رساله الى كل زوجه ثانيه (وقصه حقيقيه )

  • بادئ الموضوع بادئ الموضوع نو25
  • تاريخ البدء تاريخ البدء
ويييييينك اختفيتي
 
يابناااااااااااات سوال بسيط ؟ هل عائشة رضي اللة عنها خاطفة رجل يوم تزوجت اشرف الخلق ) علئ فكرة اللي عندها مشششششششششاكل لا تعمم على بنات المسلمين انا زوجة ثانية بس اخاف اللة تعالي وتري الاولي والثابية هذا قدرنا ماالحل نتهاش نتقاتل ام نرضي بالامر الواقع على فكرة الصبر ثم الصبر والحكمة بس وشكرا ​
 
في جده كان سند يضيع الطريق والشقه الي حنا فيها ونجلس نحوس وندور
ومره وحنا تايهين لقيت سوق ونزلت اتمشى فيه بعد مااستاذنته
وجلست اختار تحف وكل مااخترت وحده اخد مثلها قمت تركت المحل وجلست باليساره وجاني
ليه زعلتي
سلوى:اسمع لاتشتري لاحد مثل الي انا اختاره سمعت
سند:ليه
بس انا مااختار لاحد
سند : انا شريت وبعدين انت ماتملين علي فهمتي
رجعنا الشقه
سند:سلوى انت نظيفه مره مره
سلوى <<اها شكل زوجته مو نظيفه ولا ماكان استغرب النظافه
سلوى طبعا الوحده لازم تصير نظيفه بلبسها وبيتها ترى الرجل يكره الحرمه الوسخه والرجل الوسخ هو الي يعيش مع وسخه فهمت
سند :سرح وجلس يفكر
سلوى <<اها شكلي وصلت للي ابيه
سند: يالله بنروح عند اهلي في قريه قريب جده
طيب حبيبي لازم اشري هديه لزوجتك وبناتك
سند :ماشاء الله عليكي انت نعم الزوجه يالله نروح
سلوى ودني سوق راقي وحلو
ورحت سوق ناسيه اسمه بس كان كشخه وراقي ودقيت على زوجت خالي نتقابل هناك
سلوى سند حبيبي انتظرني هنا
وراحت سلوى المكان المتفق عليه ولقت زوجت خالها
سلوى وش تبين تشترين من هنا
سلوى ابي اشتري لنفسي كم طقم حلوين وراقين علشان اهله وزوجته يشوفوني فيهم اول مره
زوجة خالها :انت ماقلتي بتشترين لزوجته
سلوى: ليه مجنونه اشري لها من هنا
وبعد ماخلصت سلوى ودعت زوجت خالها وطلبت منها تدلها على سوق رخيص
وراحت السوق الرخيص وشريت شي بسيط ومتواضع لزوجته وراحت الشقه
..............................................................................................
الصباح
سند: صباح الخير حبيبتي والله ماانسى انك رحتي تشترين من اغلى الاسواق لبسمه شكلك فيكي الخير ياسلوى
سلوى:طيب حبيبي اذا انت مبسوط مني انا ابي اروح كوفيره
سند: طيب بس لي طلب منك
سلوى وش بغيت ياقلبي
سند:انا ماابيكي تكشخين مره عند بسمه علشان ماتضايق مره
سلوى :ايش ليكون بعد تبيني اغير شكلي اسمع انا مااتصنع الجمال هذا حقيقي
سند : خلاص انا قلت راي وخلاص
ودق جوال سند .........................................................................................
هلا طيب طيب انا الليله جاي الديره
سلوى :خير في شي
بسمه اغمى عليها ومنومه بالمستشفى واهلي الليله مسوين لنا عشا كبير تجهزي بنسافر
سلوى :معليك حركات حريم فهمتها انا الحركات
سند:ههههههههههههههههههوالله كشفتيها هههههه
.................................................................................................ز
تقول سلوى
رحنا بيت اهله ناس مختلفين عنا لاعدات ولا طباع ولا لبس ولا احد عطاني وجه
للاسف سند تزوج بدون مااحد من اهله يدري الا ابوه بس الي يعرف وكان معارض على قبيلتي ،،الصراحه ماحبيتهم ابداا
بس كانوشيفيني شي مثل سند ماقال شيفيني مثل التلفيزون
نمت عندهم وسند راح لبسمه
سلوى>>يتركني ويروح لها والله مااعديها له ولا حتى لها
ام سند:تبين شي
سلوى لالالا
اخت سند :تحبي انام عندك
سلوى ياريت
ودار كلام كثير بين اخت سند وبيني كنت احاول استدرجها عن شكل بسمه بموت واشوفهاااا
وطلع الصباح وانا افكر بسند كيف يتركني ويروح لها ويقطع تفكيري اتصال نوه
..............................................................
وينك انا عند اهل سند
نوه. ان شالله مبسوطه
سلوى :قهرني كل ماشريت شي يبي يشريلهم
نوه:طيب ايش يعني خلي دخلتك عليهم تجيب السرور
سلوى :اي سرور والله لاوريكي فيهم
نوه :ترى انت الي مختاره هذه الحياه
سلوى :بس ماكنت اعرف اني راح احس بالقهر هذا
نوه :لاتخربين حياتك ولا حيات غيرك وترى اهي ام بناته افهمي بنات
سلوى :يالله مع السلامه
.............................................................................
 
اشوف احد يتهاوش مره ثانيه
تناقشو باسلوب سلوى وشوفو كيف جالسه تكسب زوجها
احسن من الهواش والتجريح بس لا احد يسوي مثلها ابدا ابدااا
 
نو25 قال:
اشوف احد يتهاوش مره ثانيه
تناقشو باسلوب سلوى وشوفو كيف جالسه تكسب زوجها
احسن من الهواش والتجريح بس لا احد يسوي مثلها ابدا ابدااا
أنقر للتوسيع...


ههههههههههههه حاضر بس لاتطولين علينا طيب راح تنزلين الحين جزء ولا نشوف اشغالنا
 
وشوي ولا سند يتصل سلوى ابي اجي اخدك عندنا في البيت بسمه مسويه لك غذا
تاخر شوي على ماالبس
سلوى <<وش البس وش اخلي بس
وتزينت سلوى ولبست وركبت السياره
ودخلت البيت وقلبها يخفق >>ياترى وش احساس بسمه الحين وزوجها داخل عليها بوحده مثل التلفيزون على قولهم
سلو تقول :دخلت لقيت البيت زباله والي قدامي وحده صغيره بالسن بس اللبس مكبرها وبناتها لبسهم مقطع والجزم الله يكرمكم ذايبه
ياه فرق بين بيتي واثاثه وبيتها اصلا بيتها مابوه اثاث ابدااا
اول ماشفتني عيونها امتلت دموع ،واول ماشفتها قلت هذه سهل تطلع من حياتي وحيات زوجي !!!!!!!!!!!!!!!!!عجيب
 
كملييييييييييييييييييييييييييييييييييييييييييييييييييييييييييييييييييييييييييييييي
 
لاحول ولا قوة الا بالله اف ياسلوى انتي الي خسرانه ومردك بيت امك وزوجها دام هذي نيتك
 
الغريب في الامر ان ضروفها زي الزفت بس شكلها عندها عقد نفسيه بسبة زوج امها وتبي تستحوذ على كل شي ولا عاد من زينه سند
 
بسمه:كيفك سلوى حمدلله على السلامه والف مبروك الزواج
سلوى :شكرا حبيبتي
بسمه :البنات كانو بيسون لك حفله بس ماامداناا
سلوى شكرا شوفي يابسمه هذا فستان انا شريته لك ان شالله يعجبك
بسمه : شكرا
ودخل سند
سلوى :وش ذا العسل الي متزوجها ,,زوجتك مره طيوبه
سند: وانت مره عسوله
سلوى <<اشفيها ماغير تناظر فيني وش تبي مني ليكون زعلانه مني تروح تزعل على زوجها الي خلاها وتزوجني !!!!!!!!عجيبه سلوى
بس انا لازم اشوف وش عيوبها
بسمه كانت حزينه
سلوى تهمس باذن سند زوجتك مثل الصنم لاتسولف ولا تمزح كيف الرجل يعيش مع ذا الصنف من النساء
الله يعينك ياحبيبي والله شكلك من احسن الرجال الي متحمل وساكت
وسند تكبر راسه !!!!
اقول بنتك الصغيره ورى رحتها مروحه ليه ماتروشونها
سند: البنت تبول على نفسها وهي نايمه
سلوى :الشرها على الام لازم تصحيها بلليل وتهتم اكثر ببنتها شكل زوجتك تحب المسيير كثييير
سند : شلون عرفتي
واضح من اهمالها لبيتها الله يعينك ياحبيبي انا راح اعوضك عن كل شي ياقلبي
سند الله لا يحرمني منك
سلوى :ودني عند امك ماني طايقه اجلس هنا اكثر الله يعينك
سند حبيبي معي شوي منظفات بشره وحركات تعجبك حاول تيجي ابي اسويلك تنظيف بشره الله يعينك شكل زوجتك زمان ماسوت لك تنظيف بشره
سند ها مدري وش تقولين ؟؟؟؟؟؟؟؟؟؟!!!!!!!
شوي واكمل
 
كملي احس انك واحده محترفه ومغيره معرفهااونكهاالله يسعدك
لاتتأخرين تري متعطشين للقصص الحلوه ياحلوه
الله يجزاك خير
 
حلوة,,
تنظيف البشرة,,
الله يسعدك نوها,,كملي ,,
متـــــــــــابعة بكل الود,,
 
عاد انتو تقولون كملي وانا ارتفع ضغطي من هالسلوي يعني مالقيت تشوف نفسها الاعلى هالضعيفه المسكينه ياويلها من ربها متشوقه اشوف نهاية سلوى وين توديها هالداهيه ذي
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل