رغم كل شي احبكم .. ممكن افش خلقي معاكم شوي ؟؟

[دلـــوعـــة]

السلام عليكم ورحمة الله وبركاته

ما ادري والله من وين ابدا الموضوع

اول شي بقول لكم اني انا سورية ومقيمة في الامارات من زمان

وماتدرون اشكثرررررررررررر احب هالبلد وما اتمنى ابعد عنها

احبها واحب اهلها ودوم اقول هالشي للكل حتى يوم اسافر سوريا ماتلقوني الا امدح فيها وما احب احد يغلط عليها (( ومو طمع لابفلوس ولابجنسية ولا شي لان تفكيري الحمدلله اكبر من هالشي والحمدلله انا بنت عز ومو ناقصني شي .. بس احبها جذي لله .. ))

واليوم وانا افتر بالمنتديات الا تطيحني الصدفة على موضوع ( زواج الخليجيات من عربيات وتحديداً لقيت اكثر الحوارات عن السوريات )

وزعلني كثير اللي قريته ... طبعاً والحق يقال مو من الكل .. فيه فئة من العقول الواعية اللي تكلمت عن الموضوع بشكل رائع

وبالمقابل فيه فئة الله يهديها بس

وانا قلت ما ابي اضايق نفسي من اللي قريته لان بالآخر العقول مختلفة والتفكير يختلف من شخص لشخص

بس بطبعي ما ارتاح الا اذافشيت خلقي وقلت الكلام اللي يقرقع بقلبي


:tears:

من كثر ماقريت اليوم عن هالمواضيع صار عندي استفسارات كثيرة ....

وياليت تناقشوني فيها بعيداً عن الجنسيات وبعقلانية ...

لاحظت ان اغلب الخليجيات عندهم مشكلة اذا تزوج الخليجي بجنسية ثانية

مع ان الرسول صلى الله عليه وسلم قال اذا اتاكم من ترضون دينه وخلقه زوجوه ...

ولافرق لعربي على أعجمي الا بالتقوى

وربنا جل وعلى يقول ان افضلكم عند الله اتقاكم

يعني السالفة مو بالجنسيات ولا بشي السالفة بالدين والاخلاق


ونقطة ثانية مهمة حسيت الغالبية ناسينها يوم يناقشون بهالموضوع وهو ... ( الزواج قسمة ونصيب )

يعني اللي ربنا كاتب له ياخذ من آخر الدنيا خلاص بياخذها لو اعترضوا بنات البلد كلهم

واللي يضايقني بأغلب ردود اللي قرأتهم يقولون الجنسيات الثانية للمتعه ووووو

طيب ليش ؟؟؟

وحسيت اغلب هذي الردود تكون من البنات ويقولون انهم هم غير وان الشباب ياخذون مثلاً سورية بس علشان المتعه او اللي ترضى تاخذ خليجي تكون طمعانة بفلوسه !!!!!!!!!!!!!!

انا ما انكر ان هالشي موجود بس ليش التعميم ؟؟؟

اذا احيانا نلقى بالعايلة الوحده الزين والشين ... شلون نعمم على مجتمع كامل ؟؟؟؟

مثل مابالخليج بنات اصل ومتربيات .. بعد بباقي الدول فيه المتربيات وبنات الاصول .. وبالمقابل بالخليج وباقي الدول فيه البنات اللي ماتصلح الوحده فيهم تكون زوجة

وبعض الشباب يقولون السوريات في المراقص ومايصلحون ... طيب مع احترامي الشديد لهم بس كل واحد يشوف الفئة اللي يدورها

هم دوروا اللي بالمراقص ومفكرين كل البنات مثلهم

لو مدورين بنات الاصل والملتزمات اكيد بيلقونهم

والله انا عمتي متزوجة سعودي وصار لها معاه تقريباً12 او 13 سنة

والله لا يوريكم انواع الخيانة اللي معيشها فيها والنكد صارلها تقريبا اكثر من خمس او ست سنوات تعاني معاه وهو من وحده للثانية ..

شو اللي مصبرها عليه غير انها تحبه من قلبها وانها لما تزوجته كانت تبي الستر ماتبي الفلوس ؟؟

وللعلم هو مفلس وكل كم شهر مفصول من شغله وعايش بالآجار ووضعهم مايعلم فيه الا رب العباد .. يعني مو طمع ولا شي (( الله يفرج همها ))

واكيد في مثلها كثير

وبالمقابل بعد فيه اللي يطمعون ويستغلون ويدورون الفلوس

يعني بالنهاية كل مكان فيه الصالح والطالح

والله من حبي للشعب الاماراتي تحديداً والخليجي وباقي الدول العربية بشكل عام

انصدمت باللي قريته اليوم

كان خاطري بناس يقولون بالنهاية كلنا عرب ومسلمين ومافيه فرق بينا وهذا كله قسمة ونصيب


لكن للأسف ينعدون على الأصابع اللي قالوا هالكلام

مدري كيف اعبر عندي كلام كثير على هالموضوع

والموضوع اكبر من كذا

الموضوع ان اذا احنا العرب والمسلمين مسويين تفرقات عنصرية بيننا وحساسيات ومادري شو

شلون نبي نتوحد وشلون نبي يكون لنا كلمة ؟؟

احس اني مو عارفة اعبر بس يارب تكون الفكرة وصلت

وبالأخير اقول اني للحين احب الامارات واحب كل الجنسيات مهما صار:cupidarrow:

يارب مايكون حد زعل من كلامي ولا اقصد الاهانة لأي حد

مجرد فضفضة وخاطري بردود تبرد قلبي

 

[فرحة صباه]

هلا وغلا فيك يااختي الغاليه
ويسعدني اني اكون اول من تكتب في موضوعك
حياتي وعمري انتي لاتزعلين نفسك يمكن الي كتبو مرت عليهم اموووور خاصه وبعدين صدقتي مو الكل الزين في كل مكان والشين نفس الشي بس ودك الي يتكلم يخصص مايعم صح
بالنسبه لي انا اعتذر لك غاليتي عن كل الي قريتي ردودهم مع اني ما اعرف من هم وباي منتدى بس بالاخير كلنا اخوان ومسلمين واعتقد انك تعرفي المثل الي يقول الخير يخص والشر يعم
وهذولا الناس اذا ما اتكلمو يطقووووون
وعلشاني لا تزعلين وكل له عقليته وخليك منهم
اوك حبي الله يسعدك ويوفقك يارب

 

[دلـــوعـــة]

هلا وغلا حبيبتي

تسلمين والله على ذوقك العالي وكلامك الطيب

اسعدتيني بردك الراقي

لك كل الحب

 

[فرحة صباه]

هلا حياتي
الله يسعدك يارب
الدنيا ماتسوى وبما انها رايحه وفانيه
لازم الواحد يعيش يومه بحب وسعاده ولا يعكر صفوه عقليات بعض الناس
ودمتي بود غاليتي
دعواتك لي بتسخير زوجي لي واصلاح وهدايه اولادي

 

[دلـــوعـــة]

معاك حق حبيبتي

فعلاً هي عقول جاهلة بس حبيت افضفض عند الحبايب ^_^ للطمأنينة

ياااااااااااااااااارب يسخر لك زوجك وتقر عينك فيه ومايشوف من الدنيا الا انتي

 

[دلـــوعـــة]