رسوني على بر .. تعبت من التفكير

[سرااااااااااب]

مرحبا ..
عندي سالفة مقهورة منها وما خططت لها ومدري وش الحل
قلت مالي الا الله ثم انتو..
عندنا مناسبة بمدينة ثانيه وطلبت من زوجي نروح رفض وحاولت فيه قال سافري لوحدك مو معطيني اجازة قلت له يوم او يومين بس مو كل الاسبوع قال انا اصلا ما ابي اسافر ليه اسافر ومدري ايش
المهم انا انقهرت طول الوقت يقول سافري سافري .. تهورت وقلت له خلاص احجز لي وراح اسافر انا واولادي
انقهرت من الفرحة اللي بانت على وجهه
المهم انا بعد قترة غيرت رأيي وقلت له مو مسافرة .. اخاف من تغيير الجو على الاطفال .. ومو مستعدة مررة
قال مو بكيفك بتسافرين
قلت له بكيفي ماراح اسافر
وكل شوي يقط كلمة
وبعد كم يوم قال ماراح تشوفوني ابدا خلال هذاك الاسبوع
قلت له ليه خير
قال كذا علمتك انا خططت وماراح اغير خططي انتي قلتي بتسافرين
سحبته في الكلام
طلع انه اخذ اجازة اسبوع ومقسمها سفر لدبي ولمدري وين
انا صعقت
قلت له ماراح يعطونك اجازة
قال مو شغلك
انا اخذت اجازة وباسافر وماراح تشوفوني
والله تمنيت الارض تنشق وتبلعني
تخيلوا الجرأة .. قلت واهلك يدرون ..قال ياويلك احد يدري
وش سالفته لانه قال لاهله ماعنده اجازة ماراح يجيهم بس انا اللي باروح وش رايكم اسافر اولا وفعلا هو ماراح يعطيني وجه هالاسبوع
على فكرة هو ش ش
احس بينفجر راسي من كذبه لا ويقول مو شغلك وهاذي مشكلتي محتاارة مررة

 

[قصيميه بامريكا]

لو منك اروح وانبسط

والله قعدتك ماله فايده وهو معند