ردود اسمهان وعبدالرحمن

[سكونة_00]

هههههههههه رانية هاذي وش حرها ؟؟؟؟بس بجد حبوبة ..!!عالعموم ...تعجبني هالحركات والابداعات في القصة ..شاي أخضر وأكياس شاهي وسكر ..الله بسويه نفسه في عرسي ...خخخخخخخخخخ ....اعذريني ياجيوونة مبدعة شو نسوي
ماشاء الله !
أجل و شرايك اذا بعرس بختارك انتي تسويلي البرستيج حق عرسي مع أفكارك الجهنمية بس حددي السعر ..خخخ تنفعي تكوني مصممة أعراس ...
​

 

[14نور]

ابدااااااااااااااااااااع يا جيونه
متخمسه اعرف موقف مرام من الشله بعد الا صار في الملكه

 

[هادئة البال]

أنا لو علي وحدة ما بدها اشاركها فرحتها ما بغصب حالي عليها زيادة عن اللزوم
خلص هي حرة بطريقة تفكيرها
ننتظر يا عمري​

 

[عصير الفراوله]

ضيعت القصة يابنات لو سمحتن تدورن لي عن الاجزاء الباقية ----حفظت الاجزاء القديمة وابغى الاجزاء الجديدة

 

[كنز الحياة]

ههههههههههههههههههههههههههههه قمه فى الروعه
تسلم ايديكي جيووووووووووووون
بس رانيه ...ابدعت هالمره خخخخخخخخخخخخخخخ

 

[قصةحب]

ابـــــــداع ماشاالله عليكي انا ادخل كزائره بس قلت لازم اسجل واعطي راي علىهالقصة الرائعه بصرااااااحه يعطيكي الف عافيه

 

[ربى * المجد]

تدرون يا بنات شو يعجبني برنو

انها تشبهني لكن انا هاديه

يعني إذا غلطت ما يكون غلطي مقصود وبعدين على طول أروح اعتذر

مثل هالرنو فديتها المهم انها عرفت تصلح غلطها

 

[مرسى الحنان]

ما قد قريت القصه ولا ادري اش السالفه
لكن الله يجزاكي الف خير

 

[نورة النورة]

رائع يااحلى جيانة
جزء جميل ودمه خفيف

 

[جيانة]

ياليت وحده فيكم تنسخلي القصة في الردود من غير صور لأنها ماتفتح معي الصور فيها فايروس يقفل الموضوع

تفضلي جزء ملكة مرام:

ملكة مرام
راحت رانية للمدرسة ثاني يوم واجتمعت بالشلة...
نجلاء:هاه؟اش أخبار مرام؟ترانا نفذنا كلامك ومااتصلنا فيها بناءً على طلبك.
رانية:مافيها شي..خايفة على بشرتها من الشمس ياحظي!!وتقول إنها عروس ولازم تستعد!ورسالتها لكم ماتبي خزعبلات وحركات!!بس على مين يامرام؟؟أوريكم فيها يوم الملكة!!
أفنان:عاد إنتي من غير ماتسوين شي يارانية أي مناسبة تروحينها تقلبينها فوق تحت!فمابالكم يوم توعدتي مرام الله يستر بس!هههههههه
اسمهان:الله يهديكم بس..اشفيكم هالسنة تركتوا المقالب والمشاكل في بنات الناس وقمتوا تتمشكلون مع بعض؟؟؟؟والوحدة منكم يالطيف من يوم تجي بالصباح ونفسها بـ راس خشمها!اللي عندها طاقة زايدة تروح تكنس الساحة أحسن لها!!!!!!!
رانية:أكنس الساحة يااسمهانوه؟؟طبعاً كأنك واقفة بـ صف الست مرام؟مو بتسيرون سلايف؟بتبدأ حركات الأحزاب!
اسمهان:أي أحزاب وأي خرابيط؟كلكم على العين والراس..وبعدين من يوم ماتعرفنا على مرام قبل سنين وإحنا داريين إنها مغرورة شوي ودلوعة..اش اللي اختلف يعني؟؟
رانية:اللي اختلف إني أكثر وحدة صار لي مواقف معاها..بس مو كل شي أحكي لكم عنه!!
نجلاء:هذا لأنه لسانك طول الوقت بره عطيه فرصة وحدة بالعمر يرتاح شوي!!ماأقول غير الله يعين نويصر عليك!!
اسمهان:ايه صحيح يارنو وش أخبار هالنويصر معاك؟؟؟
رانية:وااااي وااااي عليه فديته طايح فيني رومانسية وغزل بشكل ماحصل!!
أفنان:الله يهني سعيد بسعيدة!!
نجلاء:هههههههه نفسي أصدقك..بس مو قادرة!!
رانية:بالله خذي أفنان وضفوا وجوهكم عني أبي أتكلم مع اسمهان شوي..
وراحوا نجلاء وأفنان...
وقعدوا رانية واسمهان في طرف الساحة...
اسمهان:خير يارنو؟تبين تتكلمين معاي بخصوص أي موضوع؟؟
رانية:بخصوص نصور هذا اللي فاقع لي مرارتي!!
اسمهان:أمرك عجيب والله..مو هذا النصور اللي قبل شوي تقولين عنه طايح فيك تغزل ورومانسية؟؟
رانية:ياسوسو لاتدققين! من كلامي خذي و خَلِي!!وبعدين هذي حركات قدام البنات!!
اسمهان:فضفضي وانفضي غبارك!أقصد أخبارك..
رانية:يختي هالآدمي كل يومه ينكت ويمزح..
اسمهان:ياعمري ينكت ولا ينكد عليك!شي أهون من شي..
رانية:بس ماينعرف صدقه من كِذبه!!
اسمهان:إنت ذكية وتقدرين تميزين!
رانية:وقال ايش؟بينقلني معاه شرورة!ديرةٍ صمعاء نائية!!
اسمهان:الله يعينك..بس مِن حب يتحمل!!!
رانية:أي حب وأي قرنبع؟أنا معاه بكل شي لكن يخرجني من جدة وسط أهلي وناسي..مستحيل!!!
اسمهان:يعني اش تبين بالضبط؟؟
رانية:أنا يوم جاء يخطبني كان شرط أبوي عليه إنه نسكن بجدة ومانطلع منها وهالحين أشوفه يبينا نسكن بأخس مكان..بالله جدة موب أحسن من شرورة بمليون مرة؟!!!فياليت تكلمين عبدالرحمن يقنعه يتنازل عن النقل..تدرين أصحاب ويمونون على بعض!
اسمهان:ياسلام؟وانتي ليش ماتقولين هالكلام لناصر مباشرة؟
رانية:مالي نفس أتصل فيه ولاأكلمه..دايماً يستهبل علي ويسوي فيني مقالب!!
اسمهان:زين خلي أبوك يكلمه!
رانية:إلا أبوي!! لو يدري إن السالفة فيها نقل.. ممكن يفركش هالخطوبة!!
اسمهان:وإن كان ناصر ملزِّم على النقل..واش بتسوين؟؟؟
رانية:بأسوي مثل أبطال المسلسلات وأخلع الدبلة وأرميها بوجهه وأقول:مش عايزة أشوف وِشك خالص!إنتَ طالق!
اسمهان:صحيح إن أهل العقول في راحة!!!!!!!!!
===================
وكلمت اسمهان زوجها بموضوع ناصر..
عبدالرحمن:أفا يالعلم!غريبة مابلغني؟عاد هو مايخِش عني سالفة؟
اسمهان:عاد رانية مسكينة تقول لو أصر على النقل ممكن تفسخ خطوبتها!
عبدالرحمن:مدري أحس الموضوع مو بداخل مزاجي!هنا بيته تمليك ووظيفته ممتازة والعمل متمسكين فيه والشركة اللي يشتغل فيها لها فروع بالرياض والشرقية..يعني لو بغى ينقل فالشرقية راح تكون الحل المثالي لأن اخوانه وأقاربه هناك...فاإيش اللي بيرميه على شرورة؟؟؟
واتصل عبدالرحمن وسأله عن صحة الخبر!!
عبدالرحمن:ياحبيبي وش هالأخبار اللي سمعناها عنك؟؟
ناصر:ياساتر استر!وش سمعت؟؟
عبدالرحمن:إنك بتنقل شرورة!
ناصر:هههههه أي شرورة؟أنا ممكن أفكر أنقل كينيا ..الصومال.. بس شرورة ماقد خطرت على بالي!!
عبدالرحمن:عاد هذا العِلم اللي وصلنا!
ناصر:حِسادي كثير..بس لايهمك!!
وبعد شوية دردشة قفل عبدالرحمن السماعة
وقال لاسمهان:مثل ماتوقعت..صديقتك هذي ماعندها سالفة لابينقلون ولاشي...يمكن ناصر يمزح عليها وهي صدَّاقة حبتين!
اسمهان:أشوى!!ماني متخيلة إنه بيجي يوم وأفارقها....
==================
أقبل يوم الخميس وجاء اليوم المنشود ومرام في قمة توترها!!
وبدأ الناس يتوافدون على القاعة..وكانت هذي الليلة بحريــــــــة!
يعني كل الديكورات مستوحاة من قاع البحر..
مدخل القاعة كان فيه طاولة عليها شموع بأشكال أصداف وقواقع..ومحارة كبيرة تنفتح وبداخلها دفتر يسجلون فيه الزوار مباركتهم وأحواض زجاجية مليانة حبات لؤلؤ وأصداف حقيقة.. كاسات شفافة معباة برمال ملونة وبراويز صغيرة فيها صور لمرام وهي صغيرة وتلعب عند شاطيء البحر...​

وفوق الطاولة نازل من السقف شبكة عليها قواقع وأسماك...كان الديكور حلو بمعنى الكلمة..
على طاولات الزوار بداخل القاعة كانت المزهريات اللي تزين الطاولات على شكل صدفة فضية وبداخلها ورد..​

وترمس شاي وترمس قهوة والشي الغريب انهم حاطين بعد ترمس للموية الحارة وصحون زجاجية فيها سكر وأكياس كوفي وأكياس شاي أخضر!!!!وبالنسبة لسبتات الضيافة كان فيها تمر+شوكولاتة بشكل أصداف وقواقع+سينابون+بيتيفورات ومعجنات..​

وبعد وقت من بداية المناسبة أقبلت اسمهان مع أم عبدالرحمن وبنتها أحلام والخالة جوهرة وأقارب لهم وزوجات أعمام وعمات عبدالرحمن وبناتهم وكان عددهم تقريباً كلهم22...
واستقبلوهم بالغطاريف والبخور أهل مرام وأقاربها....
وبدأوا أفراد الشلة يكتملون...
وآخر وحدة حضرت منهم رانية..بالفستان الأحمر اللي لبسته يوم ملكتها!
[I
وبعد ماسلمت على أفنان واسمهان ونجلاء اللي كانوا قاعدين على طاولة وحدة...
رانية:واشفيكم تناظروني كذا؟؟
مستغربين ليش اني لابسة فستان ملكتي؟؟ببساطة لأني اليوم أبغى تحضيرة!!!!!!!!
الشلة:ايييييييييييييييش؟؟
رانية:واشفيكم اخترعتوا؟تحضيرة يعني زفة خاصة لي بما إني عروس جديدة!!
نجلاء:بس ياحبيبتي..انتي ماتزوجتي لسه..السالفة ملكة بس..والمتعارف عليه ان الوحدة تتحضر لما تكون عروس..وغير كذا انتي مو من جماعة مرام..يعني ماله داعي..
رانية:أقول..الليلة خاربة يعني خاربة وش لقفكم انتوا؟الست مرام مو قالت ماأبغى منكم إلا حضوركم وبس!!تعتقدون ليش؟؟مو كأنها مستعرة مننا؟لا ياحبيبات قلبي حِنا صديقاتها وأنا أرفض إنه وجودنا يكون مهمش!لازم نشاركها من غير مانخرب عليها!!!
أفنان:يعني بتنزفين قبلها؟؟
رانية:لاياعيوني أبي أنزَّف قدامها عشان تشوفني زين!!وأرتز جنبها في الكوشة!!!
اسمهان:بس أنا من رأيي تعطين أهلها خبر عشان مايزعلون!!
رانية:بأقول لهم بس مو الحين..هالحين بأروح للطقاقة وأقول لها اش الزفة اللي أبيها تزفني عليها....
ورجعت رانية وقاموا يدردشون ويسولفون سوى ويتذكرون المواقف الحلوة اللي حصلت بينهم زمان...
نجلاء:اش رايكم الحين نروح لمرام نسلم عليها؟؟
الشلة:موافقين...
ولما وصلوا لباب غرفتها كانت أختها الكبيرة ماجدة(صاحبة المشغل) خارجة من عندها...
رانية:ممكن ندخل نسلم على مرام؟؟
ماجدة:سامحوني ياجماعة بس مرام من الأول أعطتني تعليمات بأني ماأخلي أحد يدخل عليها!!!
نجلاء:بس إحنا أعز صاحباتها أكيد بتفرح لوجودنا..
ماجدة:هي بالذات وصتني إني ماأخلي أحد من صاحباتها يدخل عندها..تقول لكم بتقابلكم على المنصة ان شاء الله!
وراحت ماجدة.....
رانية:شايفين ياحلوات؟صاحبتكم المخلصة مدري اشفيها منقلبة علينا؟بالله هذا كلام؟الود ودي لو قالت لنا بوجوهنا من قبل لاتحضرون ملكتي كان أبرك!!!!
أفنان:يمكن تبغى تفاجئنا بمظهرها على المنصة وماتخرب طلتها!!
رانية:لا الصراحة مرة أقنعتيني!!
نجلاء:من جد حركة غريبة من مرام ومالها معنى!
اسمهان:خلوها على راحتها..وليش نبان قدامها ملاقيف وملاهيف على شوفتها؟...خلوا الأمور تمشي مثل ماهي تحب..حِنا جينا نستانس مو نضيق صدورنا..
ورجعوا الشلة وماحد له نفس يشارك أهل مرام بالرقص والانبساط!!!
ظلوا قاعدين يسولفون..إلى أن اقترب موعد الزفة..فتحت رانية كيس معاها وبداخله سلتين وبداخلهم ورد وقامت تركض باتجاه المدخل وأخذت شوية رمل ملون من الطاولة اللي مزينة بالمدخل وشوية حبات لؤلؤ وحطتهم بوحدة من السلات..ورجعت قعدت بكرسيها!!!
كانت طاولة الشلة ملاصقة شوي للمسيرة الطويلة اللي بتمشي عليها العروس..
وفجأة خفتت الاضاءة واشتغل شريط فيه أصوات طيور النورس وأمواج البحر..وبعدين أصوات صيادين يقولون:هيلا هيلا وكأنهم يرمون شباك الصيد بالبحر..وصوت رجل يغني موال فيه قصيدة بأسماء العروسين...مرافقة له صوت الأمواج والطيور..
وبعدها أغنية أغلى الآليء..وبدأ يطلع دخان كثيف على الأرض خارج من محارة كبيرة على بداية المسيرة وتفاجأ الحضور بخروج مرام عليهم من وسط المحارة وهي لابسة فستان مشابه لعروس البحر!ضيق من فوق ووسيع من تحت الركبة بشكل مشابه لذيل السمكة ولونه موف على ليلكي وتسريحتها مرصعة باللؤلؤ...والاكسسوار الفخم اللي لابسته كله لؤلؤ بلؤلؤ...​

رانية:ماشاء الله يامراموه خارجة علينا من محارة؟؟زين ماطلعت لنا من بطن حوت!!
الشلة:ههههههههه
وقفت رانية جنب المسيرة ومعاها سلة ورد مليانة حبات لؤلؤ ورمل وصارت تغطرف وترمي مابداخل السلة على مرام!!!اللي كانت تمشي على المسيرة بدلع وببطء شديد!!!!!
واسمهان(بهمس):رانية الهبلة؟لاتفشلينا تعالي انثبري!!
نجلاء:ههههه خليها تفش غلها شوي!
أفنان:رانية تعالي اجلسي ياويلك من مرام!
رانية:يمه خرعتيني!!واش بتسوي لي هالمرام يعني؟؟بتصيدني بـ سنارة؟ ولابترميني للسمك ياكلني؟!!!
وظلت مرام تمشي الهوينة لين ماوصلت للكوشة وجلست..وبعدها بشوي خرجوا الشلة لمدخل القاعة ومع أفنان واسمهان سلات الورد اللي جايبتهم رانية..ووقفت نجلاء بالأول ووراها رانية وورا رانية اسمهان وأفنان..
وقامت الطقاقة تطق الزفة اللي رانية طلبتها ودخلت نجلاء على الحضور وقالت بعالي الصوت:ألف الصلاة والسلام عليك ياحبيب الله محمد لللللللللللللوش!!!!!!
وصارت رانية ماشية ووراها اسمهان وأفنان يرشون عليها ورد...
ومرام متفاجئة من المنظر..نادت مرام أمها وقالت(بزعل):يمه ليش خليتوها تنزف؟؟
أم مرام:عيب يابنتي نقول لها لا!حتى هي عروس وتبي تفرح..
مرام:فرحتها سوتها بيوم ملكتها خلاص لازم تجي وتنشب لي هنا بعد؟!!أف!
صاروا الناس يتسائلون:من هي هذي؟
حتى أم رانية صارت تضحك وهي بمكانها ماهي دارية اش السالفة!!!!
وجلست رانية أخيراً بالكرسي اللي جنب مرام وقالت:مبروك ياعروس!
مرام:والله مدري مين فينا اللي عروس؟
قاموا أفنان واسمهان ونجلاء يسلمون على مرام...
مرام:أنا يارنو..ترمين علي تراب ولؤلؤ؟؟
رانية:بعد انتي لابسة لي عروس بحر واش تبين أرمي عليك؟سمك وصدف؟
قعدت مرام متضايقة ......والشلة يرقصون قدامها..وسحبوها ترقص معاهم لكنها رفضت..
وطلعوا أهل عبدالرحمن وأقاربه يسلمون عليها وهي تسلم...ولما شافت مرام أم عبدالرحمن قامت تبوس راسها ويدها..وتكلمها بشوق!
رانية(بهمس)لاسمهان:يقطع أبوالنفاق ياشيخة!!أتحداها قد حبَّت راس ويد أمها وأبوها!!!!
وقفت مرام جنب العربية المكلفة وتصورت كم صورة...
وجابوا عاملات القصر تورتة ضخمة فيها أدوار كثيرة قطعتها مرام...
وأخذت نجلاء قطعة من الكيكة و حشتها في فم مرام!زعلت مرام وقالت:مصاخة!!
وأما نجلاء ورانية قاموا يستهبلون على الكوشة ويرقصون رقص فانتازي وماله أي علاقة بالطق ويسوون حركات صبيانية لأبعد درجة..لدرجة انه أم رانية أرسلت روان الصغيرة لأختها رانية وطلعت روان وسحبت رانية من ملابسها وقالت:ماما تقول لك ياقليلة الأدب انزلي!!!!
رانية:أقول تعالي!!!!
وسحبت رانية أختها روان وشالتها ورقصت بها على المنصة وروان تضحك..وفي الأخير رمتها على مرام!!
نزلَّت مرام البنت الصغيرة من حضنها وقالت:وش هالمسخرة؟؟؟يمه!!!
وأقبلت أم مرام:نعم؟؟
مرام:خلاص أبي أدخل داخل وخلي أهل العريس يكلمونه عشان يلبسني الطقم!!!
وبالفعل نقلوا العاملات العربية لغرفة العروس وجاء عريسها وجلس معاها وأمه وأخته وخالته وعماته معاه بالغرفة وأم مرام..وسط مباركات الجميع..
خرجوا الجميع..وبقي عبدالرحيم مع مرام...
ظل يتأملها وهي ساكتة ماتنطق!!
عبدالرحيم:أول كلمة ودي أقولها لك(ماشاء الله تبارك الله)أحلى مماتخيلتك بكثير.....
ومرام ساكتة...
عبدالرحيم:تتذكرين أول مرة شفتك فيها؟؟
مرام:ايه وأنا نازلة من الدرج!!
عبدالرحيم:أي درج؟؟أنا قصدت بيوم الشوفة!!!!
مرام

:ايه أتذكر..
عبدالرحيم:من يومها وصورتك ماغابت عن بالي!!
=================​

 

[جيانة]

انا ا جي من الدواااااااااااااااااااااام طيران ع النت
افتح المفضلة
واشوف فيه حاجة ولا لا ياست ياجيانة
والحمدلله لقيت جزء طازة تغديت عليه
يله شهلي يا اختي ربنا يفتحها في وشك ( وجهك) وينور دربك يارب يا كريم
ياجيانة يخلي لك عيالك وجوزك
انا بصير طماعة ياعسولة وعاوزة جزء احلي عليه بعد العشاء
يله عنك من هنا لحد العشاء
يمكن اروح اليوم بعد العصرالجنادرية انا والعيال نمر عليك ايوه ياقمر نسيت انت في جدة ام الرخاء والشدة
تدرين يا جيونة حاسة ان عبير بتصير لها احداث مع عيال خالها
بسم الله عليك!!!!فعلاً هذا اللي بيصير!!
واحس انه بتكون فيه مفاجأت من زمان عن الاكشن
يله اخليك يا جيانة النجمة الساطعة دائما وسوف تظل ساطعة ربي يخليها

شكراً ياقمر على كلامك الحلو ومتابعتك

 

[جيانة]

قمة الابداااااااااااااااااااااااااااااااااااع
يعطيك العافيه جيونه ياقمر

الله يعافيك يارب

 

[جيانة]

مشكووورة على هذا الجزء الممتع

بارك الله فيك ورعاك وزادك ابداع وتألق ورقي

دمتي بهناء

العفو حبيبتي

 

[جيانة]

جزء جميييييييييييييييييييييييييييييل و راااااائع
اممم
اتوقع الشله بعملو عماااااااااااااايل و مرام بتزعل جداااااااا
و تاخذها اسمهان على محمل الجمد بحكم انها سلفتها


خخخخخ كاني اخرف صووح

تخريفك نُصه صح!!

 

[جيانة]

والله انك احلى من العسل والسكر
ماشاء الله عليكى ربي يسعدك ويحفظ لك زوجك واولادك
وتشوفى السعادة الابدية​

وهدى باقة ورد منى انا نورة لاحلى جيونة عسولة​

بارك الله فيكى يااحلى جيونة​

انتظرك..................​

شكراً على الباقة الحلوة مثلك

 

[جيانة]

جيانه..اشكرك على أبداعك الاكثر من رائع..
والحين ابد بالعامي مشكورة على الضحك والفرفشة اللي ترسمينها على ويوهنا وتصدقين ولدي عمره سنه واسبوعين كل ما شافني فاطسة ضحك يقعد يضحك ...

الله يحفظكم ولايحرمكم الضحكة الحلوة

 

[جيانة]

حبيت اجرب بس التوقيع يطلع ولا لأ

لا مايطلع

 

[ام غلاوي2]

يعطيكي الف عافية والله تعبتك معايا يا جيونة

 

[جيانة]

شكرا يا جييونه على القصه الرئعه والى الأمام دوما

جزاك الله خير

 

[جيانة]

مشكوره على القصه الحلوه زي صاحبتها
كاني متابعه برنامج استنى بكره يجي عشان
اشوفه
وانا استناكي عشان اشوف قصتك

على الرحب والسعة