السلام عليكم
كتبت موضوع سابقا عن عذابي مع زوجي وانه تزوج من بعد خيانه دامت اكثر من سنه
وكاني تحملت وشلت روحي من بعد ما انكسرت من الصدمه
الحمدلله رب العالمين
اليوم ابقول لكم وش صار
ضرتي طبعا وافقت على كل شروطي
وتمت على حالها وانا على حالي
استقبل زوجي كل يوم بتهليل و على سنقة عشره
اساسا ما كنت مقصره من قبل بالكشخه والزينه
بس هالايام اكثر واكثر
يعني صرت البس واتكشخ من قلب
مو طلع عينه الا خليته ما يشيل عينه عني
تغيرت من جميع النواحي
كلامي دلعي حركاتي تصرفاتي
خليته يشك بشخصيتي ما يعرف وش ردت فعلي الجايه
كان حافظني كأني كتاب محفوظ
قللت من كلامي معه لكن اونسه بقعدته
اهلل فيه كأني ما شفته من سنه
وشايفه بيتي وعيالي وكل شي احلى ما يكون
هو اساسا ما يبات معاها يعني بالنهار معها وبعد المغرب معي
كذا حالنا
لانها مسيار عند اهلها
المهم
يروح الاخ يقول لها لو تدرين زوجتي وش تسوي لي
كذا وكذا وكذا
ويمدح ويمدح ويمدح
الين ما تنفجر الاخت
وقتها كانت هي تتصل وتسأل عني و كذا
وانا اكلمها بمواضيع عامه لكن امبعدتها تماما عن حياتي الشخصيه
اكلمها كأنها حي الله اي وحده لكن بأحترام
لو تدخل بمواضيع خاصه اغير الموضوع
او اقول لها باحترام خلينا خوات نتعرف على بعض وننسى كل شي
ننسى اننا جارات واننا نشترك برجل واحد
وفعلا كان من طرفي اني إلتزمت بالشي هذا
الي خلاني اكلمها
طلب زوجي
انه ما يبيها تطلع الا معاي
ولا تروح السوق الا معاي
ولا تجلس مع احد الا معاي
ما يثق بالي كانت تماشيهم
وما قصرت
لما انفجرت من كلامه كل يوم ما له سيره الا انا عندها
لما يشوفها لسه ما طبخت يجيب سيرتي
لما يشم عندها ريحه مو طيبه بالبيت يجيب سيرة ريحة بيتي
لما تقول له شاللبس الحلو عليك يجيب سيرتي اني انا مختاره له ومطقمه له
اي شي يدخلني فيه
وانا والله اني ما كنت ادري
بس كانت هي تقول الرجال يمدح فيك كثير
قلت له الحب لك انتي لا تغارين
انا الي بيني وبينه عشرة عمر
انفجرت وانقطعت وانا خليتها على راحتها ولا ادري اساسا وش فيها
ما كنت ادري بالموضوع
ما شفت الا يوم قامت الاخت ترسل رسايل سب وشتايم
انتي وانتي وانتي كلام مره قلة ادب
وهو كمان ترسل له نفس الرسايل وازيد كمان
قلت له شوف تغلط عليك وتسكت عنها
وانا ادري انه كان يرسل لها ويسبها كمان
بس انا ما سويت نفسه بالعكس ما ارسلت لها ولا شي
المهم رحت قلت له انا خلاص
ما ابيك طلقني رضيت بالهم والهم مو راضي فيني
قال لا ما راح اطلق
الي تبينه بيصير
قلت له لا تطقها ولا شي
انت زوجها وانت تأدبها
انا كرامتي من كرامتك انا ام عيالك وش قصرت فيه
لا عليك ولا عليها ولا ولا ولا
المهم الاخ هجرها
وهي لسه ما تأدبت صارت لسه ترسل لي من مسجاتها
وهو هاجرها
الين بعد اسبوع ونص
وش صار
اتصلت وتأسفت قالت خليه يرجع لي
ما راح اسوي شي ما راح اضايقك ما راح اغلط عليك
انا وانا وانا وصارت تذم روحها
قلت لها انا ما منعته يا اختي تراهو هو الي اخذ القرار
قالت انا تأكدت من شي واحد بس بعد الي صار
اني عمري ما راح اوصل لنفس مستواك عند زوجك
قلت والله اني ما منعته كلميه وتفاهمي معه هو رجلك مو انا
قالت ارضي عني ولا تدعين علي
قلت الله يهديك لا تخربين بيتك
ورجع لها بعد مده مو على طول
وانا كنت انصحه لا تقول لها عني شي لا تمدحني ولي يرحم والديك
ارجوك خل الي بينا اسرار
وكل بيت له اسراره
الان بعد ما رجع لها
صارت تتقرب اكثر
وانا على حالي اشوف حالي وبيتي وعيالي وزوجي ونفسي
واطلع انبسط مع صديقاتي وجيراني ابد ولا كأن شي متغير علي
بالعكس صرت انسانه متفائله اكثر
ودام اني استخرت من البدايه مو هامني شي
وتقربت اكثر واكثر من رب العالمين الحمدلله رب العالمين
هي الآن صارت غريبه الاطوار اكثر من اول
صارت تطلب اشياء غريبه
وش تلبسين بالبيت لانها ما تزورني بالبيت
يعني يا دوب تلفون حاليا
او ماسنجر على حسب
وهو يقول شوفيها وينهي الآن
تطمني عليها بالبيت شوفيها نامت كلت وش تسوي
لان ما يبي يكلمها وهو عندي
انا وش دخلني
بس هم بعد احط على روحي
ما اغير منها ابد
ما احس ان في شي اغار منه
انعكس كل شي صارت هي تغار
تطلب وتسأل وانا اتوتر واقول يا رب سترك وش تبي
ترسل لي على تلفوني صور ملابسها الجديده ملابس النوم
تبيني اعطيها رايي وش تبي توصل له يعني اني اغار
طيب اجل ليه هو يطلبني كل ليله للفراش دام هي تهتم ؟؟
يعني الي عندي سوبر مان مثلا
قلنا يلا نمشيها
تطلب مني اراويها قمصاني بالصور
قلت لها ما عندي شي
قالت اجل وش تلبسين
قلت لها دراعه قامت تضحك
قالت لو كنتي تلبسين دراعه كان ما هجرني
ارسلي لي انا ما اغار
وانا مطنشتها على الاخر ما لها دخل
صارت ترسل لي صور عطوراتها ومدري شنو
وتسألني اي عطر من عطوراتك يعجبه فلان ...
يا بنات الحلال
شوفوا لي حل
ترااا والله انهبلت من تصرفاتها
لاني قادره اني اتركها ولا انا قادره اعارض زوجي
هو متمسك فيني لاني اسمع كلامه
ويشهد الله احس اني انا الي عروس من تصرفاته وتصرفاتها معي
زوجي منجذب لي اكثر وهي تدري
لكن نفس الوقت ما يقصر عليها
ملتزم بمواعيده معها وكل شي
ولما اقول له اليوم مو يومي
يقول كل يوم يومك
هي بادره ولا ارتاح ....
اخاف من الله ومن الظلم
وهو يقول انا مو مقصر معها
وهي تتقرب لي عشان تعرف وش الي يربطه فيني للدرجه هذي
وانا اقول لها تسنعي لا تخلينا حلا المجالس
خلينا على قلب واحد
تقول انا احبك انتي اختي ومن هالكلام
تقول لزوجي ما اقدر على زوجتك مره ذكيه
وانا عكسها هي تعرف تجذبك بتصرفاتها وحكمتها
وانا وانا وانا
بالله عليكم ..
كيف افهمها ان شخصياتنا تختلف وان كل وحده لها اسلوبها
ونفس الوقت ما ابي مشاكل
ولا ابي ذنوب
ابي اصفي النيه معها وهي كمان وكل وحده تشوف حالها
ادعوا لي
والله قلبي ابيض ولا اشيل على احد
كل الي ابيه اعيش بوسط عيالي وزوجي بسعاده
كتبت موضوع سابقا عن عذابي مع زوجي وانه تزوج من بعد خيانه دامت اكثر من سنه
وكاني تحملت وشلت روحي من بعد ما انكسرت من الصدمه
الحمدلله رب العالمين
اليوم ابقول لكم وش صار
ضرتي طبعا وافقت على كل شروطي
وتمت على حالها وانا على حالي
استقبل زوجي كل يوم بتهليل و على سنقة عشره
اساسا ما كنت مقصره من قبل بالكشخه والزينه
بس هالايام اكثر واكثر
يعني صرت البس واتكشخ من قلب
مو طلع عينه الا خليته ما يشيل عينه عني
تغيرت من جميع النواحي
كلامي دلعي حركاتي تصرفاتي
خليته يشك بشخصيتي ما يعرف وش ردت فعلي الجايه
كان حافظني كأني كتاب محفوظ
قللت من كلامي معه لكن اونسه بقعدته
اهلل فيه كأني ما شفته من سنه
وشايفه بيتي وعيالي وكل شي احلى ما يكون
هو اساسا ما يبات معاها يعني بالنهار معها وبعد المغرب معي
كذا حالنا
لانها مسيار عند اهلها
المهم
يروح الاخ يقول لها لو تدرين زوجتي وش تسوي لي
كذا وكذا وكذا
ويمدح ويمدح ويمدح
الين ما تنفجر الاخت
وقتها كانت هي تتصل وتسأل عني و كذا
وانا اكلمها بمواضيع عامه لكن امبعدتها تماما عن حياتي الشخصيه
اكلمها كأنها حي الله اي وحده لكن بأحترام
لو تدخل بمواضيع خاصه اغير الموضوع
او اقول لها باحترام خلينا خوات نتعرف على بعض وننسى كل شي
ننسى اننا جارات واننا نشترك برجل واحد
وفعلا كان من طرفي اني إلتزمت بالشي هذا
الي خلاني اكلمها
طلب زوجي
انه ما يبيها تطلع الا معاي
ولا تروح السوق الا معاي
ولا تجلس مع احد الا معاي
ما يثق بالي كانت تماشيهم
وما قصرت
لما انفجرت من كلامه كل يوم ما له سيره الا انا عندها
لما يشوفها لسه ما طبخت يجيب سيرتي
لما يشم عندها ريحه مو طيبه بالبيت يجيب سيرة ريحة بيتي
لما تقول له شاللبس الحلو عليك يجيب سيرتي اني انا مختاره له ومطقمه له
اي شي يدخلني فيه
وانا والله اني ما كنت ادري
بس كانت هي تقول الرجال يمدح فيك كثير
قلت له الحب لك انتي لا تغارين
انا الي بيني وبينه عشرة عمر
انفجرت وانقطعت وانا خليتها على راحتها ولا ادري اساسا وش فيها
ما كنت ادري بالموضوع
ما شفت الا يوم قامت الاخت ترسل رسايل سب وشتايم
انتي وانتي وانتي كلام مره قلة ادب
وهو كمان ترسل له نفس الرسايل وازيد كمان
قلت له شوف تغلط عليك وتسكت عنها
وانا ادري انه كان يرسل لها ويسبها كمان
بس انا ما سويت نفسه بالعكس ما ارسلت لها ولا شي
المهم رحت قلت له انا خلاص
ما ابيك طلقني رضيت بالهم والهم مو راضي فيني
قال لا ما راح اطلق
الي تبينه بيصير
قلت له لا تطقها ولا شي
انت زوجها وانت تأدبها
انا كرامتي من كرامتك انا ام عيالك وش قصرت فيه
لا عليك ولا عليها ولا ولا ولا
المهم الاخ هجرها
وهي لسه ما تأدبت صارت لسه ترسل لي من مسجاتها
وهو هاجرها
الين بعد اسبوع ونص
وش صار
اتصلت وتأسفت قالت خليه يرجع لي
ما راح اسوي شي ما راح اضايقك ما راح اغلط عليك
انا وانا وانا وصارت تذم روحها
قلت لها انا ما منعته يا اختي تراهو هو الي اخذ القرار
قالت انا تأكدت من شي واحد بس بعد الي صار
اني عمري ما راح اوصل لنفس مستواك عند زوجك
قلت والله اني ما منعته كلميه وتفاهمي معه هو رجلك مو انا
قالت ارضي عني ولا تدعين علي
قلت الله يهديك لا تخربين بيتك
ورجع لها بعد مده مو على طول
وانا كنت انصحه لا تقول لها عني شي لا تمدحني ولي يرحم والديك
ارجوك خل الي بينا اسرار
وكل بيت له اسراره
الان بعد ما رجع لها
صارت تتقرب اكثر
وانا على حالي اشوف حالي وبيتي وعيالي وزوجي ونفسي
واطلع انبسط مع صديقاتي وجيراني ابد ولا كأن شي متغير علي
بالعكس صرت انسانه متفائله اكثر
ودام اني استخرت من البدايه مو هامني شي
وتقربت اكثر واكثر من رب العالمين الحمدلله رب العالمين
هي الآن صارت غريبه الاطوار اكثر من اول
صارت تطلب اشياء غريبه
وش تلبسين بالبيت لانها ما تزورني بالبيت
يعني يا دوب تلفون حاليا
او ماسنجر على حسب
وهو يقول شوفيها وينهي الآن
تطمني عليها بالبيت شوفيها نامت كلت وش تسوي
لان ما يبي يكلمها وهو عندي
انا وش دخلني
بس هم بعد احط على روحي
ما اغير منها ابد
ما احس ان في شي اغار منه
انعكس كل شي صارت هي تغار
تطلب وتسأل وانا اتوتر واقول يا رب سترك وش تبي
ترسل لي على تلفوني صور ملابسها الجديده ملابس النوم
تبيني اعطيها رايي وش تبي توصل له يعني اني اغار
طيب اجل ليه هو يطلبني كل ليله للفراش دام هي تهتم ؟؟
يعني الي عندي سوبر مان مثلا
قلنا يلا نمشيها
تطلب مني اراويها قمصاني بالصور
قلت لها ما عندي شي
قالت اجل وش تلبسين
قلت لها دراعه قامت تضحك
قالت لو كنتي تلبسين دراعه كان ما هجرني
ارسلي لي انا ما اغار
وانا مطنشتها على الاخر ما لها دخل
صارت ترسل لي صور عطوراتها ومدري شنو
وتسألني اي عطر من عطوراتك يعجبه فلان ...
يا بنات الحلال
شوفوا لي حل
ترااا والله انهبلت من تصرفاتها
لاني قادره اني اتركها ولا انا قادره اعارض زوجي
هو متمسك فيني لاني اسمع كلامه
ويشهد الله احس اني انا الي عروس من تصرفاته وتصرفاتها معي
زوجي منجذب لي اكثر وهي تدري
لكن نفس الوقت ما يقصر عليها
ملتزم بمواعيده معها وكل شي
ولما اقول له اليوم مو يومي
يقول كل يوم يومك
هي بادره ولا ارتاح ....
اخاف من الله ومن الظلم
وهو يقول انا مو مقصر معها
وهي تتقرب لي عشان تعرف وش الي يربطه فيني للدرجه هذي
وانا اقول لها تسنعي لا تخلينا حلا المجالس
خلينا على قلب واحد
تقول انا احبك انتي اختي ومن هالكلام
تقول لزوجي ما اقدر على زوجتك مره ذكيه
وانا عكسها هي تعرف تجذبك بتصرفاتها وحكمتها
وانا وانا وانا
بالله عليكم ..
كيف افهمها ان شخصياتنا تختلف وان كل وحده لها اسلوبها
ونفس الوقت ما ابي مشاكل
ولا ابي ذنوب
ابي اصفي النيه معها وهي كمان وكل وحده تشوف حالها
ادعوا لي
والله قلبي ابيض ولا اشيل على احد
كل الي ابيه اعيش بوسط عيالي وزوجي بسعاده
