رسالتي له تشرح معاناتي!!

سبحان الله وبحمده
لازلنا في "مود" التطنيش ولا من مبادرات
 
يعني الموقف يتصاعد,
أطنش وهو مطنش
طلبت منه فلوس تبع النيو لوك بس رفض!!
لكني مصممه على التغيير
 
ابحثي في طفولته وتربيته واقرائي المزيد عن كتب علم النفس في الشخصيات اللي نفس شخصية زوجج.. على فكرة الولد يتطبع نفس طبع الاهل من ناحية المزاجية .
جربي الليلة تستغفرين بنية تغير زووجج وتسخيره لك اول مرة 100مرة .. بعدين 200او 500 مرة صدقيني بتشوفين نتائج عجيبة باذن الله .. واضمن لج ان الاستغفار له اثار وفوائد كثيرة احنا غافلين عنها..
وطمنينا عليج.
 
شوفي اختي انا ماكملت باقي الردود
بس ترى مر علي مثل هالفترة كثيررررررررررررررررر
لدرجة نمشي بالسيارة ولايفتح فمه بكلمة بمجرد مايجيه اتصال شوفي السوالف والضحك ومن هالكلام
عصبت تكلمت مافيه فايدة بالاخير طنشت
والى يومك على هالحالة انا ابدا مايسولف معي وينكت ومع اكل ياسلام صرت اقول ياليت احد يتصل عشان اسمعه يسولف

فطنشي ياعمري
ورسالتك فيها اشياء غلط تدرين ليش لانك قاعدة تترجينه ليش ياعمري خلاص ارسلتي لاعاد ترسلين سويتله كم حفلة لاعاد تسوين كل شئ حلو كان يشوفه منك لاعاد تسوينه خليك منشغلة بنفسك
بيجي هو يسالك عن كل شئ
الله يسخره لك ياعسل
 
شكرا يا غالية

إن شاء الله الله يقدرني وأكون قد التطنيش المطول هذه الفترة
 
للأسف يا جماعة

صح لازلت مطنشه وع الاخر

بس سويت من يومين النيو لوك ولا عبرني ولا حتى طالع فيني او علق

حتى الولد علق وهو 6 سنين والابو ابد
 
اهلين اختي

طمنينا الحال زي ماهو والا في شيء جديد

مع اني ابصم انه زوجك مو طبيعي يبي له قرايه

والا وش يجبره يعيش معك

كأن بإمكانه يتزوج غيرك اذا مايبيك ..!!!

يعني حتى في شكلك مايعلق لابالإيجاب ولا بالسلب ..
 
حبيبتي عطيه وقت
انتي تقولين وفاة امه مالها شهر

اصبري شوي

الله يسخره لك
 
حبيبتي الله يعينك
ومافيها شئ لومنهاره تعاجي نفسيا

الله يعينك ياقلبي
 
فرج الله همك وسخر لك زوجك

أختي اللي فهمته من كلامك إن ما في شئ صار بينك وبينه يعني زعل ولا غيره
فليش التطنيش فالتطنيش في حالة زعل وإنت عارفة إنك مب غلطانة أو جرحك في الكلام وإنت تبغينه يحس أما التطنيش لأن هذا هو اسلوبه من سنوات فأرى أختي إنك تنفخي في إربة مقطوعة مثل ما يقولون حبايبنا المصريين.

روحي قدميله شئ يحبه مثل عصير أو شاي وجلسي تحاوري معاه لا تتكلمين عن وضعكم لا، اسأليه هذا السؤالبس بدلع شوي
إنت شو أكثر شئ تحبه لما أسويلك يعني شو الشئ اللي يخليه يستانس لما تسويله هو مب تسألينه شئ يحبه فيك .
قد يستغرب ويسألك ليه؟ قوليله لأني أعرف إن كل انسان في شئ يونسه لما حد يسويله والناس مب سواسية وهذا أكيد بيخليني أعرف كيف أخليك مرتاح ومستانس.قد يجيب وهذا ما تتمنينه وأتمناه لك وبجوابه بتعرفين شو مفتاح قلب زوجك وهو من داخله بيفرح لأنه بحس إنك تحبينه وتحبين سعادته ، وقد لا يجيب ويطنشك فلا تزعلي صدقيني من داخله بيكون فرحان بس شو نسوي في العند والتكبر. فإذا سكت وما رد خليه على راحته وسيري كملي أشغالك واشغلي نفسك ولا تزعلين وتعصبين خليكي هادية ولا تطنشينه شو سالفة التطنيش مب فاهمته إنت تبغين تحلين مشاكلك ولا تزودينها لا حبيبتي حافظي على بيتك .
أنا إحساسي يقولي يوم يومين بإذن الله إذا عرفتي كيف تكونين عادية وريلاكس في البيت زوجك بيفتحلك قلبه وبيقولك بطريقة أو أخرى شو جواب السؤال اللي سألتيه.( ترى أنا أحب التفاؤل ) مثل ما قال حبيبنا صلى الله عليه وسلم

وبعد ذلك اصبري عليه وقوليله في جلسة حلوة تعرف شو أكثر شئ أحبه لما تسويلي وقوليله الشئ اللي أكثر شئ يحسسك بحبه لك.فيد واحدة لا تصفق يا أختي وكفاياكي تنازلات لازم بعد إنت تحصلين على اللي تبغينه وإلا الحياة تكون صعبة بس بالمناسبة طلبك لازم يكون لك مو من أجله يعيني مب تقوليله أشوفك مستانس ولا أشوف ابتسامتك لا عزيزتي فطلبك ممكن يكون:
أن يكون كلامك معاي يبرد القلب ويحسسني بحبك لي
أو إنك تجلس معاي أكثر
أو تحضني تبوسني يعني اختاري الشئ اللي يونسك أكثر شئ .

أسأل الله لك فرجا قريبا والله ييسر أمورك يا رب
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل