رسالة عتاب لزوجي إيش رأيكم

[حورية فاتنة]

السلام عليكم ورحمة الله

مين سبق وجربت تكتب لزوجها رسالة عتاب وتحطها له في البوك او في احد جيوب ملابسه

انا كتبت الآن رسالة عتاب له ومازالت عندي على الجهاز ماطبعتها ومتردده لأني ذكرت كل شيء يضايقني فيه واخاف هذا التصرف مايكون عتاب كثر ماهو انتقاد

فمين قد سبق وكتبت لزوجها رسالة عتاب على ورقة مو رسالة جوال
وكيف كان تأثر الرسالة على ردة فعله ؟!!

على فكرة الرسالة على الجهاز عندي محفوظه على سطح المكتب
افكر لو ماطبعتها اخليها كذا يمكن يمر يوم ويقرأها بشكل عفوي إيش رأيكم مو افضل وابرر موقفي اني بس كنت افضفض مع نفسي :10:​

 

[أم تالا 2011]

فكرة حلوة خليها على سطح المكتب وماأنصحك تطبعينها لأنه أنا سويت نفس الحركة وتضايق منها زوجي كثير فماأنصحك تطبعينها

 

[زيزي العسل]

حلو انك تخلينها على سطح المكتب اذا هو بالعاده يمر عالجهاز
حركه عفويه وماكانك قاصده انه يشوفها

 

[dody fayed]

أنصحك إنك تكتبيها بخط يدك أحسن وتعطيهاله وهو خارج مثلا رايح الدوام وتقوليله ياريت تقرا الورقة دى أنا عملتها لزوجى والله العظيم كنت خلاص بفكر أطلق والله العظيم زوجى بعد ماقراها ورجع البيت اتبدل 360 درجة ماشاء الله وقالى كانت حركة كويسة منك وخصوصا لو كان شمالى شرقى اللهم أهديلنا أزواجنا جميعا

 

[مدام حنو]

فكره حلوه بس يارب مايزعل

 

[خبروية]

السلام عليكم انا كنت كتب رسالة عتاب ولصقة علي الباب قبل خروج العمل بس مايهتم 00000يقول اذامتاضقة واجهن لاتكبين ورقة 0000انا من نوعية ابكي عند مواجهة عجز كمل كلام بعكس ورقة كتب صفحة كاملة

 

[تشكرات]

على حسب طبيعة كلّ رجل .....فيه رجال عادي عندهم وتتماشى معهم حركاااات من هذا النوع ....

وفيه رجال ما ينفع معهم أسلوب كهذا ....يفضّلون المواجهه .....لكن بالنسبه لزوجك ....أكتبيها وكأنك

تفضفضي وأتركيها على سطح المكتب ( حتى يقرأؤها بتمعّن ويستوعب كل كلمه مزبوط ....بس هاااا أنتبهي

لا تغلطي عليه بالكلام ...ولا تنتقديه بعنف ..( حتى لا يغضب منك ) وبالتالي تتحوّل الرساله الى مشكله ( لاسمح الله ) ...

ما أقصده هو أن ( تبوحي بمشاعرك وأحزانك وفي الوقت نفسه عتابك يكون هادئ ورقيق ) ....

موفقه ...

 

[لودي الحلوة]

ههههههههههههه ذكرتيني بنفسي كتبت له مره في بداية زواجنا لاني كنت استحي اقول بوجهه
كتبت له رساله صار ماسكها علي الى اليوم ومايقول رساله يقول معروض
انا عن نفسي اي شي في خاطري ثقيل وابيه الا يوصله ( اكيد بكون زعلانه
واحتمال اذا صار نقاش او ابي ابين له اللي بخاطري اخاف اجيب العيد او ادجها دج )
بعد مايروح الدوام الصبح استعد عاد لكتابة الرساله باسلوب ذرب ويوصل سريع من
غير هذره زايده ومبداي خير الكلام ماقل ودل بس مليان حنان وعتب وشرهه ( هذا
لانها بس رساله لو وجه لوجه كان صارت علوووووووووم خخخخخخخ ) المهم بعد
ما انتهي ارسلها له ايميل لانه يفتح ايميله طول اليوم طبعا ايميل العمل اذ عنده
رد بيرد علي ايميل واذا استدعى الامر نقاش تناقشنا ............. احيانا تجيني ضحكه
والله ليه الصبح نكون الاخلاق تجاريه ماحد طايق الثاني وبعد مايرجع من الدوام تلقين
الضم والخرابيط وانا واياه ماتكلمنا ابد بس الايميل وطريقة كتابة الايميل له مفعوله السحري
واحيانا يرجع من الدوام ويوقف عند الباب ويناظرني والضحكه شاقه وجهه بدون ماينطق اي
حرف بس ايش ادري انه ياثر فيه وياثر فيني بعد وغير كذا وهو الاهم انها تجيب نتيجه وايجابيه
جدا لان احيانا المواجهه نتيجتها عكسيه واحيانا تحسين انك تستكثرين الكلمه الحلوه وجها لوجه
وانتي زعلانه بس كتابة بتحطينها لانك عارفه ان لها مفعول السحر واهي كلمه وانكتبت فما ادري
انا من رايي تخلونه مبدا عندكم فيه عتب وعتب جامد يوصل للانتقاد حتى الشخصي انا من رايي الايميل افضل حل لانه عن تجربه

 

[زهوووور الريف]

انا رايي من راي الغالية تشكراتلكن اهم شي انك تبدين الرسالة بمدح وشكر على الاشياء الحلوة اللي فيه واللي قدمها لك .. بعدين يجي العتاب .. وجربي حظك .. واستخيري قبل لا تعطينه الرسالة (لا تنسين ترى مهمة الاستخارة) ..**

 

[عسوووله]

الرساله مفعولها رهيب
انا زوجي جنوبي واول زواجنا كانت تحصل بيننا صدامات كثيره تزعلني بس انا من النوع اللي ما يعبر
لاني اخاف اجرحه بكلمه او ردة فعل عشان كذا األجا للصمت والزعل وهو محتااااار وش مزعلني
فشفت الحل الوحيد هو الرساله وكنت اكتبها بخط يدي واحطها بغرفة النوم او بمكان واضح اذا كنت بروح لبيت اهلي
اخليه يشوفها وانا مو موجوده بالبيت ودايم كان يتصل ويبرر لي اسبابه ونتناقش قبل لا ارجع البيت
انا زوجي تقبل فكرة الرساله وجاب لي دفتر جديد عشان اكتب كل اللي بنفسي هههههه

جربي وشوفي هي كلها رساله ولو ما تقبلها اعتبريها تجربه وعدت
الله يسخره لك ويسخرك له