رســـائــل لـــمـــاذا ولأنّ

  • بادئ الموضوع بادئ الموضوع الهدب
  • تاريخ البدء تاريخ البدء
معا للسعادة قال:
تسلمي يالهدب وأشكرك على الرد ، أنا كنت أجلس معاه بس تعبت أعصابي سرت وانا نايمه أتشنج دون وعي مني فأضغط بشده على فكي ، وأطرافي تكون مشدوده لدرجة ما أقدر أحركها لازم أحد يساعدني ويدلك أطرافي لأستطيع تحريكها وبعد فحوصات عده قال لي الطبيب لا تشوفي الأخبار في الليل أو أي شيء يوتر ويضايق وهو كان جالس وسامع وأبنائي يذكرونه دائما بقول الطبيب لكن ما قدر لازم يتابع الأخبار حتى ينام عليها واصحيه ليذهب للسرير .
لكن الحمد لله هو أفضل من غيره وأنا أحيان كثيره أتعايش مع وضعه لكن أحيانا أتمنى لو كانت ليالينا هادئه ورومانسيه .
أنقر للتوسيع...


أولا سلامتج
مثل ما قلت سابقا
شديه لج ... وإجذبيه للجلوس وياج
إقترحي طلعات ... تمشي وياه ... إلعبوا لعبة
الشطرنج مثلا
ورق ...
إقريله كتاب بصوت جميل وموضوع شيق
إعزمي أهله عندكم ... أو أقاربكم وأصدقائكم
إنشغلي بنشاط إنتي تحبينه في الوقت اللي هو يطالع البرامج اللي يحبها
لا تركزي عليه وايد
وتجنني نفسج
ربي يوفقج
 
رشيقة دائما

هلا وغلا
أشكرج على رسالتج لأنها بخصوص موضوع تعاني منه شريحة كبيييييييييييييييييييييييية من الزوجات
أنا موب مع الخروج اليومي للرجل
لأسباب متعددة وكثيرة ويطول شرحها
الناس ما يتزوجون حتى يبقى كل واحد في جهة
وللأسف كثير من الأزواج يعتقد إنه من حقه يخلي زوجته وعياله في البيت ويطلع يستانس مع ربعه بروحه
ما أقولج أثيري غيرته و سوي مشاكل وياه ولا تضعين نفسج بمواقف محرجة لأنه ببساطة ممكن يمنعج من الطلعة كلها
لكن حاولي بشتى الطرق ... شتى الطرق تخلينه يقلل من الخروج بروحه ويجلس وياكم وقت أكثر وتتطلعون ويا بعض أكثر وأكثر ...
ما أبيج تخافين من كلامي بس يا أختي ما تدرين إيش يصير في الخارج ...
الريايل يخربون بعض ترى ... والله أعلم في إيش يتكلمون و وين يسيرون
ليه نحن دوم ننتظر لين توقع الفاس في الراس بعدها نقول يا ليت
الزوج يجب أن يبقى تحت الرقابة (ما أقصد تخنقينه وتتجسسين عليه) بس يتم في تواصل ... وإذا هو دوم بره البيت وين التواصل؟ البيت موب فندق
فهميه هذا الكلام بجدية ... وقولي له أنا وأولادك بحاجة لك وذكريه برأي الدين ....
خيركم خيركم لأهله
وأضرار غيابه عن البيت عليج إنتي وعلى الأولاد
رقابة الأب وتواجده مطلوبين جدا للأطفال
حددي وياه إنه مثلا يطلع مع ربعه مرتين في الأسبوع والباقي يكون وياكم في البيت
يوم تزورون أهله
يوم أهلج
يوم تطلعون مع الأطفال
يوم بروحكم
يوم تعزمون حد عندكم
المهم ما يطلع كل يوم
كوني ثابته على موقفج وهادئة وواثقة وإنتي تطالبين بحقج
لا تصارخين ولا تستفزينه
تخيري الوقت المناسب للكلام في هالموضوع
شوي شوي بيتغير
الموضوع صعب في البداية بس مع الوقت يتعود
كوني بخير
 
التعديل الأخير:
شكرا لك الغالية الهدب
متابعة لكل مايسطره قلمك الذهبي من درر
سلمت يداك
 
بصراحة هدوبة :msn-wink: إحترت أي مشاركة لكي ( رسالة ) أقتبس
تعجز يداي عن كتابة كلمات الإعجاب والمديح بأسلوبكي وبفكركي وبحكمتكي ( ماشاءلله لا قوة إلا بالله )
الله يحفظكي الغالية
متااااااااااااااااااابعة :in_love:
 
عبرة ...
يتنظرج الخير والسعد دوم :)


عزيزة نفس ....
بعض مما عندكي :)


أم يوسف ...
الحب المفروض يبنينا ويرفعنا ... مو يعذبنا ويقهرنا ... ولا ما له داعي
دمتي في حب
 
يعطيج العافيه يالغلا

نصايحج تبرد عالقلب والله :)

انا بعرس قريب و بديت اخاف من المشاكل اللي ممكن تيني و مادري كيف بتصرف .. اعترف اني احيانا اكون حكيمه و افكر بعقل كيف اطلع من الورطه بدون لا حد يحس .. بس بعد اعترف انه مشكلتي عصبيه :( اتنرفز بسرعه ماقدر اتفاهم خاصه مع اللي اسلوبه شديد احيانا (خطيبي)

و احاول احط كلامج في بالي و اهدي من اعصابي دوم ^_^
 
قوية الساس ...
جمعتج مباركة
الزواج مبني على التنازلات من الطرفين
يعني مرة إنتي تعدين له .... ومره هو يعدي لج
بالتوفيق
 
وين الموضوع
حبيبتي ممكن تعطيني اللينك لاني كتبت فالبحث (لماذا ولأن) بس ماطلعلي شي غير هالموضوع و رديت علييه ههههه
 
بوركت أختي العزيزة على الطرح المميز
لا فضّ فوك أخية
​
 
الله على الكلام المفيد الحلو ...لا فض فوكِ يا الهدب...
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل