ردود ........ ليلى كيف كانت وكيف اصبحت ( رحله الى عالم الدلع )

  • بادئ الموضوع بادئ الموضوع أطياف
  • تاريخ البدء تاريخ البدء
الحالة
مغلق و غير مفتوح للمزيد من الردود.
ما شاء الله
الموضوع روعه يا سله فواكه
واللي زاد حلاه صراحه البنات ومشاركاتهم
بصراحه انا محتاجه لمثل هالمواضيع لاني كنت مثل ليلى
بس بديت اصحى بعد ما دخلت هالموقع الرائع
انا عندي المشكله الماديه اللي تعيقني نوعا ما اني اشتري الاشياء اللي في بالي
اللي تزيد اناقتي وانوثتي بس احاول بالمتوفر عندي
وثاني شي عندي توأم صبيان وما شاء الله عليهم الشقاوه كلها متجمعه فيهم
طبعا التعب النفسي والجسدي كانوا عذري علشان اهمل نفسي
لكن بعد ما سجلت في هالموقع وقريت بديت اغير نفسي
لكن ثقتي في نفسي قليله ودايم اقارن نفسي باللي حولي وهذا الشي يتعبني
لكني بعد موقف وائل وكلام البنات عزمت اتغير وازيد ثقتي بنفسي وارجع انثى باذن الله
بس محتاجه توفيق من الله سبحانه اني اقرا مثل هالمواضيع واصرار على التغيير
وطبعا لا تنسوني بدعائكم يااحلى خوات
تحياتي للجميع:a194:
 
سلة فواكه .. لا عدمنا سردك الجميل يا الحبيبه..

أحب نفسي وأعشق الإهتمام بما تحب ..

ومعك أتعلم أكثر فأكثر ..

لك كل الحب والتقدير


غلا جابر​
 
وه وه ياقلبي فديت قلبك سله شو هالإبداع لاعدمناك ياالغاليه كلي شوق للبقية المثيرة
 
ما شاالله عليج ياالغلا سلة فواكه .... اسلوبج راااااااائع
ربي يسعدج دنيا واخره

سبحان الله نبرة الصوت تأثر وبقوه ع الريال
بالنسبه للاسباب الي خلتني اكون شبيهه لليلى (مب مثلها بالضبط لكن شبهها )
الصراحه انا ما ألوم حد غير نفسي
انا الغلطانه .. واعترف بها الشي .. وللاسف الشديد
قبل الزواج .. صحيح ان عند امي ربي يذكرها بالخير ويذكرها بالشهاده يارب.. كان عندها كل شي لا
حتى شل الشعر كان عيب .. (لازم ما تشلون الا بعد الزواج) << الحمد لله تغير تفكيرها الحين واااايد (الحمد لله رب العالمين)
لكن كنت مهتمه بعمري ... ما البس الا الزين والحلو (جلابيات البيت كانت حلوه ومريحه ) وشباصات الشعر وحركات ...
وبعد الزواج كنت بعد اوكي .. بس شوي شوي بديت اهمل عمري (ليش ؟؟ .. ما ادري )
يمكن لاني كنت اقنع نفسي بان : تغيرت والا ما تغيرت كله واحد دام ان ريلي الله يهديه كل يوم والثاني يقول بتزوج .. يعني كنت حلوه والا مب حلوه نفس الشي
وبعد ما ربيت اهملت عمري ع الاخر وللاسف
خواتي كانو ينصحوني ربي يسعدهن .. لكن لا حياة لمن تنادي
وبسببي ريلي صار يشوف كل وحده تمر .. يمكن كانت فيه هذي العاده لكنها زادت بطريقه واضحه وتقهر
واهمالي انتقل من نفسي لبيتي ... بديت اهمل بيتي والتنظيف يوم اتفيج .. وطبعا دوووم مب متفيجه ومتضااايقه وصرت فعلا نكديه

وفعلا ريلي بدا يفكر جديا بالزواج .. وبدا يدورله على حرمه ثانيه
بس عقب ما دخلت الموقع ... وبديت اقرا القصص ونصايح الاستاذه ناعمه والاستاذه موزه ... ربي يجزيهن الفردوس يااااارب
بديت افكر بعمري .. واشوف نفسي بنظره ثانيه
وبديت ولله الحمد احب عمري اكثر .. واقتنعت باني اسوي كل شي لنفسي مب لغيري .. عشان ارتاح واستانس واثق بنفسي
والحين انا في مرحلة التطوير ( بوكيمون مب حرمه خخخخخ )
والحمد لله بديت والبدايه حلوه ولله الحمد وبفضل الله النتايج بدات تظهر من كل النواحي سواء من نفسي .. او زوجي او الي حولي
وبديت اقرا عن انماط الشخصيات ربي يسعدهن بنات المنتدى ما قصروا ربي يوفقهن دوووم يارب
لكني الحين في البدايه وناويه اغير اللوك واغير من ناحية الثياب واسلوب الكلام والنظرات والحركات وكل شي كل شي
واتمنى من الله التيسير باذنه سبحانه

يا بنات عليكن بالدعاااااء
والله الواحد ما بيقدر يتغير الا اذا نوى نيه صادقه وتوكل على الله
وحاولو تطلبون الدعاء من الي حولكم لان الدعاء في ظهر الغيب مستجاب بفضل الله

واسمحولي الغاليات ع الاطاله
ولا تنسوني من ادعيتكم الحلوه ...
وربي يسعدكن
 
واو تطورات كبيره


نشوف عاد هالتغير اللي صار بليلى تغير عميق والا بس سطحي =)
 
نبض الحنان


الحمدلله على التطورات اللي صارت لك


والعبره في التعلم والصحوه من اللي كان الانسان فيه

كلنا الحين نحاول نطور من انفسنا ويوم عن يوم نتطور ونتعلم اكثر


الله يخلي لك زوجك وعيالك ان شاء الله :)

بنت ملك


فعلاً مثل ماقلتي احلى شئ بعد الضغوط النفسيه نيو لوك على حلاوه على حركات دلع ولبس جديد وتطلعين ولا أحلى والنفسيه كمان =)



واسمي NooNz >_<

بس قريباً راح يتغير =)
 
التعديل الأخير:
رااااااااااااااااااااااااااااااااااااااااائعه
ياسلة فواكه
بنتظاااااااااااااااااااااااااااااااااركــ
 
من سنة ما نظفت سنة وع وش ها القرف اي ثقة بالنفس هذي
مافي لها عندي اي سبب يبرر ها التصرف مرفووووووووووووووووووووووووووض​
 
متابعة الموضوع وووايد روووعه كل شوي ادخل:icon-mos: اشوف التكمله :flex:
تسلمـــــــين يا الغلا:clap::blush-anim-cl:​
 
و الله روووعه

حمستينا

بليييييييز لا تتأخرين علينا

بانتظار الجزء القادم بفارغ الصبر
 
حلووووووه قصتج سله ..

بس صدق البطله ساذجه لآخر درجه كيف ما اتحس و شلون اتفكر غريييييييبه ..

بس صدق كل ما اقرا القصه اخاف ع عمري و اهتم بنفسي اكثررر مع اني ابد ما اهمل عمري ..


تسلمين الغاليه ..


و نتريا الباقي ..
 
أكمل لكم مثل ماوعدتكم............طبعا في الجزء السابق شرحت الأسباب الي خلتني أهمل نفسي غصبا عني..........وفي هالجزء راح اشرح لكم مسلسل الأخطاء الي طحت فيها................. تزوجت ولله الحمد زوجي راعي خييييييييييييييييير ومايقصر علي ابد............يعني الحين ماعندي عذر الماده وتوفرت.........طبعا عالم الأسواق والمولات كان يديد علي بالمره...........جني انفتحت لي مغارة علي بابا...........ضعت كثيييييييييييييييييير...............وتخبطت كثيييييييييييييييييير...........شاشتري وشليناسبني.............أول خطأ طحت فيه اني اخذت النصيحه من مكان خطأ...........وسمعت للأنتقادات الجارحه والغير بناءه...........يابنات نصيحه لكم من كل قلبي اذا بغيتو النصيحه في اللبس والكشخه خذوها من مكانها مو اي احد يجي يخربط عليكم تصدقونه...........وميزو بين الناس الي تجي تنتقدكم عشان تتغيرون للأحسن وبين الناس الي تنتقد بدافع الغيره وبدافع انهم يحطمونكم ويقللون من قيمتكم......وهاذا الي صار لي مع أختي الله يهداها..................انا تزوجت وانا عمري 18وكل مالبست بلايز وتيشيرتات وتنانير قصيره قالت مو حلو مو لبس متزوجات...............تدرون اش كانت تنصحني البس ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟بدل رسميه وجاكيتات وقمصان مثل اليونيفورم حق المدرسه...........:icon1366::icon1366::no::no:...........كانت السالفه مزيج من الغيره وقلة الخبره في الموضه..........لانها الحين صارت تلبس مثل الي كانت تقولي لاتلبسينه.........ومره أذكر اني شريت شنطه ماركه بثلاثة الآف ريال...........قالت وع حرام ماتستاهل وانا من زود غبائي رحت قطيتها بالدولاب ولاعاد استخدمتها وبعد شهور تفاجئت فيها تطلبها مني وتقول ابي اكشخ فيها...............وطبعا ثياب كثييييييييييييير كان مصيرها مثل الشنطه بسبب تعليقات أختي بس بعدها فهمت اني لازم اكون واثقه في ذوقي الشخصي ومب شرط انه التعليقات الي حوالينا تكون صحيحه وتنصب في مجرى مصلحتنا.............الخطأ الثاني اني كنت دايم استكثر على نفسي.................واحب اهمس لج اختي العزيزه انه زوجج لما جي يعطيج كل شهر ميزانيه وقدرها( )معناتها انه يبيج تلبسين على مستوى هالميزانيه..........يعني لويبيج تلبسين من المحلات العاديه والرخيصه بيعطيج كم مئه وبيقول دبري حالج فيهم.............بس انا كنت دايم احس بالذنب شلون كل شهر اصرف هالمبلغ على نفسي؟؟؟؟؟؟؟؟؟؟كنت اشتري ملابس بسيطه وعمليه مو دراريع وجلابيات لا.............جنزات وبلايز واغلب شي ساده والوان قاتمه كحلي .........أسود ........بني .......بيج.........وكنت اختار صالونات عاديه مع انه ميزانيتي تسمح لي اني ارتاد صالونات خمس نجوم................ودايم احس انه الصالونات الفخمه والراقيه والمحلات الماركه لناس ثانيه أحسن مني مو لي...............واحس اني لو أذبح عمري ماراح اكون كشخه وستايل مثل الي اشوفهم حوالي...............لحد ما بدى زوجي يلمح انه لبسي وشكلي مايعجبه وهنيه ارتكبت الغلط الثالث.......
 
التعديل الأخير:
Magdoleen قال:
من سنة ما نظفت سنة وع وش ها القرف اي ثقة بالنفس هذي


مافي لها عندي اي سبب يبرر ها التصرف مرفووووووووووووووووووووووووووض​
أنقر للتوسيع...


نفس الكلاااااام
يعطيك العافية سلة ننتظر البقية بشوووووووق:icon26:
 
الحالة
مغلق و غير مفتوح للمزيد من الردود.
عودة
أعلى أسفل