
أم سعيد وتطالع فعبيد:ليش شو قالولك برميل ياقليل الحيا
ويضحكون...
سهيل ويقوم عندها:ماعليك منهم تراني جاد بشيلك
أم سعيد:وخروا عني بسير..
ويوم شافها أبو عادل العيال حاشرينها صرخ عليهم ...
وهي ابتسمت للشباب وضحكولها..
أبو سعد:لاتنسى مفتاح سيارتي فوق خذه ووصلهم..والله الله فالطريق ماشي
سعد:ماشي..يالله بروح آخذ أغراضي يبا عن إذنك..
وطلع فوق وسمع حسوس وعادي افتكر إنه من صوب البنات..
أم سعيد دخلت غرفتها ولقيت سمر تترياها
غيرت أم سعيد ملابسها وانسدحت ودخلت أم راشد عليهم
وسلمت على أم زوجها وضحكت معاها شوية ونبهت سمر بعد ماتخلص
تجي على طول عشان خلص رايحين البيت
شوية دخلت سحر وأمل وسلموا على جدتهم..
أبو عادل :عادل وصل أهلك البيت يالله أمك اتصلت تقول خلصت هي وخواتك
قم عجل عليهم..وقام عادل:إن شاالله..بسلم على جدتي
وراح عند حجرة جدته وفتح الباب ولقي وحدة نفس اللي تصادفه في أحلامه
وجابيخرج بس أم سعيد نادته وقالتله يدخل وعطت سمر وقاية
عادل منزل راسه:كنت أبي أسلم عليك ياجدة بس سامحيني جيت في وقت نومتك
أم سعيد:لاعادي ياولدي إنت الأدب كله ياليت الناس مثلك..
عادل:تسلمين ياجدة
أم سعيد:سلم على بنت عمك سمر
عادل:سمر شلونك ؟
سمر وتهمز رجل جدتها وعادي عندها:الحمدلله بخير
أم سعيد:سلمي عليه لامن سلموا عليك الناس سلمي عليهم
سمر:حاضر.شلونك إنت بخير طيب؟؟
عادل منزل راسه:بخير الحمد لله ..يالله عن إذنكم وراح وجدتها ضربتها
وتعورت سمر:وش سويت ألحين؟؟
أم سعيد:ليه تزعلينه وش سوالك مسكين قده كاره الحريم تروحين وتزيدين الطين بلة؟
سمر:وأنا وش دراني إنه بيزعل لاحووووووووووول هاتي رجلك ذي بس
انفقعت أصابعي وأنا أهمز
أم سعيد وتمد رجلها:خذي...
عادل أخذ أهله وراح وتركي وطلال وأبو عادل وراشديلعبون كيرم والباقين كورة
...................................................
بكمله واعذروني عالتأخير :shutup:

 

[@همسة حنين@]

ننتـــــــظر القادم...عوافي..

 

[ملكة ناسي]

الله يعطيك العافية عصيد الصراحة شكلها يميميميمي الرواية بس أنا اضيع وأرجع الصراحة افضل لو تكبري الخط وتوسع بين السطور:blushing:

:icon26:

 

[@همسة حنين@]

عصيد..ياكافي..عسى مـــــــــــاشر وين البقية...

 

[meme_99]

تسلمي على الروايه مره جنان :clap:
ولا طولين علينا نستناك000

 

[ملاك11]

ماجنج طولتي ؟
عسى المانع خير

 

[عصيد]

أعتذر حبيباتي اليوم سأضع لكم البارتات
انشغلت بسبب الدروس ولدي تطبيق لكنني سأعوض عليكم​

 

[عصيد]

تسلمي على الروايه مره جنان :clap:
ولا طولين علينا نستناك000

العفو أهلا بك حبيبتي​

 

[عصيد]

الله يعطيك العافية عصيد الصراحة شكلها يميميميمي الرواية بس أنا اضيع وأرجع الصراحة افضل لو تكبري الخط وتوسع بين السطور:blushing:

:icon26:

حاااااااااااااااااضر أنا لكن مطواعة

 

[عصيد]

Part10
عادل وهو في السيارة وأمه كانت تسب في أم راشد كعادتها بس العيال مطنشينها
وعادل يفكر فهالمخلوقة وكان له هالحوار:ليش تسلم علي بهالطريقة وش سويتلها؟
عز الله إني مسلم عليها زين ولاطالعت فيها هي ليش تعاملني بجفا؟ياربي أنا وش بلاني؟
ليش ماأنساها؟؟إيوه أنساها ولاإنت ناوي تعيد الكره؟!لاياشاطر خلها فحالها وخليني أنا فحالي
ويرجع لواقعه ويسمع أمه تقول:بنتها البلسم عالروح فديتها والله هذيك البنت والباقي خلا
ياحسرة علي فبناتي كل وحدة فدنيتها ..وعبير ماعجبها الكلام ورجعت راسها لورى..
وتدعي على سارة في خاطرها بالموت..وأمل متحسفة من كلام أمها فعلا هي صادقة إحنا مقصرات
ليش ماأحسن طريقتي ومعاملتي وقاعدة في مرحلة عتاب النفس وعادل شاف أخته الثانية عبير من المرايا
عادل:إنتي يبيلج تعديل كامل .للحين ماتأدبتي لكن والله لأعلمك الأدب على أصوله أعطيني مهلة بس !
أم عادل:خلها هذي عاصية من يوم يومها.
عادل بنظرة كلها غليان بس هادي:تتعدل هالعاصية ماتتعدل شعرها اللي فراسها لاتضمنه يقعد على راسها ..
وهي خافت:ليش وش سويت أنا؟
عادل معصب :لاياشيخة؟؟تسوين إنج مب فاهمة؟؟الحركات هذي مو على عادل طيب؟ويعطيها نظرة هي تسكت وترجع لعالمها
...
سارة:سحر حطيه هنا أحسلك حطيه أشوف..
سحر وتحط الثوب مكانه:بس ريحته مو حلوة تدرين إني أكره العطور الرجالية..
سارة:تكرهينها بس مو ترمينها ..الثوب مو لأخوانك وهي تشيل الملابس الموسخة فالكيس طاحت عينها
على محفظة وتكلم سحر: جيبي المحفظة اللي هناك ياسحر
سحر راحت تجيبها وأعطتها:هذي محفظة مين؟؟
سارة:مدري وتحطها فالكومدينه وتجي سحر تفتحها وتتفرج فيها
سعد فتح الباب وراح يشيل أغراضه ويتذكر إن محفظته في غرفة راشد..
سعد:خليني ألحين أشيل أغراضي وبعدين أروح أجيبها..
سارة خلصت شغلها:سحر يالله..
سحر:طيب طيب وتدخل الأوراق والفلوس
وتجي سارة عندها وتفتح عينها:سحـــــــــــــــــــــــر!ماتستحين على وجهك تفتشين بأغراض غيرك؟
سحر:هذي حقت سعد
سارة وتتغير ملامحها:حتى لو ماتفتشين يالله لو دخل واحد من أخوانك وش بيسوي فينا يالهبلة قومي يالله
سحر:طيب ليش تصارخين عليا والله أنا أحبك ومسكينة وينلعب عليا
سارة:وأنا صدقتك وتشوف بطاقة أحواله فإيد أختها ..
سحر تشوف أختها حليوة ها؟؟
سارة تشهق:عيب يالملسونة عيييييييب لاتسمعك أمي..
سحر:هههههههههه طيب بس عنده فلوس والله في محفظة سهيل مافي هالفلوس ...
سارة:ماشاالله ومفتشة محافظ أخوانك بعد؟؟
سحر:أجل إيش؟لازم أطمن عليهم مافي من هنا ولامن هنا..
سارة:قومي بس قومي خلينا نروح فااااااااضية من جد..وهم خارجين سعد كان رايح ويسمع حس من غرفة راشد ويتخبى فالممر ..
سحر وهي شايلة الكيس حق الملابس لأنهم اثنين:أقولك ثقيل ياسارة بالحيل
سارة كاتمة ضحكتها:والله؟حتى اللي عندي أثقل
سحر وتلتفت لسارة وهم ماشين وسارة ماقدرت تسكت وتضحك:ههههههههههه
سحر شكلها يضحك متوسطة الحجم والكيس مرة كبير شكلها وهي شايلته كأنها بتطيح عالجنب الأيسر وشادة حيلها فيه
سحر يوم شافتها تضحك رمت الكيس وبصوت حزين يعني البكوة في حلقها:ساااااااااارة عمى ليش تضحكين؟
سارة ماقدرت وتوقف مشي وتضحك:شكلك وإنتي تمشين زي البطريق هههههههههههه
سحر:لاااااااااااااااااااااا الله ياخذك يالدبة هيا والله ماأشيله! شيليه بلحالك..وتنزل بسرعة
سارة:لاتعالي ..آسفة والله ماأعيدها سحـــــــــــــــــر يالله بلاهبالة تعالي
وتطالع سحر فيها:مايخصني أنا بطريق..
سارة:خلاص أنا البطريق ولاتزعلين ..
سمر تخرج من الغرفة:إشفيكي تكلمين روحج؟مينونة؟
سارة وتلتفت لسمر:هههههههههه لاوالله بس سحر ماتبي تشيل معايا..عشان ضحكت عليها وهي شايلته كأنها بطريق ياسمر..
سمر وتبتسم لأختها:وينها ألحين ؟؟
سارة:نزلت تعالي شيليه والله تعب عليا ياسمر.باقي ورايا أغراض المطبخ..
سمر:خلي الشغالة تسويه ..
سارة:خبرك عتيق نايمة من زمان ..
سمر:إنا لله وتروح تشيل معاها...
وسعد يسمعلهم ويستغرب من بساطة فكرهم تحسينهم بريئات ماعندهم شغل مني ولامني مو خواتي ..خايسات ويروح ياخذ محفظته
أم سعد فغرفتها تلبس العباية:والله يارفيعة أبوها رفض يقول تخلص دراستها بالأول..وأنا خايفة عليها من بنت عمها بس مسوية إني مغمضة عيني
أم راشد:بس مو كل ماجاها عريس ترفضونه ترى الخطاب مو مثل أول..إذا كان زين خلاص لاتأخرونها عشان سعد ولادراسة ترى بعد التخرج ماتدرين وش يصير.
أم سعد:إنتي تشوفينها كذا؟
أم راشد:إيه أحسن ..ترى البنت إذا خليتيها فاضية تفسد وتدبر في الأرض أحسلك اشغليها..
أم سعد:لايارفيعة إنتي حابسة على بناتك..
أم راشد:لاإله إلا الله لاحابستهم ولاشي ترى ذليتيني والله إنه خير لهم من اللي أشوفه في المدرسة ولماأخرج برى الله يستر على بنات المسلمين..عاد إنتي حرصي على بناتك..انتبهيلهم وخليك ماخذه بالك
زين ترى إن طاح الفاس بالراس ماعاد يفيد..
أم سعد:ماعليك لاتوصين..وبعدين بناتي إنتي زي أمهم إذا شفتي شي ربيهم أنا ماأشره عليك بالمرة إنتي أختي وتاج راسي
أم راشد:يابعد عمري والله والليلة جمعة إني ماودي أكرهك في بناتك بس والله أخاف عليهم من اللي برى ومن هالزمن اللي مايرحم..
أم سعد:استهدي بالله يارفيعة تأملي خير إن شاء الله مايصير إلا خير..
أم راشد سكتت ماحبت تزيد على أختها..
أم سعد:أقول وخيتي ودي أقولك شي..بس أخاف تزعلين
أم راشد:وش تخافين منه قولي..
أم سعد وتمسك إيدينها:سارة يارفيعة خفي عليها شوي ترى والله مسكينة هالبنية تحزني
أم راشد:وش معنى سارة؟ليش مو سمر؟
أم سعد:لااااااا سمر تاخذ حقها وجريئة بس سارة لا والله هالبنت تكسر خاطري دايما آخر وحدة ولاتدرون عنها وإنتي الله يهديك ماترحمين..
أم راشد طالعت في أختها وطولت:إنتي تشوفيني قاسية عليها بس أنا أحبها أكثر وحدة والله إني أحبها أكثر من أولادي بس ماأبينلها ولا أبي أوريها إني حزينة عليها ولا أنا شايفتها ..ماأبيها
تحس إنها ضعيفة أبيها قوية وأبيها تتحمل..بنات هالزمن صاروا من أدنى مشكلة مايتحملون زعل وخناق أما سارة فهي حساسة وأنا ماأبيها تتحسس بكرة بتتزوج وتصادف ألوان وأشكال
وماأبيها تنصدم بالعالم اللي برى خليها يمكن لما أريحها بكرة تسبني وتقول ليش ماعلمتيني وتلومني وبعدين أنا ماعذبتها بس أنا ماأبي أخليها بلحالها لأنك تدرين وش تسوي..صارت تحكي مع
الشجر والمكنسة من جد تعبت معها وأيام أصحى الساعة 3 الفجر أسمع حسها تبكي..مو راضية تقتنع ..ماأدري ليش..وبناتك مايحبون بنتي سارة وصحباتها ماعندها إلا ثنتين وأحيانا الله بالخير معها
يحبونها لشطارتها ..مجتمعها مع الناس محصوووور ..بس حلفت ماأخليها هالسنة بخرجها معي هي وخواتها..
أم سعد:بعد عمري ياوخيتي والله هزأت بناتي بس عيو الخايسات وبناتك والله ينحبون والله بس إنتي قلتيها بنفسك فالبيت مايعرفون إلا إحنا وصديقاتهم..أسأل الله العلي العظيم إنه يوفقها ويرزقها يارب
أم راشد:يارب يسمع منك ..
أم سعد:أجل وش رايك نحددلنا يوم ونخرج فيه أنا وإنتي وبناتنا ونقوي العلاقات وش رايك؟وأنا ودي ببناتي يتعلمون من بناتك..
أم راشد:لاياعيني لاتغصبين على بناتك أنا ماأحب أثقل على بناتي بأحد إذا مابيجون بكيفهم بس لاتغصبينهم..
أم سعد: ماعليك إنتي ..خلي السالفة عليا بس..
وانتهى حوارهم على أمل إنه يتحقق...بل هو مسحة ضوء في بحر ظلام..
كملوا أغراضهم وراحوا معاهم ..مع سعد..
منال بتأفف:والله ضيق المكان..
سعد يعطيها نظرة من المرايا إنه انطمي..وهي بالعكس زادت..
أم راشد تقرب وتكلم بناتها:حبايبي قربوا شوية لمنال..
سمر ماتقدر تسكت كل ماتكلمت أمها تقرصها بس بعد تتكلم:يما والله مافي زحمة إلا إن كان هي زاد وزنها..
أم سعد:هههههههههههه فديت قلبك ياسمر..منال بس من الهبالة ترى في مكان..
منال:لامافي حتى إسألي منار..
سمر بشويش:شوفي مين تسأل الكذابة الثانية.وسمعها سعد..
وأمها تقرصها..
أم راشد:سارة عدلي راس ملاك عشان رقبتها لاتعورها..
سارة تعدلها بدون ماتتكلم...وتضغط على إيد سمر تذكرها بشي اتفقوا عليه
سمر:أقول خالة..
أم راشد:اسكتي يابنت..
أم سعد:خليها يارفيعة بعد عمري وش تبين؟
سمر:فديتك ياخالة محد يفهمني إلا إنتي!
منال بصوت منخفض:خراطة..
سمر وتلف:ترى سمعتك يالدبة..
منال:خايسة
أم راشد:منال إشفيكي شايطة اليوم؟سلامات لايكون جارحينك وإحنا ماندري؟
سعد تكلم فهالوقت:ماعليك منها ياخالة تدرينت بها مخفة..وكلهم ضحكوا حتى سارة ..
منال:تضحكين معاهم إنتي فرحانة حضرتك
أم سعد:وليش ماأضحك؟طول الوقت وإنتي نفسك فخشمك ماتبين حد يكلمك من حلاتك..وبعدين إنتي صدق مهفة..
سمر:خالة حبيبتي إحنا نبي ملاك عندنا تبيت..الله يخليك ياخالة ..
أم سعد:لاياسمر أخاف تغلبكم..
أم راشد:وش تغلبنا وش هالكلام؟
سارة وخايفة ماتوافق..
سمر:يالله خالة والله نبيها تجي عندنا..خليها تتسلى معنا ترى أنا وسارة وعدناها ومانبي نخلف..الله يخليك..
منار:بس أنا ماأقدر أستغني عنها..
سارة لفت على منار..
سمر:أقول اسكتي بس الكذب بين عيونك..ياويلي ياخالة من بناتك كذابات وسحليات..
سحر:هههههههههههههههههههههههههههههه
أم راشد:بنت سمي الدنيا ليل..
سحر:ماسمعتيها ياماماهههههههههههههههه تقول سحالي هههههههههههههههه
أم راشد:يالله عاد بنتي تترجا فيكي وإنتي قاعدة تتغلين لاتخليني أروح أحمل ..وأجيبلهم ذيك البنت
سعد:ههههههههههه تهدد خالة يما خليها تروح وإذا كان عالجية أنا أرجعها لاتخافين..
أم راشد:لاياسعد خلاص أنا اليوم بروح خلاص..
أم سعد تضحك:هههههههههه وين تروحين تخلفين
كلهم:ههههههههههههههههههههههههههههههههههههههههه
سمر:ها خالة وش قلتي ؟؟تم؟
سعد:تم ياسمر خذوها بالرحمن ...
أم سعد:خلاص ياسمر زي ماقال سعد خذوها ووصلهم البيت وأخذوا ملابسها وراحوا وسعد ينزل أغراضهم حقت المطبخ..
أم راشد شالت ملاك ودخلوا البيت وسحر مع سارة يشيلون الأغراض وسمر وهي تنزل :يالله ياسحالي باااااااااااااي
منال:شفتيها الهبلة وش قالت؟وإنتي تضحكين ..
أم سعد:روحي بس تمزح معاكِ.ياليتك زيهم يونسون صدق..هذيلا البنات مو إنتم..
منار:يالله فكت أمي السيرة الله يلعنها من حالة
.........
سعد يدخل الأغراض للحوش وهو يحط الأغراض تطيح فلوسه كانت خمسين وعشرة لأنه عبى بنزين وأخذ الباقي ..
سمر وسارة وسحر كانوا معاه بس سارة مبعدة..
سمر:تسلم ياسعد يعطيك العافية..
سعد:العفو ماسوينا شي..
سحر وتشيل فلوسه:سعد فلوسك طاحت
سعد:والله؟ماانتبهت..وأخذها
سمر:يالله سعد روح لاتقول أمك إنا خطفناك بجمالنا..
سعد:ههههههههههههه رايح يالله مع السلامة انتبهوا على أختي وسلميلي على سارة..
سمر وهي ماسكة الشنطة:يوصل ..وبسمة فرح على شفاتها تحولت لمكر وبعد ماراح سعد..
سمر وبنظرة مكر:بنت سارة..تعالي هنا
سارة:ههههههههه ماراح أشيل أنا شلت اليوم ولاهندي شال اللي شلته ..
سمر:محد قالك شيلي..تعالي هنا أشوف سرييييييييع
سارة راحتلهم:نعم وشفيه؟
سحر تطالع مبتسمة..
سمر:سعد ليش يرسلك سلام؟وش مسوية من ورانا؟؟هااااااااا لايكون قمتي تحبين من ورايا ترى والله أذبحك..أنا ماقلتلك لما تبين تحبين علميني أحب معك؟؟
سارة:هههههههههه الله يردلك عقلك..مافي شي والله العظيم مافي شي وتأكدي إنو لما أحب بعلمك ماعندي أصلا غيرك..
سحر:بس هو قالها وهو يطالع فيك..
سمر وكأنها تبي تأكد شكوكها:إييييييييييه صح كان يطاله فيكي يوم يقول سلمولي على سارة..
سارة:ههههههههههههههههه بتشيلون الأغراض ولا أشيلها؟؟
سمر بنظرة شك :روحي روحي دواك عندي بعدين ...
::::::
سعد في السيارة:ياليتك تسوينهم ياليت...ملتزمات ,مؤدبات,حالهم حال نفسهم,مايتدخلون في أحد,إذا كلمتهم أمهم حاضر يما وطيب يما وإنتي بتكفخين أمك بنظراتك
وأختك والله ولادريتي عنها تتوصخ تطيح تنضرب عادي عندك أنا مدري وش مشغولة فيه..
منال:وش مشغولة فيه ياحظي مافي إلا قعدتهم تجيب الملل
أم سعد:تجيب الملل لاوالله ماصدقتي قعدتهم تشرح الصدر محد محلي القعدة إلا هم وإنتي وبنت عمك هذيك المصفوقة على عمرها فوق التلفزيون..
منار ماحبت تشاركهم الحوار دارية إنها بتتهزب..
............................
طبعا الشباب سهر واللي يلعب واللي يغني ويؤقص وحالتهم حالة حتى الشياب صاحين..
:::::::::::::::::::::
سارة بعد مارتبوا كل شي وأخذولهم حمام راحت غرفتها وكانت ملاك نايمة على سريرها..وتجلس سارة جنبها..وتمسك إيدها
وتمسح على بطن إيدها:يارب نجيها منه يارب ..أنا لازم ألاقيلي حل مايصير أسكت..
سارة:ياترى أنا بخلف؟؟وأجيب بنت وولد..ماظنتي..مافي حد يحبني..إلا إنت ياللي رحت وخليتني..أنا اللي نحسة عليك
قتلتك وإنت بعدك شاب والله لو أدري إنك بتموت والله ماآخذك..آآآآآآآآآآآآآآآآآآآآآه ياقلبي
وتدخل سمر وسارة على طول تاخذ نفس..وعرفت إن سمر مابتخليها..
سارة:تعالي اجلسي تعالي والله إني دارية مابتخليني..
سمر:زيييييييييين يالله علميني..عشان أعلمك..
سارة:ماصار ترى شي بس تتذكرين يوم نزلت أجيبلكم أغراض من المطبخ؟؟
سمر:إيه أذكر..
سارة:دخلت المطبخ ولقيت الغلاية شغالة قلت يمكن حد شغلها ونساها ..وتفاجأت بسعد فوجهي
سمر:هاوبعدين؟
سارة تبتسم على أختها:بس وارتجفت من الخوف وكنت بشرد بس مسكني
وسمر تسمرت ووقفتها:عيدي عيدي تقولين إيش؟؟
سارة:هههههههههه مسكني وخلاني أجلس وتنرفزت من لمسته كش جسمي كله وهو مسكين مخترع حتى يبي يطمني..وأنا ماأشوف إلا صورة أمي ولو شافتنا وش بتسوي
سمر:الله تفكر لبعدين..عندك نظرة مستقبلية والله .وبعدين
سارة:وبس..هذا اللي صار وتذكرت إيه وجلسنا مع عمك اللي صدق أحرجني قدام سعد وخلاني أتكلم بعد..
سمر تبتسم بقهر:آآآآآآآآآآآآآآآآآه وين كنت أنا؟؟؟ليش ماناديتيني ها؟؟وين الأخوة؟
سارة:كنتي نايمة ولاتنقين ترى إن زودتيها مابتكلم
سمر:كملي كملي ..صايرة تهددين حضرتك؟؟
كانت بتتكلم سارة بس أمهم دخلت:مانمتوا..
سارة وسمر:ماعندنا نوم..
أم راشد: تعالوا طيب نمشي فالحوش
استغربوا من أمهم حتى قاعدين يطالعون فيها..
أم راشد:بسم الله الرحمن الرحيم ,قايلتلكم انتحروا ماتبون شكلكم أروح أحسلي
سارة:لاأناجاية...وسمر تلحقهم:وشفيهم ذيلا انقلبوا..وش صارلهم؟؟وتقفل الباب بشويش عشان ملاك
سمر:ياربي وش اللي غيركم؟؟ياربي لايكون العشا فيه شي؟؟طيب ليه ماصارلي شراتهم..ياربيييييييييييييييي يما وتلحقهم..
وينتهي البارت...يالله بكرة راح أنزلكم البارت الثاني

 

[روعهـ]

يعطيج العااافيه عصييييييييييييييييييييييييد ..

 

[أنفاس الأمل]

يسلمووووووو ياقلبي عالقصه الروعه واسلوبك الاروع

وعجلي ماعاد نقدر نصبر حبيبتي

 

[حصاد الالم]

وااااااااااا قصة رااااائعه جدا


ياويلقلبي على ملاك والله حزنتني

يلا بنتظاااارك يالغلا

 

[@همسة حنين@]

عوافي عصيد تسلمــــــــــــين...اتوقع سارة تبي تستفسر من ملاكــــــــ...عشان كذا خذتها عندهم..وام راشد زين..منها بدت تتغير..

 

[عصيد]

يعطيج العااافيه عصييييييييييييييييييييييييد ..

الله يعافيك حبيبتي حياج

 

[عصيد]

يسلمووووووو ياقلبي عالقصه الروعه واسلوبك الاروع

وعجلي ماعاد نقدر نصبر حبيبتي

الله يسلمج وماطلبت حاااااضر

 

[عصيد]

وااااااااااا قصة رااااائعه جدا


ياويلقلبي على ملاك والله حزنتني

يلا بنتظاااارك يالغلا

والأروع مرورج يالغالية..
بالنسبة لملاك..هذا مايحصل في أحسن العائلات والسبب بسيط جدا عدم انتباه الأم
وأنا سأضع البارت الجاي

 

[عصيد]

عوافي عصيد تسلمــــــــــــين...اتوقع سارة تبي تستفسر من ملاكــــــــ...عشان كذا خذتها عندهم..وام راشد زين..منها بدت تتغير..

الله يعافيج ويخليج لعين ترجيك
ماراح تستفسر منها الآن...هي تبيها تتطمن من ناحيتها
وأم راشد لانعتبره تغييرا قد تنتكس ولا يعجبها اقتراح أختها :schmoll:فتعود كما كانت

 

[حصاد الالم]

انتظاااااارك يالغلا

 

[عصيد]

Part11
تمشوا شوية وقعدوا يتكلمون...وسمر تراقبهم
أم راشد:يالله شقلتم تبونا نخرج مع خالتكم؟
سمر:وين نروح؟
أم راشد:مدري عنها..هي ماقالت وين نخرج؟
سارة:خلونا نجتمع فبيتنا ومرة نروح محاضرة ..وقطعتها سمر
سمر:ونروح مرة البحر فالصباح ومرة السوق
سارة قطعتها:اسمحولي السوق ماأروح لو إيش يصير ماأحب نتجمع فالسوق..
أم راشد وتجلس على كرسي من الكراسي الموجودة فالحوش :صادقة سارة مو حلوة أشكالنا ..
سمر:بس بناتها ماأحبهم يما صدق والله يجيبون الغثا..
أم راشد:في رأيك ليش مايحبونكم؟؟
سمر :السبب بسيط ياعسل لأن إحنا ماعندنا القنوات اللي عندهم تذكرين يوم العيد وقعدوا يفرفرون بالقنوات مالقيوا إلا قنوات دينية؟
وسبب ثاني بعد مايحبونا لأننا نشتغل ونطبخ وفوق هذا دراسة ومتفوقين بعد وقاهرهم هالشي..
أم راشد تطالع فسارة:وإنت ياسارة ؟
سارة استحت أول مرة تنسأل عن رأيها:والله يما نفس كلامها..أنا أشوف نطلع بلحالنا مانبي نسوي مشاكل بين خالتي وبناتها
أم راشد:هي تقول تبي تقوي العلاقات
سمر:يما أي علاقات اللي بتقويها؟هي علاقة كره وحقد زيادة ..إنت ماتشوفين خالتي كل ماشافتنا قالت هاشوفوا سارة كيف محتفظة بشعرها لاصبغات ولا قص
وشوفوا عباياتهم عالراس محتشمات هذا كلام ماينقال كرهوا البنات فينا مو معقول..الله يخليك يما إذا صدق تبين راحتنا لاتخلينهم يجون ولا والله لأوريهم
أم راشد:هههههههههه أعصابك أنا قايلتلها ماأبيك تغصبين بناتك ولا أبي بناتي يكونون ثقال على أحد ..خلاص اسمعوا نبدأ ببيتنا ونسوي فيه اجتماعات بس متى؟
سمر:يوم الخميس ..
أم راشد:نكون في الاستراحة
سمر:صراحة أنا ماأشوف فيها شي مفيد هالاستراحة
أم راشد تلاحظ هروب سارة:وإنت ياسارة وش تقترحين؟
سارة:على كيفكم
أم راشد:أنا ماناديتكم عشان تقولينلي إنه على كيفكم.أبيك تعطيني رايك
سارة بلعت ريقها(وشفيها أمي عليا اليوم):والله مدري بس معاها حق سمر مامنها فايدة الاستراحة إلا أكل ونجلس وننام بس .
سمر:خلاص يما خليها الخميس.بس مين بتنادين؟
أم راشد:أول شي بكلم حرمة عمك وبناتها وخالتكم عشان لايسوولي مشاكل ..إنتم تنادون صحباتكم
سارة:ننادي صحباتنا..بس أنا ماأعتقد يجون..
أم راشد:لييييش؟؟
سمر:من زينهم لاتنادينهم أنا بنادي صحباتي ...
سارة:بس يمكن جدتي مايعجبها وإنتي ياماما تعرفين إن أبوية مايرضى يشوفها زعلانة..عشان كذا أنا من رأيي ناديهم في الاستراحة ..
سمر وتبتسم :هذا الكلام المضبوط عز الله اللي بيجون صديقاتي
أم راشد:ههههههههههه بس معاها حق سارة يمكن جدتكم ماترضى..هي ماتصدق بيوم الأربعاء عشان تروح..ووتثاوب..أقول نتفاهم بعدين ألحين نروح ننام أحسن
سمر وبعد ماراحت أمها تلتفت لأختها:سارة وش طاري على أمي؟
سارة باستغراب:مدري بها..
سمر:فيها شي..مو بس هي حتى إنتي.
سارة: وشفيني بعد؟
سمر:ماعلينا ماكملتي كلامك أول ..علميني
سارة:مانسيت؟
سمر:أنسى؟!لاحبيبتي ماأنسى هذي أشياء ماتسير إلا في أحسن العائلات ياماما
سارة:هههههههههه طيب ..كنت أنا وأمل...
.............
تركي:يالله عبيد تكفى عشان خاطري..
سهيل انتبهلهم:وشفيه ياعبيد؟
عبيد:مخبول يقولي يبي ياكل ..
سهيل:بعد اللي طفحته بعد ودك تاكل ؟مجنون إنت؟بتنفجر ياولد
تركي:مايخصني ألحين أنا جوعااااااااااااااااااان يالله عبيد..
سهيل:لاتقوم ياسهيل خليه هالدب..
تركي:حرام عليكم والله العظيم جوعان..
راشد:بس خلوني أركز,,إنت اشفيك تزاعق تقول مقروص
سهيل:جوعان الأخ ويبي عبيد يصلحله أكل
راشد انزعج من ربشتهم:طيب روح ياعبيد سويله فكنا منه
أبو سعد:تركي تراك ماكل أكثر واحد..
طلال وهو يلعب معاهم كيرم ويدخل 15:الله يعين اللي بتاخذه بيكسر ظهرها المسكينة..
تركي:مايخصني فالحرمة..أناجوعاااااااااااان
أبو سعد:وإنت دخل وتفلسف.بلعت الكيرم
راشد:هههههههههه هو كذا ياعمي..دايما يبلع
سهيل:قم يالله وهذي آخر مرة تقول جوعان..
ضحكوا كلهم..
طلال:لو ماأكل بيموت..ههههههههه الله يهديك ياسهيل..
عبيد ويحط اللاب توب وتركي:عبيد وين جاي؟؟
سهيل:أنا قلتله يجي يعاوني يالله تعال لاتفتح فمك زي الحمار
راشد:اسكت لايهونون عنك..
تركي:والله تذلون الواحد ياعيال عمي واله لو سعد هنا كان قد أكلت..
أبوسعد:حليله مايقدر يجي..طيب ولدي طيب
ويضحكون..
أبوسعد:بخليه عندكم ياسهيل عطوه دورة فالنذالة
سهيل:ولايهمك ماناخذ وقت ترى في التعليم ..
تركي:إيه للنذالة ماتاخذون وقت تسري فعروقكم..
عبيد:خلنا نهون ياسهيل..
طلال:ههههههههه حرام عليكم..
وراحوا يسوون أكل لتركي..
............
يوم الجمعة الساعة 7 المغرب..
راشد:الله يخليكي ياسارة..ماهي عارفة تذاكر بوديك عندها بس عشر دقايق مابأخرك
سارة:راشد وأمي؟
راشد:ماعليك أنا بكلمها بس إنتي لاتقولينلها رايحين للعنود..يالله البسي
سارة:حاضر..
راشد يشوف سمر تكلم طلال:الله يخليك أبي ملف ياطلال
طلال وهو يصلح قميصه:ألحين مو فاضي
سمر:طلال الله يخليك والله أبيه من جد محتاجته أبي أحطله أوراق مهمة..
طلال يبتسم:ماعندي وقت مو فاضي
راشد:طلال تعال غرفتي أبيك..بسرعة
طلال يروح..وسمر زعلانة:ياربي ليييييييش أنا حظي كذا ليش؟؟يقولون الراحة النفسية وين راحة نفسية وأنا فهالبيت عايشة الظلم..
راشد وجالس عالسرير:وين رايح؟
طلال:خارج مع مؤيد والشباب..
راشد ويمد إيدينه على ورى فالسرير:أكيد مع الشباب بس وين رايحين..
طلال:بنروح المقهى ونشوف الفيلم الجديد اللي بينزل..
راشد:المقهى؟أجل روح ودي سمر المكتبة وخلها تشتري اللي تبيه
طلال:لاياراشد ماأقدر مواعد الشباب الله يخليك..
راشد:وأنا قلت توديها الشباب لاحق عليهم والفيلم بينعاد عشرين ألف مرة..استح على وجهك الناس اللي فعمرك تستغل وقتها فشي طيب وإنت قاعد تقضيه فهالأفلام..ودروسك مو داري عنها
خلاص هيصت الأربعاء والخميس وجاي بعد اليوم تخرج اقرالك كم كلمة تنفعك ولاتقوى فهالإنجليزي أنا كم مرة أكلمك؟كم مرة؟
طلال:خلاص بوديها
راشد ويركز نظره عليه:وياويلك تكلمها ولاتصرخ عليها فاهمني؟
طلال: حاضر على أمرك بروح أوديها...
ويتنهد راشد ويتصل عالعنود وماهي إلا رنات :هاعنودي شلونك ألحين؟
العنود بصوت كان يبكي:زينة..
راشد:بديتي تذاكرين؟
العنود وتبكي بهدوء:...راشد مو قادرة أذاكر
راشد:لاحول ولاقوة إلا بالله..ألحين وش اللي خلاها تعصب عليك ماقلتيلها عندك اختبار ؟
العنود ودموعها على خدها وتحط إيدها على أنفها:إلا ياراشد قلتلها عندي اختبار واختباري صعب..
راشد:طيب؟وش اللي صار؟...عنودي لاتبكين ..وينك إنتي ألحين؟
العنود:راحت مع ولد أختها وعلي برى
راشد:طيب إنتي ريحي ألحين روحي غسلي وجهك وصلي ركعتين..بتصل عليك بعد شوية..يالله عيوني مع السلامة
العنود:مع السلامة..
وراح يستعجل سارة..
سحر:ياماما ملاك حتنام معايا
أم راشد:كيفكم عاد استأذني من سارة أنا تعبت وأنا أقنع أختي عشان ملاك تبيت..بس خلاص كيفكم
عبيد يخرج من مكتب أبوه مسرع:ماما حبيبتي ..ونوور عينيا..
أم راشد تغني معاه:من ألحين ماعندي..
عبيد وسحر:هههههههههههههههه
أم راشد تبتسم:أنا أدري ...جننتوني اليوم..وين رايح؟أشوفك خرجت من عند أبوك
عبيد يجلس جنب أمه ويتكلم بشويش:والله يما زهقت أبويه يهزأني يقول إنت ثور ماتفهم كم مرة أشرح المبني للمجهول والمعلوم
أم راشد:جننتاه حرام عليك
عبيد:أنا قايلك من أول ماأبي أحد يذاكرلي إنجليزي..
أم راشد:مو على كيفك يالهيس.بخلي سهيل يذاكرلك..
عبيد:لايما تكفين إلا سهيل اليوم مشغول عنده حلاقة وبيرتب أوراقه لايما
أم راشد:مو على كيفك والله لتذاكر بكرة عليك اختبار ..بخلي سارة تذاكرلك.
عبيد ويمسك راسه:ياربيييييييييييييييييييييييييييييييييييه أقولها...يما حبيبتي إنتي سارة عندها كلية.ومو فاضيتلي
أم راشد:لايالكسلان سارة صحيت اليوم بدري وذاكرت دروسها
عبيد:يعني مافي فكة اليوم؟
أم راشد:إيه مافي فكة
عبيد:طيب اسمعي أنا بروح أسوي التصميم اللي فالكمبيوتر للزبون باقي شوية وأروح أذاكر مع سارة ماشي الكلام؟
أم راشد:يالله روح
سحر:ماما إش معنى هو يسوي اللي يبي وأنا لا..
أم راشد:سحر ماما إنتي عاقلة بس هو الله يعيني عليه لازم أجاريه عشان يذاكر..ملاك لاتوصخين ملابسك ..
وتشوف راشد نازل ووراه سارة بالعباية..
أم راشد:وين العزم؟
ملاك:سارة بجي معاكي..
سارة:مو ألحين ياماما..أجيبلك شي معايا وأنا جاية؟
ملاك:حلويات وآيس كريم ووحدة شوكولاتة
سحر:وأنا ياسارة جيبيلي مثلها..
راشد:يما بشتري عطور وسارة أبغاها تختارلي..
أم راشد:بس لاتتأخرون عشان تذاكر سارة لعبيد ووراها بكرة كلية..
راشد :لاماراح نتأخر فديتك ويسلم على راسها..
ويخرجون ...وركبوا السيارة وجاهم اتصال من أمهم:أقول سعد تعبان جيبوا لملاك أغراضها مع السلامة..
وتبتسم سارة:الحمدلله بتبيت معانا..
راشد:وش طاري عليك تحبينها؟
سارة:مدري من شفتها آخر مرة وأنا أحبها...
.....
طلال ركب السيارة:أنا نفسي أفهم وش يبون بهالأغراض ؟؟صدق خساير
سمر:أنا اللي أبي الأغراض مو هم وبعدين مو كلها لي ترى حتى أمي شريتلها
طلال:أما أمي مرة مايبيلها مكتبة عساهم لافهموا..
سمر:حرام عليك..
طلال:إحنا ماتعلمنا ربع الطرق اللي أخذوها..لازم قصة واكتشاف وتعليم تعاوني
سمر تضحك:ههههه صار حافظ طرق التدريس
طلال:من أمك...
.........
عادل كان يمشي وهو بين الممرات سمع صوت مايع واستغرب وفتح على أمل وسمع صوت فالحمام وخرج وبدون مايقفل الباب..
وراح لغرفة عبير وسمع من عندها صوت ضحك:لاياعمر...لفت نظرها عادل اللي كان واقف
وعادل كان واقف على قبضة الباب:مساء الخير والله....
...........
سعد:لاأبويه بس شوية صداع ..
أبو سعد:جلست اليوم مع خويك حازم؟؟
سعد:إيه سلمت عليه فالمسجد..
أبوسعد:أخذت منه العدوى..
وتجي أم سعد:سعد خذ اشرب يالله
ويشرب سعد:تسلمين يما
أم سعد:الله يسلمك..
أبوسعد:وش عليك قاعدين يدلعونك حسرة علينا
سعد مبتسم:يما ألحين أحس بشوية تحسن بروح أودي أغراض ملاك..
أم سعد:لالاتوديها راشد وسارة جايين ألحين..
أبو سعد:جايين ياحبيلك ياسارة والله لي مدة ماجلست مع هالبنت..
سعد قلبه من جوا فرحان...
أم سعد:والله حتى أنا أحبها ياأبو سعد ..
.........
راشد يوصل لبيت العنود:اسمعي إنتي إنزلي وأنا بروح أجيب أكل ماأكلت شكلها...
سارة:حاضر ياراشد..وتنزل وراشد ينتظرها تدخل
وتمشي سارة وتفتح باب المدخل وتقفله وتنادي عالعنود ومافي رد وتطلع فوق وتلاقيها طايحة عالممر..وحوالينها كاسة مكسورة..وتتصل سارة على راشد يرجع
.................
وينتهي هالبارت ..
وراح أتوقف فترة بسيطة والسبب إني قصرت في دروسي
امتحنت ديناميكا وجبت حضرتي 12 من 20 وأخذت عقاب على كيفكم يعني راح أتوقف
بس إذا حسيت نفسي فاضية والله من عيوني أكتبلكم بس الفترة الحالية ماأضمن وأنا ماأخرني إلا محاولات للدخول وهاأنا دخلت وأطلب منكم العذر
أسماؤكم نقشتها على صدري ولن أنساكم..كذلك..إن أحسست بوقت سأنزل بارتا جديدا..لكم مني كل الشكر والعرفان
ومداد من الحب والعطاء
عصيد..