رميت قنبله فى يوم زواجى

[اهات الليالى099]

من شهرين او اكثر يسرح ويفكر ويرقد الساعه عشر ويقول يلسج ممله ما عندج ذوق ومره يقول اربيعى معرس ومره يقول ابا اعرس كرهنى فى نفسى دايم يقول لاتحبينى وايد خلى شوى حق غيرج وانا لوعرست ما بينقصكم شى قلت انا بادب هذا الريال وبفر عليه قنبله مسيله للدموع عشان يحس فينى شوى واخترت يوم زواجنا التسعة عشر ------حبيبى الحين راتبك يكفينا انا واليهال ويزيد صح ----هيه الحمدلله----حبيبى شو رايك لو تعطينى بطاقتى البنكيه ---- ان شاء الله ماطلبتى بس ---هيه ليش يزعلك ها الشى لا بالعكس ها راتبج ومنحقج فر عليه البطاقه ورقد الصبح ياب الهدايا وفرهن فى ويهى وقال يودى هاياج وما نبج تحطين ريال واحد فى البيت ولا على اليهال انصدمت وعورنى قلبى اول مره يفر الهدايا فى ويهى الظاهر القنبله ذريه وانا ما ادرى الحين كله معاير وتحقير جدام اليهال الحين عرفت انه من النوع المحقر وانا حضرتى من التابعه ارجوك يا ناعمه النعومه دلينى على الطريق الصحيح قبل ما اقع فى الهاويه مسويه روحى قويه ومطنشه الله يعلم بحالى جدام عيالى

 

[تقوي الهجر]

الله يكون بعونج بس دام انج اخذتي هذا القرار خلاص لاتتراجعين 00000000

 

[هند بنت عتبة]

والله ماعرف شقولج غير الله يكون بعونج

 

[ياسمين1]

عزيزتي اهات الليالي كان الله في عونك و لكن اسمحيلي اقول لك كيف تسمحين لزوجك باخذ بطاقتك من اساسه وين الشخصية القوية الى تحكي عنها مع كل الاحترام ما تصرفك الا ضعف و تبعية له و اذا سمحت لي و لا كأنك مسوية شي البسي و تزيني و شمي هوا انتي وولادك اخرتو بيرجع متل الارنب

 

[حبيبت رشيد1]

الله يكون في عونك ويصبرك

 

[الخيّالة]

حبيبتي مو من حقه يا خذ من مالج الا برضاج
ودامج سويتي القرار خلاص ..روحي للامام كملي ..ولا تلتفتين ورا
ما يقدر يطالبج بشي مو منحقه
ودامه اصلا يعاير ويطنش ويحقر يعني معناته بتلميح يبغيج تتراجعين خليج كووووووول
وكملي لانه هو ملزوم بعياله
اذا بتصرفين على البيت والعيال عيل وعليج عيل هو شو دوره؟؟؟ ولا بتحملين وبتربين وبتسهرين؟؟ وين اصبح دور الرجل؟؟
يكون في علمج اذا احس الرجل انه لا مسؤوليه عليه تصدقين انه بيمل؟؟ انا هذا اللي احسه نفس ما الحرمة اذا قامت بدور المراة العصامية اللي تربي وتكرف وتكد حسبالها تساعد ريلها وبالتالي اغلبهن يتفاجئن بنتايج عكسية ويلقن الريال طار في الهوا ..لان مثل ما الحرمة تبحث عن انوثتها حتى الرجل يبحث عن رجولته
خليه هو بس ما يبغي يتغير عليه الحال ولا تنسين انه يستفزج بكلام مثل العرس ولا تحبيني وايد خلي الغيرج...انا انصحج انج دام الريال مش معتاز ولا محتاج خليه يحس في بيته لا يفتح لا قدّر الله بيت ثاني يحس فيه
كوني قوية باس ولا تتنازلين عن حقوقج وعطيه اشارة انك رجل بحق وحقيقي وهذي هقوتي فيك وعيالك اكيد يشرفهم ان يكون ابوهم قدوة وعطيه من الكلام اللي يحسسه برجولته ومسؤوليته وتجنبي تجرحين كرامته ودوره كرجل
و الله يصلح ما بينك آمين.
(الكلام اللي اعلى مجرد راي شخصي متواضع لكي حرية الاختيار)

 

[jomanaام]

لا
لا
لا
تتراجعين الي سويتيه عين العقل لاكن استمري
وفي نفس الوقت تجاهلي احتقاره ولو تبتعدين هذي اليومين عنه يكون افضل لأنه حاط حرته فيك اخذي بطاقتك ومتعي عمرك ودلعيها وماخذتي شي هذا حقك وماله اي حق فيه انتي غلطتي ولحقتي ع عمرك وصلحتي الغلط
واشكر الخياله رايها سديد الله يحفضها

 

[محبة الحريه]

ياعين عليكي أستمري وخلكي قويه

 

[ميوسه]

اهات اكبر غلط انو ياخذ بطاقتك

اللي سويتيه صح

بيزعل فتره ويرضى من حاله

اهم شي لاتضعفين واتعلمي من المنتدى عن شخصيته

خليك قويه معاه وخذي حقوقك كامله وحبي نفسك وكوني انانيه وخليه يلاحظ بس بدون ماتقصرين معاه بالواجيات الزوجيه


موفقه

 

[o.o]

في القصص اللي كاتبتها الاستاذه ناعمه (اظن قصه ام وليد).. كان في مقطع ونصيحه عن المره اللي تصرف وعن الزوج اللي يبي يعرس على مرته ..هو انها لاحظت انه معظم الزوجات اللي يعرسون عليهم ازواجهم هم النسوان اللي يصرفون على البيت ..

 

[روعة روح]

استحملي هاليومين الى مايتعود وحطي ببالك بيوريك نجوم الظهر بس اصبري لانها فتره وتعدي

وتذكري الشي اللي سويتيه حلو واحسن من انه يجي يوم تندمين فيه اذا تزوج من فلوسك

 

[أسماء زكي الدين]

وين المشكلة يا أختي ؟؟؟


كنت بتساعديه في فترة ما كان راتبه ضعيف - مجازا - لكن جاء وقت ولله الحمد ربنا وسع عليه ولا المال زايد وبيلمح يثني!!!

إن شاء الله بيصرف عليها من راتبك؟!

أخذتي بطاقتك ورجع حقك ولو إنك حتى لو بتساعدي في الصرف كان المفروض بطاقتك تكون في أيدك مو في أيده لأنك بتساعدي مو إتاوة !!!

المهم خلاص رجعتي حقك ولله الحمد ... زعل معلش يومين وبيرجع أحسن

أنت خلك زكية .. يوم تحتاجي شيء للبيت أو للعيال أطلبي منه برقة ودلع هههههههههه - إن كيدهن عظيم. وخذي منه وبزيادة ... مصروف لك ... لا تقولي أصرف على نفسي لأ يا حلوة ... زوجك حبيبك يصرف عليك .. وتتمتعي بماله ومالك ...

أصلا أنت لك نص راتبه ههههههههه مو أنت شريكة حياته حتى ملابسه لك فيها نصها هههههههههههه

 

[سلام سلام]

إييييوة خليكي قوية

 

[سنابل خير]

وجود بطاقتك في يده أمر سلبي جداً..
يمحو شخصيتك ..ويعدم وجودك ..
حتى تميزك في مساعدته ..لا يشعر بها .. لأنه ملكك ..
ويجعلك كأداة في يده يتصرف بها كيف يشاء ..
ما فعلتيه ..
خطوة رائعة .. رغم تأخرها .. لا تقلقي ..
سيرضى .. فقط يحتاج لوقت .. حتى يتأقلم..
وانت عليك تشجيعه وشكره .. فيما يبذله لكم ..
اشعريه بقوامته ..ولبي طلباته أكثر من الأول ..
وقدمي له واجباته على أكمل وجه ..
لا تتراجعي ..
أنت أحق بمالك وتعبك ..
فإن تزوج ستلومي نفسك ..
لأنك أنت سهلتي له ذلك .
.بمالك الذي لا يحتاجه ..
الله معاك .. يوفقك لكل خير ..

 

[وجع الايام]

سبحااااااااااااااااان الله بدل ما يشكرك ويقول ما قصرتي يسوي كذا
تدرين ليش لانه مقهور يبيك تراجعين عن قرارك
لكن انتي ما قصرتي وقولي له انا وقفت معك وما تخليت عنك ولما طالبت بحقي زعلت:icon1366:
ليش انتي مو انسانه وهذا حقك :thumbdown:
واذا قال لك ما انكرت حقك قولي لجل ليش الحركات ذي المفروض تقول الله يجزاك الخير
ولا يحرمنا من عطاياك
لكن اجرك على ربك في اللى مضى وخليك منتبهه
ولا تتراجعين

 

[إشراقة*أمل]

كوني صامدة و قوية أخيتي ..

هو ليس بحاجة لبطاقتك البنكية و لم يتوقع أن تأخذيها ..لكنك فعلت ما هو صحيح ..أشجعك و بكل قوة .. لا تتراجعي و لا تفكري أو تحاولي أن تعيدي له البطاقة بعد أن أسترددتيها .. و قومي بالخطوة التي تليها و غيري الرقم السري ..

وحاولي أن تبيني له أنك لا تفهمين لماذا أرجع لك الهدايا .. مثلما قالت إحدى الأخوات حاولي أن تتقربي منه أكثر .. دلليه .. و اطربي أذنيه بأجمل الكلمات .. و لا كأنه صاير شيء :dunno:

سبحان الله .. لديهم مال للزواج الجديد ! و من أين من ظهرو زوجاتهم !!

 

[المرهفة]

انت غلطانه انك عطيتيه البطاقة من الاول
لا تتراجعين وطبقي كلامه(لا تصرفين ولا فلس على البيت)وفري فلوسك لليوم الاسود

 

[مجروحة حيل]

صح لسانج يالخيالة قلتي الكلام اللي في بالي وودي أقوله لللأخت آهات الليالي .. وبازيد عليه أكيد زوجج في أحد بحياته يزين له موضوع الزواج والواضح أن له علاقة وده ينهيها بالزواج نفس قصتي دوم يحن على الزواج ولما أقوله : أحبك يرد يقوللي : بس تعرفين إن في ناس يحبوني أكثر منج أطنش له جدامه لكن أقعد أفتش في أشيائه من وراه لي ما اكتشفت ان عنده علاقة قديمة والعلاقة ردت وبنت ابليس تحن على الزواج منه وتبين له انها تموت فيه وتحبه وماتقدر تعيش بدونه ... صدقوني يأخواتي أن الرجل من خلال كلامه يعطيج اشارات عن خطواته اللي بيقوم فيها خاصة مثل الزواج من ثانية ويبرر حق نفسه أن هو نبهج . وماأقول الا الله يعينج أختي على زوجج بس حاولي أنج تشغلينه بعياله وبيته وهذا شي هو ملزوم منه مو الزوجة .

 

[witch]

احسنت في خطوتك في استعادة البطاقة ... لا عليك من تصرفاته يريد ان يستفزك و يمثل دور الزعلان:busted_red:
لتقومي بمراضاته و ارجاع البطاقة له بنفسك و طواعية ...

تجاهلي تصرفاته هذه الايام ... عن الهدايا ضعيها في مكان يستطيع رؤيتها فيه .. على التسريحة او الكوميدينو .. دون ان تحديثه ... استفيدي من الكلام الذي قاله لصالحك

وما نبج تحطين ريال واحد فى البيت ولا على اليهال

استفيدي من جملته هذه و توقفي عن الصرف على البيت ... فهو قد قدم لك فرصة ذهبية على طبق من ذهب ف لست بحاجة للتفكير و التردد و التخطيط في كيف تسحبين نفسك من موضوع الصرف على المنزل ... من تعود على الطاعة لن يتقبل ان يخالف ... تصرفي بكل حب وود ولكن لا تظهري ولا تتصرفي باي تصرف قد يفهمه بانك نادمة او انك تراضينه لانك اخذت البطاقة منه ... تصرفي طبيعي :cupidarrow: .. بطاقتك و عادت اليك و زوجك وفر عليك مسألة الصرف

مع الاخوات في كلامهن حول اهتمامك بنفسك ولا ازيد على كلامهن

وفقك الله عزيزتي
​

 

[كل المشاعر]

مرحبا حبيبتي...

الله ينصرج ويهدي سره ويرجع لج أحسن من قبل... :c016:

وخلج صامدة... ولا تسلمينه حقج وتعبج... على العكس خذي من عنده واذا قدرتي تاخذين بطاقته البنكية ليش لأ بغرض انج اترتبين ميزانية البيت... عسب التوفير.. (عن نفسي ما قدرت أسويها... كان أذكى..)
ولا تعطينه مجال يحس انج انتي... سلبتيه دوره وطمستي شخصيته... على العكس حسسيه انج محتاجتنه على طوووول ... وبتمين في حاجة له.. لأنه هو ظهرج وسندج... وكثري من الانوثة والدلال... بس لأ تعتذرين... وتحسسينه انج غلطتي لما استرديتي حقج... وبالتوفيق غناتي...:c014: