رسايل في موبايل زوجي

[أيام وليالي]

مرحبا الغاليات أكتب ودموعي على خدي اليوم عرفت إن زوجي يعرف وحده وبينهم مسجات بعد بالصدفة بدلنا أنا وياه الموبايل وشكله نسى يمسح المسجات طبعا أنا ماحسسته بشي لكن ما أقدر اتحمل دلوني كيف أتصرف على فكرة هي كويتية وريلي ناوي يروح الكويت آخر الشهر على فكرة علاقتنا وايد أوكيه في بعض وحتى أهو دايما يقول أنا مرتاح وياج وحاسس إنج وايد متغيرة في الفترة الأخيرة ( الفترة إلي عرفت فيها المنتدى) ساعدوووووووووووووووني

 

[عطريه]

لازم تلقين دليل علشان المواجهه انصحك انتبهي تطول العلاقه ترها تتحول عشق

 

[التحدي صعب]

على طول واجهيه بذكاء و بدلع وبغنج يعني ازعلي فجاة والا تكلمي عن حكاية واحد زوجته تحبه وبعدين اكتشفت ان له علاقة مع وحدة وجرحها وخسر حب زوجته له عشان وحده بايعة نفسها له ولغيره ومن هالكلام اللي كله دلع وغنج وتانيب ضمير وقولي له انه وانا اقرا القصة احمد ربي ان زوجي مايغرف بهالدنيا غيري الله لايحرمني منك ووضميه وبوسات ودلع وبيروح الكويت روحي معاه رجلك على رجله
قولي ودي اسافر معك وخليك دائما معاه

 

[دموع الطف]

عندج رقم البنت كلميها وقولي لها تحل عن زوجك لان ما يصير هالحركات

 

[احاسيس غامضه]

قلبي انا جديده عليكم بس عندي نصيحه
لا تخليه يسافر ابد ابد لوحده ولا تعطينه الفرصه
وحاولي في جلسه صفاء بينكم تقولي له انك وعرفتي انه يعرف غيرك
وانتي مسامحته عشان تحيبنه ومن الكلام الحلو :icon26:

 

[الهي اصلح حالي]

سلام ياحياتي اذا انتي واثقه فيه ومن احترامه وتقديره لكي واجهه بجلسه حلوه وبكلام هادي بيستحي علي وجوه من بدايه الموضوع وانا مجربتها ماراح تندمي

 

[فراشة الحور]

اناء مع التحدي الصعب فكرتهاوووووووووووووووايدحلوه

 

[وااااو لوعه]

انا اقولج اسمعي كلام ايام وليال

 

[نظرةعيوني ذلتهم]

اجمعي الادلة ولا تواجهين زوجج فيها ابد الا اذا فعلا ضمنيه انه بيكون في صفج

الله يعينج يا رب

 

[Style_ Female]

لا تخلينه يسافر او سافري معاه

وانتبي انتبهي من المواجهه في غير محلها

ليه ماتكلمينه وتقولي لها انا زوجته وانتي بتخربي بيته

وبكذا مابتتواجهي معه وبنفس الوقت راح يستحي منك ويحط راسه بالارض

لانك احترمتي رجولته ولا واجهتيه

 

[لمسة ورد]

الله لا يوفقها الحقيره

 

[shofhm]

مساء الخير
حبيبتي لا تنهارين...وانتبهي لكل خطوة تتخذينها
لالالالالالالالا تواجهينه ....لانه مستحيل يكون مدمغ ويبادلك الجوال بكل بساطه؟؟؟!!!!
اللي على علاقه دايما يكون حريص ما ينكشف فاذا كان زوجك اعطاك بكل ثقة الجوال معناته انه مستعد في الانفصال منك لا قدر الله لانه مستحيل يجاهر بهذا الشكل ابدا او...ان الرسايل ماهي له اصلا.....
شوفي حبيبتي ....اول خطوة تسوينها ...لايحس ابدا انك عارفه...وابدائي بجذبه لك ...يعني كثري جلوسك معاه...والنوم...
وكل شيء لالالاتقصرين وحاولي تقنعيه انك تروحين معاه
وصدقيني الرجل لا يبحث عن علاقه جديده الا لان زوجته بكل بساطة مقصرة او صاحبة شخصية قويه لايحس معها بالراحة
يعني ابحثي مع نفسك عن الاسباب واهدائي واجذبيه نحوك ولالالالا تواجهينه لانه ممكن يقلك ببساطه عاجبك ولا مع السلامه
زوري منتدى الاستشارات الاسريه فيه مواضيع كثيرة مثل موضوعك وفيها اجابات شافيه باذن الله
اسفه جدا على الاطاله
الله يربط على قلبك بالصبر والقوة

 

[القلب المهجور]

لازم تتأكدي

طيب الرسايل بأسمه يعني موجهه بأسمه

لأنه ممكن ينكر

لازم تتأكدي وماتستعجلي