رساله الى كل زوجه ثانيه (وقصه حقيقيه )

  • بادئ الموضوع بادئ الموضوع نو25
  • تاريخ البدء تاريخ البدء
بصراحة هدي القصة قلبت المنتدى خناقة وزعل وكنت افوت الردود بسرعة ابغى الشوف النهاية ايش صار مع سلوى بس خسارة انها لسى ما انتهت
يالله يا عسولة الله يسعدك خلصي القصة مشتاقين نعرف النهاية
بس عندي ملاحظة
سلوى ليش لبست بيوم زواجها اسود
والمفروض تلبس لون فرايحي مثل البمبى والبيج والسماوي وتخلي الاسود لمناسبة تانية خاصة انها عروسة
 
صبااااح الخييير حبيبااتي ويين نواااارة القصة ان شاءالله مااا تبطيي شوقتني حيييل اقرا الباااقي الله يستر بس ​
 
اقسم لكم بالله اني انا مثل بسمه
وزوجته الثانيه الفلبينيه مثل سلوى
ونفس الكلام الي قالته سلوى قالته الفلبينيه
والفلبينيه نجحت وغيرته علي خلته يكره معاشرتي ووناستي
وصار ملحووس عليها حتى اذا سافرت يسافر معها او يسافر وراها
وذحين انا حزينه سافر امس معها
وانا متاكده ان سلوى راح تنجح مثل قصتي تمام سبحان الله
لكن الله يجيب الفرج يمهل ولا يهمل
 
حبيباتي انا حاسه ان الشقه اللي اثثها لسلوى راح تكون لصديقه لاني قريت القصة بس ناسيه التفاصيل بس صراحه انا بهزمن صرت اشوف النسوان تهوشون علي رجال مايستحق حنا زودنا غرور الرجال بس نفكر وش يسعدهم وهم مايفكرون غير بنفسهم
 
وينك يانو حرام عليك وين رحتي
اش نهايه القصه
من البارحه وانا اقرا ابي انام عجلي يالله
انتي متواجده
بس اش فيك وقفتي القصه
بجلس اشوي انتظر ثم بروح انام
يالله عجلي نبي النهاااايه​
 

صباح الخير يابنات هذا الجزء ثالث مره اكتبه
سلوى البسي باخدك معي مشوار دقايق وانا عند الباب
سلوى . يالله بطلع
سند :بعد ماركبت سلوى السياره وش رايك باهلي وبناتي
سلوى: اقول بس ماتزعل
سند :لالالا رايك يهمني
بيتك وسخ وبناتك ملابسهم مقطعه وجزمهم ذايبه ,, انت فقير ياسند ليه ماتشريلهم ليه تخليهم كذه هذه منك مو من امهم
انتم بدو بدو من الي انقرضو مافي احد كذه الحين
سند . لا تتكامين على اهلي وبناتي انت كذابه
سلوى روح شوف جزمهم ولبسهم ليه كذابه
سند :تروحين معي نشريلهم
سلوى ايوه طبعا اروح
سند :يالله
وهناك قمت اشري واختار لبناته ويوم خلصت لقيته راح يم شنطه نسائيه ومن عيونه عرفت انها لبسمه حطيت يدي عليها وقلت عندي كثير مااحتاجها لاتعب نفسك ياحبيبي
وتركها سند وطلع
وحنا بالسياره راجعين
سالني سند وش رايك بزوجتي
سلوى: انت سالتها وش رايها فيني
سند : ايوه قالت طيبه مره
سلوى : بس انا اشوف انها قويه قويه مره
سند : اقول سلوى وش سالفة تنظيف البشره
اسمع اذا جيت تنام عندي الليله راح اخلي بشرتك ووجهك يلق
سند : بس انا الليله لازم انام عند بسمه
سلوى : عادي قول لها عندي شغل وهي ماراح تقول لا اذا انت تكون مبسوط
سند يسوي اتصال لبسمه على تليفون البيت لان بسمه ماعندها جوال
ابي استاذنك الليله بنام عند سلوى علشان عندنا شغل وحركات
ردود سند ::طيب كيفك
خلاص كيفك
سند قفل الخط ومو عاجبه
سند :سلوى عيت بسمه ايش رايك ناخد حاجاتك وروح نسويها هناك
سلوى ايش ايش مابقى الا هي انا ماوري احد حجاتي وخصوصا طبينتي
سند :مسرع ماصار عندك طبينه وصرتي تعرفين الطبن
 
ان شالله ياغزا قلبي مانمتي ترى بكتب جزء غيره الحين اذا ربي يسر اذا ماجاكي نوم ارجعي ادخلي
 
تسلمين يالغلا قصة روعة

يالله ننتظر النهاية
 
نزلت سلوى عند بيت اهله وهي نازله قالت انا ابي اروح عند اهلي اذا تحب سفرني وخلك هنا انا ماني جالسه
سلوى <<انا طفشت بس لو خلاني اروح لحالي وين اروح عند عمي عساه للعله ماينفع اروح لحالي
وثاني يوم سند يدق على سلوى تجين تتغذين عندنا تقول بسمه
سلوى : اي اجي تعال خذني
سند تجهزي
سلوى تقول لبست ملابس حلوه ولما وصلت البيت قال سند انا ابيكي تقيمين هنا ببيتي لين نسافر
سلوى : ومتى بنسافر
سند : بسمه على وجه ولاده وابي ازين لها امورها قبل اسافر بعد العصر بنروح نجيب ملابسك واغراضك
سلوى ان شالله
سلوى وسند وبسمه جالسين على الغذا
سلوى : ايش رايم اليوم بسوي لكم عشوه حلوه
سند: ايوه ايوه كذه ورينا الشغل
بسمه : وانا بساعدك
سند : الله لايحرمني منكم ويرضى عليكم زوجاتي الاثنين
ماعجب سلوى
سلوى سند انا اذا ابي اسوي العشا ابيك تجيب طلباتي
سند اجل بعزم متعب صديقي علشان اقهره بشغلك
سلوى : شغلي مايطلع حلو اذا معي احد بالمطبخ
سند: لا بسمه لازم تكون معك وغمز بعيني لسلوى
سلوى سكتت ولما قامت بسمه ناظرت فيه وقالت لا تعزم متعب ماني مسويه شي
قال سند خلاص انت ماتبينها معك ماراح تكون معك بس لاتزعلين !!!
 
هههههههههههههههه جالسة افتح الصفحات واغلقها ادور على جديد

ما قادرة اطلع بدون ما اعرف النهاية

:4::21:​
 
يابنات لا تستعجلون النهايه تو الناس انا ابي اوصف لكم شلون سوت سلوى وعلشان تنصدمون اكثر كل الاحداث هذه بالثلاث اسابيع الاولى من زواج سلوى
سويت سلوى العشا وسوت اصناف غريبه وحلوه ابهرت سند واكل سند بعض الاشياء ال كان مايحبها ولا يخلي بسمه تسويها له !!
الليله سند بينام عند سلوى ببيت بسمه الله يكون بعونها
سلوى وين انا بنام
بسمه انا سويت لك فراش انت وسند في غرفة الضيوف
سلوى : شكرا بسمه
شوي ودخل سند عند سلوى بغرفة الضيوف
سلوى يالله ابي اسوي لك تنظيف بشره
تقول سلوى :وقمت طلعت اغراضي واشياء ادري ان سند مايعرفها وقمت احط ماسكات وانظف وامسح وازين وبالاخير وريته القطن شلون طلع وساخه من وجهه وتفاجئت من ردة فعل سند
سند جمع القطن الوسخ والمناديل الوسخه واخدها وراح عند بسمه واسمع صوته يقول تشوفين تشوفين علشان كذه امس ماكنت ابي انام هنا
ورجع لسلوى
سلوى :قولي لي اسماء الاشياء هذه علشان بشري لبسمه مثلها وتنظف وجهه
سلوى : اي ان شالله بعدين
يالله ننام
سند نام معي في هذه الليله والصباح قمت ابي اتروش وقلي روحي تروشي بالحمام الي جوه هذا خربان دخلت وتروشت بحمام بسمه
بسمه كانت صاحيه ولما شافتني سوت نفسها نايمه
ودخلت غرفتي
وبعدين ماجاني نوم رحت المطبخ وسويت فطور ودقيت على بسمه تعالي افطري
بسمه :لبست شرشف صلاه ولمحت الي لابسته من تحته قميص نوم يخوف شكله طويل ويلمع وباكمام !!!
قلت لها انتم ماتفطرون قالت لالا
وشوي ولا سند داخل علينا
قلت سند تعال افطر وافطر سند وسالته انت ماتفطر قال لالا
سلوى بعد ماقامت بسمه غريب الحريم الي يطلعون ازواجهم الصباح بدون مايفطرونهم
سند :اه بس وش يسون اذا مالقو احد يسويلهم
سلوى يتزوجون الله شرع الزواج علشا الناس الي مثل هذه
سند: انا احبك ياسلوى مره
 
يانو طلبتك رووووووووووووووووحي لام سلوى وزوجها وسلمي لي عليهم ياربي فديتهم بردوووووو حرتي بسلوووووووى الحقيرة الي ماشافت خير
 
الليله ليلة بسمه
الصباح دق علي الباب سند وقمت فتحت له وقال لا تلمسيني الوقت هذا مو لكي لبسمه ،،والكلام هذا مااعجبني قلت سند وش الهبل الي انت فيه
سند .بسمه ماخده مني عهد ماالمسك علشان كذه وخري بعيد عنك
سلوى طيب بس بكره راح اسوي فيك نفس الشي
سند :انت مو مثلها انت جايه عليها اهي المحتره مو انت فهمتي ياقمر ،،وطلع من عندي
وثاني يوم
راح سند عند بسمه وتاخر عندها وشبت فيني النار ولما جه جلست اهاوش واتكلم قال انا منت ابدل ملابسي
بس انا مااشوف شي ومااخليت ولا بقيت شي ما قلته ومافقت الاوهو يقولي انت طالق وطلع
وقتها اغمى علي
ورجع سند على صوت وقوعي على الارض وقام يستسمحني وانا مثل الارنب خايفه مايرجعني وارجع لعمي
ورجعني سند بنفس الدقيقه
وصار كل يوم بعد مايصلي الفجر يجي يكمل نوم عندي وبسمه ماتدري
وفي يوم دقت علي بسمه سند عندك
سلوى ايوه
بسمه دمعت ومشت شفت دموعها بعيةني بس مارحمتها مااعرف ليش مو بيدي كل الي اسوي ابي اكسب سند باي طريق
سالني سند مين يدق الباب
قلت بسمه تسال عنك
سرح سند وقام وراح عندها وحطيت اذني على الباب وسمعت بسمه وهي تبكي بحرقه بس مارحمتها ابدا ابدا ابدااا
 
يالله شو قوية سلوى <<< متأثرة بالقصة احس بصيييييييييييح
 
والله سلوووووووووووووى حرقت اعصابي ارجوووووووووووووووووووووووووووووووووووووك كملي بسرررررررررررعه
 
وجه مو عد سفرنا ورجوعنا بيتنا اف كم كنت مشتاقه ارجع بيتي ورجعنا وصرت كاني خدامه طول النهار انظف غلشان اوريه اني مو مثل بسمه
بسمه لما تشري ماتسال عن السعر ومايهمها اما انا ..
سلوى سند ابي اشري طلبات للبيت
سند : ابشري اليوم اوديكي
سلوى في السوبر ماركت
شوف سند حبيبي الارخص
سلوى :لازم لما نشري نختارالزين والرخيص بعض الاشياء غاليه وبنفس الجوده
سند: ياشيخه الغالي انظف
سلوى :ليه انت مايعجبك شغلي ولبسي
سند :الا
سلوى شفت لاني اعرف اختار الرخيص والزين
الله يعين بعض الرجال الي عندهم حريم مايعرفون يتصرفون
سند : الله يخليكي لي ونعم الزوجه انت
........................................................
وكنت كل يوم اصلي الفجر واسوي له فطور علشان اثبت له اني مو مثل بسمه واني احسن وكنت اتفنن واسوي فطور باشكال غريبه
واوصف لبس بسمه له واتتريق عليه وعليهااااااااا
قبل نسافرطلبت بسمه من سند جوال
وصارت تكلمه على الجوال وقتها الجولات مالها رمز حمايه كان احسن جوال الفيصليه
وكانت بسمه ترسل له رسايل وكنت امسحها قبل يقرها
................................................................................
بس انا احس احساس غريب تعبانه وهفتانه والدوره ماجتني بس ماشكيت اني حامل لان امي فهمتني اني ماراح احمل \
وفي يوم اغمى علي وانا اطبخ سويت تحليل وطلعت حااااااااااااامل مااحد يتصور ايش كثر فرحتي
سند صار يحبني وانا حامل وخلصت من الغول عمي
..............................................................
بسمه ولدت وجابت ولد مااحد يتخيل فرحة زوجي اول ولد بعد البنات انا بعد فرحت لهم بس تفاجئت ان سند يتصل على بسمه ويقول لها ممكن اخلي سلوى تسميه
بسمه ممكن عادي بس بقهر تقولها
سلوى :ماينفع ياسن لازم كل وحده تسمي ابنها
.............................................................
ثاني يوم اتال على سند
والد سند
سند تعال بسرعه ابنك مات
.................................................
زعلت ورحمتهم وثاني يوم تخيلت ان الي ببطني ولد مو بنت
سويت اتصال نوه
الو نوه حبيبتي كيفك
نوه : هلا ياسلوى كيفك هاتي ماعندك من اخبار
سلوى .ولد سند مات
نوه : ياربي صبرهم مسكينه بسمه من وين ولا وين تلقاها
سلوى :نوه ادعي ان يكون الي ببكني ولد نفسي يانوه
نوه : سلوى احمدي ربك انك حامل ولد ولا بنتالي يجي خير
سلوى :لا ودي ان اسمي واسم سند يكون واحد واصير انا كاني الاولى يارب نفسي يانوه
نوه : شلون سند معك
سلوى :تصدقين لو اطلب عيونه مايقول لا
نوه وش سويتي علشان يحبك سند كل هذا الحب
سلوى :عرفته ان في صنف جديد من الحريم ماكان يعرفه
اسمعي يانوه انا اروشه والبسه بيدي ملابسه على طول نظيفه وممكويه وجاهزه الي يفسخه يلقاه بنفس اليوم نظيف
والله يانوه اني ااكله بيدي
انا يانوه تفنن بالطبخ وازين الصحون وارتب السفره
تصدقين يانوه يدخل من الباب يلقى السفره على الارض
واجلس اسب بالحريم الي يخلون ازواجهم يجبون غذا من بره
ينام الظهر يصحى يلقى كاس العصير عند راسه
اجلس افرك وادلك به حتى وهو نايم
عمري ماصحيته مثل بسمه قوم يالله الصلاه قوم
اصحي بالتدليك لين يقوم بروحه ،، تصدقين يانوه مايعرف انا الحريم يرحون مطعم مع ازواجهم انا عزمته وعرفته على كل شي
تصدقين يانوه عمره بحياته ماشرى ورد الحين كل يوم يدخل علي بباقة ورد
عمره ماشرى لزوجته هديه الحين يعرف ان الهديه شي اساسي
تخيلي كا يودي هدايه تمر وعسل
الحين عرف ان في انواع ثانيه من الهدايه
تصدقين يحسب ان كل الحريم مايتفاعلون مع ازواجهم عند النوم الحين علمته كل شي وريته ان في صنف جديد من الحريم
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل